ԱՆՍԱԼՈՎ ԷՐՏՈՂԱՆԻ ԿՈՉԻՆ Թրքախօս Երկիրներու Համաժողովը Հայաստանի Կոչ Կ’ընէ Պարպելու «Գրաւեալ Տարածքները»

ԱՆԹԱԼԻԱ, «Ռոյթըրզ».- Թրքախօս երկիրներու 10րդ համաժողովը, որ Հինգշաբթի, Սեպտեմբեր 21ին աւարտեց իր աշխատանքը Թուրքիոյ Անթալիա քաղաքին մէջ, որոշում կայացուց Լեռնային Ղարաբաղի տագնապին վերաբերեալ։

Ընդունուած փաստաթուղթին մէջ կ՚ըսուի, որ բոլոր թրքախօս պետութիւններուն դիրքորոշումը Լեռնային Ղարաբաղի տագնապի առնչութեամբ միասնական է՝ «Հայաստան պէտք է առանց որեւէ նախապայմանի հեռանայ Ատրպէյճանի գրաւեալ տարածքներէն»։

Եթէ Հայաստան չպարպէ Ատրպէյճանի «գրաւեալ տարածքները», ապա, ըստ փաստաթուղթին, «ամբողջ թրքախօս աշխարհը պիտի համախմբէ իր ջանքերը այդ ուղղութեամբ»։

Յիշեցնենք, թէ համաժողովին բացման արարողութեան ընթացքին Թուրքիոյ վարչապետ Ռէչէփ Թայիփ Էրտողան գրաւեալ Կիպրոսի եւ Լեռնային Ղարաբաղի հարցերուն մէջ միացեալ ճակատ կազմելու կոչ ըրած էր թրքախօս երկիրներուն:

Համաժողովին ընթացքին Ատրպէյճանի նախագահ Իլհամ Ալիեւ եւս Լեռնային Ղարաբաղի հարցին մասին յայտարարեց, որ Ատրպէյճան «երբեք թոյլ պիտի չտայ հայկական երկրորդ պետութեան մը ստեղծումը իր հողերուն վրայ»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top