ՄՈՍԿՈՒԱ, «Նիուզ.ամ».- Չորեքշաբթի, Մայիս 22ին Ռուսիոյ մօտ Հայաստանի դեսպանատան մէջ տեղի ունեցաւ Ռուսիոյ հայ համայնքի Հայոց Ցեղասպանութեան 100ամեակի ձեռնարկները համակարգող համառուսական յանձնաժողովի կազմակերպչական անդրանիկ նիստը:
Անցեալ տարի Ռուսիոյ հայ համայնքի հասարակական կազմակերպութիւնները տարածաշրջանային յանձնաժողովներ կազմեցին Մոսկուայի ու Ս. Փեթերսպուրկի մէջ:
Համառուսական յանձնաժողովի առաջին նիստին մասնակցեցան Ռուսիոյ մօտ ՀՀ դեսպան Օլեկ Եսայեանը, Նոր Նախիջեւանի եւ Ռուսիոյ թեմերու առաջնորդ  [...]

Մայիս 10-11ին, Շիքակոյի Սքոքի շրջանէն ներս տեղի ունեցաւ գիտաժողով մը «Հայոց, Ասորիներու եւ Յոյներու Ցեղասպանութիւնը» նիւթով: Երկու օր տեւած սոյն գիտաժողովին աւելի քան 120 մասնակիցներ ժամանած էին հետեւելու բանախօսութիւններուն, զրոյցներուն եւ կլոր սեղաններուն:
Գիտաժողովը, որ անգլերէնով կը կրէր “The Ottoman Turkish Genocides of Anatolian Christians:  A Common Case Study“ անունը, կազմակերպուած էր Իլինոյի Հայ Դատի յանձնախումբին, [...]

ՔՈՒԷՅԹ.- Քուէյթի կրթական նախարարութեան Մասնաւոր վարժարաններու բաժինի տնօրէնութեան 2012-2013 ուսումնական տարուան արտադասարանային գործունէութեան եզրափակիչ ձեռնարկին, որ տեղի ունեցաւ Չորեքշաբթի, Մայիս 22ին, Ազգային վարժարանի աշակերտներու «Շաքէ» պարախումբը ներկայացաւ երկու պարով՝ «Արտաշատ» եւ «Իմ մայրաքաղաք» պարերով:
Սոյն ձեռնարկին ներկայ էին կրթական նախարարութեան արտադասարանային աշխատանքներու բաժինի պատասխանատուներ՝ Քուէյթի մարմնակրթութեան ընդհանուր պատասխանատու դոկտ. Մունա Ալ Հաշշաշի գլխաւորութեամբ, ինչպէս նաեւ կրթական [...]

Շարլ Ազնաւուր ծնած է 1924, Մայիս 22ին, Փարիզ:
Սկզբնական շրջանին Ազնաւուր իբրեւ երգիչ հանդէս եկած է երգահան Փիեռ Ռոշի հետ: Երբ Էտիթ Փիաֆ կը նկատէ անոնց կատարումը, Ազնաւուրն ու Ռոշը կը հրաւիրէ մասնակցիլու իր 1964ին կայացած Ֆրանսիայի եւ ԱՄՆի մէջ շրջագայութեան: Այդ ժամանակաշրջանին է, որ Ազնաւուր կը սկսի իր երգիչի ասպարէզին:  Իր ստեղծագործական ասպարէզին ընթացքին Ազնաւուր [...]

Շնորհիւ Մեծագոյն Պոսթընի մեր հայրենակիցներու աջակցութեան եւ քաջալերանքին, սուրիահայութեան օժանդակութեան նուիրուած համերգը, որ տեղի ունեցաւ Ապրիլ 20, 2013ին, պսակուեցաւ յաջողութեամբ:
Համերգի տոմսակներու վաճառքէն եւ կատարուած նուիրատուութիւններէն գոյացած $30,500 գումարը ամբողջութեամբ ուղղարկուած է Սուրիահայութեան Օժանդակութեան Լոս Անճելըսի Միացեալ մարմինին, Անթիլիասի կաթողիկոսարանի ճամբով փոխանցուելու սուրիահայութեան:
Այս առիթով մեր խորին շնորհակալութիւնը կը յայտնենք բոլոր անոնց, որոնք իրենց նուիրատուութիւններով, քաջալերանքով եւ [...]

ՀՅԴ Նիդերլանդների «Գարեգին Նժդեհ» Երիտասարդական միութեան նախաձեռնութեամբ եւ ՀՅԴ Բիւրոյի Երիտասարդական գրասենեակի համադրմամբ ու օժանդակութեամբ թուականիս Մայիսի 17-19ին Նիդերլանդների Ալեկմաար քաղաքում տեղի ունեցաւ ՀՅԴ Եւրոպայի երիտասարդական միութիւնների խորհրդաժողով, որին մասնակցեցին 42 երիտասարդներ՝ Եւրոպայի 8 երկրներից՝ Շուեդիա, Անգլիա, Գերմանիա, Աւստրիա, Բուլղարիա, Ֆրանսիա, Յունաստան եւ Նիդերլանդներ:
Խորհրդաժողովին մասնակցում էին ՀՅԴ Բիւրոյի անդամ ընկեր Մկրտիչ Մկրտիչեանը, ՀՅԴ Բիւրոյի Երիտասարդական [...]

Փլովտիւի ՀԲԸՄի մասնաճիւղի Երիտասարդ արհեստավարժներու (AGBU YP) նախաձեռնութեամբ, Մայիս 19ին կազմակերպուեցաւ «Հայ գիրքի տօնավաճառ» մը, ուր ներկայացուած էին վերջին տարիներուն Պուլկարիոյ մէջ լոյս տեսած հայ հեղինակներու պուլկարերէն հրատարակութիւնները:
Ձեռնարկին ներկայ էին մեծ թիւով պաշտօնական հիւրեր, այդ ընթացքին Պուրկասի Սուրբ Խաչ եկեղեցւոյ խմբավար եւ մեներգող Մերի Մովսիսեան ներկայացուց քանի մը հայկական շարականներ, իսկ Փլովտիւի Մալվինա Մանուկեանի անուան [...]

ԱԹԷՆՔ.- ՀՄԸՄի Աթէնքի մասնաճիւղը, ՀՄԸՄի 95ամեակին առիթով ծրագրած է շարք մը ելոյթներու, որոնցմէ առաջինը իրականացաւ Կիրակի, 19 Մայիսի առաւօտուն, լողի մրցումներով, որոնք տեղի ունեցան Նէա Զմիռնիի փակ լողաւազանին մէջ:
Հայ եւ մասնաւորաբար յոյն բարեկամներու եւ մարզասէրներու ներկայութեամբ, մրցաշարքին բացումը կատարեց վարչութեան ատենապետ Ֆիլիփ Ծերոնեան, որ ի միջի այլոց անդրադարձաւ ՀՄԸՄի համասփիւռքեան կառոյցի 95ամեայ պատմութեան, ՀՄԸՄի Աթէնքի [...]

Ուաշինկթընի մօտ ՀՀ դեսպանութեան մէջ, Մայիս 16ին, տեղի ուենցած է Նիւ Եորքի «Քարնըկի» հիմնարկի նախագահ, ամերիկահայ ականաւոր գործիչ Վարդան Գրեգորեանին Հայրենիք-Սփիւռք կապերու ամրապնդման գործին մէջ ունեցած մեծ աւանդին եւ երկարամեայ հայանպաստ գործունէութեան համար ՀՀ նախագահին կողմէ շնորհուած «Մխիթար Գօշ» մետալի յանձման հանդիսաւոր արարողութիւնը:
Յանձնելով ՀՀ նախագահի պարգեւը՝ ԱՄՆի մօտ ՀՀ դեսպան Թաթուլ Մարգարեան բարձր գնահատած է [...]

«Հայկազեան» համալսարանի Հայկական Սփիւռքի ուսումնասիրութեան կեդրոնի «Հայկական անդրսահմանային տարածականութիւնը եւ արդի հաղորդակցական միջոցները» գիտաժողովը յաջողութեամբ աւարտեց իր աշխատանքները:
Արդարեւ, 15 Մայիս 2013ի երեկոյեան պաշտօնական բացումէն ետք, յաջորդող երկու օրերուն՝ 16 եւ 17 Մայիս 2013ին, «Հայկազեան» համալսարանին մէջ գիտաժողովը գումարեց չորս նիստեր՝ 14 զեկուցումներով: Ընդհանուր առմամբ եղան քսաներկու ելոյթներ՝ իբրեւ ներածական խօսք, արժեւորում, զեկուցում եւ գիտական ուսումնասիրութիւններ:
Ներկայացուած [...]

Պոլսոյ «Մարմարա» օրաթերթը կը գրէ. «Ինչպէս օրին գրած էինք, ամերիկահայ գրագէտ Քրիս Պոհճալեանի «Աւազէ ամրոցի աղջիկները» անուն վէպը մեծ համբաւ բերած էր հեղինակին ու  դարձած էր Ամերիկայի մէջ ամէնէն շատ ընթերցուած գիրքերէն մէկը։ «Նիւ Եորք Թայմզ» հեղինակաւոր թերթը այս վէպը ներառած էր «պեսթսելլըր»ներու ցանկին մէջ, իսկ շոու աշխարհի յայտնի աստղ Օփրահ Ուինֆրի «Աւազէ ամրոցի աղջիկները» [...]

ՀՅԴ Եւրոպայի երիտասարդական միութիւններու շրջանային խորհրդաժողովը 17 Մայիսին իր աշխատանքներուն սկսաւ Հոլանտայի Ալկմաար քաղաքին մէջ:
Խորհրդաժողովին կը մասնակցէին 42 երիտասարդներ Եւրոպայի 8 երկիրներէ՝ Պուլկարիա, Ֆրանսա, Անգլիա, Գերմանիա, Աւստրիա, Յունաստան, Շուէտ եւ Հոլանտա:
Խորհրդաժողովին կը մասնակցէին ՀՅԴ Բիւրոյի անդամ Մկրտիչ Մկրտիչեան, ՀՅԴ Բիւրոյի երիտասարդական գրասենեակի պատասխանատու Սարգիս Մկրտիչեան եւ ՀՅԴ Եւրոպայի պատասխանատու ղեկավարներ:
Խորհրդաժողովի ընդհանուր բնաբանն էր «Հայութիւնը 2025 [...]

