Լուսարձակ articles

ԼՈՒՍԱՐՁԱԿ- Թրքական Հաւասարութիւն

Թուրքիա վերջերս աղմուկ կը բարձրացնէ ժողովրդավարութեան կամ իրաւունքներ յարգելու մասին ուրիշներուն ուղղած իր խրատներով, փորձելով այն տպաւորութիւնը ձգել, թէ ամէն ինչ կատարեալ է իր երկրին մէջ: Շիւղի եւ քերանի դարաւոր պատմութիւնն է, որ կը կրկնուի սակայն, եւ որքա՛ն ալ փորձ կատարուի, իրականութիւնները դիւրութեամբ չեն ծածկուիր:

ԼՈՒՍԱՐՁԱԿ- Բռնարարքներ Հրահրող Անորոշութիւն

Մարտ 7ին տեղի ունեցած Իրաքի խորհրդարանական ընտրութիւններէն ամիս մը ետք, երկրին յաջորդ կառավարութիւնը կազմելու աշխատանքները կը շարունակեն կաղալ եւ տիրող անորոշութիւնը սկսած է բռնարարքներու լուրջ մագլցումի մը շուրջ մտավախութիւններ յառաջացնելու:

ԼՈՒՍԱՐՁԱԿ – Հարուած՝ «Լախտի Գործողութեան»

Իսլամական արմատներ ունեցող Թուրքիոյ կառավարութիւնը տապալելու նպատակով մէջտեղ եկած «լախտի գործողութիւն» կոչուած զինուորական հարուածի հարցով դատավարութիւնը Հինգշաբթի, Ապրիլ 1ին զգայացունց նորութիւն մը ապրեցաւ, երբ մեծ թիւով ամբաստանեալ զինուորականներ, որոնք կասկածելի կը նկատուէին, դատաւոր Օքթայ Քուպանի որոշումով ազատ արձակուեցան: Անոնց մէկ մասը ոչ ձերբակալեալ վիճակով պիտի շարունակէ դատուիլ։

ԼՈՒՍԱՐՁԱԿ- Անկոչ Միջնորդը

Թրքական «Սթար» օրաթերթին հետ հարցազրոյցի մը ընթացքին, Թուրքիոյ իշխող Արդարութիւն եւ բարգաւաճում կուսակցութեան արտաքին յարաբերութիւններու հարցով փոխնախագահ Սուատ Քընըքլըօղլու յայտնած է, որ պայմաններու բերումով, Թուրքիա գրեթէ դարձած է Արցախի հարցը միջնորդող Մինսկի խումբի համանախագահ:

ԼՈՒՍԱՐՁԱԿ- Անախորժ Իրողութիւններ

Երկուշաբթի, Մարտ 29ին Թուրքիա ժամանած Գերմանիոյ վարչապետ Անճելա Մերքել, նախքան Անգարա ոտք կոխելը, իրարանցում մը ստեղծած էր Թուրքիոյ մէջ, երբ այցելութեան նախօրեակին կատարուած հարցազրոյցի մը ընթացքին ժխտական պատասխան տուած էր Թուրքիոյ վարչապետ Ռեչեփ Թայիփ Էրտողանի այն առաջարկին, թէ Գերմանիոյ մէջ պէտք է թրքերէն լեզու դասաւանդող թրքական դպրոց բացուի, Թուրքիոյ մէջ գերմանական վարժարաններու օրինակով: Մերքել Անգարայի մէջ մեղմացուց իր դիրքը՝ յայտնելով, թէ կարելի է թրքերէն սորվեցնող դպրոցներ բանալ, պայմանաւ, որ անոնք Գերմանիոյ կրթական օրէնքները յարգեն ու միաժամանակ նաեւ գերմաներէն սորվեցնեն գաղթական թուրքերուն:

ԼՈՒՍԱՐՁԱԿ – Վարկաբեկուած Վարչապետը

Ուրբաթ, Մարտ 26ին, մինչ Իսրայէլի կառավարութիւնը արտակարգ ժողովի մը ընթացքին կը քննէր, թէ ի՞նչ քայլերու կարելի է դիմել Պաղեստինեան իշխանութեան հետ բանակցութիւնները վերակենդանացնելու համար, իսրայէլեան մամուլը շեշտը դրած էր գրեթէ մէկ շաբթուան այցելութենէ ետք Իսրայէլ վերադարձած վարչապետ Պենիամին Նեթանիահուի նկատմամբ Սպիտակ տան ցուցաբերած անսովոր վերաբերմունքին վրայ: Իսրայէլեան մամուլը վարկաբեկիչ համարած է վարչապետին նկատմամբ Սպիտակ տան վերաբերմունքը՝ մատնանշելով, որ նոյնիսկ լուսանկարիչներու մուտքը արգիլուած էր նախագահ Պարաք Օպամայի ու վարչապետին միջեւ համդիպման ընթացքին, աւելցնելով, թէ Օպամա կէս ձգած է հանդիպումը, երբ վարչապետը մերժած է գրաւոր երաշխիք մը տալ պաղեստինեան գրաւեալ հողերուն վրայ իսրայէլեան բնակեցման վայրերու կառուցումը կասեցնելու կապակցութեամբ:

ԼՈՒՍԱՐՁԱԿ – Տխմարացնող Քարոզչութիւն

Մարդ էակը հետաքրքրական արարած մըն է. ան կարողութիւնը ունի հրաշալի գիւտեր ընելու՝ անիւէն սկսած, հասնելով մինչեւ համացանցը, եւ ստեղծագործելով կրնայ յօրինել վերացնող երաժշտութիւն ու ընթերցողը նստած տեղէն աշխարհի չորս կողմը հասցնող վէպեր: Սակայն, կենդանական նոյն այս ընտանիքին պատկանող արարածներ, յատկապէս երբ կ՛որոշեն իրենց մտածելու կարողութիւնը ուրիշի մը յանձնել (վարձու կամ ծախու), իրենք զիրենք կը մատնեն ծիծաղելի վիճակներու

ԼՈՒՍԱՐՁԱԿ – Միայն Մէկը

Հայկական Ցեղասպանութեան ուրացումը ապահովելու նպատակով, թրքական իրերայաջորդ կառավարութեանց կողմէ կառուցուած մամրոտ պատին վրայ գոյացող ճեղքերէն յոյսի նշոյլներ կը տեսնուին նորէն, սակայն միշտ առկայ է այդ ճեղքերուն բռնի կուպրապատման վտանգը:

Top