ԼԱՍ ՎԵԿԱՍ.- Հինգշաբթի, Մայիս 9ի յետմիջօրէին, թենիսի աշխարհի աստեղերէն՝ հայազգի Անտրէ Աղասի, այցելեց Լաս Վեկասի նորակերտ Ս. Կարապետ Հայց. առաքելական եկեղեցին՝ դիմաւորուելով հոգեւոր հովիւ Աւետիս Ա. քհնյ. Թորոսեանի, Ծխական խորհուրդի ատենապետ Ատրուշան Արմէնեանի ու եկեղեցւոյ շինարարական յանձնախումբի անդամներ Գօգօ Տարագճեանի եւ Լեւոն Կիւլպէնկեանի կողմէ:
Հուրի Տարագճեանը՝ ՀՕՄի Շաբաթօրեայ վարժարանին կողմէ, ինչպէս նաեւ Գըրգ Գըրգորեանի կողմէ UCLA [...]

ՍԱՆ ՖՐԱՆՍԻՍՔՕ.- Կիրակի, Մայիս 5ին, Ծովածոցի շրջանի Հայ Դատի յանձնախումբը Սան Ֆրանսիսքոյի «Վասպուրական» սրահին մէջ հիւրընկալեց Արեւմտեան Ամերիկայի Հայ Դատի յանձնախումբի համաատենապետներ Նորա Յովսէփեան եւ Քրիս Կիւլճեան, շրջանի հանրութեան հետ քննելու համար Հայ Դատի գործունէութեան վերջին նորութիւնները եւ ապագայ ծրագիրները:
Համաատենապետները նախ հակիրճ զեկոյց մը ներկայացուցին, որմէ ետք առիթ տրուեցաւ ներկաներուն, որ հարցումներով եւ առաջարկներով իրենց [...]

ՍԱՆԹԱ ԱՆԱ.- Քառասնից Մանկանց եկեղեցւոյ սրահին մէջ Յունիս 2ին տեղի պիտի ունենայ «Երազ» հայկական պարախումբի ելոյթը, որուն վերջնական փորձերը կը կատարեն ելոյթին մասնակցող 40 պարողները՝ 4էն 19 տարեկան:
Համազգայինի «Սիամանթօ» մասնաճիւղի ատենապետ Շուշիկ Արսլանեան կը յայտնէ, թէ այս տարուան ելոյթին նիւթը դպրոցէն յոգնած տուն գալէն ետք ննջող աշակերտի մը երազն է, որուն ընթացքին ան Հայաստան կ՛այցելէ: [...]

ԵՐԵՒԱՆ, «Նիուզ».- Ճատրակի գերվարպետ Տաթեւ Աբրահամեան Սէյնթ Լուիսի մէջ աւարտած Միացեալ Նահանգներու ճատրակի կանանց ախոյեանութեան մրցաշարքին, առաւելագոյն 9 կէտերէն ապահովեց 6.5 կէտ՝ խլելով մրցաշարքի պրոնզ մետալը:
Ըստ «Armchess.am»ի՝ 8 կէտ ապահովելով ախոյեան դարձած է գերվարպետ Իրինա Քրաշը:
Տղոց մրցաշարքին մէջ, գերվարպետ Վարուժան Յակոբեանը խլեց 5 կէտ, ՖԻՏԷի վարպետ Սամուէլ Սեւեանը՝ 4 կէտ, գերվարպետ Մելիքսէթ Խաչիյեանը՝ 3 կէտ:
1-2րդ [...]

ԽԱՉԻԿ ՃԱՆՈՅԵԱՆ
Ըսուած է, որ աշխարհը մեծ թատրոն մըն է։ ՀԲԸՄի Վաչէ եւ Թամար Մանուկեան վարժարանի տնօրէնութիւնը, կարծէք, խորապէս գիտակցելով այս բացայայտ ճշմարտութեան՝ գեղեցիկ մտայղացումը ունեցած է դպրոցի կրթական ճոխ ծրագիրին մէջ աւելցնելու հայ թատրոնի ընտրովի դասընթացքը, ինչպէս նաեւ անգլերէն թատրոնի, երգի ու պարի դասերը։
Արդարեւ, հայ թատրոնի միջոցաւ հայ աշակերտը կը ծանօթանայ հայ գրականութեան գոհարներուն, անոր [...]

ՊԸՐՊԵՆՔ.- Հայց. եկեղեցւոյ Հիւսիսային Ամերիկայի Արեւմտեան թեմի 86րդ Պատգամաւորական ժողովը՝ նախագահութեամբ առաջնորդ Յովնան արք. Տէրտէրեանի, Մայիս 3ին գումարուեցաւ առաջնորդարանին մէջ: Ամբողջ օրը տեւած տարեկան այս համագումարը բացառիկ առիթ մը կը ստեղծէ, որ պատգամաւորները ծանօթանան թեմի գործունէութիւններուն եւ վերարժեւորեն կատարուած աշխատանքները: Ժողովը առիթ կ՛ընծայէ ծուխերու պատգամաւորներուն՝ կիսելու իրենց մտածումներն ու թելադրութիւնները:
Առաջնորդը կատարեց բացման աղօթքը: Շուրջ 130 [...]

ՍԱՆ ՖՐԱՆՍԻՍՔՕ.- Գռուզեան-Զաքարեան-Վասպուրական Ազգ. վարժարանի 8րդ դասարանի աշակերտները, վարժարանի տնօրէն Կրէյս Անտոնեանի եւ դաստիարակ Մաննիկ Կոստեանի առաջնորդութեամբ, Երկուշաբթի, Ապրիլ 15ին իրենց մասնակցութիւնը բերին Քալիֆորնիոյ մայրաքաղաք Սաքրամենթոյի մէջ տեղի ունեցած Հայկական Ցեղասպանութեան ոգեկոչման ձեռնարկներուն:
Արեւմտեան Ամերիկայի Հայ Դատի յանձնախումբի նախաձեռնութեամբ, նահանգային խորհրդարանին ու Ծերակոյտին մէջ տեղի ունեցած սոյն ձեռնարկներուն կը մասնակցէին աւելի քան 200 հայորդիներ, ներառեալ՝ «Ֆերահեան», [...]

ՍԱՆ ՖՐԱՆՍԻՍՔՕ.- Կիրակի, Ապրիլ 21ին, Գռուզեան-Զաքարեան-Վասպուրական Ազգ. վարժարանի 5-8րդ դասարանի աշակերտները մասնակցեցան ՀԵԴ «Ռոստոմ» ուխտին կազմակերպած Հայկական Ցեղասպանութեան ոգեկոչական քայլարշաւին ու Տէյվիտսըն լերան խաչին առջեւ տեղի ունեցած համայնքային ոգեկոչման ձեռնարկին:
Սան Ֆրանսիսքոյի «Միտթաուն» զբօսայգիէն սկսած ու դէպի Տէյվիտսըն լերան խաչը՝ 1.5 մղոն քայլարշաւին ընթացքին, աշակերտները իրենց կողքին ունէին ուսուցիչներ, շրջանաւարտներ ու համայնքէն այլ ներկայացուցիչներ, որոնց ընդհանուր [...]

ՍԱՆ ՖՐԱՆՍԻՍՔՕ.- Գռուզեան-Զաքարեան-Վասպուրական Ազգ. վարժարանի 7րդ եւ 8րդ դասարանի աշակերտները Երկուշաբթի, Ապրիլ 22ին այցելեցին Սան Ֆրանսիսքոյի «Food Bank»ը՝ ուտեստեղէն տրամադրող այդ կեդրոնին կամաւոր սպասարկութիւն տրամադրելով:
Հայկական Ցեղասպանութեան ոգեկոչման օրերուն աշակերտները համայնքին կամաւոր սպասարկութեանց մղելու նպատակով, վարժարանի հայերէն լեզուի ուսուցչուհիներէն Կարինէ Փանոսեան կազմակերպած էր սոյն այցելութիւնը: Աշակերտներուն ընկերացան նաեւ անոնց ծնողները՝ օգնելով կեդրոնի անձնակազմին:
«Հայկական Ցեղասպանութեան ընթացքին մեր [...]

ՍԱՆ ՖՐԱՆՍԻՍՔՕ.- Երեքշաբթի, Ապրիլ 23ին, Գռուզեան-Զաքարեան-Վասպուրական Ազգ. վարժարանի աշակերտները՝ նախակրթարանէն մինչեւ 8րդ դասարան, այցելեցին Հայկական Ցեղասպանութեան յուշարձանի վերածուած Տէյվիտսըն լերան խաչը:
Տարեկան աւանդութեան մը վերածուծ այս այցելութեան ընթացքին, Սեւակ սրկ. Ժատոյեան, որ վարժարանի կրօնքի դասատուն է, աշակերտներուն հետ աղօթեց յուշարձանին առջեւ, ապա աշակերտները ներկայացուցին Ցեղասպանութեան զոհերուն նուիրուած յատուկ յայտագիր մը:
Դպրոց վերադարձին, աշակերտները ներկայ եղան շրջանի Ս. [...]

ՍԱՆ ՖՐԱՆՍԻՍՔՕ.- Գռուզեան-Զաքարեան-Վասպուրական Ազգ. վարժարանի աշակերտները Մարտ եւ Ապրիլ ամիսներուն աստիճանաբար լեցուցած են վարժարանին մէջ զետեղուած՝ Արեւմտեան Ամերիկայի ՀՕՄի Շրջանային վարչութեան Ջաւախքի հիմնադրամին գանձանակները՝ գործնականօրէն ի-րենց մասնակցութիւնը բերելով Ջաւախքի վարժարաններու աշակերտներուն օժանդակութեան գործին:
Նաեւ, առաջնորդութեամբ վարժարանի 7րդ դասարանին, աշակերտները հագուստեղէնի հաւաք մը կատարեցին Օշականի մէջ իրենց քոյր վարժարանի՝ «Փայլակ Բաբգէնեան»ի աշակերտներուն համար: Աշխատանք կը տարուի, որ [...]

ՍԱՐԳԻՍ ՓԱՆՈՍԵԱՆ
ՖՐԵԶՆՕ.- Կազմակերպութեամբ Ամերիկայի Հայ Դատի յանձնախումբին, Ֆրեզնոյի աւանդութիւն դարձած հայկական դրօշակի արարողութիւնը տեղի ունեցաւ Ապրիլ 24ին, առաւօտեան ժամը 9ին, ներկայութեամբ եւ մասնակցութեամբ Ֆրեզնոյի բոլոր միութիւններուն, հոգեւորականներու դասին, «Սողոմոն Թեհլիրեան» կոմիտէին, համալսարանական հայ ուսանողներուն, ՀՄԸՄ «Սասուն» մասնաճիւղի սկաուտներուն, Չարլի Քէյեան համագաղութային վարժարանի աշակերտներուն եւ շրջանիս ու արուարձաններու պետական անձնաւորութիւններուն:
Օրուան հանդիսավար Տեպի Փուչիկեան հանդիսութիւնը բացուած յայտարարեց [...]