ԵՐԵՒԱՆ, «Ակունք».– Պոլսոյ մէջ գործող «Արաս» հայկական հրատարակչատունը հրատարակած է նոր գիրք մը՝ Արեւմտեան Հայաստանի մէջ 1930ական թուականներուն տեղի ունեցած ռազմական գործողութեան ընթացքին Մուտքիէն աքսորուած Թորոսեան ընտանիքի պատմութեան մասին:
Ըստ «Ակունք»ի՝ Ֆերմըն Թորոսլարի հեղինակութեամբ լոյս ընծայուած «Ապստամբութեան բովով անցած մուտքիցի հայ ընտանիք մը» յուշագրութեան մէջ ներկայացուած է, թէ ինչպէս հեղինակին ընտանիքը, որուն անդամներուն մեծ մասը սպաննուած [...]

Լիբանանի «Ազդակ» օրաթերթի խմբագրատունը կ՛օժտուի նոր խմբագրասենեակով մը եւ նոր ժողովասենեակով մը: Չաղլասեան ընտանիքին «Ազդակ»ին կատարած նուիրատուութեամբ երկու աշխատասենեակները վերակառուցուած են ի յիշատակ Արսէն Չաղլասեանի եւ Այտա Մուրատեանի:
«Այտա Մուրատեան» խմբագրասենեակը պիտի յատկացուի «Ազդակ»ի մանկապատանեկան յաւելուած «Պզտիկ-Մզտիկ»ի աշխատանքներուն, մինչ «Արսէն Չաղլասեան» ժողովասենեակին մէջ պիտի կատարուին հարցազրոյցներ եւ տեղի պիտի ունենան խմբագրական աշխատանքային հանդիպումներ:
Տիկին Սեդա Չաղլասեան եւ [...]

ԱՆԹԻԼԻԱՍ.- Շաբաթ, 18 Մայիսի առաւօտուն, Արամ Ա. կաթողիկոսին այցելեցին Ռամկավար Ազատական Կուսակցութեան Կեդրոնական վարչութիւնը ներկայացնող պատուիրակութիւն մը: Պատուիրակութեան անդամներն էին՝ Մայք Խարապեան (ատենապետ) եւ նոյն վարչութեան անդամ Յարութիւն Երկանեան:
Աւելի քան ժամ մը տեւած խորհրդակցութիւնը վեհափառ հայրապետին հետ ներառեց առաւելաբար Ցեղասպանութեան 100ամեակի նշման առնչուած ծրագիրներ ու աշխատանքներ, ինչպէս նաեւ Հայաստան-Սփիւռք գործակցութիւնը աւելի ամրապնդելու կարելիութիւնները: Վեհափառ հայրապետը [...]

Պոլսոյ «Մարմարա» օրաթերթը, Զուիցերիոյ հայերու ծրագրած Հայկական Ցեղասպանութեան յուրարձանի մը Ժընեւի մէջ զետեղման մասին, թրքական մամուլին մէջ տեղ գտած արձագանգը կը փոխանցէ հետեւեալ տողերով.
«Թուրք մամուլը կը հաղորդէ, թէ Հայկական Սփիւռքը Զուիցերիոյ մէջ ալ կը ջանայ յառաջ տանիլ ցեղասպանութեան առընչակից իր քաղաքականութիւնը։ Հայերը այժմ կ՛ուզեն Արիանա կոչուած հանրային պարտէզին մէջ բանալ Հայկական Ցեղասպանութեան յուշարձան մը։ Այս [...]

Քանատական «Թորոնթօ Սթար» թերթը արձագանգ հանդիսացած է քանատահայ գործարարներուն, որոնք ձերբակալուած են Քուպայի մէջ։ Անոնցմէ 53ամեայ Սարգիս Եագուպեան հարցազրոյց մը տալով թերթին, խօսած է Ռաուուլ Քասթրոյի կառավարութեան վարչակազմի փտախտի դէմ լայնածաւալ արշաւի մասին, որուն արդիւնքով քանի մը օտար գործարարներ բանտարկուած են։
Եագուպեան ձերբակալուած է 2011ին ու գրեթէ երկու տարի առանց մեղադրականի բանտին մէջ անցուցած է։ Եագուպեան [...]

Հովանաւորութեամբ Ծոցի երկիրներու թեմի կաթողիկոսական փոխանորդ Շահէ եպս. Փանոսեանի, Մայիս 16ին տեղի ունեցաւ ՀՀ Առաջին Անկախութեան 95րդ տարեդարձին նուիրուած շքեղ տօնակատարութիւն:
Հանդիսութեան նախագահն էր Կիրակոս Տարագճեան: Տօնակատարութեան ընթացքին Քուէյթի ՀՅԴ պատասխանատու մարմինի խօսքը փոխանցեց մարմինի ներկայացուցիչ Յակոբ Պետիրեան:
Ողջոյնի խօսքով հանդէս եկաւ ՀՀ արտակարգ եւ լիազօր դեսպան Ֆատէյ Չարչօղլեան, օրուան խորդուրդը փոխանցեց ՀՅԴ Բիւրոյի անդամ Դաւիթ Լոքեան, [...]

ԹԱՒՐԻԶ.- Հինգշաբթի, 16 Մայիսի երեկոյեան ժամը 6ին, Հայ Օգնութեան Միութեան Թաւրիզի մասնաճիւղի կեդրոնատեղիին մէջ բացումը կատարուեցաւ Խմորեղէնի «պազարի»ն:
Ծերունի Գասպարեան մանկապարտէզ-նախակրթարանի առաքելութեան նուիրուած ՀՕ Միութեան վարչութեան, ուսուցչակազմի եւ ծնողական խորհուրդի միացեալ աշխատանքով պատրաստուած սոյն «Պազար»ի բացման ներկայ գտնուեցաւ Ատրպատականի Հայոց թեմի առաջնորդ Գրիգոր վրդ. Չիֆթճեան, Ազգային վարչութեան անդամներ եւ ՀՕ Միութեան աշխատանքները քաջալերող հայորդիներ:
Համադամ խմորեղէններու համտեստումի [...]

ԱՆԹԻԼԻԱՍ.- «Մեր ժողովուրդի պատմութեան ընթացքին հայ մայրը իր կեանքի վարքագիծով որպէս տիպար՝ բարոյական, կրօնական ու ազգային արժէքներու ու սրբութիւններու, ինչպէս նաեւ իր առանցքային դերակատարութեամբ եղած է սիւնը հայ ընտանիքին: Նոյնը պէտք է ըլլայ հայ մայրը այսօր: Երբ հայ ընտանիքը քայքայուի, հայ ազգն է որ կը քայքայուի: Ահա թէ ինչո՛ւ ճակատագրական է հայ մօր դերը», ըսաւ [...]

ՊԷՅՐՈՒԹ.- Նախաձեռնութեամբ եւ կազմակերպութեամբ Համազգայինի Լիբանանի Շրջանային վարչութեան, Ուրբաթ, 10 Մայիսի երեկոյեան տեղի ունեցաւ յիշատակի երեկոյ նուիրուած վաստակաւոր կրթական մշակ, ազգային հասարակական գործիչ Գէորգ Գանտահարեանին:
«Ազդակ»ի «Փիւնիկ» սրահին մէջ տեղի ունեցած յիշատակի այս երեկոյին բացումը կատարուեցաւ Համազգայինի Լիբանանի Շրջանային վարչութեան անդամ Սիլվա Քիւրքճեանի կողմէ Դանիէլ Վարուժանի «Դաստիարակ» ոտանաւորէն հատուածի մը ասմունքով: Ապա Համազգայինի Լիբանանի Շրջանային վարչութեան [...]

Պոլսահայ երգչուհի Էրլին Թոմաօղլուի «Ձիւնի փաթիլ» երգի տեսահոլովակը արդէն  քանի մը օրէ ի վեր կը ցուցադրուի թրքական «TRT Muzik» պետական պատկերասփիւռի կայանէն:
Անիկա առաջին արեւմտահայերէն տեսահոլովակն է, որ սկսած է ցուցադրուելու թրքական պետական պատկերասփիւռի կայանէն:
Հայերէն երգը կը ներկայացուի  թրքերէն ենթախորագիրներով:
«Այս բանը շատ կը ցանկայի, քանի որ կ՛ուզէի, որ երգս հասկնան ոչ միայն հայերը, այլ նաեւ թուրքերը: [...]

ԱՆԹԻԼԻԱՍ.- Չորեքշաբթի, 15 Մայիսին Ապու Տապիի մէջ տեղի ունեցաւ Ծոցի շրջանի եկեղեցիներու ներկայացուցիչներու մասնակցութեամբ կարեւոր հանդիպում մը: Կը մասնակցէին Ապու Տապիի, Տուպայի, Քաթարի, Շարժայի, Քուէյթի, Պահրէյնի եւ այլ շրջաններու մէջ հաստատուած քրիստոնեայ համայնքներու ներկայացուցիչները: Յանուն Մեծի Տանն Կիլիկիոյ կաթողիկոսութեան ժողովին մասնակցեցաւ Քաթարի եւ Էմիրութեանց շրջանի կաթողիկոսական փոխանորդ Մեսրոպ վրդ. Սարգիսեան: Հանդիպումին նպատակն էր միջ-եկեղեցական գործակցութեան [...]

Վարեց՝ ԱՐՍԷՆ ՆՈՒՊԱՐ ՄԱՄՈՒՐՃԱՆ
Մոնթրէալահայ գրող, անգլիական գրականութեան երկարամեայ դասախօս դոկտ. Յակոբ Խաչիկեան հանրածանօթ անուն մը դարձաւ աւելի քան 20 տարի առաջ, միջազգային ճանաչումի արժանացած իր «Է Սամըր Ուիտաութ Տաոն» (A Summer Without Dawn) վէպով: Վերջերս լոյս տեսաւ վերոյիշեալ հատորին շարունակութիւնը հանդիսացող իր նոր վէպը, վերնագրուած՝ «Տը Եանկ Մեն ին տը Կրէյ Սիւթ» (The Young Man [...]

