«Արարատից Սիոն» Շարժանկարը Հայութիւնը Կը Ներկայացնէ Աշխարհին

ԵՐԵՒԱՆ, «Արմէնփրէս».- Մայիս 5ին կայացած է «Արարատից Սիոն» շարժանկարի անդրանիկ ցուցադրութիւնը, որուն մասին հեղինակ Մեսրոպ քհնյ. Արամեանը յայտնած է. «Այս ֆիլմը հայ ժողովրդի կինոանձնագիրն է եւ պատրաստուած է մեզ աշխարհին ներկայացնելու համար»։
«Արարատից Սիոն»ը փաստագրական շարժանկար է, որ կը ներկայացնէ հայ ժողովուրդի դերն ու ներդրումները մարդկութեան պատմութեան մէջ եւ հոգեւոր ներկայութիւնը Սուրբ երկրի կեանքին մէջ: Այնտեղ գործածուած պատմական տուեալներուն զգալի մասը պահպանուած չէ հայ պատմագրութեան մէջ. հոն, մեր ինքնութեան կարեւոր նշխարներ ու վկայութիւններ կը ցուցադրուին առաջին անգամ ըլլալով: Ըստ քահանայ Արամեանի, շարժանկարը իր ամբողջ տեւողութեան ընթացքին կը բացայայտէ հայ ժողովուրդին ինքնութիւնը:
««Արարատից Սիոնը» արժանապատուութեան կոչ է հայերին, որպէսզի ճանաչենք ինքներս մեզ, տէր դառնանք մեր պատմութեանը եւ դուրս գանք փոքրութեան բարդոյթից», նշած է անոր հեղինակը՝ աւելցնելով, որ հայ ժողովուրդը մեծ դերակատարութիւն ունեցած է Սուրբ երկրի կեանքին մէջ։
Ըստ շարժապատկերի բեմադրիչ Էտկար Բաղդասարեանի, շարժապատկերին մէջ ոչ մէկ հայկական աղբիւր ներկայացուած է: «Ֆիլմը դիտելուց յետոյ մարդկանց մեծամասնութեան մօտ հարց էր առաջանում, թէ ի՞նչ ենք մենք կորցրել», ըսած է Է. Բաղդասարեան:
Անոր հաւաստումով, շարժապատկերը արդէն իսկ մտած է միջազգային ութ փառատօններու եզրափակիչ մրցանակային փուլ: Այնուհետեւ, կը ծրագրուի զայն ցուցադրել ամերիկեան, եւրոպական եւ ռուսական հեռատեսիլի ալիքներով:
«Բոլոր ազգերը թող իմանան, որ քրիստոնէութիւնը մեզ համար գոյութեան հարց է եղել», ըսած է շարժապատկերներու հովանաւոր ընկերութիւններէն «Viva Cell-MTS»ի տնօրէն Ռ. Եիրիկեանը՝ նշելով, որ ընկերութիւնը կանգնած է նման ծրագիրներու կողքին: Իսկ միւս հովանաւորներէն՝ «Flagship Ventures» ամերիկեան ընկերութեան տնօրէն Նուպար Աֆէյեանը յայտնած է, թէ սփիւռքահայերը ծարաւ ունին նման նիւթերու։
Նշենք, որ «Արարատից Սիոն»ի բնօրինակը անգլերէն լեզուով է եւ նիւթը կը կարդայ հոլիվուտեան դերասան Էյտան Քուինը: Շարժապատկերին մէջ կը հնչէ համաշխարհային հռչակ ունեցող երաժշտական հանճար Լիզա Ճերարտի ձայնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top