ԹՈՒՄՕն Ջաւախքում

0305Akhalkalaki ARM

 

0305Akhalkalaki ARM

ԹՈՒՄՕի եւ Հայ Օգնութեան Միութեան Ջաւախքի միաւորի համագործակցութեան շնորհիւ ԹՈՒՄՕի կրթական ծրագիրը շուտով կը գործի Վրաստանի Ախալքալաք քաղաքում:

Ախալքալաքի պատանիները կ՛ապահովուեն անվճար նորարարական կրթութեամբ ու անհրաժեշտ սարքաւորումներով` ինքնուսուցումն անելով տեղում, իսկ դասընթացներն ու աշխատարանները՝ ԹՈՒՄՕ Գիւմրիում: Այստեղ կը գործի ԹՈՒՄՕի ամբողջական կրթական փորձառութիւնը. ուսանողները կը ծանօթանան 14 կրթական ոլորտներին` մարդամեքենայի շինութիւնից մինչեւ շարժանկարների պատրաստութիւն: Դասընթացների փուլում նրանց հետ կ՛աշխատեն ԹՈՒՄՕի մասնագէտները` ապահովելով կրթութեան նոյն որակը, ինչպէս բոլոր կենտրոններում: ԹՈՒՄՕի ծրագիրը ախալքալաքցի պատանիների համար հասանելի է լինելու հայերէնով եւ անգլերէնով: Սկզբնական շրջանում ուսմանը կը կարողանայ մասնակցել 160 պատանի:

Մօտակայ շաբաթների ընթացքում կ՛աւարտուեն տարածքի վերանորոգման եւ արհեստագիտութեան ապահովման աշխատանքները, իսկ գրանցման եւ առաջին դասերի մեկնարկը կը տրուի Ապրիլին:

1910ին հիմնադրուած Հայ Օգնութեան Միութիւնը անկախ, միջազգային, բարեգործական կազմակերպութիւն է, որը զբաղւում է հայերի եւ ոչ-հայերի մարդասիրական, ընկերային եւ կրթական կարիքներով: ՀՕՄը գործում է 27 երկրում` աջակցութիւն ցուցաբերելով տեղական ու միջազգային համայնքներին:

ԹՈՒՄՕ ստեղծարար արհեստագիտութեանց կենտրոնը 12-18 տարեկան պատանիների համար նախատեսուած անվճար կրթական ծրագիր է, որը մասնագիտացուած է ձեւաւորման եւ արհեստագիտութեան ոլորտներում: Հայաստանում ծրագիրը գործում է Երեւան, Դիլիջան, Գիւմրի, Ստեփանակերտ, Բերդ եւ Գաւառ քաղաքներում: Վերջին տարիներին գործարկուել է հինգ միջազգային կենտրոն` Փարիզում, Բեռլինում, Մոսկուայում, Տիրանայում եւ Բէյրութում:

 

(Հաղորդագրութիւնը՝ ԹՈՒՄՕէն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top