ՀՀ կառավարութեան Մայիս 16ի նիստին օրակարգի վրայ դրուած է Լիոնի մէջ գլխաւոր հիւպատոսարան հիմնելու ՀՀ նախագահի հրամանագիրի նախագծին հաւանութիւն տալու հարցը:
Հիւպատոսական շրջանին մէջ կ՛ընդգրկուին Ռոն-Ալփ, Օվերն, Լիմուզէն, Փուատու-Շարանթ եւ Աքիթէն շրջանները:
Ֆրանսայի հայ համայնքը՝ շուրջ 500 հազար բնակչութեամբ, կը հանդիսանայ աշխարհի ամենաստուար հայ համայնքներէն մէկը. անիկա կեդրոնացած է Փարիզ, Լիոն եւ Մարսէյ քաղաքներուն մէջ:
Ռոն-Ալփ շրջանի եւ [...]

ՊՈԼԻՍ.- Հինգշաբթի, Մայիս 9ին կրօնական ու աշխարհիկ հանդիսութիւններով տօնախմբուեցաւ Ս. Փրկիչ Ազգային հիւանդանոցի հիմնադրութեան 181ամեակը:
«Ինչպէս ամէն տարի, այս տարի ալ մեր այս դարաւոր հաստատութիւնը իր պատմական դռները բացաւ հրաւիրեալներու եւ հիւրերու առջեւ, որոնք եկած էին հիւանդանոցի պատասխանատուներուն եւ անձնակազմին հետ միասին տօնախմբելու այս ուրախ օրը», կը գրէ Պոլսոյ «Մարմարա» օրաթերթը։
Առաւօտուն, Ս. Փրկիչ մատրան մէջ մատուցուեցաւ [...]

ՓԱՐԻԶ.- ՖրանսայիՏրոմ նահանգի Սեն-Փօլ Թրուա-Շաթօ քաղաքին մէջ, Ապրիլ 28էն Մայիս 5 տեղի ունեցած են 18 տարեկաններու Ֆրանսայի ճատրակի ախոյեանութեան մրցումները:
Ռուտոլֆ Գրիգորեան, կարելի 9 միաւորներէն 7.9 միաւոր շահելով, նուաճած է ախոյեանի տիտղոսը:
Այլ հայ մը՝ Կարի Ժիրոյլան, 4րդ հանդիսացած է եզրափակիչ մրցաշարքին, որուն կը մասնակցէին 83 խաղացողներ:

Թուրքիոյ Տրապիզոն նահանգի Օֆի շրջանի բնակիչ Հերմինա Տալմազեան «Տարուան Մայրը» Հռչակուած է:
Թրքական «Հիւրրիէթ» օրաթերթը կը տեղեկացնէ, թէ Հերմինա Տալմազեան տարիներ առաջ իր քոյրը տեսնելու համար մեկնած էր Թուրքիա եւ այդ ընթացքին ծանօթացած է Մուհամետ Ալի Շիմշեքի հետ, որուն կինը մահացած էր 9 տարի առաջ: Մուհամետ Ալի Շիմշեքը հայաստանցի կնոջ ամուսնութեան առաջարկութիւն կատարած է եւ դրական [...]

ՔՈՒԷՅԹ.- Քուէյթի Ազգային վարժարանի նախաձեռնութեամբ Ուրբաթ, Մայիս 10ին, Սրբոց Վարդանանց եկեղեցւոյ մէջ տեղի ունեցաւ ամէնամեայ աշակերտական արտասանական մրցոյթ, որ այս տարի նուիրուած էր Մեծի Տանն Կիլիկիոյ կաթողիկոս Արամ Ա. վեհափառ հայրապետի կողմէ հռչակուած «Հայ մօր տարուան»:
Առաջնորդ սրբազան հօր, ազգային մարմիններու ներկայացուցիչներուն եւ ծնողներու ներկայութեամբ տեղի ունեցած ձեռնարկին մասնակցեցան 31 աշակերտներ՝ բաժնուած հինգ խմբակներու:
Առաջին խմբակի 11 [...]

Ամերիկայի Միացեալ Նահանգներու Արեւելեան թեմ կատարած հայրապետական այցի ընթացքին՝ Մայիս 10ին, Ամենայն հայոց կաթողիկոս Գարեգին Բ. ներկայ գտնուեցաւ ԱՄՆ Արեւելեան թեմի եւ Հայկական Բարեգործական Ընդհանուր Միութեան կողմէ կազմակերպուած ՀԲԸՄի Հոգաբարձուներու խորհուրդի անդամ, ազգային բարերար Նազար Նազարեանի մեծարման հանդիսութեան:
Հանդիսութեան ընթացքին Գարեգին Բ. Նազար Նազարեանին շնորհեց «Ասպետ Սուրբ Էջմիածնի» տիտղոսը եւ հայրապետական շքանշանը՝ «ի գնահատութիւն Աստուածկառոյց Սուրբ [...]

ԹԱՒՐԻԶ.- Երկուշաբթի, 13 Մայիսին, Թաւրիզի Կերպարուեստի Պետական հիմնարկութեան մէջ բացումը կատարուեցաւ ձեռարուեստի ուսանողական ցուցահանդէսին, ներկայութեամբ Ատրպատականի Հայոց թեմի առաջնորդ Գրիգոր Ծ. վրդ. Չիֆթճեանի:
Թեմակալ առաջնորդը ընդունուեցաւ Հիմնարկի տնօրէնութեան կողմէ, տնօրէն Ռեզա Ալաուիի եւ փոխտնօրէն Տաւուտ Հուշենկ Ռօշէնքի կողմէ: Ապա, ան առաջնորդուեցաւ դէպի ցուցասրահ, կերպարուեստի ու ձեռարուեստի նմոյշները դիտելու:
Աշակերտներու կողմէ պատրաստուած էին արձանիկներ տարբեր խորհրդապատկերներով, ինչպէս նաեւ [...]

ՊՈԼԻՍ.- Դատական իշխանութիւնները ամբողջացուցին Սամաթիոյ մէջ Հայ կիներու վրայ յարձակումներուն պատասխանատու նկատուած Մուրատ Նազարեանի մասին կատարուած ամբաստանագիրի թղթածրարը։
Մուրատ Նազարեան, պատասխանատու կը նկատուի 85ամեայ Մարիձա Քիւչիւքը վայրագօրէն սպաննելու, ինչպէս նաեւ 87ամեայ եւ 83ամեայ երկու Հայ կիներու վրայ յարձակած ըլլալու յանցագործութիւններուն մէջ։
Դատախազութիւնը հրէշայի ոճիր գործելու ամբաստանութեամբ Մուրատ Նազարեանին համար պահանջեց ցկեանս ծանր բանտարկութիւն։ Մինչդեռ Սամաթիոյ շրջանակներէն ներս [...]

ՄՈՆԹՐԷԱԼ.- Երկուշաբթի, Մայիս 6ի երեկոյեան, Մոնթրէալի «Էթուաթըր Քլապ»ին (Atwater Club) մէջ տեղի ունեցաւ հաւաք մը, որուն ընթացքին Թուրքիոյ դեսպան Թանքէյ Պապալի խօսեցաւ միջազգային քաղաքականութեան մէջ Թուրքիոյ դերակատարութեան մասին:
ՀՅԴ Քանատայի Երիտասարդական Միութեան (ՔԵՄ) անդամներ մասնակցեցան նշեալ զեկուցական հաւաքին:
Թուրք դեսպանը իր զեկոյցով գովքը հիւսեց իր պետութեան, որ վերջին տարիներուն աննախընթաց տնտեսական աճ արձանագրած է եւ թէ մինչեւ [...]

ՔՈՒԷՅԹ.- Հովանաւորութեամբ տեղեկատուութեան նախարար Ալ Շէյխ Սալման Սապահ Ալ Սալեմ Ալ համմուտ Ալ Սապահի, տեղի ունեցաւ աշակերտական նկարչական մրցոյթ՝ «Քուէյթը Գեղեցիկ եւ Կանաչապատ» թեմայով:
Այս մրցոյթին, որ կազմակերպուած էր «Քուէյթ Թայմզ»ի կողմէ, մասնակցած էին 78 պետական եւ մասնաւոր հատուածի դպրոցներ, ներկայացնելով աւելի քան 10 հազար կտաւ: Մրցոյթը ընդգրկած էր չորս տարիքային խումբեր:
Սոյն մրցոյթին Քուէյթի Ազգային վարժարանը, [...]

ԹԱՒՐԻԶ.- Ուսուցչաց տօնին առիթով, Թաւրիզի Հայոց «Թամարեան-Սահակեան» դպրոցին մէջ, Չորեքշաբթի, 8 Մայիսին տեղի ունեցաւ յատուկ ձեռնարկ, գնահատելու համար դպրոցի հին եւ նոր ուսուցիչները:
Մտերմիկ հանդիսութեան ներկայ գտնուեցաւ Ատրպատականի Հայոց թեմի առաջնորդ Գրիգոր Ծ. վրդ. Չիֆթճեան, ընկերակցութեամբ Ազգային վարչութեան անդամներուն: Ներկայ էին նաեւ դպրոցի հոգաբարձութեան ու Ծնողական խորհուրդի անդամները:
Բարի գալստեան խօսքով, դպրոցի տնօրէնուհի Արմինէ Վահրամեան ողջունեց բոլորին [...]

