Սարգսեան Հանդիպեցաւ Յորդանանի Հայ Համայնքին Ներկայացուցիչներուն Հետ

1124Amman

1124Amman

ԵՐԵՒԱՆ, «Արմէնփրէս».- Աշխատանքային այցելութեամբ  Յորդանան գտնուող Հայաստանի Հանրապետութեան նախագահ Արմէն Սարգսեան մայրաքաղաք Ամմանի մէջ հանդիպում ունեցաւ Յորդանանի հայ համայնքի ներկայացուցիչներու հետ։

Անդրադառնալով այցելութեան ընթացքին ունեցած հանդիպումներուն՝ Հայաստանի նախագահը յայտնեց, որ հանդիպումներուն առանցքը եղած են համագործակցութեան խորացման հարցերը:

Պատասխանելով հայ համայնքի ներկայացուցիչներու հարցումներուն` Սարգսեան անդրադարձաւ  Հայաստանի մէջ ստեղծուած իրավիճակէն դուրս գալու ելքերուն՝ կարեւոր համրելով ճգնաժամը սահմանադրական ճամբով հանգուցալուծելը: Խօսելով արտահերթ խորհրդարանական ընտրութիւններ իրականացնելու եւ ազգային համաձայնութեան կառավարութիւն ձեւաւորելու իր ներկայացուցած առաջարկներուն մասին` նախագահը ընդգծեց, որ խորհրդարանական երկիրներու մէջ ճգնաժամէն դուրս գալու ճանապարհը միշտ եղած են արտահերթ ընտրութիւնները: Ազգային համաձայնութեան կառավարութեան ձեւաւորման գաղափարը նոյնպէս նոր չէ: «Ցանկացած այսպիսի իրավիճակում, երբ մեծ դժուարութիւններ կան, դրանք յաղթահարելու մէկ ճանապարհ կայ՝ միասնութիւնը։ Իմ առաջարկութիւնը հէնց դա է, որ իշխանութիւնը եւ ընդդիմութիւնը երկխօսեն, դրա համար կարող են գալ նախագահի մօտ», եզրակացուց ան:

Ան նաեւ տեղեկացուց, որ Յորդանանի թագաւորը պիտի աջակցի հայ-յորդանանեան բարեկամութիւնը խորհրդանող եւ երկրին մէջ հայոց պատմության շարունակականութիւնը ապահովող՝ Սուրբ Կարապետ Հայց. առաքելական եկեղեցւոյ կարուցումը ամբողջացնելու ջանքերուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top