Նախագահը Հանդիպում Ունեցաւ «Հայրենիքի Փրկութեան Շարժում»ի Ներկայացուցիչներուն Հետ

49136_b

49136_b

ԵՐԵՒԱՆ, «Արմէնփրէս».- Հանրապետութեան նախագահ Արմէն Սարգսեան 26 Փետրուարին հանդիպում ունեցաւ «Հայրենիքի փրկութեան շարժում»ի ղեկավարներուն` շարժման կողմէ վարչապետի միասնական թեկնածու Վազգէն Մանուկեանի, Արթուր Վանեցեանի, Վահրամ Բաղդասարեանի եւ Արծուիկ Մինասեանի հետ:

Հանդիպումին ընթացքին միտքեր փոխանակուեցան երկրին մէջ ստեղծուած ճգնաժամային իրավիճակին շուրջ: Քննարկուեցան լարուածութեան թուլացման եւ իրավիճակի խաղաղ հանգուցալուծման ուղիներուն վերաբերող հարցեր:

Ընդդիմադիր ուժերու ներկայացուցիչները Հանրապետութեան նախագահին ներկայացուցին իրենց մօտեցումները եւ տեսակէտները:

Անկէ առաջ, օրուան ընթացքին նախագահ Սարգսեան հանդիպումներ ունեցաւ նաեւ Հայաստանի Հանրապետութեան Ազգային ժողովի նախագահ Արարատ Միրզոյեանի, Ազգային ժողովի «Իմ Քայլը» խմբակցութեան ղեկավար Լիլիթ Մակունցի, «Լուսաւոր Հայաստան» խմբակցութեան ղեկավար էտմոն Մարուքեանի եւ «Բարգաւաճ Հայաստան» խմբակցութեան քարտուղար Արման Աբովեանի հետ:

Խորհրդարանական ուժերու ներկայացուցիչները Հանրապետութեան նախագահին ներկայացուցին իրենց մօտեցումները եւ տեսակէտները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top