Արեւելեան ԱՄՆի Համազգայինի 37րդ պատգամաւորական ժողովը տեղի ունեցաւ Կիրակի, Մայիս 5ին Պոսթընի «Բաբգէն Սիւնի» ակումբի ժողովասրահին մէջ, մասնակցութեամբ մասնաճիւղերու ներկայացուցիչներուն եւ հիւրաբար հրաւիրուած ներկաներու:
Բանաւոր պատճառներով, բացակայ էին Ֆիլատելֆիոյ ներկայացուցիչները: Մնացեալ մասնաճիւղերը՝ Տիթրոյիթ, Շիքակօ, Ուաշինկթըն, Նիւ Եորք, Նիւ Ճըրզի, Փրովիտընս եւ հիւրնկալ Պոսթըն, ներկայ էին իրենց ներկայացուցիչներով: Կեդրոնական վարչութիւնը կը ներկայացնէր Վիգէն Եագուպեան:
Քննուեցաւ շրջանաւարտ Շրջանային վարչութեան [...]

Կիրակի, 5 Մայիսի երեկոյեան, Այնճարի «Գ. Կիւլպէնկեան» սրահին մէջ Այնճարի հայութիւնը համախմբուած էր իր զօրակցութիւնը յայտնելու մայր հողին վրայ տակաւին
գոյատեւող եւ իր ինքնութեան վերադարձող Հայոց Ցեղասպանութենէն մազապուրծ ազատած իր քոյր-եղբայրներուն:
Սովորականէն տարբեր բնոյթի ձեռնարկ մըն էր, որ տեղի կ՛ունենար՝ ներկայութեամբ Այնճարի հոգեւոր հովիւներուն, ՀՅԴ «Կարմիր Լեռ» կոմիտէին, Այնճարի քաղաքապետ Կարօ Փամպուքեանին, Այնճարի մէջ գործող միութեանց ներկայացուցիչներուն, [...]

«Եաւուրեան» սթուտիոն «Նարեկացի» Արուեստի միութեան կեդրոնէն ներս Երեքշաբթի, Մայիս 7ին, երեկոյեան ժամը 7ին կայացուց «Քեսապ» վաւերագրական ժապաւէնի հայաստանեան անդրանիկ ցուցադրութիւնը:
Սոյն ժապաւէնը իրականացած է Մխիթարեան միաբանութեան, «Քեսապցիներ Քեսապի համար» կայքի համատեղ նախաձեռնութեամբ, ինչպէս նաեւ Քեսապէն դուրս բնակող Քեսապցի բարերարներու աջակցութեամբ:
«Քեսապ» վաւերագրական ժապաւէնի նախագիծի մտայաղացման հեղինակներն են՝ Մխիթարեան միաբանութեան հայրերէն հայր Համազասպ Քեշիշեան, Նորայր Մելքոնեան, բեմադրիչ Նանէ [...]

ՊԱՂՏԱՏ.- Ուրբաթ, Ապրիլ 26ին Իրաքի հայոց թեմի առաջնորդ Աւագ արք. Ասատուրեան Ս. եւ անմահ պատարագ մատուցանեց Պաղտատի առաջնորդանիստ Ս. Գրիգոր Լուսաւորիչ եկեղեցւոյ մէջ ։
Ս. պատարագին եւ յայտագիրին մասնակցեցան սարկաւագաց եւ «Զուարթնոց» դպրաց դասերը՝ ղեկավարութեամբ երաժիշտ Նուպար Բշտիկեանի ու երգեհոնի նուագակցութեամբ Շաղիկ Վարդանեանի: Ընդառաջելով սրբազան հօր հրաւէրին, յուշատօնի պատարագին ներկայ էին քաղդիացւոց եկեղեցապետ Լուիս ՌաՖայէլ Ա. [...]

ՊԷՅՐՈՒԹ.- Հովանաւորութեամբ հայ կաթողիկէ Ներսէս Պետրոս ԺԹ. պատրիարքին եւ կազմակերպութեամբ Հայ կաթողիկէ պատրիարքարանին, Կիրակի, 5 Մայիսին, երեկոյեան ժամը 6ին, Անթուրայի Լազարիստ հայրերու Սուրբ Յովսէփ եկեղեցւոյ մէջ 300 հայ նահատակ որբերու յիշատակին մատուցուեցաւ Ս. պատարագ եւ կատարուեցաւ հոգեհանգիստ:
Պատարագը մատուցեց Գէորգ Ծ. վրդ. Եղիայեան, առընթերակայութեամբ Սեպուհ վրդ. Կարապետեանի եւ Րաֆֆի քհնյ. Յովհաննէսեանի: Ներկայ էին Մանուէլ եպս. Պաթագեան [...]

ԹԱՒՐԻԶ.- Կիրակի, 5 Մայիսին, Ատրպատականի Հայոց թեմի առաջնորդ Գրիգոր Ծ. վրդ. Չիֆթճեան Ս. Թադէի վանքին մէջ ընդունեց այցելութիւնը Իրանի Իսլամական Հանրապետութեան բարձրաստիճան պատուիրակութեան, գլխաւորութեամբ Հնապահպանման հիմնարկի ընդհանուր տեղակալ Շէեպանփուրի եւ Չալտրանի Կուսակալ՝ Ղոլիփուրի:
Պատուիրակութեան մաս կը կազմէին Արեւմտեան Ատրպատականի զինուորական պատասխանատուներ եւ կառավարական այլ բարձրաստիճան անձնաւորութիւններ:
Թեմակալ առաջնորդին կողքին ներկայ էին նաեւ Ազգային վարչութեան ատենապետ Ռուբիկ Ջանանեան, [...]

Շաբաթ, 5 Մայիսի երեկոյեան ժամը 7։30ին, Հայկազ Ալվերցեան այցելեց Մեծի Տանն Կիլիկիոյ կաթողիկոսութեան Դպրեվանք եւ «Անոնք ալ հայ են» նիւթով խօսեցաւ համշէնահայութեան մասին։
Բացման խօսքով հանդէս եկաւ Յովհաննէս սրկ. Թէփիրճեան, որ հակիրճ կերպով ներկայացուց դասախօսը։
Յայտագիրի առաջին բաժինով, դպրեվանեցիներ տեսաերիզով ծանօթացան համշէնահայութեան աւանդութիւններուն եւ բարքերուն։ Տեսաերիզը ընդհանուր կերպով կը պատկերէր «իսլամացած» հայերու մշակոյթն ու հայկական արմատներուն կապուածութիւնը։
Ապա, [...]

Կիրակի, 28 Ապրիլին, Ժիպէյլի ՀՅԴ «Քեռի» կոմիտէի կազմակերպութեամբ Ժիպէյլի մէջ տեղի ունեցաւ Հայոց Ցեղասպանութեան 98ամեակի ոգեկոչում՝ «Թռչ-նոց Բոյն»ին մէջ:
Ներկայ էին ՀՅԴ Լիբանանի Կեդրոնական կոմիտէի ներկայացուցիչ Յովիկ Մխիթարեան, Մեծի Տանն Կիլիկիոյ Արամ Ա. կաթողիկոսի ներկայացուցիչ Մասիս վրդ. Զօպուեան, Լիբանանի մօտ Հայաստանի դեսպան Աշոտ Քոչարեան, Ժիպէյլի մարոնի համայնքի առաջնորդ Միշել Աուն եպիսկոպոս, հրաժարեալ կառավարութեան մէջ պետական նախարար [...]

Յայտարարութիւն
Մեծի Տանն Կիլիկիոյ կաթողիկոսութեան հովանիին ներքեւ գործող «Խաչիկ Պապիկեան» Հրատարակչական հիմնադրամը կը շարունակէ իր հրատարակչական գործունէութիւնը: Ցարդ լոյս ընծայուած են հետեւէալ հատորները.
1.- Կարէն Խանլարեան, «Հայ Բնակչութեան Էթնոկրօնական Վերակերպումները Թուրքիայի Հանրապետութիւնում»:
2.- Տոքթ. Սալեհ Զահրետտին, «Օսմանեան Պետութեան Քաղաքականութիւնը Արեւմտահայաստանի մէջ եւ Մեծ Պետութիւններու Կեցուածքը» (արաբերէն):
3.- Տոքթ. Գէորգ Պաղճեան, «The Confiscation of Armenian Properties by the Turkish Government [...]

Լիբանանի «Էն.Տի.Իւ.» (NDU) համալսարանէն ուսանողներու խումբ մը (մեծ մասամբ պատմութեան բաժինի ուսանողներ), ընկերակցութեամբ իրենց դասախօսներուն, Հինգշաբթի, Մայիս 2ին մեկնեցան Մուսա լեռ՝ մօտէն ծանօթանալու շրջանին եւ հայկական Վագըֆ գիւղին:
Խումբին ընկերացաւ Մուսա Լերան հերոսամարտի հարիւրամեակի կեդրոնական մարմինի անդամ թաղապետ Վազգէն Քալօշեան՝ իբրեւ խումբի առաջնորդ:

Հինգշաբթի, 2 Մայիսի երեկոյեան Արամ Ա. կաթողիկոսին այցելեց Հայոց Ցեղասպանութեան մասնագէտ եւ գիրքերու հեղինակ դոկտ. Թաներ Աքչամ:
Հանդիպումը առիթ եղաւ անդրադարձ կատարելու Ցեղասպանութեան ուսումնասիրութեան մարզին մէջ վերջին շրջանին տեղի ունեցած զարգացումներուն:
Թաներ Աքչամ, որ նախապէս երկու առիթներով այցելած էր Անթիլիաս, ողջունեց վեհափառ հայրապետին տարած աշխատանքը Հայոց Ցեղասպանութեան ճանաչման ու հատուցման գծով եւ յատկապէս վեհափառին դրած շեշտը իրաւական [...]

ԵՐԵՒԱՆ, «Նիուզ».– «Ես միշտ ներկայացնում եմ Հայաստանը, թէեւ ապրում եմ Իսպանիայում», «Նիուզ»ի մարզական բաժինի թղթակից Պարոյր Սինեաւսկիի հետ ունեցած զրոյցին ընթացքին յայտնած է թայպոքսի աշխարհի նոր ախոյեան Վարդան Մնացականեանը: Աշխարհի ախոյեանութեան  համար մենամարտին ընթացքին հայ մարտիկի մրցակիցը քիքպասինկի Եւրոպայի ախոյեան, սպանացի Դաւիթ Թոմասն էր: Վարդան Մնացականեան երկրորդ հանգրուանին մրցակիցը ենթարկած է «նաքաութ»ի:
Թղթակիցը ախոյեանին հարց տուած [...]

