Լուսարձակ articles

Անզիջող Էրտողանը

ԳԷՈՐԳ ՄԱՆՈՅԵԱՆ Կը թուի, թէ 1974ին թրքական ուժերուն կողմէ բռնագրաւուած հիւսիսային Կիպրոս այցելութիւնը նոր կորով տուած է Թուրքիոյ մէջ իր ընտրական վերջին յաղթանակով հպարտ վարչապետ Ռեչեփ Թայիփ Էրտողանին, որ Երեքշաբթի, Յուլիս 19ին, գրաւեալ տարածքները այցելելով՝ սկսած է գոռոզանալու՝ պնդելով, թէ Թուրքիա պիտի սառեցնէ Եւրոպական Միութեան հետ իր յարաբերութիւնները, երբ Կիպրոսի օրինական իշխանութիւնը ստանձնէ Եւրոմիութեան ղեկը,

Դարձեալ Չափահաս Կը Փնտռուի

Միայն քանի մը ամիս առաջ էր, որ նախագահ Պարաք Օպամա «չափահասի պէս վարուելու» կոչ ըրած էր հանրապետականներուն, որոնք քոնկրեսականներուն սուղ ժամանակը վատնած էին քանի մը տասնեակ միլիառ տոլարի շուրջ բանավէճը անտեղի կերպով երկարելով, երբ կողմերը կը քննէին 2010-2011 տարեշրջանի պետական ամավարկը: Հինգշաբթի, Յունիս 23ին, չափահաս փնտռելու ելած էր այս անգամ Ծերակոյտի դեմոկրատ մեծամասնութեան պետ Հերի

Քանի Մը Տողով

Պահպանողական հանրապետական քոնaկրեսականներ յաճախ իրենց քննադատութեան թիրախ կը դարձնեն Ազգային հանրային ձայնասփիւռի կայանին տրամադրուող պետական օժանդակութիւնը: Յատկանշական է, որ անցեալ տարի այդ կայանը 2.7 միլիոն տոլարի պետական օժանդակութիւն ստացած էր, մինչ աւետարանիչ Ճերի Ֆալուելի «Լիպըրթի» համալսարանը նոյն տարին 446 միլիոն տոլարի պետական նպաստ ստացած էր:

Ջարդարա՞ր, Թէ Նախագահ

ԳԷՈՐԳ ՄԱՆՈՅԵԱՆ «Մարմարա»ի մէջ վերջին երկու օրերուն լոյս տեսած երկու անջատ լուրեր ցոյց կու տան, թէ Թուրքիոյ հասարակութեան մէջ ծայրայեղ պահպանողական ու ազգայնամոլ շրջանակներուն հակադրուող շրջանակը, աստիճանաբար կը շարունակէ իրականութիւնները եւ իր կարծիքները անվախօրէն արտայայտել: Սակայն, պետական հովանաւորութիւն վայելող, ուրացման քաղաքականութեան ջատագով պահպանողականներուն, ինչպէս նաեւ փոքրամասնութիւններուն իրաւունքները իբրեւ ողորմութիւն անոնց տալու վարքագիծը վարող կառավարութեան դէմ

ԼՈՒՍԱՐՁԱԿ – Կանտի Պաղեստինի Մէջ

«Հարփըրզ» ամսաթերթի Յունիս թիւին մէջ, իսրայէլացի ու պաղեստինցի գործիչներէ բաղկացած ու պաղեստինեան տարածքներուն իսրայէլեան բռնագրաւման խաղաղ միջոցներով վերջ տալու համար պայքարող «Թաայուշ» կազմակերպութեան անդամ, Երուսաղէմի «Հիպրու» համալսարանի դասախօս Տէյվիտ Շուլման, Կանտիի կեանքին ու բրիտանական գաղութատիրութեան դէմ անոր մղած պայքարին նուիրուած նոր հատորի մը քննարկումին ընդմէջէն անդրադարձած է պաղեստինեան տագնապին: Ան կը գրէ, թէ փոքրաթիւ պաղեստինցիներ

