Եւրոմիութիւնը Կը Պաշտպանէ Մինսկի Խումբի Աշխատանքը

 

 ՊԱՔՈՒ, «Արմէնփրէս».- Հարաւային Կովկասի երկիրներուն մէջ Եւրոմիութեան յատուկ ներկայացուցիչ Փիթըր Սեմնեպի Երկուշաբթի օրը, Պաքու այցելութեան ընթացքին,  յայտարարած է, թէ Եւրոմիութիւնը կը պաշտպանէ ղարաբաղեան հակամարտութեան լուծումով զբաղող Մինսկի խումբի աշխատանքը:

 «Եւրոմիութիւնը կը պաշտպանէ Մինսկի խումբի աշխատանքը: Մենք պատրաստ ենք աւանդ ներդնել Ատրպէյճանի եւ Հայաստանի միջեւ վստահութեան վերականգնման եւ փոխադարձ շփումներու զարգացման ծիրէն ներս», յայտնած է Սեմնեպի: Անոր կարծիքով, այդ հարցին կապակցութեամբ կան համագործակցութեան տարբեր ոլորտներ, ուր Եւրոմիութեան աւանդը կրնայ կարեւոր դառնալ:
 «Եւրոմիութիւնը մեծ ուշադրութիւն պիտի դարձնէ այս տարածաշրջանին, Ատրպէյճանի ու անոր հարեւաններուն վրայ, եւ ատիկա արդէն դրական գործօն մըն է ինքնին», աւելցուցած է Սեմնեպի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top