Քէօրօղլեան Կրնայ Պատժուիլ Ընտրական Ծախսերը Չհաղորդելուն Համար

ԿԼԵՆՏԷՅԼ, «Կլենտէյլ Նիուզ Փրէս».- Քալիֆորնիոյ խորհրդարանի 43րդ ընտրատարածքի ընտրութեանց համար ընտրապայքարին ընթացքին իր ծախսերը Քալիֆորնիոյ ընտրական իշխանութեանց չփոխանցելուն համար Շահէ Քէօրօղլեան կրնայ նիւթական տուգանքի ենթարկուիլ: Ըստ ընտրական օրէնքներուն, իւրաքանչիւր խախտումի փոխարէն 5000 տոլար տուգանք պէտք է վճարուի:
Հակառակ անոր, որ Քէօրօղլեան պնդած է, թէ ինքը տեղեկութիւնները նամակատան միջոցաւ փոխանցած է, անոր ընտրապայքարի գրասենեակի պատասխանատուները ընդունած են, թէ ոչ միայն տեղեկութիւնները չեն փոխանցուած, այլ նոյնիսկ ընտրապայքարի յանձնախումբը պաշտօնապէս չէ արձանագրուած իշխանութեանց մօտ: Ըստ ընտրապայքարի տուեալներուն, ցարդ ծախսուած է 11,126 տոլար, որուն մեծ մասը՝ պատկերասփիւռի յայտագիրներու համար: Ընտրապայքարի գրասենեակը տակաւին 5000 տոլար պարտական է պատկերասփիւռի ընկերութեանց:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top