Թեհրան-Երեւան Ինքնաթիռի Կործանման Պատճառը Օդաչուն Է

  ԹԵՀՐԱՆ, «Ալիք».- Իրանեան վերջին երկու օդային արկածներու մասին երկրի օդանաւային հարցով պատասխանատուները յայտարարած են, թէ Թեհրան-Երեւան եւ Թեհրան-Մաշհատ թռիչքները իրականացնող ինքնաթիռներու կործանման խնդիրով երկու ազդակներ դերակատար եղած են՝ «անյայտ գործօն» եւ «մարդկային սխալ»: Հակառակ այն իրողութեան, որ փոխադրութեան նախարարը օրեր առաջ յայտարարած էր, որ Թեհրան-Երեւան թռիչքի արկածի պատճառը եղած է օդանաւի շարժիչին մէջ առկայ մեքենայական խանգարում, երէկ, երկրի օդանաւային կազմակերպութեան թռիչքի չափանիշներու հարցով տեղակալ Ֆարամարզ Սարուարի փորձած է ապահով համարել «Թոփոլով» տեսակի օդանաւերը եւ մերժելով օդանաւի շարժիչի մեքենայական խանգարումը՝ արկածին պատճառը համարած է «անյայտ գործօն» մը, որուն բացայայտման ուղղութեամբ քննարկումները ընթացքի մէջ են:
 Ֆարամարզ Սարուարին յայտնած է, թէ «Յանկարծական կերպով օդանաւի թիւ մէկ շարժիչին մէջ խնդիր մը ծագած է, որ արագօրէն տարածուած է օդանաւի այլ բաժիններ եւ մինչեւ այսօր իրանցի ու միջազգային փորձագէտներու համար պարզ չէ այդ սկզբնական պատճառը, որովհետեւ օդանաւը երբ ուզած է բարձրանալ, յանկարծ 270 աստիճան պտոյտ կատարելով՝ կործանած է»:
 Սարուարին նաեւ ըսած է, թէ «Եթէ շարժիչի սարքի խանգարում ըլլայ, գոյութիւն ունի ազդանշան մը, որուն մասին օդաչուն կը տեղեկանայ եւ առիթ կ՛ունենայ հակակշիռի տակ առնելու խնդիրը»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top