Գաղութներ articles

«Քեսապ» Խորագիրով Վաւերագրական Ժապաւէնի Ներկայացում

Կազմակերպութեամբ Համազգայինի «Համօ Օհանջանեան» մասնաճիւղի վարչութեան, նախաձեռնութեամբ «Քեսապցիներ՝ Քեսապի համար» կայքէջին եւ «Եաւուրեան» սթիւտիոյին, վերջերս «Սահակեան» սրահին մէջ տեղի ունեցաւ «Քեսապ» խորագիրով վաւերագրական ժապաւէնի ներկայացումը, որուն մէջ ներկայացուած էր քեսապցիներուն կեանքը, աւանդութիւնը եւ սովորութիւնները։

Հրդեհ Պոլսոյ Սուրբ Փրկիչ Հիւանդանոցին Մէջ

Կիրակի, Դեկտեմբեր 26ին, Թուրքիոյ գրեթէ բոլոր լրատու գործակալութիւնները արձագանգ հանդիսացան այն լուրին, թէ Հայոց Սուրբ Փրկիչ հիւանդանոցին մէջ, նորոգութեան ենթարկուած Ծերանոցի տանիքէն անծանօթ պատճառով մը հրդեհ ծագեցաւ։ Հրդեհը պատահեցաւ առաւօտեան շուրջ ժամը 02:30ին։ Երբ բոցերը տեսնուեցան, պատասխանատուները իսկոյն պարպեցին Ծերանոցի պատսպարեալները ու աւելի ապահով վայր մը փոխադրեցին զանոնք։ Հրշէջ կառքերը շուտով հասան ու անմիջապէս հսկողութեան տակ առին հրդեհը, որ շատ չէր տարածուած։ Վիրաւոր չկայ, սակայն նիւթական կորուստ արձանագրուած է:

Քուէյթի Մէջ Ողջերթի Երեկոյ՝ Ի Պատիւ Կաթողիկոսական Փոխանորդ Կորիւն Արք. Պապեանի

Հոգեւոր Եղբայրակցութեան պաշտամունքի արարողութեան մասնակիցներ միացած էին Ազգային վարչութեան անդամներուն, Ուրբաթ, Դեկտեմբեր 9ի երեկոյեան, Քուէյթի Սրբոց Վարդանանց եկեղեցւոյ շրջափակը, մասնակից դառնալու համար Հոգեւոր եղբայրակցութեան կազմակերպած

«Համլէթ»ի Մենակատարութիւնը Թեհրանի Մէջ

Նախաձեռնութեամբ Հայ մշակութային «Արարատ» կազմակերպութեան Արուեստից միութեան, Երեքշաբթի, Դեկտեմբեր 7ին «Արարատ» մարզաւանի «Շահբազեան» սրահին մէջ տեղի ունեցաւ Երեւանի Գաբրիէլ Սունդուկեանի անուան ազգային ակադեմական թատրոնի դերասան Արամ Յովհաննիսեանի մենակատարութիւնը՝ ըստ Ուիլիըմ Շէյքսփիրի «Համլէթ»ի, որ մրցանակներու արժանացած էր Լաթվիոյ եւ Լեհաստանի մէջ:

Փարիզի Մէջ Նշուեցաւ ՀՅԴի 120ամեակը

Կիրակի, Դեկտեմբեր 5ին, Փարիզի «Լավուազիէ» սրահին մէջ նշուեցաւ ՀՅԴի 120ամեակը: Օրուան հանդիսավարներն էին Թալին Թաշճեան եւ Վազգէն Աւետիսեան:
Բացումը կատարեց «ՀՄԸՄ-Ֆրանս»ի փողերախումբը՝ «Յառաջ նահատակ»ով, որուն յաջորդեցին սկաուտներու կողմէ կատարուած խմբերգներ:

«Գոհար» Կոթող Մը Կը Զետեղէ Ի Յիշատակ Հայ Որբերուն

Հայոց Ցեղասպանութենէն ճողոպրած մանուկներ կը հասնին Լիբանանի Քեսրուան շրջանի Այնթուրա գիւղի Սեն Ժոզէֆ քոլեճը։ Ֆրանսացի Լազարեան հայրերուն պատկանող այս քոլեճը Ա. Համաշխարհային պատերազմին կ՛իյնայ թրքական տիրապետութեան տակ։ Ճեմալ փաշա քոլեճը կը վերածէ որբանոցի եւ հոն տնօրէնուհի կը նշանակէ Հալիտէ Էտիպ Ատիվարը, որպէսզի իրագործէ ծրագրուած թրքացման քաղաքականութիւնը, իբրեւ նախաքայլ, երեխաներուն անունները փոխելով։ 1200 որբ երեխաներ, մեծամասնութեամբ՝ հայեր, ենթարկուած են զանազան չարչարանքներու եւ ֆալախայի (ոտքերու ներբաններու գանակոծում երկաթեայ ձողով) հարուածներու տակ շատեր նոյնիսկ՝ մահացած, պարզապէս որովհետեւ անուշադրութեամբ հայերէն խօսած կամ իրարու կանչած են իրենց իսկական, հայկական անուններով։ Մօտաւորապէս 300 երեխաներ սովէն ու քոլերայէն մահացած են։

«Գոհար» Կը Դիւթէ

«Գոհար» սիմֆոնիք նուագախումբն ու երգչախումբը, որ միջազգայնօրէն ծանօթ է աշխարհի տարբեր քաղաքներու մէջ իր ունեցած ելոյթներով, ութ տարուան ընդմիջումէ ետք հանդէս եկաւ Լիբանանի մէջ, 24, 25 եւ 26 Սեպտեմբեր 2010ին: Տոմսերը ելոյթի թուականներէն շատ առաջ արդէն սպառած էին, ներգրաւելով աշխարհի տարբեր անկիւններէ եկած հանդիսատեսներ եւ երկրպագուներ, որոնց թէ՛ սիրտը, թէ՛ միտքը հմայուած էին Լիբանանի, Զուք Միքայէլի հռոմէական ամփիթատրոնի մէջ տեղի ունեցած «Գոհար»ի կատարումներով:

«Գոհար»ը 100,000 Տոլար Կը Նուիրէ Լիբանանահայ Չորս Վարժարաններու

Օրինակելի եւ ողջունելի քայլով մը, «Գոհար»ի մեծ ընտանիքը Գոհարի լիբանանեան հիւրախաղերուն (Սեպտեմբեր 24-26) ամբողջ հասոյթը համահաւասար կը նուիրէ ազգային չորս վարժարաններու՝ «Սրբոց Քառասնից մանկանց», «Աբգարեան», «Ռուբինեան» եւ «Աքսոր Գասարճեան»:

Մէկ Դար Ու 20ամեայ Կուսակցութեան Նուիրուած Տօնակատարութիւն

1890-2010, հայ ժողովուրդի պատմութեան հետ շաղկապուած եւ հայ ժողովուրդի ժամանակի պահանջներէն ծնունդ առած 120ամեայ անցեալով, բայց երիտասարդական աւիւնով տոգորուած կուսակցութեան՝ Հայ Յեղափոխական Դաշնակցութեան, տօնը նշուեցաւ Դեկտեմբեր 10ի երեկոյեան, «Արարատ» մարզաւանի «Սասունցի Դաւիթ» սրահին մէջ:
Մէկ դար ու քսան տարուան վաղեմութիւն ունեցող կուսակցութեան քայլերգ «Մշակ Բանուոր»ը ներկայ հոծ բազմութիւնը ունկնդրեց յոտնկայս:

Top