Ռուսիոյ Դէմ Ամերիկեան Եւ Եւրոպական Պատժամիջոցները «Կատաղի Ռուսատեացութիւն» Կը Նկատուի

0305zakh

0305zakh

 

ՄՈՍԿՈՒԱ, «Իզվեսթիա».- Եւրոպական Միութեան եւ Միացեալ Նահանգներու գործընկերութիւնը հիմնուած է «կատաղի ռուսատեացութեան» վրայ: «Ռուսիոյ դէմ պատժամիջոցներ հաստատելով` Պրիւքսել եւ Ուաշինկթըն կ՛ուզեն ուշադրութիւնը շեղել իրենց սեփական հարցերէն», յայտարարեց Ռուսիոյ արտաքին գործոց նախարարութեան բանբեր Մարիա Զախարովա:

Ակնարկելով Եւրոպական Միութեան հետ դաշինքներուն, ան աւելցուց. «Դաշինքները պէտք է ուղղուած ըլլան կառուցողական, դրական հարցերու լուծման եւ ոչ թէ հողմաղացներու հետ անվերջ պայքարին»:

Զախարովա նշեց, որ Միացեալ Նահանգներու նպատակն է՝ ստեղծել այնպիսի պատկեր մը, որ իրեն պիտի արտօնէ ինքզինք կոչել «քիմիական զինաթափման ոլորտին մէջ արդարութեան մարտիկ»:

Ըստ անոր, Միացեալ Նահանգները այժմ կը փորձէ Եւրոպական Միութեան հետ կապերը ամրապնդել եւ այդ արշաւին մէկ մասնիկը դարձուցած է հակառուսական նոր պատժամիջոցները:

Յիշեցնենք, որ Եւրոպական Միութիւնը եւ Միացեալ Նահանգներու ելեւմուտքի նախարարութիւնը ռուս ընդդիմադիր գործիչ Ալեքսէյ Նաւալնիի շուրջ ստեղծուած իրավիճակին գծով ռուս պաշտօնատարներու եւ ռուսական կազմակերպութիւններու դէմ պատժամիջոցներ յայտարարած էին:

Քրեմլինը յայտնեց, որ Ռուսիոյ դէմ ամերիկեան պատժամիջոցներու հաստատումը երկկողմանի յարաբերութիւններուն վրայ «քանդող ազդեցութիւն պիտի ունենայ»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top