Ըստ «Պիւկիւն»ի՝ Հայաստանի Բնակչութեան Տասը Տոկոսը Կ՛ապրի Թուրքիոյ Հաշուին

 

 ԱՆԳԱՐԱ.- Թրքական «Bugun» թերթը, իր Օգոստոս 11ի համարով անդրադարձած է Թուրքիոյ մէջ տիրող գործազրկութեան խնդիրին, չմոռնալով յիշատակել անօրինական աշխատող հայերը, որոնց թիւը կը տատանի 60-70 հազարի սահմաններուն միջեւ:
 Ներկայացնելով հայերուն թուաքանակի վերաբերեալ փաստական տուեալներ՝ թերթը կը գրէ. «Հայաստանի բնակչութիւնը 2.5-3 միլիոն է, որուն 70 հազարը Թուրքիոյ մէջ աշխատելով կը վաստակի իր հացին փողը: Եթէ հաշուենք, թէ իւրաքանչիւր աշխատող երեք կամ չորս հոգի կազմող ընտանիք կը պահէ, ապա այդ թիւը կը հասնի 210 հազարի: Ասիկա Հայաստանի համար մեծ թիւ է: Ֆրանսան, Պելճիքան, Քանատան, Հոլլանտան եւ միւսները քանի՞ ապօրինի ապրող հայու աշխատելու թոյլտուութիւն կու տան: Այս երկիրները անօրինական կերպով աշխատող հայերուն իսկոյն երկրէն դուրս կը հանեն»:
 Յօդուածագիրը յոխորտալով յայտնած է, որ հայերը Թուրքիոյ բարեկամական ձեռքը ետ կը շրջեն ու կը հրաժարին բարեկամութեան նշան հանդիսացող ֆութպոլային խաղը դիտելու համար Թուրքիա գալէ: «Կ՛ուզէք եկէք, կ՛ուզէք մի գաք, բայց անօրինական ճանապարհով Թուրքիա եկած եւ 200-300 հազար հոգիի համար հացի փող աշխատողներուն մասին իմանալով՝ պէտք է ե՛ւ գաք Թուրքիա, ե՛ւ ներողութիւն պէտք է խնդրէք», յայտնած է յօդուածագիրը՝ իր խօսքը ուղղելով Հայաստանի նախագահ Սերժ Սարգսեանին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Sona said:

    Ete angam sovats mernei, chei gna Turkia ashkhatelu.

    Shatere karogh en ararkel, aselov, vor stipvats, jarahatyal en gnatsel, Hayrenikum ashkhatank chka ev ayln, ev ayln… Nakh, togh nuin hajoghutiamb gnayin Rusastan! Ev erkrord, isk inch kasek Turkiayum hangstatsogh “aghqat” hayeri masin. Nrank el en stipvats??! Indz hamar ardaratsum chuni ayn haye, vor tsarayum kam hangstanum e turki mot. Amot irents!

*

Top