ՍԱՐԳԻՍ ՓԱՆՈՍԵԱՆ
ՖՐԵԶՆՕ.- Կազմակերպութեամբ շրջանիս «Սողոմոն Թեհլիրեան» կոմիտէին, Կիրակի, Ապրիլ 28ին, «Արարատ-Մասիս» գերեզմանատան մէջ, Սողոմոն Թեհլիրեանի յուշարձանին դիմաց տեղի ունեցաւ հոգեհանգստեան արարողութիւն եւ ոգեկոչման հանդիսութիւն, մասնակցութեամբ ՀՕՄի «Սոֆիա» մասնաճիւղի Շաբաթօրեային, ՀՄԸՄ «Սասուն» մասնաճիւղի սկաուտներուն, Եղիա քհնյ. Յակոբեանին, Ս. Երրորդութիւն եկեղեցւոյ դպրաց դասին եւ մեծ թիւով ներկաներու:
«Սողոմոն Թեհլիրեան» կոմիտէի անդամ Սեւակ Ճիյէրեան, ոգեկոչման հանդիսութիւնը բացուած յայտարարելէ ետք՝ [...]

ՍԱՐԳԻՍ ՓԱՆՈՍԵԱՆ
ՖՐԵԶՆՕ.- Ուրախալի երեւոյթ է երիտասարդներուն ներկայութիւնն ու մասնակցութիւնը շրջանիս մէջ կազմակերպուած բոլոր ձեռնարկներուն: Այս տարի, Ապրիլ 24ի առիթով, շրջանիս մէջ բազմաթիւ ոգեկոչումներ տեղի ունեցան, զանազան վայրերու մէջ, խուռներամ երիտասարդ-երիտասարդուհիներու եւ մեծ թիւով հայորդիներու ներկայութեամբ:
Ֆրեզնոյի համալսարանի հայ ուսանողները, իրենց մասնակցութիւնը բերելէ ետք քաղաքապետարանին դիմաց Եռագոյն դրօշի հանդիսաւոր արարողութեան, յետմիջօրէի ժամը 1ին համալսարանին մէջ իրականացուցին Ապրիլ [...]

ՊԸՐՊԵՆՔ.- Հայց. եկեղեցւոյ Հիւսիսային Ամերիկայի Արեւմտեան թեմի կազմակերպութեամբ, հովանաւորութեամբ առաջնորդ Յովնան արք. Տէրտէրեանի եւ մասնակցութեամբ Այնթապի հայրենակցական միութեան, Կիրակի, Յունիս 16ին տեղի պիտի ունենայ հանդիսութիւն մը՝ նուիրուած բազմավաստակ կրթական մշակ Երուանդ Պապայեանի ծննդեան հարիւրամեակին:
Սրբոց Ղեւոնդեանց Մայր տաճարին մէջ, յընթացս Ս. պատարագի, պիտի ընթերցուի Գարեգին Բ. Ամենայն հայոց կաթողիկոսի Օրհնութեան գիրը, իսկ պատարագի աւարտին՝ պաշտօնական հանդիսութիւնը [...]

ԼԻՆՏԱ ԳԱՆՏԻԼԵԱՆ
Ապրիլ 24, հայ ժողովուրդի պատմութեան մէջ աննախընթաց թուական: Թուրքը ծրագրեց բնաջնջել հայ ժողովուրդը եւ ձգել մէկ հայ որպէս նմոյշ: Թուրքը գործադրեց իր ծրագիրը: Թուրքը ձախողած է իր նպատակին մէջ, բայց Արեւմտահայաստանը թափուր է:
Ապրիլ 24, 2013, մօտաւորապէս մէկ դար ետք, աշխարհով մէկ հայութիւնը իր յարգանքի տուրքը տուաւ մէկուկէս միլիոն նահատակներուն՝ ոգեկոչելով անոնց յիշակատը ամէնուրեք: Հայ [...]

Մեծի Տանն Կիլիկիոյ կաթողիկոսութիւնն ու անոր հովանին վայելող թեմերը այս տարի յատուկ շուքով կը յիշատակեն երանաշնորհ Զարեհ Ա. եւ Խորէն Ա. կաթողիկոսներու վախճանման 50րդ եւ 30րդ տարեդարձները։ Անթիլիասի մէջ թէ թեմերու, կը կազմակերպուին յիշատակի հանդիսութիւններ, որոնք առիթ կը ծառայեն լուսարձակի տակ բերելու երկու երախտաշատ հայրապետներուն դերն ու ներդրումը՝ սփիւռքացած հայութեան վերակենսաւորման եւ Ս. աթոռի վերածաղկումին [...]

ՊԸՐՊԵՆՔ.- Հայց. եկեղեցւոյ Հիւսիսային Ամերիկայի Արեւմտեան թեմի տիկնանց միութեան 61րդ Պատգամաւորական ժողովը Հինգշաբթի, Մայիս 2ին գումարուեցաւ առաջնորդարանին մէջ, նախագահութեամբ առաջնորդ Յովնան արք. Տէրտէրեանի: Գարեգին Բ. Ամենայն հայոց կաթողիկոսին յղած պատգամը ընթերցեց Ներսէս քհնյ. Հայրապետեան, իսկ անոր անգլերէն թարգմանութիւնը կարդաց առաջնորդարանի երիտասարդաց վարիչ Մկրտիչ սրկ. Քսաչիկեան:
Տիկնանց միութեան Կեդրոնական խորհուրդի ատենապետ Արփի Պարսամ ժողովը բաց յայտարարեց, իսկ [...]

ՊՕՂՈՍ ԳՈՒԲԵԼԵԱՆ
Քնարերգական իր կոչումը լիովին արդարացնող MSC POESIA իտալական զբօսանաւը, 16րդ տարին ըլլալով, ամբողջ շաբաթ մը ճախրեց Քարիպեան լազուարթ ջուրերուն մէջ՝ հազարի մօտ հայ նաւագնացներով, որոնց կարեւոր մէկ մասը տասնեակ տարիներէ ի վեր, կարօտակէզ սրտով, Ֆորթ Ռոտրտելի նաւահանգիստը կը փութայ, վայրկեան առաջ նաւ բարձրանալու ու ամբողջ շաբաթ մը վերանալու հայկական ջերմ մթնոլորտի մը մէջ։ Կ՛աճապարէ [...]

ԿԼԵՆՏԷՅԼ.- Համազգայինի «Յովհաննէս Թումանեան» մասնաճիւղին կազմակերպութեամբ, Ուրբաթ, Մայիս 31ին, երեկոյեան ժամը 7ին, Կլենտէյլի «Գարամանուկեան» երիտասարդական կեդրոնին մէջ տեղի պիտի ունենայ Հայաստանի եւ Արցախի ճամբորդական ուղեցոյցներ հրատարակած հեղինակ-լուսանկարիչ Մեթիու Քարանեանի կողմէ պատրաստուած սահիկներու ցուցադրութիւն: Քարանեան նաեւ պիտի մակագրէ «The Stone Garden Travel Guide: Armenia and Karabakh» հատորէն օրինակներ:
«Գարամանուկեան» երիտասարդական կեդրոնին հասցէն է՝ 211 W. Chestnut St.:
Տեղի [...]

ԿԼԵՆՏԷՅԼ.- Նկատի ունենալով, որ ծնողներից շատերի համար իրենց զաւակներին հայերէն առարկաների տնային աշխատանքներում օգտակար հանդիսանալը համեմատաբար դժուարին հարց է, մասնաւորաբար, երբ ծնողն առիթ չի ունեցել հայկական վարժարան յաճախել, ուստի Շամլեան Ազգ. վարժարանի տնօրէնութիւնը, ի մտի ունենալով սոյն հանգամանքը՝ ձեռնարկել է արտադասարանային ուսուցողական անվճար օժանդակութեան ծրագիր (tutoring), որի ընթացքում աշակերտները կարողանում են յաւելեալ օգնութիւն ստանալ՝ հայերէն [...]

ՎԱՐԴԻ ԴԱՆԻԷԼԵԱՆ
Միացեալ Նահանգներու Արեւ-մտեան թեմի առաջնորդ սրբազան հօր՝ Մուշեղ արք. Մարտիրոսեանի, հովանաւորութիւնը կը վայելէ շատ օգտաշատ կազմակերպութիւն մը, Պետական վարժարաններ յաճախող աշակերտներու յանձնախումբը (CASPS): Ոչ շահութաբեր այս հայկական կազմակերպութիւնը, ահաւասիկ 17 տարիներէ ի վեր կը նպաստէ հայ աշակերտներու կրթական թէ ընկերահոգեբանական կարիքներուն: Այս է այս կազմակերպութեան գլխաւոր նպատակը: Հայ ուսանողութիւնը խրախուսել, օգնութեան ձեռք երկարել բոլոր [...]

ՆԱՆԷ ԱՒԱԳԵԱՆ
Հայ ժողովրդի պատմութեան փառահեղ օրերից մէկը՝ Մայիսի 9ի յաղթանակներն ու Արցախի ազգային ազատագրական շարժման 25ամեակը նշելու նպատակով Գլենդելում տօնական հանդիսութիւն էին կազմակերպել Ամերիկայի Հայ վետերանների միութիւնը՝ Արցախի մշակութային միացեալ մարմնի, Կալիֆորնիայի Հայ գրողների միութեան, «Մաշտոց» քոլեջի, մշակութային, հասարակական եւ երիտասարդական կազմակերպութիւնների հետ միասին: Ձեռնարկի գլխաւոր հովանաւորը Լոս Անջելեսում ՀՀ հիւպատոսարանն էր, որի համար իր [...]

ԿԼԵՆՏԷՅԼ.- Կիրակի, Մայիս 19ին, երեկոյեան ժամը 5ին տեղի պիտի ունենայ դաշնակահար Ծովիկ Մարգարեանի նախաձեռնութեամբ սկսած «Խորհրդաւոր անցարգելներ» համերգներու շարքին հինգերորդը, որ նաեւ անոր առաջին տարեշրջանին վերջինն է:
Ձեռնարկը տեղի պիտի ունենայ Լարք երաժշտական ընկերակցութեան կեդրոնի «Թրբանճեան» սրահին մէջ (543 Arden Avenue, Glendale, CA, 91203): Ընթացքին պիտի ներկայացուին հայ, ռուս, ֆրանսացի, ամերիկացի եւ գերմանացի յօրինողներու ստեղծագործութիւններ, որոնք [...]

