Ըստ Եովանովիչի՝ Հայաստան Արդարացի Կառավարում Չէ Ապահոված

 

 ԿԱՊԱՆ, «Ազատութիւն Ձայնասփիւռ».- Երկօրեայ աշխատանքային այցով, Մայիս 18էն 20 Սիւնիք կը գտնուէր Հայաստանի մօտ Միացեալ Նահանգներու դեսպան Մարի Եովանովիչը: Սիսիանի, Գորիսի եւ Կապանի քաղաքապետերու հետ հանդիպման ընթացքին դեսպանը ծանօթացաւ առկայ ընկերատնտեսական իրավիճակին ու քննեց մարզին մէջ իրականացուող Միացեալ Նահանգներու կառավարութեան օժանդակութեան ծրագիրները:

 Սիւնիքի մարզային կեդրոնին մէջ դեսպանը այցելեց Ամերիկեան անկիւնը, որ կը գործէ մարզային գրադարանին մէջ, նաեւ հանդիպում ունեցաւ գործարար կիներու հետ եւ այցելեց Սիւնիքի մարզի քաղաքացիական հասարակութեան զարգացման կեդրոն: Դեսպանը այցելութեան արդիւնքները ամփոփեց Ամերիկեան անկիւնին մէջ լրագրողներուն հետ կայացած ճեպազրոյցին ընթացքին:
 Դեսպանի բոլոր հանդիպումներն ու առանձնազրոյցները անցան փակ դռներու ետին:

 «Հազարամեակի մարտահրաւէրներ» հիմնադրամի բաղադրիչներէն մէկը սառեցուած է, որուն հետեւանքով գիւղական ճանապարհներու նորոգութիւնը չէ իրականացած: Այս մասին հարցումին պատասխանելով՝ դեսպանը մասնաւորապէս նշեց, որ «Հազարամեակի մարտահրաւէրներ»ը ծրագիր մըն է, որ ունի որոշակի պայմաններ, որոնց գործադրութիւնը պարտադիր է մասնակից բոլոր երկիրներուն համար:

 «Կան երեք առանձին ցուցանիշներ, որոնց համապատասխանութիւնը պիտի ապահովուի. չափանիշներից մէկը արդարացի կառավարումն է: Արդարացի կառավարման ցուցանիշների մասով Հայաստանը չի համապատասխանում, ուստի սրա հետ կապուած Միացեալ Նահանգներում մտահոգութուններ կան», ըսաւ Եովանովիչ:

 Դեսպանի համաձայն, «Հազարամեակի մարտահրաւէրներ» ծրագրին տնօրէններու խորհուրդը Յունիսի կէսին հարցը պիտի քննէ: Հակառակ ճանապարհներու վերակառուցման աշխատանքներու կասեցման, ոռոգման համակարգի, ջրանցքներու վերականգնման ու այլ մարզերու մէջ աշխատանքները կը շարունակուին, աւելցուց դեսպանը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top