Բոլոր Հայ Գերիները Անյապաղ Ազատ Արձակելու Կոչ՝ Եւրոպական ՄԻՊէն

0303Sergel
0303Sergel

Ժոզէֆ Սիկելէյ

ԵՐԵՒԱՆ.- Եւրոպական Մարդկային իրաւունքներու պաշտպանի (ՄԻՊ) գրասենեակի ընդհանուր քարտուղար Ժոզէֆ Սիկելէյ յայտարարութիւն տարածեց Ատրպէյճանի մէջ պահուող հայկական կողմի գերիները անյապաղ ազատ արձակելու վերաբերեալ, կը տեղեկացնէ Հայաստանի ՄԻՊ Արման Թաթոյեան։

«Կոչ կ՛ընեմ Ատրպէյճանին՝ անյապաղ ազատ արձակելու Լեռնային Ղարաբաղի վերջին հակամարտութեան հետեւանքով Ատրպէյճանի մէջ գերութեան մէջ պահուող բոլոր հայ ռազմագերիներն ու քաղաքացիական անձերը: Զինուած հակամարտութեան հետեւանքով բանտարկուածները պէտք է վերադարձուին ռազմական գործողութիւններու աւարտէն անմիջապէս ետք, առանց որեւէ նախապայմանի:

Ատիկա պէտք է դիտարկուի բացառապէս մարդու իրաւունքներու եւ մարդասիրական գործընթացի ծիրէն ներս՝ իբրեւ ինքնաշխատ գործողութեան միջազգային պահանջ:

Հայ ռազմագերիներու եւ քաղաքացիական անձանց վերադարձի ձգձգումները կը խաթարեն մարդկային արժանապատւութիւնը եւ լրջօրէն կը խախտեն Ժընեւեան համաձայնագրերով երաշխաւորուած հիմնարար պահանջները: Ասիկա կոպտօրէն կը խախտէ յետպատերազմական փուլի մարդասիրական գործընթացն ու մարդու իրաւունքները երաշխաւորող միջազգային իրաւագրերը:

Գերիները ազատ արձակելը եւ անոնց անվտանգ վերադարձը կը պահանջեն անյապաղ լուծում», կ՛ըսուի Ժոզէֆ Սիկելէյի յայտարարութեան մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top