ԼՈՒՍԱՐՁԱԿ- Գործակցելու Առիթ

ԳԷՈՐԳ ՄԱՆՈՅԵԱՆ

 Համաշխարհային տնտեսական ճգնաժամին հիմնական պատճառներէն նկատուեցան այն հսկայական պարտքերը, զորս քաղաքացիներ եւ ընկերութիւններ ստանձնած էին՝ զանոնք վճարելու գերլաւատեսութեամբ: Այդ վիճակէն դուրս գալու համար, կառավարութեանց ծախսած հսկայական գումարները հիմա կը նկատուին ապագայ ճգնաժամերու սերմերը: Կարգ մը տնտեսագէտներու համաձայն, համաշխարհային տնտեսութեան վերականգնումը կախեալ է աշխատաւորներու տնտեսական վիճակի կայունութենէն եւ բարելաւումէն:

 Այս գաղափարին ջատագովներէն մէկը կը թուի ըլլալ նախագահ Պարաք Օպաման, որ իր տարեկան ամավարկին մէջ կարեւոր տեղ յատկացուցած էր նոր աշխատատեղիներ ստեղծելու եւ աշխատաւորներուն վարձատրութիւնը բարձրացնելու առաջարկներուն:

 Երեքշաբթի, Փետրուար 9ին, Սպիտակ տան մէջ տեղի ունեցած նախագահի եւ Քոնկրեսի հանրապետական ու դեմոկրատ ղեկավարներուն միջեւ հանդպման ընթացքին, Օպամա շեշտեց, թէ գոնէ այս կէտին մէջ կարելի է երկկուսակցական համաձայնութիւն մը գոյացնել, որովհետեւ կողմերուն կեցուածքները մօտ են իրարու: Ան նաեւ անուղղակիօրէն ազդարարեց, թէ ժողովուրդը յուսալքուած է Քոնկրեսին մէջ տիրող անհանդուրժողական մթնոլորտէն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top