Մենետեզ Քննադատեց Արացխի Պատրազմին Մէջ Թուրքիոյ Դերը Եւ Ցեղասպանութեան Ճանաչում Պահանջեց

0120Menendez
0120Menendez

Ռապըրթ Մենենտեզ

ՈՒԱՇԻՆԿԹԸՆ.- Ամերիկայի Հայ Դատի յանձնախումբը կը հաղորդէ, թէ 19 Յունուարին, երկրին յաջորդ արտաքին գործոց նախարար նշանակուած Էնթընի Պլինքընը հարցաքննելու ընթացքին, Ծերակոյտի Արտաքին յարաբերութիւններու յանձնախումբի ատենապետ Ռապըրթ Մենենտեզ դատապարտեց Արցախի վրայ ատրպէյճանական յարձակումին մէջ Թուրքիոյ սադրիչ գործողութիւնները եւ Պաքուն զինելու Անգարայի անպատասխանատու քայլերը։ Ան նաեւ դատապարտեց Ատրպէյճանի պատերազմական ոճիրները:

Մենենտեզ յիշեցուց Անգարայի ապակայունացնող քաղաքականութիւնը՝ Սուրիայէն մինչեւ Լիպիա եւ Արցախ, ինչպէս նաեւ լրագրողներու եւ իրաւանց պաշտպաններու շարունակուող քրէական հետապնդումները Թուրքիոյ մէջ:

0120Blinken

Էնթընի Պլինքըն

Ծերակուտականը ցաւ յայտնեց, որ Թրամփի անպատասխանատու կեցուածքին հետեւանքով, Անգարա ազատօրէն շարունակեց իր արարքները՝ վնասներ պատճառելով իր դրացիներուն:

«Շատ յստակ կը տեսնենք, որ դաշնակից Թուրքիան բազմաթիւ հարցերու մէջ, ինչպէս նշեցիք, չի գործեր այնպէս, ինչպէս պէտք է: Այս մէկը շատ լուրջ մարտահրաւէր է մեզի համար, եւ մենք շատ յստակ կը գիտակցինք անոր», վստահեցուց Պլինքըն, անընդունելի համարելով Թուրքիան «ռազմավարական դաշնակից» անուանել, «երբ մեր ռազմավարական դաշնակիցը կը գործակցի մեր գլխաւոր ռազմավարական մրցակիցին` Ռուսիոյ հետ»:

Մենենտեզ նաեւ կոչ ըրաւ Պայտընի վարչակազմին, որ յստակօրէն ճանչնայ Հայոց Ցեղասպանութիւնը, հետեւելով Քոնկրեսի օրինակին։

Ամերիկայի Հայ Դատի յանձնախումբի գործադիր վարիչ Արամ Համբարեան ողջունեց Մենետեզի հարցապնդումը։

Տեսանթիւը դիտելու համար այցելել https://youtu.be/69dknkAiD3c կայքէջը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top