Միացեալ Նահանգներու Մէջ Երրորդ Պատուաստը Վաւերացուցաւ

FILE PHOTO: Vials with a sticker reading, "COVID-19 / Coronavirus vaccine / Injection only" and a medical syringe are seen in front of a displayed Johnson & Johnson logo in this illustration taken October 31, 2020. REUTERS/Dado Ruvic/Illustration

FILE PHOTO: Vials with a sticker reading, "COVID-19 / Coronavirus vaccine / Injection only" and a medical syringe are seen in front of a displayed Johnson & Johnson logo in this illustration taken October 31, 2020. REUTERS/Dado Ruvic/Illustration

ՆԵՐԿԱՅԱՑՈՒՑԻՉՆԵՐՈՒ ՏՈՒՆԸ ՎԱՒՐԱՑՈՒՑ ՏՆՏՍՈՒԹԻՒՆԸ ԽԹԱՆԵԼՈՒ 1.9 ՄԻԼԻԱՌ ՏՈԼԱՐԻ ԲԱՆԱՁԵՒԸ

ՈՒԱՇԻՆԿԹԸՆ, «Էյ.Պի.Սի.».- Միացեալ Նահանգներու առողջապահութեան մարմինները շաբաթավերջին վաւերացուցին «Քորոնա» ժահրին տարածումը զսպող երրորդ պատուաստը։

Նորագոյն պատուաստը արտադրուած է «Ճանսըն էնտ Ճանսըն» ընկերութեան կողմէ եւ յատկանշական է, որ անիկա մէկ սրսկումով կը մատուցուի եւ կարիքը չունի պահուելու գերպաղ պայմաններու մէջ։

Այս առաւելութեան փոխարէն, նոր պատուաստը նուազ համեմատոuթեամբ (մօտաւորապէս 67 տոկոս) կարողութիւնը ունի զսպելու հիւանդութեան յառաջացումը, սակայն նախորդներուն նման համեմատութեամբ կրնայ զսպել ծանր հիւանդութեան յառաջացումը, առաջքը առնելով հիւանդանոցային դարմանումներուն։

Միւս կողմէ, Ներկայացուցիչներու տունը Շաբաթ օր վաւերացուց տնտեսութիւնը խթնաելու եւ համաճարակէն տուժած քաղաքացիներուն աջակցելու նպատակով նախագահ Ճօ Պայտընի առաջադրած 1.9 եռիլիոն տոլարի բանաձեւը, միայն դեմոկրատ քոնկրեսականներու քուէներով։

Քաղաքացիներուն 1400 տոլարական ուղղակի աջակցութեան կողքին, բանաձեւը կ՛երկարաձգէ անգործներուն դաշնակցային աջակցութիւնը եւ յաւելեալ գումարներ կը տրամադրէ նահանգաներուն եւ տեղական իշխանութիւններուն, ինչպէս նաեւ համաճարակին դէմ պայքարին եւ վարժարանները վերաբանալու ջանքերուն։

Նշենք, որ բանաձեւը այժմ պէտք է քուէարկութեան դրուի Ծերակոյտին մէջ, որպէսզի անիկա դառնայ օրէնք եւ գործադրուի։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top