Հայկական Կողմին Փոխանցուեցաւ Նահատակի Մը Աճիւնը Եւս

0408Ajun

0408Ajun

ԵՐԵՒԱՆ, «Ազատութիւն».- Ատրպէյճանական կողմը Վարանդայի (Ֆիզուլի) շրջանին մէջ հայկական կողմին փոխանցեց նահատակի մը աճիւնը եւս։ Այս մասին յայտնեց Արցախի ներքին գործոց նախարարութեան Արտակարգ իրավիճակներու պետական ծառայութիւնը:

Նախնական տուեալներու համաձայն՝ վերջինս ռազմական գործողութիւններու մասնակցողներէն է (բանակի զինուոր, կամաւորական կամ պահեստազօրային): Անոր ինքնութիւնը պարզելու համար պիտի կատարուի դատաբժշկական փորձաքննութիւն:

Հաղորդուեցաւ նաեւ, որ Ջրականի (Ջաբրայիլ) շրջանին մէջ, 8 Ապրիլին իրականացուած որոնումները դարձեալ ապարդիւն եղած են:

Զինադադարէն ետք Արցախի վերահսկողութենէն դուրս գտնուող տարածքներէն յայտնաբերուած կամ փոխանցուած են ընդհանուր 1530 աճիւններ, նախնական տուեալներով` 27ն քաղաքացիներու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top