Գապայեան Ամոլը 500,000 Տոլար Կը Նուիրէ Ս. Նահատակաց Նախակրթարանին

 Հայկական Ս. Ծննդեան տօնին առիթով, Արեւմտեան թեմի ժողովուրդը ապրեցաւ հոգեկան ցնծութեան օրեր, որոնք սկսան ճրագալոյցի հոգեպարար արարողութիւններով, ապա նաեւ Ս. Ծննդեան տօնին օրը հանդիսաւոր Ս. պատարագով, ջրօրհնէքի արարողութեամբ ու առաջնորդ Մուշեղ արք. Մարտիրոսեանի Ամանորի ու Ս. Ծննդեան աւանդական ընթրիքով։

 Շարունակելով նախընթաց տարիներու գեղեցիկ աւանդութիւնը, բազմահարիւր ազգայիններ ու ներկայացուցչական դէմքեր ընդառաջած էին ընթրիքի հրաւէրին։ Երեկոն պսակուեցաւ աննախընթաց յաջողութեամբ եւ Ազգ. առաջնորդարանի բազմաճիւղ առաքելութեան ի նպաստ նիւթական զօրակցական արտայայտութիւններով։

 Իր խօսքին մէջ, առաջնորդ սրբազանը շնորհակալութիւն եւ գնահատանք արձանագրեց բոլոր բարերարներուն, հովանաւորներուն ու ծառայողներուն։ Ի շարս այլ անակնկալներու,  առաջնորդը ունէր գեղեցիկ անակնկալ մը եւս։ Արդարեւ, Թեմիս ազգային բարերարներու մեր փաղանգը հարստացաւ նոր անունով մը. տոքթ. Վաչէ եւ Շուշիկ Գապայեան ամոլը, Սան Ֆրասնսիքոյէն, 500,000 (հինգ հարիւր հազար) տոլարի իշխանական նուիրատուութիւն մը կատարեց Ս. Նահատակաց Ազգ. նախակրթարանին եւ Ֆերահեան երկրորդական վարժարանին։ Այս ուրախ առիթով, առաջնորդը, յանուն Ազգային վարչութեան, Ազգ. վարժարաններու խնամակալ մարմինին, վարժարանի տնօրէնութեան եւ Ուսումնական մարմինին, պաշտօնապէս յայտարարեց, որ վարժարանին նախակրթարանի բաժինը այսուհետեւ պիտի կոչուի «Ազգ. Ս. ՆԱՀԱՏԱԿԱՑ ՄԱՐԻ ԳԱՊԱՅԵԱՆ ՆԱԽԱԿՐԹԱՐԱՆ», ի յիշատակ բարերար ամոլի մօր։ (Յաւելեալ մանրամասնութիւններ՝ հետագային։)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top