Ֆասիէ Թուրքիոյ Մէջ Քննարկած Է Ղարաբաղի Հարցը

 

 ԵՐԵՒԱՆ, «Երկիր».- ԵԱՀԿ Մինսկի խումբի ֆրանսացի համանախագահ Պեռնար Ֆասիէ Մայիս 18ին տարածաշրջանային այցելութեամբ ժամանած է Անգարա:

 Թրքական «Զաման» թերթը նշած է, որ այցելութեան շրջագիծէն ներս Ֆասիէ հանդիպած է Թուրքիոյ արտաքին գործոց նախարարի տեղակալ Էրթուղրուլեմ Ապաքանի հետ, որուն հետ Ֆասիէ կարծիքներ փոխանակած է Լեռնային Ղարաբաղի հակամարտութեան կարգաւորման գործընթացին եւ Փրակայի մէջ Հայաստանի եւ Ատրպէյճանի նախագահներու հանդիպման արդիւնքներուն մասին, ինչպէս նաեւ այս առիթով Թուրքիա հաստատած է իր աջակցութիւնը ԵԱՀԿ Մինսկի խումբի ջանքերուն:

 Ուշագրաւ է այն հանգամանքը, թէ Պաքու կատարած իր այցելութեան ընթացքին, Պ. Ֆասիէ յայտարարած էր, որ իր այցելութիւնը Թուրքիա ուղղակի առնչութիւն պիտի չունենար Լեռնային Ղարաբաղի հակամարտութեան կարգաւորման հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top