Ռուսիա, Իրան Եւ Սուրիա Դատապարտեցին Սուրիոյ Մէջ Ամերիկեան Յարձակումը

0303syr

0303syr

ՈՒԱՇԻՆԿԹԸՆ, «Ռոյթըրզ».- Միացեալ Նահանգներու պաշտպանութեան նախարարութիւնը յայտնեց, որ ամերիկեան բանակը արեւելեան Սուրիոյ մէջ Իրանի աջակցութիւնը վայելող զինեալ խմբաւորումներու կողմէ օգտագործուող ենթակառոյցներու դէմ օդային հարուած հասցուց անցեալ շաբաթ:

«Այս հարուածներուն արտօնութիւն տրուեցաւ՝ իբրեւ պատասխան Իրաքի մէջ ամերիկեան ուժերու եւ միջազգային դաշինքի անդամներուն դէմ վերջին յարձակումներուն», կ՛ըսուի նախարարութեան յայտարարութեան մէջ:

Ըստ Մարդկային իրաւանց սուրիական դիտարանին՝ ամերիկեան ռմբաձիգներու՝ Իրաքի հետ սահմանին գտնուող դիրքերու վրայ կատարած գիշերային յարձակումներուն ընթացքին իրանամէտ առնուազն 17 զինեալեալներ սպաննուեցան:

Ռուսիոյ դաշնակցային խորհուրդի Միջազգային յանձնախումբի նախագահ Քոնսթանթին Քոսաչեւ յայտարարեց, որ Սուրիոյ մէջ ամերիկեան վարմունքը կրնայ շրջանին մէջ կացութեան վատթարացման եւ Իրանի հետ հիւլէական համաձայնութեան տապալումին յանգեցնել:

Ան յայտնեց, որ Պաղտատի յարձակումին տուեալները բնաւ յստակ չեն, եւ անոր պատասխանատուն յայտնաբերելը ոչ-հաւաստի կերպով կատարուեցաւ: «Միացեալ Նահանգները անգամ մը եւս ինքիրեն իրաւունք կու տայ դատարանէն դուրս եւ առանց միջազգային օրէնքի կանոնները եւ սկզբունքները յարգելու հետաքննութիւն կատարելու, վճիռ արձակելու եւ զայն գործադրելու»:

Իրան եւ Սուրիա եւս դատապարտեցին ամերիկեան յարձակումը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top