ԼՈՒՍԱՐՁԱԿ- Հակաօրինական Որոշումներ

 ԳԷՈՐԳ ՄԱՆՈՅԵԱՆ

 Բրիտանիոյ խորհրդարանը սկսած է հետապնդելու առանց ՄԱԿի հաւանութեան Իրաք ներխուժելու Լոնտոնի իշխանութեանց որոշումին օրինականութիւնը՝ ապագային նման քայլերու կրկնութեան առաջքը առնելու յոյսով: Ուղղակի պատկերասփռուող հարցաքննութիւնները, որոնց կանչուած է նաեւ նախկին վարչապետ Թոնի Պլէրը, սկսած են հետաքրքրական տեղեկութիւններ »արտադրելու«: Անցեալ շաբաթ հարցաքննուած արտաքին գործոց նախկին նախարար Ճէք Սթրօ ընդունեց, թէ անտեսած է բարձրաստիճան խորհրդականներու այն պնդումները, թէ՝ Իրաք ներխուժելու որոշումը միջազգային օրէնքներու ոտնակոխում մը պիտի ըլլայ եւ կրնայ նոյնիսկ ոճիր նկատուիլ: Նախարարին հետ տարակարծութեանց պատճառով օրին իր հրաժարականը ներկայացուցած Էլիզապէթ Ուիլմշուրսթ եւ արտաքին գործոց նախարարութեան ամենաբարձրաստիճան խորհրդական Մայքըլ Ուոտ անցեալին պնդած էին, թէ Սթրօ անտեսած է իրենց խրատները, սակայն նախարարը առաջին անգամ ըլլալով էր, որ կը հաստատէր անոնց ըսածները: Պատասխանելով »Պի.Պի.Սի.«ի հարցումներուն՝ ան Չորեքշաբթի օր նոյնիսկ պաշտպանեց իր այս հակաօրինական կեցուածքը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top