Օտարագիր Հայ Գրողների Համաժողովը՝ Յուլիսին
ՀՀ գրողների միութեան եւ ՀՀ սփիւռքի նախարարութեան նախաձեռնութեամբ  ս.թ  Յուլիսի 11-15ը Հայաստանում տեղի կ՛ունենայ Օտարագիր հայ գրողների հերթական՝ 5րդ համաժողովը՝ «Համաշխարհայնացում եւ ազգային ինքնութիւն» խորագրով:
Համաժողովին հրաւիրւում են մասնակցելու արտերկրում ապրող եւ ստեղծագործող հայազգի գրողները:
Ճանապարհածախսը հոգում են պատուիրակները, կացութիւնն ու սնունդը՝ հրաւիրող կողմը:
Յայտերն ընդունւում են մինչեւ ս.թ Յունիսի 15ը՝  հետեւեալ հասցէներով.
mshakuyt.diaspora@mail.ru
writers.union.arm@gmail.com
Տեղեկատու հեռախօս՝ [...]

ԿԼԵՆՏԷՅԼ.- Կլենտէյլի «Էտվենթիսթ» բժշկական կեդրոնի մէջ գործող եւ տոքթ. Նորիկ Պօղոսեանի անուան քաղցկեղի կեդրոնին կազմակերպութեամբ, Կիրակի, Մայիս 5ին, «Ալեքս» թատերասրահին մէջ տեղի ունեցած է ծիծաղի երեկոյ մը՝ «Laugh 4 A Cause» անունով, որուն ընթացքին ելոյթներ ունեցան կատակաբաններ Մազ Ճոպրանի եւ Վահիկ Փիրհամզէի:
Քաղցկեղի կեդրոնին ի նպաստ դրամահաւաքի ձեռնակ մը հանդիսացող այս միջոցառումին, որուն ներկայ էր աւելի [...]

ԿԼԵՆՏԷՅԼ.- Հինգշաբթի, Մայիս 23ին, երեկոյեան ժամը 8ին, «Ապրիլ» գրատան մէջ տեղի պիտի ունենայ Արա Ղազարեանի կողմէ անգլերէնի թարգմանուած Փլաթոն Զուպովի «Ղարաբաղի Աստղագէտը» («The Astrologer of Karabagh») հատորին ներկայացումը:
Զուպովի (1796-1857) հեղինակած հատորը պատմական վէպ մըն է՝ նուիրուած Արցախի մէջ 18րդ դարու իրադարձութեանց: Հատորը Ռաֆֆիին կողմէ հայերէնի թարգմանուած է 1882ին:
Հատորը պիտի ներկայացուի Մեսեչուսեցի Հայ մշակութային հիմնարկութենէն Արա [...]

Ինչ շուտ կ՛անցնին տարիները եւ տարիներուն հետ մենք ալ կը մեծնանք: Տարիներու ընթացքին ես հասկցած եմ մեր պապերու խօսքը՝ «Մանկութիւնդ վայելէ, երբ մեծնաս՝ մանկութիւնդ կ՛երազես ու անընդհատ կ՛ըսես՝ երնէկ են տարիները, երբ մենք տակաւին մանուկ էինք»:
Երբ ես պզտիկ էի, կ՛երազէի մեծնալ եւ աշխատիլ, բայց չէի հասկնար, թէ ի՛նչ կը նշանակէ մանկութիւն բառին իսկական իմասը, չէի [...]

ԿԱՐԻՆԷ ՏԷՐ ԳԷՈՐԳԵԱՆ
Խմբագրութիւնում լսեցի երիտասարդ զոյգի յանկարծակի մահուան գոյժը՝ աւտովթարի (արկածի-Խմբ.) հետեւանքով: Ողջ անձնակազմը ողբում էր երիտասարդներ Ալէնի եւ Սօսէի անժամանակ կորուստը:
Ճակատագիրը կեանքից սրբել-տարել էր հայի մի նոր ձեւաւորուող տեսակ՝ ամերիկահայ երիտասարդ մասնագէտներ, որոնք թողնելով իրենց յաջող գործերը Միացեալ Նահանգներում, որոշել էին ապրել Հայաստանում, ամուսնացել էին այնտեղ, աշխատում էին եւ հաստատուել էին հայրենիքում: Սա այն [...]

ՄՈՆԹԵՊԵԼԼՕ.- Սան Կապրիէլ հովիտի Հայ Դատի յանձնախումբին հիւրընկալութեամբ, Երեքշաբթի, Ապրիլ 23ի երեկոյեան տեղի ունեցաւ ոգեկոչման քաղաքական հաւաք եւ
հսկումի արարողութիւն՝ Մոնթեպելլոյի Հայկական Ցեղասպանութեան զոհերու յուշարձանին առջեւ՝ ի մի բերելով աւելի քան 600 հայորդիներ:
Ներկայ էին նաեւ Մոնթեպելլոյի քաղաքապետ Քրիսթինա Քորթեզ, քաղաքապետական խորհուրդի անդամներ Պիլ Մոլինարի եւ Ճեք Հաճինեան, Փիքօ Ռիվերայի քաղաքապետական խորհուրդի անդամ  Պապ Արքուլեթա, ինչպէս նաեւ [...]

ԿԼԵՆՏԷՅԼ.- Հայ կրթական հիմնարկութիւնը կը տեղեկացնէ, թէ արդէն իսկ սկսած է ընդունելու 2013-2014 համալսարանական տարեշրջանի «Ռիչըրտ Ռ. Թիւֆէնքեան» կրթանպաստի դիմումնագիրները:
2500 տոլարական կրթանպաստներ պիտի տրամադրուին համալսարանական հինգ հայ ուսանողներու, որոնք ամերիկեան համալսարանի մը մէջ առնուազն 3.0 Ճի.Փի.Էյ. ապահոված են, նիւթական օժանդակութեան կարիքը ունին ու հայ գաղութին մէջ գործօն դերակատարներ են:
Դիմումնագիրին կամ յաւելեալ տեղեկութեանց համար, այցելել www.aefweb.org [...]

«The Crime of the Ages» Խորագրուած Չորրորդ Հատորին Ներկայացումը՝ Հովանաւորութեամբ Ամերիկայի Արեւմտեան Թեմի Առաջնորդ Տէր Յովնան Արքեպիսկոպոսին
ՅԱԿՈԲ ՄԱՆՃԻԿԵԱՆ
Պոլսահայ մտաւորական Սեպուհ Ակունիի «Միլիոն մը հայերու ջարդին պատմութիւնը» անգլերէնի թարգմանուած հատորին ներկայացումը կատարուեցաւ Ապրիլի 5ի երեկոյեան, Հիւսիսային Ամերիկայի Արեւմտեան թեմի «Զորայեան» սրահին մէջ, հովանաւորութեամբ առաջնորդ տէր Յովնան արքեպիսկոպոսին եւ մասնակցութեամբ շուրջ 110 հայրենակիցներու:
Հանդիսավար Թամար Մաշիկեան երեկոյթը բացաւ [...]

ՆՈՒՊԱՐ ՏԷՄԻՐՃԵԱՆ
Շաբաթ, Մայիս 18ին տեղի պիտի ունենայ Սան Ֆրանսիսքոյի ՀՕՄի «Կարին» մասնաճիւղի հիմնադրութեան 80ամեակի տօնակատարութիւնը: Արդէն իսկ տեղւոյս ՀՕՄուհիները մեծ խանդավառութեամբ լծուած են ծանր աշխատանքի՝ լաւագոյնս ներկայացնելու ՀՕՄի կանացի այս մեծ կազմակերպութեան հպարտանքի 80ամեակի մեծ ձեռնարկը: Այս առիթով, հարցազրոյց մը ունեցանք «Կարին» մասնաճիւղի ատենապետուհի Հուրիկ Այնթապլեանի ու մասնաճիւղի երկարամեայ եւ վաստակաշատ անդամուհիներէն Աննիկ Զինտարզեանի հետ:
ՆՈՒՊԱՐ [...]

Քրեսենթա հովիտի Հայց. առաքելական եկեղեցւոյ դաստիարակչական յանձնախումբը կազմակերպած է հետաքրքրական դասախօսութիւն մը՝ «Ապրիլ լեռներուն հետ. Արարատէն Լուքընզ» խորագիրով, որ տեղի պիտի ունենայ Կիրակի, Մայիս 19ին, յաւարտ Ս. պատարագի, ժամը 1ին, Ազգ. առաջնորդարանի «Տիգրան եւ Զարուհի Տէր Ղազարեան» սրահը (6252 Honolulu Ave., La Crescenta, CA): Պիտի դասախօսէ տոքթ. Յարութիւն Արմէնեան:
Խտասալիկներու միջոցով, տոքթ. Արմէնեան մեզի հաղորդակից պիտի [...]

ՍԱՆ ՖՐԱՆՍԻՍՔՕ.- Վերջին քանի մը ամիսներուն, Ցեղասպանութեան ուսուցման ծրագիրը կազմակերպած է աշխատանիստեր, ինչպէս նաեւ մասնակցած է ուրիշներու՝ ուսուցիչներուն յիշեցնելով, թէ Ապրիլ ամիսը Հայկական Ցեղասպանութեան ոգեկոչման ամիսն է, միաժամանակ շեշտելով, թէ ոգեկոչելու ապագայ ցեղասպանութիւնները կանխարգիլելու լաւագոյն միջոցը դաստիարակութիւնն է:
Սան Ֆրանսիսքոյի երկրորդական վարժարաններէն մէկուն մէջ, Սան Ֆրանսիսքոյի Ողջակիզման կեդրոնին կազմակերպութեամբ Մարտ 17ին կայացած «Սորվելու օր մը» նախաձեռնութեան [...]

ՆԱՆԷ ԱՒԱԳԵԱՆ
Հայ կանանց միջազգային միութեան (AIWA) Լոս Անջելեսի մասնաճիւղի անդամների Ապրիլի 27ի հաւաքի առիթը «Օսկար»ի արժանացած ամերիկահայ պրոդիւսեր Քեթրին Սարաֆեանի մեծարման ձեռնարկն էր: «Մեր կազմակերպութեան նպատակներից է համայնքին ներկայացնել յաջողութեան հասած հայ կանանց: Այս կերպ մենք նաեւ քաջալերում ենք մեր երիտասարդ սերնդին: Քեթրին Սարաֆեանը որպէս խօսնակ մասնակցել է մեր համաժողովներին, իսկ այս անգամ մենք որոշեցինք [...]