«Եւրոպայում Շատ Ականջներ Կան, Որ Հայկական Ձայնը Լաւ Են Լսում»
Զրոյցը Վարեց՝ ԳԷՈՐԳ ԱՎՉԵԱՆ
«Երկիր»ը Պրիւքսէլի Հայ Դատի գրասենեակի գործունէութեան եւ ծրագիրներուն մասին հարցազրոյց մը ունեցած է Եւրոպայի Հայ Դատի յանձնախումբի նախագահ Գասպար Կարապետեանի հետ. ստորեւ սոյն հարցազրոյցը՝ ամբողջութեամբ.
ԳԷՈՐԳ ԱՎՉԵԱՆ.- Բրիւսէլի Հայ Դատի գրասենեակի գործունէութեան նպատակը ո՞րն է, պարո՛ն Կարապետեան:
ԳԱՍՊԱՐ ԿԱՐԱՊԵՏԵԱՆ.- Եւրոպայի Հայ Դատի յանձնախումբն ու նրա [...]

ՊՈԼԻՍ, «Մարմարա».- Լոնտոնի «Կոմիտաս» հիմնարկի տնօրէն՝ պատմաբան Արա Սարաֆեան, որ Ապրիլ 24ի առիթով դարձեալ Թուրքիա եկած էր ու մասնակցած Տիարպեքիրի ու Պոլսոյ մէջ կազմակերպուած ոգեկոչման հանդիսութիւններուն, Լոնտոն վերադարձին գովասանքով խօսած է Թուրքիոյ մէջ ստեղծուած նոր կարգավիճակին մասին՝ կարգավիճակ, որուն շնորհիւ այլեւս ազատօրէն կը կատարուին նմանօրինակ ոգեկոչումներ ու կը խօսուին այս նիւթերուն մասին։
Լրատու գործակալութիւններ կը հաղորդեն, [...]

ԵՐԵՒԱՆ, «Արմէնփրէս».– Հայաստանի ժողովրդական արուեստագէտ Ֆլորա Մարտիրոսեանի յիշատակին 11 Մայիսին տեղի պիտի ունենայ բարեսիրական համերգ մը՝ Սպանիոյ Պարսելոնա քաղաքի «Սանթա Քոլոմա» համերգասրահին մէջ: Ֆլորա Մարտիրոսեանի երգերը պիտի կատարէ երգչուհի Սոնա Արոյեանը, որ «Արմէնփրէս»ին հետ ունեցած զրոյցին ընթացքին յայտնած է, որ «Քո հետքերով» համերգային ծրագիրի իրականացման գաղափարը իրն է:
«Ցաւօք սրտի, համերգը տեղի է ունենալու Ֆլորա Մարտիրոսեանի [...]

ՈՒԱՇԻՆԿԹԸՆ.- Ինչպէս հաղորդեցինք նախապէս, այս տարի եւս Միացեալ Նահանգներու Քոնկրեսին մէջ տեղի ունեցաւ Հայկական Ցեղասպանութեան ոգեկոչման յատուկ ձեռնարկ մը, որ նաեւ առիթ հանդիսացաւ Արեւելեան Ամերիկայի Հայ Դատի յանձնախումբին՝ ամերիկահայութեան մտահոգութիւնները փոխանցելու խումբ մը քոնկրեսականներու:
Արեւելեան Ամերիկայի Հայ Դատի յանձնախումբի գործադիր վարիչ Միշել Յակոբեան կը յայտնէ, թէ այս հաւաքին ընթացքին կարելի եղած է 31 տարբեր նահանգներու քոնկրեսականներուն [...]

Եւրոպայի Հայ Դատի յանձնախումբը կը մշակէ իր ընելիքները Հայոց Ցեղասպանութեան 100ամեակին ընդառաջ, կը յայտնէ Եւրոպայի Հայ Դատի յանձնախումբի նախագահ Գասպար Կարապետեան:
Ան կ՛ըսէ, թէ Ցեղասպանութեան 100ամեակին համար պէտք է լաւ պատրաստուիլ, քանի որ անիկա պէտք է դառնայ նոր խթան, նոր ուժ՝ ընդհանուր պայքարին ոգի տալու, նոր գործելաձեւ նախանշելու նպատակով:
«Պէտք է օգտագործել երիտասարդութեան ներուժը եւ աւագ սերունդի [...]

ՊՈՒԷՆՈՍ ԱՅՐԵՍ.- 2007 թուականին թիւ 26.199 օրէնքի հռչակումէն ի վեր, Արժանթին ամէն տարի Ապրիլ 24ին կը նշէ «Հանդուրժողականութեան եւ ժողովուրդներու միջեւ յարգանքի օր»ը, ի յիշատակ Հայոց Ցեղասպանութեան նահատակներուն:
Ապրիլ 30ի երեկոյեան, ՀՅԴ Հարաւային Ամերիկայի Հայ Դատի յանձնախումբը կազմակերպեց Ցեղասպանութեան 98ամեակի յիշատակումը Պուէնոս Այրեսի Գոլեխիօ Նասիոնալին մէջ:
Ձեռնարկին խօսք առին Արժանթինի Կրթութեան նախարար Ալպերթօ Սիլէօնի, դաշնակցային դատախազ Սերխիօ [...]

Կիրակի, Ապրիլ 30էն սկսեալ Թուրքիոյ մէջ ընթերցողներու դատին յանձնուեցաւ հայալեզու «Լոյս» երկշաբաթաթերթը:
Ըստ թրքական «Տողան» գործակալութեան փոխանցած տեղեկութեան՝ Ապրիլ 29ին, Պոլսոյ «Իսթանպուլ ՈԻԱՈՒ» (Istanbul WOW) հիւրանոցին մէջ տեղի ունեցաւ «Լոյս» երկշաբաթաթերթի շնորհահանդէսը, իսկ Ապրիլի 30էն սկսեալ անիկա արդէն հասանելի դարձած է ընթերցողներուն:
Աւելի շուտ, թրքական «Թարաֆ» թերթին հետ հարցազրոյցին ընթացքին «Լոյս»ի գլխաւոր խմբագիր Շահնուր Քազանճը յայտնած էր, [...]

24 Ապրիլի ոգեկոչման առիթով Թուրքիոյ մէջ այս տարի կազմակերպուած բացառիկ սգահանդէսներու շարքէն Կիրակի, Ապրիլ 28ի երեկոյեան Թօփհանէի նշանաւոր «Թիւթիւն Տեփոսու» կոչուած շէնքին մէջ կայացաւ արտասահմանէն ժամանած հիւրերու մասնակցութեամբ «փենըլ» մը, որ նուիրուած էր կորսուած յիշողութիւններու ու անցեալին մէջ Հայ ընտանիքներու կրած տառապանքներու նիւթին։
«Այս շէնքը, որ ներկայիս կը պատկանի մշակութասէր Օսման Գավալայի, այս անգամ հիւրասիրուած էր [...]

Շաբաթ, 27 Ապրիլի երեկոյեան ժամը 7:30ին, Այնճարի «Մուսա լեռ» սրահին մէջ, ներկայութեամբ Այնճարի հոգեւոր պետերուն, քաղաքապետ Կարօ Փամպուքեանի, ՀՅԴ «Կարմիր լեռ» կոմիտէին, միութեանց ներկայացուցիչներուն եւ համացանցով հետաքրքրուած հայրենակիցներու, տեղի ունեցաւ համայն մուսալեռցի-այնճարցիներու պաշտօնական կայքի բացումը:
Ձեռնարկին բացումը ՀՅԴ «Կարմիր լեռ» կոմիտէի համացանցի յանձնախումբին անունով կատարեց տոքթ. Խաժակ Այնթապլեան: Ան անդրադարձաւ Մուսա Լեռ-Այնճար համացանցի կայքի գործունէութեան՝ անցնող [...]

Կազմակերպութեամբ Հայ կաթողիկէ Մեսրոպեան բարձրագոյն վարժարանի աշակերտական խորհուրդի տեղեկատուական-ուսումնասիրական խմբակին, Կիրակի, 28 Ապրիլին, առաւօտեան ժամը 10էն սկսեալ տեղի ունեցաւ «Լիբանանահայ գաղութը, հայապահպանման աշխատանքները եւ աշակերտութեան դերը» նիւթով միջդպրոցական միօրեայ Գ. սեմինարը, մասնակցութեամբ լիբանանահայ 10 վարժարաններու միջնակարգ դասարաններէն երեքական ներկայացուցիչներու:
Միօրեայ սեմինարը սկսաւ Լիբանանի եւ Հայաստանի քայլերգներով, որմէ ետք կազմակերպիչ խմբակին անունով խօսք առաւ Վանեսա Նաժժար, որ [...]

ՊՈԼԻՍ.- Թուրքիոյ Դրամատուներու ընդհանուր միութեան կողմէ ամբողջ Թուրքիոյ տարածքին կազմակերպուեցաւ 42րդ Միջազգային նամակագրութեան երիտասարդներու մրցումը, որուն նպատակն էր «խօսքը կը ցնդի, գիրը կը մնայ» ճշմարտութեան լոյսին տակ երիտասարդները մղել գրաւոր ձեւով արտայայտելու իրենց գաղափարները, նաեւ անոնց մօտ արծարծել գրականութեան սէրը:
Նամակագրութեան այս տարուան նիւթն էր՝ «Ջուրը ինչո՞ւ արժէքաւոր է» հարցումը։
«Այս մրցումին մասնակցեցան բազմաթիւ երիտասարդներ։ Շատ պատուաբեր [...]

