Ֆիլիփ Կորտըն Կը Մերժէ Արցախի Տագնապը Այլ Հարցերու Կապելու Փորձը

 

 Ըստ «armtoday.info»ի, Միացեալ Նահանգներու արտաքին գործոց նախարարի Եւրոպայի եւ Եւրասիոյ հարցերով օգնական Ֆիլիփ Կորտըն յայտարարած է, որ Միացեալ Նահանգներ աշխոյժ կերպով կը հետեւին ղարաբաղեան հակամարտութեան կարգաւորման գործընթացին եւ կը մասնակցին ԵԱՀԿի Մինսկի խմբակի աշխատանքներուն։

 «Այդ հարցը կարեւոր է ոչ թէ այն պատճառով, որ մենք կարգաւորման գործընթացը կը դիտարկենք իբրեւ հայ-թրքական յարաբերութիւններու բնականոնացման ուղի, այլ այն պատճառով, որ ատիկա մեծ ներդրում պիտի ըլլայ շրջանին մէջ խաղաղութեան եւ կայունութեան հաստատման գործին մէջ։ Ատկէ կը շահին ե՛ւ Հայաստանը, ե՛ւ Ատրպէյճանը», նշած է ան։ Անդրադառնալով Հայաստան-Թուրքիա արձանագրութիւններուն Կորտըն յայտնած է, որ Ուաշինկթըն կ՛ուզէ, որ երկու երկիրներու խորհրդարանները վաւերացնեն զանոնք։ Ան նաեւ յոյս յայտնած է, որ ղարաբաղեան հակամարտութեան կարգաւորման եւ հայ-թրքական հաշտեցման գործընթացները յաջող աւարտ կ՛ունենան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top