Թուրքերը Կ՛առաջարկեն Քանդել Վարագայ Վանքի Կողքի Մզկիթը

 

 ԹՈՒՐՔԻԱ, «Նիուզ».- Ըստ CNNturkի յայտնած տեղեկութեան՝ Թուրքիոյ Վանի շրջանի գիւղերէն մէկուն բնակիչները ցանկութիւն յայտնած են քանդել գիւղին մզկիթը, որ արգելք կը հանդիսանայ պատմական հայկական եկեղեցիին:

 Թուրքիոյ մէջ տակաւին կը շարունակուին Աղթամարի Սուրբ Խաչ եկեղեցին կրկին կրօնական արարողութիւններու համար բանալու քննարկումները, իսկ այդ ընթացքին Վան քաղաքին մօտակայքը գտնուող Եուքարը Պաքրաչլը գիւղի օրակարգին մէջ՝ տեղւոյն պատմական Եէտի Քիլիսէ (Վարագայ վանք) եկեղեցւոյ կողքի մզկիթին քանդումն է:

 Գիւղացիներէն մէկը ըսած է, որ տարեկան 10 հազար զբօսաշրջիկ կ՛այցելէ եկեղեցի, որուն համար արգելք կը հանդիսանայ մզկիթը, զոր պէտք է քանդել ու նոր մզկիթ կառուցանել։ Իսկ այլ գիւղացիներ կ՛ըսեն, որ անհրաժեշտ է մզկիթը քանդելէ ետք՝ վերանորոգել եկեղեցին: Գիւղացիները նշած են, որ իրենք այս առաջարկները ուղարկած են Թուրքիոյ Զբօսաշրջային ընկերութիւններու միութեան:

  Վարագայ վանքը իր տարածքով կը պատկանի յիշեալ գիւղի բնակիչներէն մէկուն, որուն Վարագայ վանք ուխտագնացութիւն կազմակերպող հայկական ընկերութիւնները կրցած են համոզել, որ հսկէ վանքի վիճակին, որուն համար այցելուները պարբերաբար կը վճարեն իրեն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top