ԵԱՀԿի, ՆԱԹՕի Եւ Եւրոպական Խորհուրդի Յայտարարութիւնները Հայաստանեան Իրադարձութիւններուն Մասին

0226OSCE

0226OSCE

ԵՐԵՒԱՆ, «Սփութնիք Արմէնիա», «Ազատութիւն».- ԵԱՀԿի նախագահ, Շուէտի արտաքին գործոց նախարար Անն Լինտէ մտահոգ է Հայաստանի մէջ տեղի ունեցող վերջին իրադարձութիւններով: «Բոլոր կողմերուն կոչ կ՛ուղղեմ՝ գործելու խաղաղ կերպով, յարգելով ԵԱՀԿի յանձնառութիւններու շրջանակին մէջ ամրագրուած ժողովրդավարական հոլովոյթները եւ օրէնքի գերակայութիւնը: Իրավիճակը պէտք է հանդարտի առանց բռնութեան», ըսաւ Լինտէ:

0226natoԻր կարգին, ՆԱԹՕի պաշտօնական ներկայացուցիչ Օանա Լունկեսքու «Թուիթըր»ի իր էջին վրայ կ՛ընդգծէ, որ տարակարծութիւնները պէտք է լուծուին սահմանադրութեան ծիրին մէջ եւ խաղաղ ճամբով: Ան կողմերուն կոչ ըրաւ՝ զերծ մնալու արտայայտութիւններէ եւ գործողութիւններէ, որոնք կրնան լարուածութիւնը աւելիով սրել: «Որեւէ քաղաքական տարակարծութիւն պէտք է լուծուի խաղաղ եւ ժողովրդավարական ճամբով` Հայաստանի սահմանադրութեան համապատասխան», եզրակացուց ան:

Նաեւ, Եւրոպայի խորհուրդի գլխաւոր քարտուղար Մարիա Փէյչինովիչ Պուրիչ Հայաստանի բոլոր կողմերուն «զսպուածութեան, հանդարտութեան ու պատասխանատուութեան» կոչ կատարեց՝ աւելցնելով, որ բոլոր քաղաքական տարալարծութիւնները պէտք է լուծուին խաղաղ միջոցներով, բանակցութիւններու սեղանին շուրջ` «հասարակութեան քաղաքացիական ներկայացուցիչներու մասնակցութեամբ եւ ժողովրդավարութեան եւ օրէնքի գերակայութեան սկզբունքներուն համապատասխան»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top