Տարի մը եւս աւելցաւ Հայ Աւետարանական Մերտինեան վարժարանի տարիքին վրայ։ 31 տարիներ առաջ ծնունդ առած էր ան, որպէս քանի մը «հաւատաւոր հայերու» իրականացուցած տեսլական՝ 13 աշակերտներով։ 31 տարիներ ետք անիկա դարձած է ամրակուռ հիմերու վրայ կանգնած առողջ հաստատութիւն մը, աշակերտութեան եւ պաշտօնէութեան թիւը բազմապատկուած, փայլուն դիրքերու հասած շրջանաւարտներու փաղանգ մը թիկունքին եւ շրջապատուած՝ զայն հոգացող [...]

ԿԼԵՆՏԷՅԼ.- Մայիս 2013ի առաջին շաբաթավերջին հայկական մեր մշակոյթն ու աւանդութիւնները դարձեալ վերակենդանացան  Կլենտէյլի «Սիվիք» հանդիսասրահին մէջ, ուր յաջողութեամբ իրագործուեցաւ շրջանի Հայ Օգնութեան Միութեան կազմակերպած 12րդ փառատօնը: Ոտքի էր ՀՕՄի ողջ ընտանիքը: Մեղուի փեթակի վերածուած «Սիվիք»ի երկու յարկերուն վրայ, Փառատօնի յատուկ նարնջագոյն շապիկներ հագած ժրաջան ՀՕՄուհիները, ուրախութեամբ ու համադամ ճաշերով կը դիմաւորէին սրահ փութացող ժողովուրդը, որոնց [...]

ՍԱՐԳԻՍ ՓԱՆՈՍԵԱՆ
Կազմակերպութեամբ «Արարատ-Մասիս» գերեզմանատան յանձնախումբին, մասնակցութեամբ շրջանիս եկեղեցիներուն, դպրաց դասերուն, Հայաստանի մօտ Ամերիկայի նախկին դեսպան Ճան Էվընզի, ՀՅԴ «Սողոմոն Թեհլիրեան» կոմիտէին, ՀՄԸՄի «Սասուն» մասնաճիւղի սկաուտական խումբերուն եւ մեծ թիւով հայորդիներու, որոնք համախմբուած էին միասնաբար իրենց յարգանքը մատուցանելու Ապրիլ 23ին, «Արարատ-Մասիս» գերեզմանատան մէջ, Անծանօթ Հայորդիի աճիւնի հողակոյտին առջեւ տեղի ունեցաւ հոգեհանգստեան արարողութիւն:
Սիրելի ընթերցող, 1915ի Մեծ Եղեռնի [...]

Ս. ՄԱՀՍԷՐԷՃԵԱՆ
Հայութեան կրած պատմական տառապանքներուն ու վերականգնումի իրողութեան փաստերը յաճախ արձագանգ գտած են արուեստի գործերու մէջ. նկարիչ, քանդակագործ թէ կերպարուեստի ծառայող բազմաթիւ արուեստագէտներ ցոյց տուած են, որ գիրին եւ խօսքին կողքին, շօշափելի քանդակը, նկարն ու գոյներն ալ մեծ ներգործութիւն ունին մեր հարցերու տարածման ու համակիրներու ապահովման մէջ։ «Արուեստ արուեստի համար» հասկացութիւնը կարեւոր է ու յարգելի, [...]

ՈՒԱՇԻՆԿԹԸՆ.- Միացեալ Նահանգներու Գերագոյն ատեանը Հոկտեմբեր 2012ին դիմած էր նախագահ Պարաք Օպամայի կառավարութեան՝ անոր կարծիքը խնդրելով Հայկական Ցեղասպանութեան օրերուն ապահովագրութիւն գնած հայորդիներուն առնչուող իրաւունքներուն վերաբերող հարցին մասին եւ շատ հաւանական կը նկատուի, որ յառաջիկայ քանի մը օրերուն վարչակարգը նման կարծիք մը փոխանցէ, կը տեղեկացնէ Ամերիկայի Հայ Դատի յանձնախումբը:
Յիշեցնենք, թէ Միացեալ Նահանգներու Շրջանային 9րդ ատեանը բեկանած [...]

Հայկական Բարեգործական Ընդհանուր Միութեան Արեւմտեան Ամերիկայի Շրջանակային յանձնաժողովը ուրախ է յայտարարելու, որ անցեալ տարուան նման, այս տարի եւս կազմակերպած է ամառնային ճամբար մը, որ տեղի պիտի ունենայ ՀԲԸՄ Վաչէ եւ Թամար Մանուկեան կեդրոնին մէջ )2495 East Mountain Street, Pasadena, CA 91104):
Այս ճամբարի տեւողութիւնն է վեց շաբաթ՝ 24 Յունիսէն մինչեւ 2 Օգոստոս 2013, առաւօտեան ժամը 9էն [...]

ՀՈԼԻՎՈՒՏ.- Ամերիկահայ բժշ-կական ընկերակցութեան հիւրընկալութեամբ կայանալիք Հայ բժշկական համաշխարհային 11րդ համաժողովի պաշտօնական ճաշկերոյթը տեղի պիտի ունենայ Շաբաթ, Յուլիս 6ին, «Ռէյ Տոլպի» թատրոնի (նախկին «Քոտաք» թատրոնը) սրահին մէջ, եւ որոշուած է անոր հասոյթը յատկացնել Հայաստանի մէջ պատանեկան եւ մանկական հիւանդութիւններու դարմանումի ծրագիրներուն՝ Ամերիկահայ բժշկական ընկերակցութեան Պատանեկան շաքարախտի ծրագիրին ու Մանկական լուսնոտութեան ծրագիրին:
Ճաշկերոյթը նաեւ առիթ մը պիտի [...]

Ապրիլեան Եղեռնի ոգեկոչման հանդիսութեանց շարքին, Կիրակի, Ապրիլ 21ին, աւելի քան հինգ հարիւր հայորդիներ լեցուցած էին Ֆերահեան Ազգային վարժարանի «Աւետիսեան» սրահը, Հայկական Ցեղասպանութեան 98րդ տարելիցին առթիւ յիշելու աւելի քան մէկ ու կէս միլիոն մեր նահատակները եւ յիշեցնելու անոնց, թէ՝ չենք մոռցած, չենք մոռնար…
Ձեռնարկը նախաձեռնիւթիւնն էր ՀՅԴ «Ռոստոմ» կոմիտէին, կազմակերպուած կոմիտէի Հանրային կապի յանձնախումբին, Պոլսահայ միութեան, «Ֆերահեան»ի, [...]

Հինգշաբթի, Մայիս 2ի առաւօտուն, Ֆերահեան Ազգային վարժարանի 10րդ կարգի աշակերտները այցելեցին Ազգային առաջնորդարան, ուր ընդունուեցան առաջնորդ Մուշեղ արք. Մարտիրոսեանի եւ հոգեւոր հայրեր Միւռոն Ծ. վրդ. Ազնիկեանի եւ Ռազմիկ քհնյ. Խաչատուրեանի կողմէ:
Առաջին հերթին, հոգեւոր հայրերն ու աշակերտները աղօթքի պահ մը ունեցան «Ս. Տրդատ եւ Ս. Աշխէն» մատրան մէջ, ապա աշակերտները համախմբուեցան «Տիգրան եւ Զարուհի Տէր Ղազարեան» [...]

ՓԱՍԱՏԻՆԱ.- Երկուշաբթի, Յունիս 10ին, երեկոյեան ժամը 7ին, Փասատինայի «Փարսընզ» շէնքին մէջ (100 W. Walnut Street, Pasadena, CA, 91124) տեղի պիտի ունենայ ՀԲԸՄի Հայկական համացանցային համալսարանի ծանօթացման ձեռնարկ մը՝ կազմակերպութեամբ Ամերիկայի հայ ճարտարագէտներու եւ գիտնականներու միութեան: Ելոյթ պիտի ունենայ համալսարանի հիմնադիրն ու տնօրէնը՝ դոկտ. Երուանդ Զօրեան: Ներկայացման ընթացքին համացանցին միջոցաւ իրենց վկայութիւնները պիտի տան նաեւ համալսարանի [...]

18էն 80 տարեկաններու համար, Երեւանի մէջ մշակուած է հայերէն սորվեցնելու 14օրեայ ծրագիր մը, որուն մասնակցութեան սակը 700 բրիտանական փաունտով կը սկսի՝ իւրաքանչիւր շաբթուան համար, ներառեալ՝ դասաւանդութիւն, կեցութիւն, նախաճաշ եւ ճաշ: Մասնակիցները նաեւ պիտի այցելեն թանգարաններ ու ներկայ պիտի ըլլան համերգներու, իսկ յաւելեալ գումարով մը նաեւ առիթը պիտի ունենան Երեւանէն դուրս պտոյտներու մասնակցելու երեկոներուն կամ շաբաթավերջերուն: [...]

Ս. ՄԱՀՍԷՐԷՃԵԱՆ
Եոհան Սեպասթիան Պախ կը նկատուի բոլոր ժամանակներու մեծագոյն յօրինողներէն մէկը. անոր կտորները միայն մէկզմէկո՛ւ հետ կրնան մրցիլ՝ երաժշտական վայելք ընծայելու իմաստով։ Ունկնդիրին մօտ ընդհանրապէս կը ստեղծուի այն զգացումը, որ սկսուած կտոր մը պէտք չէ վերջ ունենայ, այլ դրախտային պահը շարունակուի յաւիտեան, ինչպէս կը բնորոշուի Դրախտը, բայց քանի որ կ՛ապրինք մահկանացուներուս աշխարհին մէջ, եւ երբ [...]

ԿԼԵՆՏԷՅԼ.- Շաբաթ, Մայիս 11ին, «Սիլվանա» ցուցադրասրահին մէջ արուեստասէրներ առիթը պիտի ունենան դիտելու յայտնի արուեստագէտ Տիգրան Յովումեանի ստեղծագործութեանց ընթացքը: Արդարեւ, արուեստագէտը այդ օրը բոլորին ներկայութեան պիտի արտադրէ իր արուեստի գործ(եր)ը՝ առիթ ընծայելով ներկաներուն, որ մօտէն ծանօթանան գծելու իր արուեստին:
Իւարայատուկ այս ձեռնարկը տեղի պիտի ունենայ կ.ե. ժամը 1էն 3ի միջեւ: Մասնակցութեան սակը 30 տոլար է: Տեղեր ապահովելու [...]

ԿԼԵՆՏԷՅԼ.- Կլենտէյլի գրադարանին կազմակերպութեամբ, Հինգշաբթի, Մայիս 23ին, երեկոյեան ժամը 7ին տեղի պիտի ունենայ Ռապըրթ Դաւիթեանի «Հայ գործիչները այսօր. Շարժումի մը ծնունդը» խորագիրով 41 վայրկեաննոց վաւերագրական շարժապատկերը՝ Հայաստանի մէջ մարդկային, քաղաքական ու ընկերային իրաւանց համար պայքարող գործիչներու մասին:
Անգլերէնով եւ հայերէն խորագիրներով ֆիլմին ցուցադրութիւնը տեղի պիտի ունենայ Կլենտէյլի հանրային կեդրոնական գրադարանի սրահին մէջ (222 E. Harvard Street, [...]

