Արցախի Նախագահը Տնտեսական Հարցեր Կը Քննարկէ Հայաստանի Վարչապետին Հետ

 

 

ԵՐԵՒԱՆ (Երկիր) – Հայաստանի վարչապետ Տիգրան Սարգսեան երէկ ընդունած է Լեռնային Ղարաբաղի Հանրապետութեան նախագահ Բակօ Սահակեանն ու վարչապետ Արա Յարութիւնեանը։
 ՀՀ վարչապետը կարեւոր նկատած է ՀՀ-ԼՂՀ համագործակցութիւնը եւ տնտեսական ճգնաժամի մեղմանալու ուղղութեամբ Հայաստանի Հանրապետութեան եւ Լեռնային Ղարաբաղի Հանրապետութեան կառավարութիւններու կատարած քայլերը:

 Զրոյցի ընթացքին կողմերը փոխանակած են մտքեր ԼՂ Հանրապետութեան մէջ  ընթացող տնտեսական բարեփոխումներու վերաբերեալ: ԼՂՀ նախագահը նշած է, որ հայաստանցի գործընկերներու աջակցութեամբ համատեղ ծրագրերու կազմակերպումը ձեւաւորած է արդիւնաւէտ գործակցութիւն եւ արձանագրած՝ շօշափելի արդիւնքներ:

 Նոյն օրը, ՀՀ խորհրդարանին մէջ, Լեռնային Ղարաբաղի Հանրապետութեան նախագահ Բակօ Սահակեան հանդիպում ունեցած է նաեւ  Ազգային Ժողովի նախագահ Յովիկ Աբրահամեանի հետ, որ ողջունած է վերջին շրջանին Հայաստանի եւ Արցախի օրէնսդիր մարմիններու միջեւ աշխոյժ կապերը։ Յ. Աբրահամեան կարեւոր նկատած է խորհրդարանական համագործակցութիւնը, փոխադարձ այցերու կազմակերպումը եւ մասնագիտական յանձնաժողովներու միջեւ ուղղակի կապերու զարգացումը՝ աւելցնելով, որ համագործակցութիւնը կը նպաստէ Արցախի ինքնուրոյն կառոյցներու կայացման։
 Այնուհետեւ զրուցը շարունակուած է առանձնազրոյցի տեսքով, որու ընթացքին քննարկուած են Արցախեան հիմնախնդրի կարգաւորման, ինչպէս նաեւ Հայաստանի եւ Արցախի փոխգործակցութեան վերաբերող հարցեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top