Ըստ Պոլսոյ «Մարմարա» օրաթերթին՝ «Ինթերնեթ Հապեր» համացանցային լրատուական գործակալութիւնը կը հաղորդէ, թէ Արժանթինի մէջ բնակող հայերը սկսան բուռն հակազդեցութիւն ցոյց տալու թուրք օդային սպասարկութեան որ այժմ սկսած է Պոլսոյ եւ Պուէնոս Այրեսի միջեւ թռիչքներ իրականացնել։ Թուրք օդային գիծերը, որոնք վերջերս թռիչքներ հաստատած էին դէպի Սաուփոլօ, ա՛լ աւելի ընդլայնեցին իրենց ցանցը եւ 11 Դեկտեմբեր 2012 թուականին [...]

ՆԻՒ ԵՈՐՔ.- Ապրիլ 21ին, Հայոց Ցեղասպանութեան 98րդ տարեդարձը նշուեցաւ, քաղաքի կեդրոնը հանդիսացող «Թայմզ» հրապարակին վրայ:
Միացեալ Նահանգներու եւ Հայաստանի քայլերգներու ունկնդրութենէն ետք, մէկ վայրկեան յոտնկայս լռութեամբ յարգուեցաւ մէկ ու կէս միլիոն նահատակ հայերու եւ Պոսթընի մէջ վերջերս զոհ գացած քաղաքացիներու յիշատակը, որմէ ետք բացման աղօթքը կատարեց Արեւելեան Ամերիկայի Կիլիկեան թեմի առաջնորդ Օշական արք. Չօլոյեան:
Վերապրող երեք հայուհիներ՝ [...]

ԹԱՒՐԻԶ.- Ապրիլ 24ի յաջորդող օրը, Հինգշաբթի, 25 Ապրիլի երեկոյեան ժամը 7:30ին, Ազգային առաջնորդարանի «Համազասպ Ոսկանեան» հանդիսասրահին մէջ, նախագահութեամբ թեմի առաջնորդ՝ Գրիգոր Ծ. վրդ. Չիֆթճեանի, տեղի ունեցաւ Ապրիլեան մէկ ու կէս միլիոն նահատակաց նուիրուած ոգեկոչման յայտագիր, միասնական ներկայութեամբ ու մասնակցութեամբ թեմի բոլոր միութիւններուն ու կազմակերպութիւններուն:
Յայտագիրին ներկայ էին Ազգային իշխանութեան բոլոր անդամները՝ Երեսփոխանական ժողով, Ազգային վարչութիւն, յարակից [...]

ՄՈՆԹԵՎԻՏԷՕ.- Մայրաքաղաքի Հայոց Ցեղասպանութեան հրապարակին վրայ, տեղի ունեցաւ գաղութի ՀՅԴ «Արմէնիա»
Երիտասարդական եւ ՀՅԴ Պատանեկան միութիւններու կողմէ կազմակերպուած հաւաքը:
Ցեղասպանութեան հրապարակը՝ Մոնթեվիտէոյի կեդրոնական շրջանին մէջ, երիտասարդները լայն պաստառի վրայ երկու ժամ տեւողութեամբ տեսահոլովակներ ցուցադրեցին, Մեծ Եղեռնի մասին նկարահանուած ժապաւէններէն բաժիններ ներկայացնելով: Հաւաքին ընթացքին տեղի ունեցաւ նաեւ մոմավառութիւն:
Բարձրախօսներու միջոցաւ մեր երիտասարդները օրուան առթիւ լօզունգներ եւ պատշաճ երաժշտութիւն ձայնասփռեցին, [...]

ՋԱՀԵՐՈՎ ԵՐԹ ՊՈՒԷՆՈՍ ԱՅՐԵՍԻ ՄԷՋ
ՊՈՒԷՆՈՍ ԱՅՐԵՍ «Արմէնիա».- Չորեքշաբթի, Ապրիլ 24ի երեկոյեան, Արժանթինի մայրաքաղաք Պուէնոս Այրեսի հայութիւնը ընդառաջեց համայնքի երիտասարդական միութիւններու նախաձեռնութեան, որ Հայոց Ցեղասպանութեան 98ամեակին առիթով կազմակերպած էր քայլարշաւ մը դէպի Թուրքիոյ դեսպանատուն:
Հոծ բազմութիւն մը ներկայ գտնուեցաւ Պուէնոս Այրեսի Իրաւաբանութեան պետական համալսարանի մուտքին, ուրկէ ջահերով, պաստառներով եւ դրօշակներով ուղղուեցաւ դէպի Թուրքիոյ դեսպանատուն, մինչ երիտասարդները բարձրախօսներով [...]

Հայոց Ցեղասպանութեան 100ամեակի Լիբանանի Կեդրոնական մարմինի կազմակերպած քայլարշաւը ընթացք առաւ Պուրճ Համուտի հրապարակէն՝ կէսօրուան ժամը 12:30ին, ապա անցաւ Նոր Հաճընէն, Մար Մխայելէն, Ժըմմէյզիէն՝ հասնելու համար Կեդրոնական Պէյրութ. քայլարշաւին մասնակիցները Եռագոյններուն կողքին բարձրացուցած էին պաստառներ՝ ոչ միայն հայութեան, այլ նաեւ համայն մարդկութեան դէմ Թուրքիոյ գործած ահաւոր ոճիրը դատապարտող, անոր ժխտողական քաղաքականութիւնը մերժող, Մուշը, Կարինը, Արտահանը եւ [...]

Այսու մեր համայնքի յարգելի ժողովրդին յայտնում ենք, որ Թեհրանի հայոց թեմի Պատգամաւորական ժողովը թուականիս Փետրուարի 27ից Մարտի 3ը իր հնգօրեայ նիստերը անցկացրեց՝ նախագահութեամբ թեմի առաջնորդ Սեպուհ արք. Սարգսեանի եւ ատենապետութեամբ Գէորգ Վարդանի եւ Նորայր Արամեանի, որոնց ընթացքում լսելով շրջանաւարտ Թեմական եւ Կրօնական խորհուրդների ու Հաշուեքննիչ մարմնի քսան ամիսների աշխատանքային տեղեկագրերը ու լսելով դրանցից բխած հարցումների [...]

ՓԱՐԻԶ.- Փարիզի Աստուածամօր (Notre Dame de Paris) տաճարին մէջ Ապրիլի 21ին տեղի ունեցաւ Հայոց Ցեղասպանութեան զոհերու յիշատակին նուիրուած արարողութիւն՝ Ֆրանսայի Հայ կաթողիկէ եկեղեցւոյ հոգեւոր հովիւ Յովհաննէս եպս. Թէյրուզեանի առաջնորդութեամբ:
Պատարագին նախորդող ոգեկոչման աղօթքներով հանդէս եկան Փարիզի կաթոլիկ եկեղեցւոյ եպիսկոպոս Ժերոմ Պոն, Հայ առաքելական եկեղեցւոյ Ֆրանսայի թեմի առաջնորդ Նորուան արք. Զաքարեան եւ Հայ աւետարանական եկեղեցւոյ առաջնորդ Ժօէլ [...]

ՊԱՐՍԵԼՈՆԱ.- Պարսելոնայի Հայկական Մշակութային միութեան միօրեայ դպրոցը Կիրակի, 21 Ապրիլին «Հայ Տուն»ին մէջ ոգեկոչեց Հայոց Ցեղասպանութեան 98րդ տարելիցը:
Ձեռնարկին ներկայ էին միութեան անդամներ, աշակերնտերու ծնողներ եւ այլ հրաւիրեալներ:
Բացման խօսքին ընթացքին, ներկաները մէկ վայրկեան լռութեամբ յարգեցին աւելի քան մէկուկէս միլիոն անթաղ հայ նահատակներու յիշատակը:
Ձեռնարկին ընթացքին ներկաները դիտեցին Հայոց Ցեղասպանութեան մասին պատմող վաւերագրական շարժապատկեր մը. ունկնդրեցին նաեւ բարձր [...]

ԵՐԵՒԱՆ, «Արմէնփրէս».- Թուրքիոյ մէջ զինուորական ծառայութեան ընթացքին՝ 2011ի Ապրիլ 24ին սպաննուած հայազգի զինուոր Սեւակ Պալըքճըի սպանութեան երկրորդ տարելիցին առիթով, Պոլսոյ Շիշլի թաղամասի «Գրիգորեան» գերեզմանատան մէջ թաղուած Սեւակի շիրիմը այցելած են անոր ծնողներն ու բարեկամները, Խտրականութեան դէմ շարժումներու Աղրըի մասնաճիւղի ներկայացուցիչներ, Մարդկային իրաւունքներու պաշտպանութեան կազմակերպութեան Պոլսոյ մասնաճիւղի ղեկավար Ումիթ Էֆեն, «Ոչ ըսենք ցեղամոլութեան եւ  խտրականութեան» նախաձեռնութեան [...]

ԱԹԷՆՔ.- Երեք քաղաքներու մէջ քաղաքական ձեռնարկներով, յունահայութիւնը ոգեկոչեց Հայոց Ցեղասպանաութեան 98ամեակը:
Աթէնքի, Թեսաղոնիկէի եւ Քսանթիի մէջ ձեռնարկներուն ներկայ գտնուեցան Յունաստանի պետական-քաղաքական կեանքի մեծ թիւով քաղաքական դէմքեր, օտար դիւանագիտական շրջանակներ եւ զինուորականներ, որոնք յարգեցին Հայոց Մեծ Եղեռնի զոհերու յիշատակը:
Կիրակի, 21 Ապրիլին Թեսաղոնիկէի «Ի. Վելիտիս» հանդիսասրահէն եւ Քսանթիի «Քափնափոթիքի» սրահէն ներս տեղի ունեցան Հայոց Ցեղասպնութեան 98ամեակին նուիրուած քաղաքական [...]

ԹԱՒՐԻԶ.- Ուրբաթ, 19 Ապրիլի առաւօտուն, Ատրպատականի Հայոց թեմի առաջնորդ՝ Գրիգոր Ծ. վրդ. Չիֆթճեան տեղագրումի նպատակով այցելեց Սալմաստի Սաւրա նախկին հայաբնակ գիւղի հայոց դարաւոր գերեզմանատունը, ուր նաեւ կատարեց հոգեհանգստեան արարողութիւն:
Ստորեւ կը ներկայացնենք թեմակալ առաջնորդի ամփոփ տեղագրութիւնը.
«Սաւրա գիւղին մէջ 1200 թուին կառուցուած հայոց Ս. Յովհաննէս եկեղեցին, որուն գմբէթը խոնարհած էր, անցնող տարիներուն Ազգային առաջնորդարանիս հաւանութեամբ յանձնուած է [...]

