ԼՈՒՍԱՐՁԱԿ- Ձախողութեան Նախաքայլը

ԳԷՈՐԳ ՄԱՆՈՅԵԱՆ

Անցեալ շաբաթ, երբ Միացեալ Նահանգներու փոխնախագահ Ճօ Պայտըն Իսրայէլ այցելեց, մեծ յոյսեր կային, որ Իսրայէլ-պաղեստինեան բանակցութիւնները կարելի պիտի ըլլայ իրենց ճիշդ հունին մէջ դնել: Սակայն, այցելութեան նախօրեակին եւ անոր ընթացքին, Իսրայէլ բացայայտեց, թէ որոշած է պաղեստինեան գրաւեալ հողերուն վրայ բնակեցման ապօրինի բնակարաններու երկու ծրագիրներ եւս իրականացնել՝ հակառակ պաղեստինեան եւ ամերիկեան ընդդիմութեան:

Պաղեստինեան կողմը օրին յայտարարեց, թէ Իսրայէլ նման քայլելով կ՛ուզէ ձախողութեան մատնել բանակցութիւնները, եւ դէպքերը կու գան ցոյց տալու, որ անոնց նախատեսութիւնը ճիշդ է: Արդարեւ, Երեքշաբթի օր յայտարարուեցաւ, թէ Միջին Արեւելքի յատուկ պատուիրակ Ճորճ Միչըլ յետաձգած է շրջանը կատարելիք իր այցը:

Նաեւ, հակառակ այն իրողութեան, որ իսրայէլացի պաշտօնատարներ ներողութիւն խնդրեցին շինարարական ծրագիրներու բացայայտման անյարմար ժամանակին համար, անոնցմէ ոչ մէկը ըսաւ, թէ շինարարութիւնները կրնան կասեցուիլ: Աւելին, Իսրայէլի արտաքին գործոց նախարար Աւիկտոր Լիպըրման Երեքշաբթի օր «անտրամաբանական» որակեց բնակարաններ կառուցելու ծրագիրները կասեցնելու ամերիկեան կոչերը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top