Ցեղասպանութեան Բանաձեւին Պայքարը Պիտի Շարունակուի

 ՈՒԱՇԻՆԿԹԸՆ, «Տը Հիլ».- Շաբաթ, Հոկտեմբեր 10ին ստորագրուած Հայաստան-Թուրքիա յարաբերութիւնները բնականոնացնել միտող արձանագրութիւններուն մէջ պատմական հարցեր քննող յանձնախումբի մը կազմութեան յիշատակումը քննադատուեցաւ Միացեալ Նահանգներու Քոնկրէսին մէջ Հայկական հարցերու համախմբումի համանախագահներ Ֆրէնք Փալոնի եւ Մարք Քըրքի, ինչպէս նաեւ Հայկական Ցեղասպանութեան բանաձեւի գլխաւոր հովանաւորներ Էտըմ Շիֆի եւ Ճորճ Ռատանովիչի կողմէ:
 Քոնկրէսականները շեշտեցին, թէ անոնք կը բաժնեն այս կէտին շուրջ ամերիկահայութեան մտահոգութիւնները: «Հայաստանի հետ յարաբերութիւններ հաստատելու փոխարէն՝ Թուրքիոյ պէտք չէ արտօնութիւն տրուի վերաստեղծել իր պատմութեան սեւ էջերը: Նման արտօնութիւն մը մեղսակցութիւն պիտի ըլլայ զոհերու յիշատակի անարգանքին», ըսած են անոնք:
 Քոնկրէսականները նաեւ կոչ ըրած են Միացեալ Նահանգներու արտաքին գործոց նախարար Հիլըրի Քլինթընին եւ այլ պաշտօնատարներու, որ օգտուին այս հարցերուն մէջ ամերիկահայութեան փորձառութենէն:
 Շիֆ նաեւ աւելցուցած է, որ արձանագրութեանց ստորագրութիւնը չի նշանակեր, թէ Հայկակական Ցեղասպանութեան բանաձեւին ճանաչումը ապահովելու պայքարը պիտի դադրի, եւ աւելցուց, թէ յաւելեալ քոնկրէսականներ պատրաստակամութիւն կը յայտնեն աջակցելու բանաձեւին, գիտակցելով հանդերձ, որ Թուրքիոյ իշխանութիւնները կը շարունակեն լոպպիական իրենց աշխատանքը՝ ձախողութեան մատնելու համար սոյն բանաձեւին վաւերացումը:
 Իր կարգին, Միացեալ Նահանգներու մօտ Թուրքիոյ դեսպան Նապի Սէնսոյ ազդարարեց, թէ Ցեղասպանութեան նման բանաձեւի վաւերացումը վնաս պիտի հասցնէ Հայաստան-Թուրքիա յարաբերութիւնները բնականոնացնելու աշխատանքներուն:
 Ըստ Միացեալ Նահանգներու արդարադատութեան նախարարութեան տուեալներուն, ներկայիս Թուրքիոյ ի նպաստ լոպպիական աշխատանք տանողներու շարքին են Ներկայացուցիչներու տան նախկին նախագահ Տէնիս Հէսթըրթ եւ Ներկայացուցիչներու տան դեմոկրատներու նախկին ղեկավար Ռիչըրտ Կեփհարթ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Barkev Asadourian said:

    HAY ZHOGHOVOURTIN ARZHANABADIVE VODNAKOKH YEGHAV
    VAYRENIE TAVAJANER TURKIN AROUYNE GROGH . VERCHABES
    NEBADAGIT HASSAR PROTOCOLNERE SDORAGRELOV FOOTBALLI
    KHAGHIN AAL MASNAGIS ELAAS BIDI . HAY ZHOGHOVOURTIN BADVIN
    HASHVIN 1.5 MILLION NAHADAGNEROUN HOKINEROO ARAVEL
    HRAND DINKIN VOGHPERE POLORIT GIANKE KHELE.
    TSAYRAKOON TAVAJANER BAYKARNIS HARADEV E TEBIE HAGHTANAK
    LONG LIVE ARMENIA WITHOUT YOU
    LONG LIVE ARMENIANS ALL OVER THE WORLD WITHOUT YOU

*

Top