ՅԱԿՈԲ ՎԱՐԴԻՎԱՌԵԱՆ
Լայն իր աշխարհով եւ հարուստ իր հրատարակութիւններով քանատահայ գրողն է Յակոբ Խաչիկեան, որ անծանօթ մը չէ Մեծագոյն Նիւ Եորքի հայ թէ օտար գրական շրջանակներուն մօտ:
Բաւական եռուն ազգային կեանքի այս օրերուն, բարեբախտաբար երեկոյ մը կրցաւ յատկացնել կազմակերպիչ միութիւններու միացեալ յանձնախումբը: Արդ, Ապրիլ 5, Ուրբաթ երեկոյեան 8:30ին, Ֆեր Լոնի (Նիւ Ճըրզի) Սրբոց Ղեւոնդեանց եկեղեցւոյ սրահը դարձած [...]

ԵՐԵՒԱՆ, «Արմէնփրէս».– Դամասկոս-Գամիշլի-Երեւան թռիչքը պարբերաբար պիտի կատարուի: Այս մասին յայտնած է «Սիրիական աւիաուղիներ»ու երեւանեան գրասենեակի տնօրէն Սվետլանա Յովհաննիսեանը: «Առաջին չուերթը կայացել է, այնտեղից եկել է 68 մարդ, մեկնել են 12ը», նշած է Յովհաննիսեան: «Այդ ուղղութեամբ չուերթ կ՛իրականացուի ամէն Չորեքշաբթի՝ ժամը 03:10ին», յայտնած է ան՝ աւելցնելով, որ Հալէպի եւ Լաթաքիոյ ուղղութեամբ թռիչքներուն վերաբերեալ նորութիւններ չկան տակաւին: [...]

ԵՐԵՒԱՆ, «Նիուզ».– «Տաշիր» ընկերութիւններու խումբի նախագահ Սամուէլ Կարապետեանը՝ 3.8 միլիառ տոլար դրամագլուխով գրաւած է 29րդ դիրքը ռուս միլիառատէրներու ցանկին մէջ, զոր կազմած է «Ֆորպզ»ը։
«Ռոսգոսստրախի» ղեկավար Դանիլ Խաչատուրովը 43րդ դիրքին վրայ է՝ 2.4 միլիառ տոլարով, Նիկոլա եւ Սերգէյ Սարգիսովները՝ 1.35ական միլիառ տոլարով գրաւած են 78րդ եւ 79րդ հորիզոնականները: 143րդ դիրքին վրայ է «Եոթա»ի սեփականատէր Ալբերտ Աւդոլեանը՝ [...]

ՊԷՅՐՈՒԹ.- Մեսրոպեան վարժարանը Լիբանանի ճատրակի 2013ի տարիքային անհատական ախոյեանութէան մէջ արձանագրած է մեծ յաջողութիւններ:
10 տարեկանէն վար աղջկանց դասակարգին մէջ մեսրոպեանական Նանօր Առնելեան հանդիսացած է Լիբանանի ախոյեան, մինչ 12 տարեկանէն վար տղոց ախոյեանութեան տիրացած է Ճիօ Գալուստ:
Յայտնենք, որ մրցումին Մեսրոպեան վարժարանէն նաեւ մասնակցած էին Յակոբ Թերզեան, Յովսէփ Գիրազեան եւ Կարօ Գալֆայեան:
Նշեալ յաջողութիւնը իրականացած է շնորհիւ աշակերտ-ծնողք-ուսուցիչ [...]

ՆԻԿՈՍԻԱ.- Հայոց Ցեղասպանութեան զոհերու յիշատակին նուիրուած ոգեկոչումներու ծիրէն ներս պիտի կայանայ կիպրահայերու ամէնամեայ քայլարշաւը՝ մայրաքաղաք Նիկոսիոյ մէջ:
Երթի մասնակիցները Մակարիոս պողոտայէն պիտի շարժին դէպի Հայաստան անունը կրող փողոց եւ կանգ առնեն Հայոց Ցեղասպանութեան զոհերու յուշարձանին մօտ, ուր պիտի կայանայ ոգեկոչման արարողութիւնը:
Ելոյթ պիտի ունենան հայ խորհրդարանական Վարդգէս Մահտէսեանն ու Կիպրոսի առաջնորդ Վարուժան արք Հերկելեանը, նաեւ Նիկոսիոյ քաղաքապետ [...]

Շաբաթ, 13 Ապրիլի երեկոյեան, ՀՅԴ Յունաստանի Հայ Դատի յանձնախումբի կեդրոնատեղիէն ներս հանդիպում տեղի ունեցաւ Պոնտոսցիներու համահելլէնական միութեանց ղեկավարութեան հետ:
Ներկայ էին Համահելլէնական պոնտական դաշնակցութեան նախագահ Եորղոս Փարխարիտիս, Հարաւային Յունաստանի եւ կղզիներու համապոնտական միութեանց նախագահ Եորղոս Վարիթիմիատիս եւ միութեան ընդհանուր քարտուղար Է. Խաւուծիտու: Հայ Դատի յանձնախումբը հանդիպումին մասնակցեցաւ քառանդամ պատուիրակութեամբ, յանձինս Դաւիթ Պետրոսեանի, Արաքսի Աբէլեան-Գոլանեանի, Խաչիկ Ապարեանի [...]

ԹԻՖԼԻՍ.- Շաբաթ, Ապրիլ 13ին Վիրահայոց թեմի «Հայարտուն» կեդրոնի «Գալուստ Կիւլպենկեան» սրահին մէջ բացուեցաւ Հայկական Ցեղասպանութեան 98րդ տարելիցին նուիրուած «Հայոց Գողգոթա» խորագիրով ցուցահանդէսը: Անիկա կազմակերպուած էր Վրաստանի Հայ նկարիչներու միութեան եւ Ջաւախքի երիտասարդ նկարիչներու ընկերակցութեան կողմէ՝ Վիրահայոց թեմի «Հայարտուն» կեդրոնի հոգաբարձուներու խորհուրդի, Վրաստանի մօտ ՀՀ դեսպանութեան, ՀՀ սփիւռքի նախարարութեան եւ «Գալուստ Կիւլպենկեան» հիմնարկի աջակցութեամբ:
Ցուցահանդէսին իրենց գործերը [...]

Երկուշաբթի, Ապրիլ 15ին Լոնտոնի մէջ բացուեցաւ Գիրքի համաշխարհային տօնավաճառը, որուն մասնակցեցան նաեւ Հայաստանի եւ Սփիւռքի շարք մը հրատարակիչներ:
Հայկական ներկայութիւնը հնարաւոր դարձած է Բրիտանահայ համայնքային եւ եկեղեցական խորհուրդի հովանաւորութեամբ եւ ՀՀ մշակոյթի նախարարութեան ու Լոնտոնի մօտ ՀՀ դեսպանութեան աջակցութեամբ:
Նոյն օրը տեղի ունեցաւ հայկական տաղաւարի հանդիսաւոր բացման արարողութիւնը, որուն ըմթացքին ելոյթ ունեցան Լոնտոնի մէջ ՀՀ գործերու ժամանակաւոր [...]

ԵՐԵՒԱՆ, «Առաջին Լրատուական».- Ապրիլ 24ի սեմին, Ֆրանսայի հայ համայնքը բազմակողմանի աշխատանքներ կ՛իրականացնէ Ֆրանսայի մէջ Հայկական Ցեղասպանութեան հերքումը քրէականացնող օրինագիծի վաւերացման գործընթացը սկսելու նպատակով:
Ֆրանսահայերը, տարբեր մակարդակներով, նախագահ Ֆրանսուա Հոլանտի կոչ կ՛ընեն՝ կատարելու իր նախընտրական խոստումը՝ վաւերացնելու Սահմանադրութեան համապատասխանող նոր օրինագիծ մը: Ֆրանսահայերուն զուգահեռ, Ֆրանսայի մէջ նման գործընթաց սկսելու դէմ լուրջ ջանքեր կը տանին Թուրքիան եւ տեղւոյն [...]

Կազմակերպութեամբ Համազգայինի «Պարոյր Սեւակ» մասնաճիւղին եւ համագործակցութեամբ Համազգայինի «Բարսեղ Կանաչեան» երաժշտանոցին, Կիրակի, Ապրիլ 14ին, Այնճարի «Գ. Կիւլպէնկեան» սրահին մէջ տեղի ունեցաւ դասական երաժշտական համերգ մը կատարողութեամբ երաժշտանոցի ուսուցիչներուն եւ աշակերտներուն:
Բացման խօսքը արտասանեց «Պ. Սեւակ» մասնաճիւղի ատենապետ Թամար Անտոնեան, որ շնորհակալութիւն յայտնեց երաժշտանոցի տնօրէնութեան եւ աշակերտներուն, որոնք պատրաստակամութիւն ցուցաբերեցին հանդէս գալու այսպիսի բարձրորակ ներկայացումով:
Երաժշտանոցի տնօրէն, հայրենի [...]

ԷԼԼԱԴԱ ՂՈՒԿԱՍԵԱՆ-ԲԱՐՍԵՂԵԱՆ
ՓԱՐԻԶ, «Մեդիամաքս».- Ֆրանսիայի մայրաքաղաքում Ապրիլի 12ին կայացել է «2013-2017թթ. Հայ Դատի նոր հեռանկարները» խորհրդաժողովը:
Փարիզի Հայկական մշակոյթի տանը կայացած այս խորհրդաժողովին մասնակցում էին Ֆրանսիայի Հայ Դատի գրասենեակի ղեկավար Հրաչ Վարժապետեանը եւ Հայ Դատի վաշինգտոնեան գրասենեակի խօսնակ Էլիզապեթ Չուլճեանը: Նրանք ներկայացրել են իրենց յանձնախմբերի մարտավարութիւնները, յետագայ միջոցառումները եւ պատասխանեցին ներկաների հարցերին:
Չնայած տարբեր երկրների Հայ Դատի յանձնախմբերի [...]

