Հայաստան-Թուրքիա Երկաթուղային Գիծը Գործածութեան Պատրաստ Է

 

 ԵՐԵՒԱՆ, «Արմէնփրէս».- Հայկական երկաթուղին լիովին պատրաստ է Հայաստան-Թուրքիա սահմանի բացումին, Հինգշաբթի, Յունիս 4ին տեղի ունեցած մամլոյ ասուլիսի մը ընթացքին յայտնեց Հայկական երկաթուղիի հաւատարմագրային կառավարումը ստանձնած Հարաւկովկասեան երկաթուղի ընկերութեան գլխաւոր տնօրէն Շեւքէթ Շայտուլինը՝ նշելով, որ այս ուղղութեամբ կ՛իրականացուին արդիականացման աշխատանքներ:

 «Հայաստանի եւ Թուրքիոյ միջեւ երկաթուղային հաղորդակցութիւնը պատրաստ ենք վերականգնելու: Այսօր արդէն կայ յստակ ծրագիր, որով կ՛իրականացուին աշխատանքները եւ կը մշակուի նախագիծ: Սահմանակից Ախուրեան կայարանի արդիականացման ուղղութեամբ համապատասխան քայլեր կ՛իրականացուին», աւելցուց ան:

 Շայտուլին վստահեցուց, որ սահմանի բացման պարագային, երկաթուղային փոխադրումներ իրականացնելու հարցով խնդիրներ ընդհանրապէս պիտի չյառաջանան: Այս ուղղութեամբ ընկերութիւնը կը նախատեսէ իրականացնել շուրջ 900 միլիոն ռուբլի արժող ներդրում:
 Ան աւելցուց, թէ Հարաւկովկասեան երկաթուղին նաեւ պատրաստ է մասնակցելու Իրան-Հայաստան երկաթագծի կառուցման ծրագրին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top