Արցախցիները Դրմբոնի Ճանապարհը Փակեցին

0119trmpon

0119trmpon

ԵՐԵՒԱՆ, «Երկիր»․- Հայաստանը Արցախին կապող երկրորդ՝ Վարդենիս–Մարտակերտ (Քարվաճառով) ճանապարհին՝ Արցախի Դրմբոն գիւղի մօտակայքը, արցախցիները 18 Յունուարին բողոքի ցոյց կատարեցին եւ ճանապարհը փակեցին՝ պահանջելով ռուս խաղաղապահներէն՝ ապահովել Արցախէն Վարդենիս երկարող ճանապարհով բնակչութեան ապահով տեղաշարժը։

Գիւղացիները նշեցին, որ 10 Նոյեմբերի եռակողմ յայտարարութեան մէջ յստակօրէն նշուած է հաղորդակցութիւններու ապաշրջափակման մասին, սակայն դէպի Վարդենիս ճանապարհը փակ է. ատրպէյճանցիները ազատօրէն կը տեղաշարժին Արցախի տարածքին մէջ, իսկ հայ բնակչութիւնը չի կրնար անոնց ենթակայութեան տակ յայտնուած տարածքով երթեւեկել։

Քաղաքացիները դիմում մը յանձնեցին ռուս խաղաղապահ առաքելութեան ներկայացուցիչին՝ խաղաղապահներու հրամանատար Ռուստամ Մուրատովին փոխանցելու համար։

Ցոյցին մասնակցողներէն մէկը յայտնեց, որ հարազատներուն տեսակցելու համար նախապէս կը կտրէին 90 քմ․ իսկ այժմ ստիպուած են 500 քմ․ ճանապարհով անցնիլ։

Քաղաքացիները նաեւ բողոքեցին ատրպէյճանցիներու ծաղրական կեցուածքէն, ամէն անգամ երբ անոնք այդ ճանապարներէն կ՛անցնին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top