ԿԼԵՆՏԷՅԼ.- Հինգշաբթի, Մայիս 16ին, երեկոյեան ժամը 8ին, «Ապրիլ» գրատան մէջ տեղի պիտի ունենայ Վարդգէս Դաւթեանի նոր հրատարակուած «Լեկիտիմ Կատակներ Լրջանալու Պահին. Եղելութիւն եւ Խոհեր» հատորին ներկայացումը:
Հոգեբոյժ Վարդգէս Դաւթեան այս գիրքին մէջ կը ներկայացնէ վերլուծական յուշեր՝ իր հայաստանեան կեանքին ընթացքին հանդիպած երեւելի մարդոց մասին:
Տեղի պիտի ունենայ նաեւ հիւրասիրութիւն, իսկ մուտքը ազատ է:
«Ապրիլ» գրատան հասցէն է՝ 415 [...]

ԿԼԵՆՏԷՅԼ.- «Կլենտէյլ Նիուզ Փրէս» կը գրէ, թէ միջվարժարանային «Փըսիֆիք» թենիսի մրցաշարքի կիսաւարտականին հասած Կլենտէյլի «Հուվըր» երկրորդական վարժարանէն Օլեկ Սիմոնեան, յաղթանակ մը եւս ապահովելով՝ կրցած է հասնիլ աւարտական, ուր ան սուր պայքարէ մը ետք՝ 3-6, 4-6 արդիւնքով պարտութիւն կրեց թիւ 1 դասուած Սոյըր Փեթըրսընէն, որ կիսաւարտականին նաեւ 6-4, 6-2 արդիւնքով յաղթանակ մը արձանագրած է «Հուվըր»էն Էմիլ [...]

ՄԵԾԱՐԳՈՅ ՊԱՐՈՆ
ԲԱԿՕ ՍԱՀԱԿԵԱՆ
«Ամերիկահայ Զինեալներ» կազմակերպութեան անդամները՝ հրամանատար æան (Յովհաննէս) Սուրուչլեանի գլխաւորութեամբ, շնորհաւորում են Ձեզ, արցախցիներին եւ ողջ հայ ազգին մեր հինաւուրց պատմութեան փառաւոր էջերից ամենաժամանակակից յաղթանակներից մէկի՝ Շուշի քաղաքի ազատագրման 21ամեակի կապակցութեամբ:
Մենք լաւ ենք գիտակցում այդ յաղթանակի արժէքը, որում դրսեւորուեց հայ ռազմական մտքի, ռազմավարութեան աննախադէպ ճկունութիւնն ու ազատամարտիկների անօրինակ սխրագործութիւնները:
Շուշիի ազատագրումը բեկումնային փուլ եղաւ արցախեան [...]

ԿԼԵՆՏԷՅԼ, «Կլենտէյլ Նիուզ Փրէս».- Շաբաթ, Մայիս 4ին, Հայկական ոսկրածուծի հիմնադրամին ի նպաստ հերթական դրամահաւաք-քայլարշաւ տեղի ունեցաւ Կլենտէյլի մէջ, առաւօտեան ժամը 10էն սկսեալ, Կլենտէյլի «Մեմորիըլ» հիւանդանոցին առջեւէն:
Հայկական ոսկրածուծի հիմնադրամի նախագահ Ֆրիտա Ճորտըն կը շեշտէ, թէ ծինային նման յատկանիշեր ունեցողներէն ոսկրածուծի պատուաստումները աւելի յաջող արդիւնքներ կու տան, եւ ծինային իւրայատկութիւններ ունեցող հայերու համար նման հիմնադրամ մը յոյժ [...]

ՀԱՄԼԷՏ ԳԵՒՈՐԳԵԱՆ
Արցախեան Ազատամարտի չորրորդ տարուայ սկիզբն էր՝ 1994 թ. Յունուարը:
ԼՂՀ բանակի հետախուզութեան ձեռք բերած տուեալների համաձայն՝ ադրբեջանական հրամանատարութիւնը 1993 թ. աշնանը հարաւային ճակատում կրած պարտութիւնից յետոյ մարտական մեծ ուժեր է կենտրոնացնում Արցախեան ռազմաճակատի բոլոր ուղղութիւններում, այդ թւում նաեւ Աղջաբեդի եւ Ժդանովսկի շրջաններում, որտեղից նախատեսւում էր հզօր հարուածներով ճեղքել Արցախի պաշտպանական դիրքերը հարաւային (Հորադիզ քաղաք-կայարան), յարաւարեւելեան [...]

Ապրիլ 24էն երկու օր ետք, Ազգ. առաջնորդարանի յարկը դարձեալ պատանի աշակերտներու խանդավառութեամբ վարակուեցաւ, երբ Ազգային Ռոզ եւ Ալէք Փիլիպոս երկրորդական վարժարանէն աւելի քան 60 աշակերտներ այցելութեան եկան Ազգի տունը եւ արժանացան առաջնորդ Մուշեղ արք. Մարտիրոսեանի հիւրընկալութեան։
Այցելուներն էին վարժարանի 10րդ եւ 11րդ դասարաններու աշակերտները՝ ընկերակցութեամբ իրենց ուսուցիչներուն։ Առաջնորդին կողքին էին Կրօնական ժողովի ատենապետ Միւռոն Ծ. վրդ. [...]

ԼՈՍ ԱՆՃԵԼԸՍ.- Լոս Անճելըսի քաղաքամէջի լուրերը հաղորդող «Լոս Անճելըս Տաունթաուն Նիուզ»ի թղթակից Ռիչըրտ Կուզման կը գրէ, թէ Բեգլար Փիլաւճեանի առաջնորդութեամբ 2005ին սկսած բնակելի շէնքի մը վերանորոգման ծրագիրը մեծ յաջողութիւն ապահոված է, հակառակ վերջին քանի մը տարիներուն բնակարաններու շուկային դիմագրաւած վերիվայրումներուն:
Արադարեւ, 2005ին, Փիլաւճեան եւ խումբ մը գործակիցներ 9 միլիոն տոլարով գնած են 1923ին կառուցուած շէնք մը՝ [...]

ՖԻՆԻՔՍ.- Արեւմտեան Ամերիկայի Հայ Դատի յանձնախումբի նախաձեռնութեամբ, Ապրիլ 7ին Հայ Դատին նուիրուած հանրային քննարկում մը տեղի ունեցած է Արիզոնայի հայութեան ներկայացուցիչներուն հետ, Ֆինիքսի Հայ կեդրոնին մէջ, որ շրջանի հայութեան գործունէութեան կիզակէտն է եւ ուրկէ իրենց աշխատանքները կը վարեն զանազան կազմակերպութիւններ, ներառեալ՝ ՀՕՄը, ՀՄԸՄը եւ ՀԵԴն:
«Ֆինիքիս եւ մօտակայ շրջաններու աշխոյժ հայութիւնը մեծ կարողականութիւն ունի: Հաւաքին ամենահետաքրքրական [...]

Գիտնականներու կամ գիտական հիմնարկներու կողմէ, իրենց ուսումնասիրութեանց համար համացանցին միջոցաւ դրամահաւաք կատարելու արշաւներուն մասին կատարուած ուսումնասիրութեան մը մէջ, հեղինակաւոր «Նէյչըր» շաբաթաթերթը իր Մայիս 2ի թիւին մէջ անդրադարձած է նաեւ հայկական «Արփա» հիմնարկի նախաձեռնութեամբ Յունուարին սկսած համացանցային դրամահաւաքի այն արշաւին, որուն նպատակն էր Հայաստանի մէջ DNA ուսումնասիրութեան արդիական կեդրոնի մը հաստատումը:
Համացանցային «indiegogo» կայքին միջոցաւ իրականացուած արշաւին [...]

Չորեքշաբթի, Մայիս 1ի կէսօրին, առաջնորդ Մուշեղ արք. Մարտիրոսեան ընդունեց այցելութիւնը Պրազիլիոյ թեմի առաջնորդ Տաթեւ արք. Ղարիպեանի, որ հարազատներուն այցելութեան համար քանի մը շաբաթէ ի վեր Լոս Անճելըս կը գտնուի։
Երկու սրբազան հայրերը ունին բազմաթիւ տարիներու բարեկամութիւն, գործակից եղած են Հայաստանի մէջ քրիստոնէութիւնը պետական կրօնք հռչակման 1700ամեակին առթիւ ատենին կազմակերպուած ուխտագնացութիւններուն ծիրին մէջ։
Առաջնորդը ողջունեց հիւր սրբազանը. անոնք [...]

ԿԼԵՆՏԷՅԼ.- Հովանաւորութեամբ Լոս Անճելըսի մօտ Հայաստանի հիւպատոսարանին եւ կազմակերպութեամբ Արցախի մշակութային միացեալ մարմինին, Միացեալ Նահանգներու հայ վեթերաններու միութեան, Քալիֆորնիոյ հայ գրողներու միութեան, «Մաշտոց» քոլեճին, ինչպէս նաեւ մշակութային, հասարակական ու երիտասարդական կազմակերպութիւններու, Հինգշաբթի, Մայիս 9ին, կ.ե. ժամը 5:30էն սկսեալ, Կլենտէյլի Քոլորատօ եւ Պրենտ թաղերուն անկիւնը գտնուող այգիին մէջ տեղի պիտի ունենայ Արցախի ազատագրական շարժումին 25րդ ամեակին [...]

ՇԸՐՄԸՆ ՕՔՍ.- Կազմակերպութեամբ «Արփա» հիմնարկին, Հինգշաբթի, Մայիս 30ին, երեկոյեան ժամը 7:30ին տեղի պիտի ունենայ դասախօսական ձեռնարկ մը, որուն ընթացքին դոկտ. Սերճիօ լա Փորթա պիտի ներկայացնէ «Գրիգոր Տաթեւացի եւ Հայ եկեղեցւոյ արդիականացումը» նիւթը:
Դոկտ. լա Փորթա Քալիֆորնիոյ Նահանգային համալսարանի Ֆրեզնոյի մասնաճիւղին մէջ գործող Հայագիտական ծրագիրի «Հայկ եւ Իզապէլ Պէրպէրեաններ» հիմնադրամին կողմէ հովանաւորուած դասախօս է: Ան Հայագիտութեան եւ [...]

