Խաչիկ Ճանոյեան Կը Պարգեւատրուի

Լոս Անճելըսի Իրաքահայերու միութեան ատենապետ Խաչիկ Ճանոյեան վերջերս յատուկ պատուագիր մը ստացած է Հայաստանի կառավարութեան սփիւռքի նախարարութենէն, անոր եւ միութեան հայրենաշէն գործունէութեան եւ Հայաստան-Սփիւռք կապերը ամրապնդելուն համար:

1979ին հաստատուած միութիւնը, ղեկավարութեամբ Խաչիկ Ճանոյեանի, միշտ օժանդակութեան ձեռք երկարած է Հայաստանին, ներառեալ նշեալ նախարարութեան «Արի տուն» ծրագիրին:
Չորս տարի առաջ, Հայաստանի իշխանութիւնները, Ճանոյեանի 60րդ տարեդարձին առիթով, անոր շնորհած են Հայաստանի պատուոյ քաղաքացիութիւն: Ան նաեւ արժանացած է շարք մը այլ գնահատագիրներու:

1969էն ի վեր անդամակցած է ՌԱԿին: Ան նաեւ անդամ է ՀԲԸՄին, եղած է անոր վարժարաններուն մէջ ուսուցիչ ու հայկական բաժնի պատասխանատու: Ճանոյեան նաեւ խմբագրած է Հարաւային Ամերիկայի ՀԲԸՄի «Լուսաբաց» պաշտօնաթերթը: Ան մաս կը կազմէ «Հայաստան» համահայկական հիմնարկին, ատենապետն է «Թէքէեան»ի Հայ ընտանեկան միութեան Շաբաթօրեայ վարժարանի հոգաբարձութեան ու կ՛աշխատակցի «Նոր Օր» եւ «Նոր Կեանք» թերթերուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top