Աթէնքի Մէջ «Գէորգ Գանտահարեան» Գրադարանի Բացում

ԱԹԷՆՔ.- Կիրակի, 9 Նոյեմբերին, նշուեցաւ Աթէնքի Ս. Գրիգոր Լուսաւորիչ եկեղեցւոյ հիմնադրութեան 75ամեակը։ Պատարագը մատուցեց եւ օրուան խորհուրդը փոխանցեց թեմի առաջնորդ Խորէն եպս. Տողրամաճեան։ Սրբազանին քարոզին առանցքը կը կազմէին՝ հայ ժողովուրդը, եկեղեցին եւ հայուն ստեղծագործ ոգին:

Անդրադառնալով օրուան խորհուրդին՝ ան այս տօնակատարութիւնը համարեց եկեղեցւոյ առաքելութեան տօն, աւելցնելով, որ մարդիկ հաւատացին եկեղեցւոյ կատարելիք սրբազան դերակատարութեան՝ մեր սրբութիւններու, մեր աւանդներու եւ ազգային դիմագիծի անաղարտ պահպանման առնչութեամբ։

Այնուհետեւ առաջնորդարանի սրահին մէջ տեղի ունեցաւ եկեղեցւոյ նոր գրադարանի բացում։ Գրադարանը անուանուեցաւ «Գէորգ Գանտահարեան» գրադարան՝ ի յիշատակ բազմավաստակ մեծ մանկավարժ Գէորգ Գանտահարեանին: Սրբազան հայրը խօսք առնելով՝ իր ուրախութիւնը յայտնեց, որ եկեղեցին գրադարանով մը օժտելու իր տարիներու երազը վերջապէս իրականացած է։ Ան վեր առաւ հայ ազգի մատուցող ըլլալու հանգամանքը եւ յայտնեց, թէ վերջերս Պարպարա Օսկանեանի նիւթական ներդրումով վերանորոգուեցան առաջնորդարանի կարգ մը բաժինները, իսկ Գաբրիէլ Չեմպերճեան սիրայօժար հոգաց նոր գրադարանի շինութեան ծախսերը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top