ԵՐԵՒԱՆ, «Փան Արմինիըն».– Արցախի Հանրապետութեան նախագահ Բակօ Սահակեան 3 Մայիսին Շուշի քաղաքին մէջ մասնակցած է արուեստի կեդրոնի եւ հոն նշանաւոր քանդակագործ Նիկոլայ Նիկողոսեանի յոբելենական ցուցահանդէսի բացման հանդիսաւոր արարողութեան:
Նախագահը երախտագիտութիւն յայտնած է բարերարներ Սերգէյ, Կարօ եւ Կամօ Սարգսեաններուն՝ այս ծրագիրը ֆինանսաւորելնուն համար ու կարեւոր նկատած է արուեստի կեդրոնի գործունէութիւնը Շուշիի մէջ՝ նշելով, որ անիկա մեծապէս պիտի [...]

ՄՈՆԹԵՊԵԼԼՕ.- Ապրիլ 20ին, Շաբաթ առտու, Փասատինայի Ս. Գրիգոր Լուսաւորիչ եկեղեցւոյ Շաբաթօրեայ վարժարանի աշակերտութիւնը այցելեց Մոնթեպելլոյի Հայ Նահատակաց յուշարձանը:
Աշակերտներէ, ուսուցչական կազմէ, ծնողներէ եւ մեծ հայր ու մեծ մայրերէ բաղկացած խումբը ծաղիկներ զետեղեց յուշարձանին առջեւ: Շատ փոքրիկներու համար ասիկա առաջին ուխտագնացութիւնն էր: Անոնք յուշարձանի գմբէթին տակ միաբերան արտասանեցին Տէրունական աղօթքը, երգեցին «Մարմին Տէրունական» շարականը եւ «Զարթիր Լաօ՛» [...]

Ապրիլ ամսուան ընթացքին հայոց պատմութեան եւ մշակոյթի թեմաներուն շուրջ տեղի ունեցած հայկական վարժարաններու 8րդ կարգի աշակերտութեան զարգացման մրցումը կրկնակի իմաստ կ՛ունենայ, որովհետեւ 13-14 տարեկան պատանի-պարմանուհիներ երկար ժամեր տրամադրելով՝ իրենց առօրեայ դասերուն կողքին նման ծանր յանձնառարութիւն մը կը ստանձնեն։ Անոնք սորվելով հայոց ազգի ծագումէն մինչեւ նորօրեայ թուականները տեղի ունեցած պատմական կարեւոր իրադարձութիւնները՝ ապահոված կ՛ըլլան անոնց անմահութիւնը [...]

ԵՐԵՒԱՆ, «Արմէնփրէս».- Քալիֆորնիոյ համալսարանի Ռիվըրսայտի (UCR) մասնաճիւղի ուսանողներու միութեան վարչութիւնը միաձայնութեամբ վաւերացուցած է Հայկական Ցեղասպանութեան զոհերու յիշատակի բանաձեւ մը, որով Ապրիլ 24ը պաշտօնապէս յայտարարուած է Հայկական Ցեղասպանութեան յիշատակի օր:
Ըստ համալսարանի «Հայլենտըր» ուսանողական թերթին կողմէ Երեքշաբթի, Ապրիլ 30ին հաղորդուած տեղեկութեանց՝ վարչութեան նիստին ընթացքին վարչութեան 14 անդամները բանաձեւին ի նպաստ քուէարկած են:
Թերթը կը նշէ, որ համալսարանի Հայ [...]

ՖՐԵԶՆՕ.- Ֆրեզնոյի Չարլի Քէյեան համագաղութային հայ վարժարանի 5րդ եւ 6րդ դասարանի աշակերտները այս տարի, իրենց Զատկուան արձակուրդին ընթացքին, առիթը ունեցան Հայաստան այցելելու՝ ընկերակցութեամբ իրենց ծնողներուն եւ վարժարանի տնօրէնուհի Զար Տէր Մկրտիչեանի:
Անոնք այցելած են Հայաստանի ծառատունկ ծրագիրի կեդրոններէն մէկը, ուր համագործակցութեամբ Երեւանի թիւ 135 վարժարանի աշակերտներուն՝ գործնականապէս օժանդակած են տունկեր պատրաստելու աշխատանքին: Անոնք այցելած են նաեւ [...]

Քրեսենթա հովիտի Հայց. առաքելական եկեղեցւոյ դաստիարակչական յանձնախումբը գեղեցիկ գաղափարը յղացած էր Ապրիլ ամսուան իր հերթական դասախօսութիւնը նուիրել համահայկական հետաքրքրութիւն ներկայացնող ու հայութիւնը յուզող՝ Թուրքիոյ մէջ իսլամացած հայորդիներու ճակատագիրին:
Արդարեւ, Կիրակի, Ապրիլ 14ին, յաւարտ Ս. պատարագի, ունկնդիրներու հոծ բազմութիւն մը լեցուցած էր Ազգ. առաջնորդարանի «Տիգրան եւ Զարուհի Տէր Ղազարեան» սրահը, հաղորդակից դառնալու թուրքերու կողմէ բռնի կերպով իսլամացած [...]

Համահայկական «Հայաստան» Հիմնադրամը կը տեղեկացնէ, թէ յայտնի իրաւաբան Մարք Կիրակոս որոշած է իր համահեղինակած հատորին՝ «Միսթրայըլ»ի, վաճառքէն գումար մը յատկացնել հիմնադրամին:
Արդի ժամանակներուն յարմարելու Միացեալ Նահանգներու իրաւական համակարգին նուիրուած այս գիրքին մէջ, Մարք Կիրակոս նաեւ գրած է Հայկական Ցեղասպանութեան զոհերուն վնասուց հատուցում ապահովելու աշխատանքներուն մասին:

ՍԱՐԳԻՍ ՓԱՆՈՍԵԱՆ
ՖՐԵԶՆՕ.- Ս. Պօղոս եկեղեցւոյ Շաբաթօրեայ դպրոցի տնօրէնուհի Մարգարիտ Տումանեանի հրաւէրին ընդառաջելով՝ Շաբաթ, Ապրիլ 20ին դիմեցի եկեղեցի: Անիկա կը գտնուի «Ֆըրսթ» եւ «Տիգոթօ» ճամբաներու խաչմերուկին վրայ: Ճշդուած ժամանակին կանգ կ՛առնեմ եկեղեցւոյ կանգառը եւ դարպասէն դպրոցի բակը մտնելով՝ կ՛ուղղուիմ կեդրոն, ուր զետեղուած է փոքրիկ խաչքար մը: Դասարաններէն, աշակերտները՝ ուսուցիչներու ընկերակցութեամբ եւ Եղիա քհնյ. Հայրապետեանի ու սարկաւագ [...]

Երեքշաբթի, Ապրիլ 23ին, Ապրիլեան Ցեղասպանութեան նախօրեակին, Մեսրոպեան Ազգային վարժարանի աշակերտները իրենց յարգանքն ու երախտագիտութիւնը յայտնեցին Ապրիլեան Եղեռնի մէկ ու կէս միլիոն նահատակներուն՝ միօրեայ զանազան հանդիսութիւններու միջոցով, որոնց մաս կազմեցին Մոնթեպելլոյի կրօնական ու քաղաքական անձնաւորութիւններ, «Մեսրոպեան»ի տնօրէնութիւնն ու ուսուցչական կազմը, ինչպէս նաեւ խնամակալ մարմինն ու ծնողաուսուցչական կազմը, «Քլապ Մեսրոպեան» շրջանաւարտից միութիւնը, ՀՕՄի Շաբաթօրեայ վարժարանէն ու «Նայիրի» [...]

ՓԱՍԱՏԻՆԱ.- Կիրակի, Ապրիլ 7ին, աւելի քան 300 հոգի ներկայ եղած էր ՀԲԸՄի «Վաչէ եւ Թամար Մանուկեան» կեդրոնին մէջ ՀԲԸՄի Փասատինա-Կլենտէյլ մասնաճիւղին կազմակերպած՝ Քէյ Մուրատեանի «Մօրս Ձայնը» վաւերագրական ֆիլմի ցուցադրութեան:
Ֆիլմի ցուցադրութենէն ետք, Հայկական Ցեղասպանութիւնը վերապրողներու վկայութեանց հիման վրայ ուսումնասիրութիւններ կատարած Տանըլ Միլըր եւ Լոռնա Տուրեան-Միլըր խօսեցան «Հայկական Ցեղասանութեան ընթացքին հայ կանանց փորձառութիւնը» նիւթին մասին:
Ներկայ էր նաեւ [...]

ԼԱՍ ՎԵԿԱՍ.- Հայրենի հողէն հազարաւոր մղոններ հեռու, Ատլանտեանի օտար այս ափերուն, Հայաստանեայց առաքելական Ս. եկեղեցին եղած է ու կը մնայ հայու հաւատքին եւ ինքնութեան անխորտակելի միջնաբերդը։ Պայմաններու բերումով հայրենիքէն գաղթած կամ տարագրուած հայը, զանազան երկիրներու մէջ երբ կայք հաստատած է, նուիրական առաջին պարտականութիւն նկատած է զինք հիւրընկալող երկիրներուն մէջ եկեղեցի ու դպրոց կառուցելը։ Որովհետեւ հայը [...]

ՆՈՒՊԱՐ ՏԷՄԻՐՃԵԱՆ
Հայկական Ցեղասպանութեան հարիւրամեակի սեմին, ոգեկոչական հանդիսութիւնները նոր թափ մը առած են ու ոգեկոչական ձեռնարկներ տեղի կ՛ունենան արար աշխարհով, նոյնիսկ հոն, ուր բուռ մը հայութիւն գոյութիւն ունի: Այս բոլորին մէջ նորութիւնը եւ քաղաքականօրէն հետաքրքրականը Թուրքիոյ մէջ տեղի ունեցող ոգեկոչումներն են, որոնք սկիզբ առած են Զինճիրլիք գիւղի գերեզմանատան մէջ, Սուլթան Ահմետի հրապարակին վրայ, Թաքսիմի հրապարակին վրայ, [...]

ՍԱԼԲԻ ԹԷՔԿԷԼԵԱՆ
Երկուշաբթի, Ապրիլ 29ի, 2013ին Ազգային Ֆերահեան վարժարանի «Աւետիսեան» սրահը դարձած էր հայոց պատմութեան եւ հայ ազատագրական պայքարը ներկայացնող ազգային թանգարանի մը, ուրկէ անխուսաբելիօրէն կը բխէր ազգային միտքն ու ոգին:
Պաստառներու վրայ սկսած Կիլիկիոյ թագաւորութենէն, մինչեւ Սեւրի դաշնագիրի պատմական հաւաքագրումը,  ներկաներուն կը տանէր հայոց պատմութեան հնագոյն դարէն մինչեւ նորագոյնը՝ ներկայացնելով դարերու ընթացքին հայ ժողովուրդի փորձութիւններն ու [...]

