ԱՐԺԱՆԹԻՆ ԵՒ ՌՈՒՍԻԱ ԱՊԱՀՈՎԵՑԻՆ «ՏԷՅՎԻՍ» ԲԱԺԱԿԻ ԱՒԱՐՏԱԿԱՆԻ ՏՈՄՍԵՐԸ

ԼՈՆՏՈՆ, «Ռոյթըրզ».- Անցնող շաբաթավերջին տեղի ունեցան թենիսի խմբային «Տէյվիս» բաժակի կիսաւարտական հանգրուանի մրցումները։ Արժանթին հիւրընկալեց Աւստրալիան, իսկ Ռուսիա՝ Միացեալ Նահանգները։

Աշխարհի մէջ 4րդ դասուած արժանթինահայ Դաւիթ Նալպանտեան եւ Հոզէ Աքասիւսօ անհատական մրցումներուն յաջորդաբար պարտութեան մատնեցին Մարք Ֆիլիփուսիսը եւ Լէյթըն Հիւիթը։ Զոյգի մրցումներուն եւս Նալպանտեան եւ Օկուսթին Քալերի յաղթանակ մը արձանագրեցին, 1981էն ետք առաջին անգամ ըլլալով ապահովելով աւարտականի տոմսը:

Նշենք, որ այս մրցաշարքին ցարդ իր կատարած տասը մրցումներուն ալ Նալպանտեան բոլորէն ալ յաղթական դուրս եկաւ։

Աւարտականին, որ տեղի պիտի ունենայ յառաջիկայ 1էն 3 Դեկտեմբերին, Արժանթին Մոսկուայի մէջ հիւրը պիտի ըլլայ Ռուսիոյ, որ իր տոմսը ապահովեց 3-2 արդիւնքով պարտութեան մատնելով Միացեալ Նահանգները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top