«Հայացող» Ատրպէյճանցիներ

ԳԷՈՐԳ ՄԱՆՈՅԵԱՆ Դժուար է երեւակայել, թէ դահիճը օր մը, ճակատագիրի մէկ հաճելի խաղով մը, պիտի փափաքի ինքնութիւնը փոխել ու ստանձնել իր զոհին ինքնութիւնը: Հրեայ դարձած գերմանացի նացին, որքա՛ն տարօրինակ կրնայ թուիլ, նոյնքան այլանդակ է նաեւ հայանալ փափաքող թուրք իթթիհատականը: Անոնցմէ շատ հեռու չի կրնար ըլլալ միայն քսանամեակ մը առաջ իր երկրին մէջ հայերու սպանդին ու

ԼՈՒՍԱՐՁԱԿ -Քիւրտերը Սիրաշահելու Ձախող Փորձ Մը

ԳԷՈՐԳ ՄԱՆՈՅԵԱՆ Թուրքիոյ ազգայնամոլ «Գորշ գայլեր»ու քաղաքական թեւը հանդիսացող Ազգայնական շարժում կուսակցութեան նախագահ Տեւլեթ Պահչելի, Երկուշաբթի, Յունիս 6ին Տիարպեքիր այցելած է, Յունիս 12ի խորհրդարանական ընտրութեանց համար ընտրապայքարի քարոզչութիւնը ընելու նպատակով, սակայն անոր խօսքերէն կարելի է եզրակացնել, թէ մեծ թիւով քուէներ պիտի չկարենայ ապահովել: Յատկանշական է, որ վերջին անգամ Ալփասլան Թիւքեշն էր, որ իբրեւ նշեալ կուսակցութեան

Առաջին Հարուածը՞

ԳԷՈՐԳ ՄԱՆՈՅԵԱՆ Քոնկրեսի անցեալ տարուան Նոյեմբերի ընտրութիւններէն ետք Ներկայացուցիչներու տան մէջ մեծամասնութիւն մը ապահոված, իսկ Ծերակոյտին մէջ իրենց դիրքը զօրացուցած հանրապետականները, այս տարուան ընթացքին ընկերային ու առողջապահական պետական սպասարկութեանց, ինչպէս նաեւ աշխատաւորական միութիւններուն եւ անոնց իրաւունքներուն դէմ լայնածաւալ արշաւ մը սկսած էին՝ որոշ «իրագործումներ» ապահովելով: Կուսակցութեան ծայրայեղ թեւին պատկանող հանրապետականները, որոնք հաւանաբար մտավախութիւն ունին, որ

Օպամա Կը Գոհացնէ Ու Կը Զայրացնէ

ԳԷՈՐԳ ՄԱՆՈՅԵԱՆ Միացեալ Նահանգներու նախագահ Պարաք Օպամա Միջին Արեւելքի եւ Հիւսիսային Ափրիկէի իրադարձութեանց շուրջ Հինգշաբթի, Մայիս 19ի իր ելոյթին ընթացքին ընդգծեց, որ Ուաշինկթըն կը զօրակցի շարք մը երկիրներու մէջ տեղի ունեցող բարեփոխութեանց եւ բարեկարգումի պահանջներուն։ Օպամա նաեւ ընթացող ժողովրդավարականացման գործընթացին օժանդակելու նպատակով, Եգիպտոսի եւ Թունուզի տնտեսական օժանդակութիւններ խոստացաւ։ Օպամա Եմէնի նախագահ Ալի Ապտալլա Սալեհի կոչ

Կասկածին Արմատը

Ապրիլ 24ին տեղի ունեցած Սեւակ Պալըքճըի սպանութիւնը, արկածով կամ դիտումնաւոր, կը շարունակէ մելան հոսեցնել թրքական եւ հայկական մամուլին մէջ, ինչ որ բնական երեւոյթ է միջադէպին անսովոր ու բազմակնճիռ ըլլալուն պատճառով: Տեղի ունեցածը որեւէ բանակի մը մէջ պարզ արկածի մը հետեւանքով սպանութիւն մը չէ միայն, այլ դահիճ ազգի մը բանակին մէջ ծառայող զոհ ազգի մը զաւակին սպանութիւնն է, այդ ալ՝ ազգին Ցեղասպանութեան տարելիցին:

Top