UCLA-ի յարկին տակ հաստատուած «Dream Fund»ը («Երազ հիմնադրամ»), 2012-2013 կրթական տարեշրջանին համար նիւթական օրհնաբեր յատկացում մը կատարեց Լոս Անճելըսի Հայ Քոյրերու վարժարանին։
Այս առթիւ, Հայ Քոյրերու մեծ ընտանիքը՝ անձնուրաց քոյրերը, Խնամակալ մարմինը, տնօրէնութիւնն ու պաշտօնէութիւնը, իրենց խորին շնորհակալութիւնը կը յայտնեն այս իշխանական նուիրատուութեան համար՝ գնահատելով վարժարանիս հանդէպ «Երազ հիմնադրամ»ին ցուցաբերած հոգատար վերաբերումը։
Տէրը օրհնէ ձեզ եւ ձեր [...]

Առաջնորդ Մուշեղ արք. Մարտիրոսեան Ուրբաթ, Ապրիլ 26ի յետմիջօրէին, Ազգ. առաջնորդարանի իր գրասենեակին մէջ ընդունեց Իրանի Պատմական եկեղեցիներու պետական կեդրոնի տնօրէն Շերլի Աւետեանի այցելութիւնը՝ ընկերակցութեամբ Անտրէ Շամլեանի։ Յարգելի հիւրը նաեւ տնօրէնն է Թեհրանի մէջ երանաշնորհ Արտակ արք. Մանուկեանի անուան թանգարանին։
Շերլի Աւետեան տեղեկութիւններ հաղորդեց իր աշխատանքին եւ այն հոգածու վերաբերմունքին մասին, զոր Իրանի պետութիւնը կը ցուցաբերէ պատմական [...]

ՍԱՆ ՖՐԱՆՍԻՍՔՕ.- Քրիստոսի Յարութենէն ետք երկրորդ Կիրակին կը կոչուի Աշխարհամատրան Կիրակի, որ ծանօթ է նաեւ որպէս «Կանաչ Կիրակի» անունով. այդ օրը կը տօնախմբուի Քրիստոսի կողմէ Երուսաղէմի մէջ հաստատուած առաջին եկեղեցին: Մաղաքիա Օրմանեան պատրիարքին համաձայն՝ «Կանաչ Կիրակի»ն կապուած է գարնան ընթացքին բնութեան վերազարթնումին: Ապրիլ 14ին առաջնորդ Յովնան արք. Տէրտէրեան հովուական այցելութիւն շնորհեց Սան Ֆրանսիսքոյի Ս. Յովհաննէս [...]

ՊԸՐՊԵՆՔ.- Հայց. եկեղեցւոյ Արեւմտեան թեմը կը տեղեկացնէ, թէ վերջերս տեղի ունեցած են հետեւեալ նիւթական փոխանցումները.
- Առաջնորդարանը 20,000 տոլարի փոխանցում կատարած է «Մեր Յոյս-Յոյսի Տուն» առաքելութեան՝ Հայաստանի մէջ:
- Առաջնորդարանը կատարած է երկրորդ 20,000 տոլարի փոխանցումը՝ Մայր աթոռ Ս. Էջմիածինի հաշիւին՝ ի նպաստ սուրիահայերու օգնութեան, եւ 10,000 տոլար՝ Լոս Անճելըսի շրջանին մէջ գործող Սուրիահայերու օգնութեան միացեալ մարմինին:
- [...]

ՊԸՐՊԵՆՔ.- Հաւատարիմ մնալով տարիներու աւանդութեան՝ Ցեղասպանութեան զոհերուն յիշատակը այս տարի եւս եկեղեցական արարողութիւններով ու ժողովրդային հաւաքներով նշուեցաւ Արեւմտեան թեմին մէջ։
Այս տարի, Ցեղասպանութեան 98ամեակին առիթով, Երեքշաբթի, Ապրիլ 23ի երեկոյեան, Պըրպենքի Ս. Ղեւոնդեանց տաճարին մէջ տեղի ունեցաւ միացեալ Ս. պատարագ մը՝ մասնակցութեամբ հայկական երեք յարանուանութեանց հոգեւոր առաջնորդներու եւ խուռներամ բազմութեան։
Ս. պատարագը մատուցեց Միացեալ Նահանգներու Հայաստանեայց առաքելական եկեղեցւոյ [...]

ԵՐԵՒԱՆ, «Արմէնփրէս».- «System of a Down» խումբի երգերու յօրինողներէն ու մենակատար, ինչպէս նաեւ մարդկային իրաւանց գործիչ Սերժ Թանգեան, նորվեկիացի յօրինող, կիթառահար Այսանի ու այլ յայտնի երաժիշտներու հետ ձայնագրած է «Մենք ենք» բարեգործական երգը:
Ըստ «Metal Underground» երաժշտական կայքին՝ երգը նուիրուած է Հարաւային Ափրիկէի հանրապետութեան առաջին սեւամորթ նախագահ, մարդկային իրաւունքներու ջատագով եւ Նոպէլեան խաղաղութեան մրցանակի արժանացած Նելսըն [...]

ԿԼԷՆՏԷՅԼ.- Մայիս 2013ի առաջին շաբաթավերջին, Կլենտէյլի «Սիվիք» հանդիսասրահը անգամ մը եւս փոքրիկ Հայաստանի մը պիտի վերածուի, ուր պիտի իրականացուի Հայ Օգնութեան Միութեան տարեկան 12րդ փառատօնը:
Հայկական մեր մշակոյթն ու աւանդութիւնները հանրութեան ներկայացնող գեղեցիկ այս նախաձեռնութիւնը ամէն տարի անհամբերութեամբ կը սպասուի հանրութեան կողմէ: Հոն պիտի ըլլան շրջանի սիրուած երգիչ-երգչուհիներ, հայկական պարախումբեր, տեղւոյն վրայ նաեւ առիթ պիտի ստեղծուի [...]

ՆԱՆԷ ԱՒԱԳԵԱՆ
Ուսուցիչների երախտագիտութեան շաբաթի շրջանակներում Մայիսի 4ին Հանրային ոլորտի ամերիկահայ աշխատակիցների միութիւնը («Armenian-American Public Service Employees Association»-AAPSE) կը մեծարի կրթական ոլորտում նշանակալի ներդրում ունեցած հայ ուսուցիչներին: Ձեռնարկի նպատակն է նաեւ համախմբել այս ոլորտի ամերիկահայ ներկայացուցիչներին: «Մենք պարզեցինք, որ կրթութեան համակարգում աշխատող հայերի որեւէ միութիւն չկայ, մինչդեռ հայ աշխատակիցների թիւը ամերիկեան կրթօջախներում, հանրային ոլորտի կրթական բաժիններում [...]

ԿԼԵՆՏԷՅԼ.- Հինգշաբթի, Մայիս 9ին, Լոս Անճելըսի հայութիւնը առիթը պիտի ունենայ վայելելու սքանչելի համերգ մը: Համազգայինի Երաժշտական միաւորը կազմակերպած է սոյն իւրայատուկ երաժշտական երեկոն, կատարողութեամբ՝ յատկապէս Հայաստանէն հրաւիրուած վաստակաւոր երգչուհի Աննա Մայիլեանի եւ Մայիլեան ձայնային երրեակին:
Ճոխ յայտագիրին մաս պիտի կազմեն հոգեւոր, ազգագրական երգեր, «ռոմանս»ներ, «a cappella» (առանց նուագակցութեան-Խմբ.) կամ դաշնակի նուագակցութեամբ, սկսած հին դարերէն մինչեւ Կոմիտաս, [...]

ԿԼԵՆՏԷՅԼ.- «Կլենտէյլ Նիուզ Փրէս» կը գրէ, թէ միջվարժարանային «Փըսիֆիք» թենիսի մրցաշարքի կիսաւարտականին հասած են Կլենտէյլի «Հուվըր» երկրորդական վարժարանէն Օլեկ Սիմոնեան եւ Էմիլ Օհանեան:
Մրցաշարքին մէջ Օլեկ Սիմոնեան երկրորդ դասուած է, իսկ Էմիլ Օհանեան՝ չորրորդ: Սիմոնեան սոյն մրցաշարքի աւարտականին հասած էր 2001ին, իսկ Օհանեան անցեալ տարի եւս կրցած էր կիսաւարտականին հասնիլ:

ԿԼԵՆՏԷՅԼ.- Վահան եւ Անոյշ Շամլեան Ազգային վարժարանի վեցերորդ դասարանի աշակերտներէն Արիանա Քէշիշեան շահած է «Մաքուր եւ գեղեցիկ Կլենտէյլ»ի յանձնախումբին կողմէ ամէն տարի կազմակերպուող «Կը սիրեմ թաղամասս» գծագրութեան մրցանքը: Հազարաւոր թեկնածուներուն մէջէն աւարտական հանգրուանի հասած էր նաեւ երրորդ դասարանէն Անի Ճարահեան:
«Շամլեան» վարժարանը կը շնորհաւորէ մրցանքին մասնակցած աշակերտներուն իրագործումները եւ երախտապարտ է անոնց ուսուցիչներուն՝ Քերոլայն Թիւֆէնքեանի ու [...]

ԿԼԵՆՏԷՅԼ.- Շաբաթ, Մայիս 4ին, Հայկական ոսկրածուծի հիմնադրամին ի նպաստ դրամահաւաք-քայլարշաւ մը տեղի պիտի ունենայ Կլենտէյլի մէջ:
Արձանագրութիւնները պիտի սկսին առաւօտեան ժամը 9ին ու պիտի շարունակուին մինչեւ ժամը 10, իսկ 5 քլմ. քայլարշաւը պիտի սկսի ժամը 10ին՝ ժամը 9:30ին տեղի ունենալիք բացման արարողութենէն ետք:
Քայլարշաւը պիտի սկսի Կլենտէյլի «Մեմորիըլ» հիւանդանոցին առջեւէն:
Հիւանդանոցի հասցէն է՝ 222 Eulalia St., Glendale, CA, [...]

(«Ծէս Անցման»ի Ներկայացման Առիթով)
Պ. ԱԼԱՀԱՅՏՈՅԵԱՆ
«…Ու որբ հոգիս քո կարօտում
յաւերժօրէն մխա՜ց, մխա՜ց,
Որպէս կարմիր մի ողջակէզ
Արիւնոտուած, հրէ մի խաչ…»
Եղիշէ Չարենց
(Ողջակիզուող Կրակ-«Իրիկունը)
20 տարեկանին գրուած (1918) Չարենցի այս գլուխգործոցը, ահա երկրորդ անգամն է, որ կ՛անցնի անմահութեան գիրկը՝ շնորհիւ «Լարք»ի հիմնադիր եւ խմբավար Վաչէ Պարսումեանի, որ կ՛առաջարկէ ամերիկացի երիտասարդ երգահան Եան Քրաուսի զայն՝ ուրիշ չորս Չարենցեան քերթուածներու հետ, վերածել երաժշտական [...]

