Պուրսան Կը Պատրաստուի Դիմաւորելու Հայաստանի Նախագահը

 

 ՊՈՒՐՍԱ.- Հնարաւոր սադրանքները կանխելու եւ հայկական պատուիրակութիւնը բարձր մակարդակով հիւրընկալելու համար, թրքական իշխանութիւնները Պուրսայի մէջ տակաւին կը շարունակեն անվտանգութեան միջոցառումներ իրականացնել: Անոնց միացած է նաեւ Հայաստանի պետական պահպանութեան ծառայութեան անձնակազմը՝ ապահովելու համար Հայաստանի նախագահ Սերժ Սարգսեանի այցելութեան անվտանգութիւնը։
 Յիշեցնենք, որ Թուրքիա մեկնելու մտադրութեան մասին Հայաստանի նախագահը յայտարարած էր հայ-թրքական յարաբերութիւններու կարգաւորման միտող արձանագրութիւններէն ետք, իսկ թրքական մամուլը անոր այցը արդէն իսկ գնահատած է իբրեւ «ֆութպոլային դիւանագիտութեան» յաղթանակ:
 Անվտանգութեան միջոցառումներու ծիրէն ներս, Պուրսայի մարզադաշտին եւ յարակից տարածքին վրայ արգիլուած է այնպիսի պաստառներու տեղադրումը, որոնց բո-վանդակութիւնը կրնայ խաթարել Հայաստանի եւ Թուրքիոյ միջեւ յարաբերութիւններու կարգաւորման գործընթացը: Բազում անգամ յայտարարուած է, որ մարզադաշտին մէջ կրնան ծածանուիլ միայն Հայաստանի եւ Թուրքիոյ դրօշները:
 Նշենք, որ նախքան ֆութպոլային խաղը, Հոկտեմբեր 13ին, Հայաստանի ֆութպոլի ազգային հաւաքականի մարզիկները իրականացուցած են իրենց վերջին մարզումները: Անոնք, Հայաստանի ֆութպոլի դաշնակցութեան նախագահ Ռուբէն Հայրապետեանի գլխաւորութեամբ, Հոկտեմբեր 12ին արդէն մեկնած են Պուրսա:
 Ռ. Հայրապետեանի խօսքով, մեր հաւաքականին մարզիկները պատրաստ են եւ կը գտնուին լաւ հոգեվիճակի մէջ. «Սպանիայի հետ ծանր խաղից յետոյ, մեր ֆութպոլիստների համար աւելի հեշտ կը լինի Թուրքիայի հաւաքականի հետ պայքարելը», յայտնած է Ռուբէն Հայրապետեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top