Նալբանդեանի Համաձայն, Երկու Կողմերը Պէտք Է Արագօրէն Վաւերացնեն Արձանագրութիւնները

 ԵՐԵՒԱՆ, «Նոյեան Տապան».- «Հայ-թրքական արձանագրութիւնների վաւերացումը կապուած չէ Ղարաբաղի հարցի հետ», Ուրբաթ, Հոկտեմբեր 30ին յայտնեց Հայաստանի արտաքին գործոց նախարար Էդուարդ Նալբանդեան եւ աւելցուց, թէ այս հաստատումը ներքին օգտագործման համար կատարուող յայտարարութիւն մը չէ, այլ Հայաստանի իշխանութիւններուն պաշտօնական դիրքորոշումը:

Ռուբէն Սաֆրաստեան

Ռուբէն Սաֆրաստեան

 «Ոչ միայն Հայաստանն է ասում, որ դրանք կապուած չեն: Եռանախագահող երկրներն այդ մասին բազմիցս յայտարարութիւններ են արել, եւ երբ վերջերս եռանախագահողները Հայաստանում էին, եւս մէկ անգամ ասացին, որ որեւէ ձեւով կապուած չէ եւ չի կարող լինել», ըսաւ նախարարը:
 Նալբանդեան յայտարարեց, թէ երկու կողմերը պարտաւոր են արագօրէն վաւերացնել արձանագրութիւնները եւ կեանքի կոչել համաձայնութիւնները:
 Մեկնաբանելով Հայկական Ցեղասպանութեան ճանաչման վերաբերեալ բանաձեւի ներկայացումը Միացեալ Նահանգներու Ծերակոյտին, նախարարը յայտարարեց, որ պաշտօնական Երեւանը միշտ ողջունած է Հայոց Ցեղասպանութեան փաստի ճանաչումը աշխարհի այլ երկրներու կողմէ: «Արդէն աշխարհի շուրջ 20 երկիր է ճանաչել այդ պատմական փաստը, որը վերաբերում է ոչ միայն հայ ժողովրդին, այլ նաեւ ողջ մարդկութեանը: Հայոց Ցեղասպանութեան ճանաչումը կարող է հետագայում կանխել մարդկութեան դէմ նման ոճրագործութիւնները», ըսաւ Նալբանդեան:
 Իր կարգին, ԳԱԱի Արեւելագիտութեան հիմնարկի տնօրէն, թուրքագէտ Ռուբէն Սաֆրաստեան յայտնեց, թէ Անգարա վերջին քանի մը օրերուն մեղմացուցած է հայ-թուրքական արձանագրութիւններու վաւերացման վերաբերող իր յայտարարութիւնները, այդ իրողութիւնը վերագրելով Ուաշինկթընի եւ Եւրոմիութեան կողմէ Թուրքիոյ վրայ բանեցուող ճնշումներուն:
 Ըստ անոր, Թուրքիա կը փորձէ առեւտուրի նիւթ դարձնել Հայոց Ցեղասպանութեան հարցը: Ան նաեւ նշեց, որ թէեւ Թուրքիոյ ազգայնամոլ շրջանակներուն մէջ հակահայ տրամադրութիւնները սաստկացած են, ընդհանուր առմամբ թրքական հասարակութիւնը այդ արձանագրութիւններուն հանդէպ չունի այն հետաքրքրութիւնը, որ կայ, օրինակ, քրտական հարցին նկատմամբ:
 Յիշեցնենք, թէ Հինգշաբթի օր Պաքու գտնուող Թուրքիոյ խորհրդարանի արտաքին յարաբերութիւններու յանձնախումբի նախագահ Մուրատ Մէրճան, Ատրպէյճանի արտաքին գործոց նախարար Էլմար Մամէտեարովի հետ հանդիպում մը ունենալէ ետք, դարձեալ յայտարարեց, թէ Հայասան-Թուրքիա սահմանը պիտի չբացուի, եթէ Լեռնային Ղարաբաղի տագնապը չլուծուի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

2 Comments

  1. Barkev Asadourian said:

    VOTCH AYS HARTSE ENTHANOUR HAY ZHOGHOVOURTE
    GE VOROSHE VOTCH TE TAVAJAN NALBANDIAN
    VOTCH NAKHABAYMANVAS PROTOKOLNEROO VAVERATSOON
    ENOUGH IS ENOUGH GORSEVETSEK HRAZHARAGAN DALOV

*

Top