ՀՈԼԻՎՈՒՏ.- Քոնկրեսական Էտըմ Շիֆ վերջերս գրասենեակ մը բացած է Հոլիվուտի մէջ, նկատի ունենալով այն իրողութիւնը, որ ան որոշած էր իր կեդրոնական գրասենեակը Փասատինայէն Պըրպենք փոխադրել:
Հոլիվուտի գրասենեակը առիթ պիտի ընծայէ քոնկրեսականին ու անոր անձնակազմին, որ աւելի դիւրութեամբ շփումներ ունենան իրենց ընտրատարածքի հարաւային ու արեւմտեան շրջանները ապրող քաղաքացիներուն հետ, քննելու համար զանոնք մտահոգող եւ հետաքրքրող հարցերը:
Քոնկրեսական Շիֆի [...]

ԿԼԵՆՏԷՅԼ.- Հոլիվուտի Հայ Դատի յանձնախումբի «Հայ Վոթս»ը յայտարարութիւն մը հրապարակելով՝ կը դատապարտէ Հոլիվուտի մէջ վերջերս տեղի ունեցած քուէարկողներու իրաւանց դէմ քայլերը, յիշեցնելով, թէ իւրաքանաչիւր քաղաքացիի տարրական իրաւունքն է քուէարկելու ամբողջական ազատութիւն ունենալ՝ միաժամանակ շեշտելով, թէ ոչ մէկ քաղաքացիի քուէարկելու իրաւունքը պէտք է խլուի:
Յայտնենք, թէ Ապրիլ 22ին, Լոս Անճելըսի քաղաքապետական խորհուրդի 13րդ ընտրատարածքի ընտրութեանց թեկնածու Ճան [...]

Ապրիլ 23, 2013ին Ռոզ եւ Ալէք Փիլիպոս Ազգային վարժարանը ոգեկոչեց Ապրիլեան նահատակներու յիշատակը հանգամանաւոր հանդիսութեամբ եւ «Ասպարէզ»ի խմբագրատուն քայլարշաւով:
Տարեկան այս ձեռնարկները արդէն իսկ աւանդական բնոյթ ստացած են ու կը ծառայեն առաջին հերթին նահատակներուն հանդէպ յարգանքի տուրք մատուցելու եւ ապա՝ պահանջատիրութեան բուռն ու արդար ապրումներով դաստիարակելու արդի հայ սերունդը ու Հայ Դատի ապագայի դրօշակակիրները:
Առաւօտեան հանդիսութիւնը սկսաւ [...]

ԼՈՍ ԱՆՃԵԼԸՍ.- ՀՄԸՄ Լոս Անճելըսի մասնաճիւղի սկաուտներու դաստիարակչական ծրագիրի ամբողջացման, նաեւ սկաուտական կարեւոր գիտելիքներու եւ ձիրքերու փոխանցման նպատակով, դաստիարակչական բանակում մը տեղի ունեցաւ Ապրիլ 26-28 շաբաթավերջը, «Չիլաու» բանակավայրին մէջ:
Օժանդակ մարմինի 5 անդամներու եւ խումբ մը նուիրեալ ծնողներու կողքին, բանակումին իրենց մասնակցութիւնը բերին վարչութեան երեք անդամներ՝ օժանդակելու համար խմբապետներուն: 60 սկաուտներ կը մասնակցէին բանակումին, որուն սկիզբը [...]

ԴԱՄԱՍԿՈՍ, «Էյ.Փի.».- Երկուշաբթի, Ապրիլ 29ին, Սուրիոյ վարչապետ Ուաէլ Հալքի մահափորձէ մը անվնաս փրկուեցաւ, երբ ականուած ինքնաշարժ մը պայթեցաւ մայրաքաղաք Դամասկոսի արեւմտեան շրջաններուն մէջ, ուրկէ կ՛անցնէր վարչապետը փոխադրող ինքնաշարժը: Ըստ տարբեր աղբիւրներու՝ պայթումին հետեւանքով սպաննուած է հինգ կամ վեց հոգի եւ վիրաւորուած են բազմաթիւ ուրիշներ:
Միւս կողմէ, Իրանի նախագահ Մահմուտ Ահմատինեժատ, Եգիպտոսի նախագահի արտաքին հարցերու խորհրդական Իսամ [...]

ՆԱՆԷ ԱՒԱԳԵԱՆ
Հայոց Ցեղասպանութեան յիշատակման ձեռնարկը Գլենդելի գլխաւոր կրթօջախներից մէկում՝ Հանրային քոլեջում աւանդոյթ է դարձել: «Ամէն տարի քոլեջի Հայ ուսանողների միութիւնը պատրաստում է միջոցառումների շարք: Քոլեջի բակում, Հայոց Ցեղասպանութեան մասին պատմող բազմաթիւ պաստառներ են փակցւում՝ ամերիկեան հեղինակաւոր լրատուամիջոցներից արխիւային հրապարակումներ, քարտէզներ, վերապրածների լուսանկարներ, ներկայացւում է նաեւ գրականութիւն: Մենք ընտրում ենք քոլեջի մի հատուած, որտեղ աշխոյժ անցուդարձ [...]

Արեւմտեան թեմի տարբեր ծուխերէն Հայց. եկեղեցւոյ երիտասարդաց կազմակերպութեան կրտսեր մասնաճիւղերու անդամները մասնակցեցան «Վաչէ արք. Յովսէփեան» ճամբարին մէջ Ապրիլ 5էն 7 տեղի ունեցած առանձնացման:
Այս տարուան նիւթն էր՝ «Հերոսներ ըլլալ՝ ապրելով քաջ կեանք մը Քրիստոսով»: Առանձնացման նիստերը ղեկավարեց Մեսրոպ քհնյ. Աշ, Աւետիս քհնյ. Աբովեան եւ Մկրտիչ սրկ. Քսաչիկեան:
Վերջին նիստին ընթացքին երիտասարդութեան կոչ եղաւ դառնալու պատասխանատուութեան գիտակից՝ դիմագրաւելու [...]

ԼՈՍ ԱՆՃԵԼԸՍ.- Փրոֆ. Հրայր Տէքմէճեանի ու Հարաւային Քալիֆորնիոյ համալսարանի (USC) Հայկական ամպիոնին հրաւէրով, նաեւ առաջնորդ Մուշեղ արք. Մարտիրոսեանի տնօրինութեամբ, Երկուշաբթի, Ապրիլ 8ի առաւօտեան, քահանայութեան թեկնածու Խաչիկ սրկ. Շաննագեան մասնակցութիւն բերաւ Հարաւային Քալիֆորնիոյ համալսարանին մէջ տեղի ունեցած համագումարի մը։
Նկատի ունենալով, որ Ապրիլ ամսուան մէջ տեղի կ՛ունենար համագումարը, կազմակերպող ամպիոնը նաեւ հրաւիրած էր փրոֆ. Սոնա Յարութիւնեանը՝ Վենետիկի [...]

Քալիֆորնիոյ Հայ Քոյրերու վարժարանը, Յունիս 2010էն սկսեալ, Վարժարաններու եւ համալսարաններու արեւմտեան միութեան (The Western Association of Schools and Colleges, WASC) կողմէ պաշտօնապէս եւ 6 տարիներու համար յայտարարուեցաւ վարկաւորուած՝ ըստ Քալիֆորնիոյ ուսումնական ծրագիրին:
Վերոնշեալ ժամանակաշրջանի կիսուն, Երեքշաբթի, Ապրիլ, 16ին, վարժարանս դարձեալ հիւրընկալեց WASC-ի երկանդամ յանձնախումբը, որ եկած էր վերանայելու վարժարանի ընթացքը։
Այցելու յանձնախումբը, միօրեայ իր այցելութեամբ հանդիպումներ ունեցաւ [...]

Պատրաստեց՝ ԱՆԻ ԹԱԴԷՈՍԵԱՆԸ
Ապրիլի 18ին «Ցեղասպանութեան որբերը» փաստագրական ժապաւէնը ցուցադրուեց Ֆրեզնոյի «Վելի Փի.Պի.Էս.» հանրային հեռուստակայանից: Նախորդ օրը, Ապրիլի 17ին, Փոքր Հայաստանի «Տաղլեան» մշակութային կենտրոնում կայացաւ եւս մէկ ցուցադրութիւն, որին ներկայ էին հեղինակ Պարէտ Մարոնեանը եւ Միսակ Քէլէշեանը՝ ում արխիւային հետազօտութիւնների մի մասն էլ ժապաւէնի թեման է դարձել: Նրանց հետ զրոյցից յետոյ պատրաստուեց այս յօդուածը:
Պարէտ Մարոնեանի «Ցեղասպանութեան [...]

ԼՈՍ ԱՆՃԵԼԸՍ.- Ա-րեւմտեան Ամերիկայի Հայ Դատի յանձնախումբը կը տեղեկացնէ, թէ Լոս Անճելըսի Հանդուրժողականութեան թանգարանին հետ համագործակցութեամբ, Կիրակի, Ապրիլ 28ին, կ.ե. ժամը 4ին, նոյն թանգարանին մէջ կազմակերպուած է Քէյ Մուրատեանի «Մօրս Ձայնը» ֆիլմին ցուցադրութիւնը:
Ֆիլմի ցուցադրութենէն ետք տեղի պիտի ունենայ քննարկում՝ ֆիլմի հեղինակ եւ համաարտադրող Քէյ Մուրատեանի, բեմադրիչ Մարք Ֆրիտմընի եւ «Քալիֆորնիա Քուրիըր»ի հրատարակիչ Յարութ Սասունեանի հետ:
«Մօրս [...]

ՍԱՆ ՖՐԱՆՍԻՍՔՕ.- Գռուզեան-Զաքարեան-Վասպուրական Ազգային վարժարանի հայերէն լեզուի ուսուցչուհի Կարինէ Փանոսեան Մարտ 26ին հրաւիրուած էր Սան Մաթէոյի «Ս. Մեթիու» դպրոցը՝ Հայաստանի եւ հայութեան մասին դասանիւթ մը հրամցնելու համար չորրորդ դասարանի աշակերտներուն, որոնք նաեւ առիթը ունեցան հարցումներ հարցնելու հայոց պատմութեան մասի. քանի մը օր ետք, անոնք շնորհակալական նամակներ յղեցին՝ իրենց անունները հայերէն ստորագրելով:
Դասանիւթին կողքին, «Ս. Մեթիու» վարժարանի [...]