System of a Down-ի Անդամները Անհատական Համերգներ Կը Կազմակերպեն

Գերմանական ելեկտրոնային զանազան լրատու գործակալութիւններ կը հաղորդեն, թէ Օգոստոս 25ին, Համպուրկի մէջ հանդէս պիտի գայ հայազգի երգիչ Սերժ Թանքեանը:

2008ի Ապրիլին, ան դարձեալ Գերմանիա կը գտնուէր մենահամերգներու շարք մը իրագործելու համար: Յիշենք, թէ Թանքեանի Elect the Dead ձայնահոլովակը մաս կը կազմէ Գերմանիոյ մէջ սիրուած երգերու առաջին տասնեակին:

Օրերս, ծանօթ երգիչը համերգներ կու տայ Լոս Անճելըսի եւ Տալասի մէջ: Ապա, կը կատարուին այլ համերգներ Զուիցերիա, Պելճիքա, Պուտափէշտ, Հոլլանտա (Օգոստոս 26ին), Փարիզ (Օգոստոս 28ին), Վիսէն-Աւստրիա (Օգոստոս 29ին), եւ այլուր: Իսկ Սեպտեմբերին, համերգներ պիտի կայանան Կլասքոյի եւ Լիվերփուլի մէջ:

«System of a Down»ի երկու այլ կատարողներ՝ Տարօն Մալաքեան (պաս) եւ Ճոն Տոլմայեան (տրամս) եւրոպական շրջապտոյտ մը կազմակերպելով՝ իրենց երաժշտական անհատական գործերը կը ներկայացնեն: Համերգները նախատեսուած են կայացնել Սեպտեմբերին՝ Միլանի, Վիեննայի, Սթոքհոլմի, Օսլոյի եւ Պրիւքսէլի մէջ, Scars on Broadway-ի ծիրէն ներս:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top