Պատմական Հարցերու Յանձնաժողովը Կը Մտահոգէ «Լոս Անճելըս Թայմզ»ը

 

 Երեքշաբթի, Հոկտեմբեր 13ին լոյս տեսած խմբագրականին մէջ, «Լոս Անճելըս Թայմզ»ը գրելէ ետք, թէ Հայկական Ցեղասպանութեան իրողութիւնը պէտք է ճանչցուի, կ՛աւելցնէ, թէ Ցեղասպանութիւնը կամ Ատրպէյճանի հետ Հայաստանի յարաբերութիւնները պատճառ պէտք չէ դառնան, որ Հայաստանի եւ Թուրքիոյ միջեւ ստորագրուած արձանագրութիւնները չվաւերացուին, որովհետեւ անոնց վաւերացումը նպաստաւոր պիտի ըլլայ երկու կողմերուն:
 Թերթը «հասկնալի» կը համարէ Թուրքիոյ եւ Միացեալ Նահանգներուն կողմէ Հայկական Ցեղասպանութեան ճանաչումը ապահովելու համար՝ Սփիւռքի մէջ տարուող աշխատանքը, եւ կոչ կ՛ընէ զայն շարունակելու՝ միաժամանակ գրելով, թէ թերթը եւս մտահոգ է արձանագրութեան մէջ տեղ գտած «Պատմական հարցերու յանձնաժողով»ին դերակատարութեամբ: «Թուրքիա պէտք է դէմ յանդիման գայ իր անցեալին հետ, աւելի լաւ ապագայի մը համար», կը գրէ թերթը:
 Թերթը նաեւ կոչ կ՛ընէ Թուրքիոյ, որ արձանագրութեանց վաւերացումը չկապէ Լեռնային Ղարաբաղի տագնապին հետ, աւելցնելով, թէ Թուրքիա-Հայաստան յարաբերութեանց բնականոնացումը կրնայ նպաստել այդ տագնապին լուծում մը գտնելու աշխատանքներուն:
 Թերթը կը դրուատէ Հայաստանի եւ Թուրքիոյ ղեկավարներուն «մարզական ոգին, որ ճիշդ պատգամը կը յղէ երկու կողմերու ազգայնական շրջանակներուն»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top