Ռուսիա Եւ Ամերիկա «Վճռակամօրէն» Կողմ Են Հայաստան-Թուրքիա Գործընթացին

 

 ՄՈՍԿՈՒԱ, «Ռոյթըրզ».- Միացեալ Նահանգներու արտաքին գործոց նախարար Հիլըրի Քլինթըն բարձր գնահատեց Մոսկուայի մէջ Երեքշաբթի, Հոկտեմբեր 13ին կայացած Ռուսիոյ արտաքին գործոց նախարար Սերկէյ Լաւրովի հետ բանակցութիւնները։
 Լաւրովի հետ իր հանդիպումէն ետք տրուած միացեալ մամլոյ ասուլիսին ընթացքին, Քլինթըն յայտարարեց, որ կողմերը կատարած են համապարփակ եւ արդիւնաւէտ բանակցութիւններ, որոնք արդիւնք են Ռուսիոյ եւ Միացեալ Նահանգներուն միջեւ յարաբերութիւններու վերջին ամիսներու բարեփոխման:

1015clint

Քլինթըն այդ աշխատանքին մէկ արդիւնքը համարած է 10 Հոկտեմբերին, Ցիւրիխի մէջ ստորագրուած Հայաստան-Թուրքիա արձանագրութիւնները։ «Ընդամէնը երեք օր առաջ Սերկէյը եւ ես Ցիւրիխի մէջ միասին կ՛աշխատէինք Հայաստանի եւ Թուրքիոյ յարաբերութիւններու կարգաւորման միտող պատմական արձանագրութիւններու ստորագրման ուղղութեամբ։ Ռուսիա եւ Միացեալ Նահանգներ վճռակամօրէն կողմ են այս գործընթացին։ Ասիկա Ռուսիոյ եւ Միացեալ Նահանգներու համագործակցութեան մէկ յաւելեալ օրինակ է», նշած է Քլինթըն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top