Վրաստանի Հայոց թեմի մամլոյ դիւանէն կը տեղեկացնեն, թէ 13 Ապրիլին, Վրաստանի հայոց թեմի «Հայարտուն» կեդրոնի նախաձեռնութեամբ, բարեկարգումի աշխատանքներ իրականացան Հայ գրողներու եւ հասարակական գործիչներու Թիֆլիսի Խոջիվանքի պանթէոնին մէջ։
Առաւօտեան ժամերէն սկսեալ «Հայարտուն» կեդրոնի համակարգող Լեւոն Չիտիլեանի գլխաւորութեամբ եւ կեդրոնի աշխատակիցներ Վալերի Պատալեանի ու Գէորգ սրկ. Անտոնեանի մասնակցութեամբ, աւելի քան 50 երիտասարդ-երիտասարդուհիներ մաքրազարդեցին ու բարեկարգեցին «Մեծաց մեծերու» [...]

ԹԻՖԼԻՍ.- Հայ գրատպութեան 500ամեակին նուիրուած ձեռնարկներու ծիրէն ներս, Վրաստանի մէջ ՀՀ դեսպանութիւնը Չորեքշաբթի, Ապրիլ 10ին Թիֆլիսի «Հայարտուն» կրթամշակութային կեդրոնին մէջ կազմակերպեց «Պատմութեան 36 պահապանները» վաւերագրական շարժապատկերի ցուցադրութիւնը:
Շարժապատկերի ցուցադրութեան ներկայ եղած են Թիֆլիսի հայ համայնքի հասարակական, մշակութային եւ արուեստի բնագաւառի գործիչներ, հոգեւոր դասի ներկայացուցիչներ, ինչպէս նաեւ հայկական կրթօճախներու սաներ:
«Պատմութեան 36 պահապանները» մատչելի եւ ճանաչողական վաւերագրական շարժապատկեր [...]

ԵՐՈՒՍԱՂԷՄ, «Արմէնփրէս».-  Յորդանանի թագաւորութիւնը Երեքշաբթի, Ապրիլ 9ին ճանչցաւ Երուսաղէմի Հայոց պատրիարքի ընտ-րութիւնը:
Յորդանանի թագաւոր Ապտուլլա Բ. ստորագրած է յատուկ հրովարդակ մը, որով ճանչցած է Նուրհան արք. Մանուկեանը՝ որպէս Երուսաղէմի հայոց 96րդ պատրիարք:
Սրբազանը մեկնած է Ամման՝ հանդիպելու Ապտուլլա Բ. թագաւորին հետ եւ անձամբ անկէ ստանալու հրամանագիրը:
Սրբազանին կ՛ուղեկցէին լուսարարապետ Սեւան արք. Ղարիպեանը եւ Սրբոց Յակոբեանց ուխտի միաբան վարդապետներ:
Փետրուարի [...]

ՀՄԸՄի Կեդրոնական վարչութիւնը իր քառամեայ գործունէութեան ժամանակաշրջանին (2011-2015) Բ. լիագումարը կայացուց 28 Մարտ եւ 1 Ապրիլ 2013ին՝ Նիկոսիայ, Կիպրոս:
Երկօրեայ նիստերուն ընթացքին վերագնահատելով ՀՄԸՄի աշխարհացրիւ մասնաճիւղերու գործունէութիւններուն արձանագրած արժեւորումները եւ հիմնուելով իր ընտրութենէն ի վեր կատարուած իրագործումներուն վրայ, ինչպէս նաեւ նկատի ունենալով մերօրեայ բազմատեսակ մարտահրաւէրները, առաջադրեց առաւելագոյն ներուժ մատակարարել բոլոր մարզերուն մէջ:
Ապահովելու համար միութեան շարունակական յառաջխաղացքն [...]

ՄՈՍԿՈՒԱ.- Մոսկուայի Հայ երիտասարդների ասոցիացիան (ՄՀԵԱ) յայտարարեց, որ Հայոց Ցեղասպանութեան զոհերու յիշատակին նուիրուած զանգուածային մեծ հաւաք պիտի կազմակերպէ Մոսկուայի մէջ:
Ըստ վերոնշեալ միութեան՝ հաւաքը առաջին անգամն ըլլալով պիտի կայանայ նման ձեւաչափով եւ անոր հայեցակարգը հետեւեալն է. «Օսմանեան կայսրութեան 500 քմ. քարտէսին վրայ կը զետեղուին կարմիր գոյնի դիմակներ՝ մօտ 5000 հատ, որոնք պիտի խորհրդանշեն նահատակուած հայերը, ապա [...]

Ամէն տարի բոլոր գործող հայկական միութիւններու միասնական ուժերով Ապրիլ 24ին կը կազմակերպուին զանազան միջոցառումներ՝ ձօնուած հայ ժողովրդի զոհուած հայրենակիցներու յիշատակին։
Այս տարի ալ Մեծ Եղեռնի 98րդ ամեակի կապակցութեան տեղի պիտի ունենան տարբեր ձեռնարկներ հայաշատ քաղաքներուն մէջ։ Սոֆիայի, Փլովտիւի, Վառնայի, Պուրկազի, Ռուսէի, Սթարա Զակորայի եւ այլ քաղաքներու մէջ ժամը 18:30ին հայեր եւ պուլկար ընկերներ պիտի մասնակցին կազմակերպուած [...]

Միշիկըն նահանգի Տրոյա քաղաքին մէջ բացումը կատարուած է Հայոց Ցեղասպանութեան յուշարձանը: Անիկա տեղադրուած է Ռիվըրփոյնթ պուրակին մէջ, Վիեթնամի պատերազմի վեթերաններու յուշակոթողին հարեւանութեամբ:
Յուշարձանի բացման ներկայ գտնուած են Միշիկըն նահանգի հայ համայնքի եւ քաղաքապետարանի ներկայացուցիչները:
Ներկաներուն դիմած է Ստեփանոս քհնյ. Տուտուկչեան, ոգեկոչելով Արեւմտեան Հայաստանի եւ Սուրիոյ անապատին մէջ 1915ի նահատակներուն  յիշատակը:
«Վարդանանց ասպետներուն եւ դուստրերուն համար ասիկա երկար եւ [...]

ՊԷՅՐՈՒԹ.- Կազմակերպութեամբ Համազգայինի Շրջանային վարչութեան, Հայաստանի Համազգային թատրոնը՝ ղեկավարութեամբ Սօս Սարգսեանի, 6 Ապրիլի երեկոյեան ժամը 8:30ին «Յակոբ Տէր Մելքոնեան» թատերասրահին մէջ ներկայացուց «Շան աղջիկ» կատակերգութիւնը՝ բեմադրութեամբ Սաթենիկ Խաչատրեանի եւ ներկայութեամբ արուեստասէր բազմութեան մը:
Մէկուկէս ժամ տեւած ներկայացման նիւթը ժամանակակից ընտանեկան փոխյարաբերութիւններն են, մանաւանդ երբ ներկայ նիւթականացած ժամանակներուն աղօտած են սիրոյ, գուրգուրանքի եւ փոխ հասկացողութեան գաղափարները:
Ընտանիքի մը [...]

ԵՐԵՒԱՆ, «ՓանԱրմինիըն».- «Հրանդ Տինքի սպանութեան գործով դատավարութեան վերաբերեալ իմ ու Ումիտ Քիվանճի գնահատականին պատճառով՝ քրէական գործ կը յարուցուի Թուրքիոյ քրէական օրէնսգիրքի թիւ 301 յօդուածով, սակայն հետաքննութիւնը ինքնին անընդունելի է: Իրականութեան մէջ, ոչ թէ մեր խօսքերը յանցաւոր են, այլ՝ թիւ 301 յօդուածը», գրած է «Ակօս»ի գլխաւոր խմբագիր Քոփթաշ: Ան նշած է, որ նոյնիսկ եթէ նախարարութիւնը արտօնութիւն [...]

Կազմակերպութեամբ Հաճնոյ հայրենակցական միութեան, Երկուշաբթի, 8 Ապրիլին, երեկոյեան ժամը 7ին, Հայկազեան համալսարանին մէջ տեղի ունեցաւ «Հաճնոյ հերոսամարտի 90ամեակի գիտաժողովի նիւթեր եւ վաւերագրերու լուսանկարներ» գիրքի շնորհահանդէսը՝ ներկայութեամբ մեծաթիւ հանրութեան:
Հանդիսութեան բարի գալուստի խօսքը Հաճնոյ հայրենակցական միութեան անունով արտասանեց Փոլ Եագուպեան, որ խօսեցաւ միութեան համար նշեալ գիրքին կարեւորութեան ու դաստիարակչական եւ ազգային առումով ներկայացուցած արժէքին մասին: Եագուպեան շնորհակալութիւն [...]

ԵՐԵՒԱՆ, «Ցայգ».- Ֆրանսայի տարբեր քաղաքներու մէջ Հայկական Ցեղասպանութեան 98ամեակին նուիրուած միջոցառումները պիտի սկսին Ապրիլ 19ին. այս մասին կը հաղորդէ «Նուվել տ՛Արմէնի» թերթը: Նաեւ, Փարիզի մէջ, Ապրիլ 23ին ժամը 19:23ին պիտի կայանայ ֆրանսահայ երիտասարդութեան հաւաք մը, իսկ Ապրիլ 24ին, Կոմիտասի յուշարձանին մօտ կայանալիք միջոցառումով, միջազգային հանրութեան անգամ մը եւս կոչ պիտի կատարուի՝ դատապարտելու եւ ճանչնալու Օսմանեան [...]

ՊՈԼԻՍ.- Շաբաթ, 6 Ապրիլին, Թօփհանէի «Թիւթին Տէփօսու» կեդրոնին մէջ բացումը կատարուեցաւ Օրլանտօ Գալումէնոյի «քարթփոստալ»ներու հաւաքածոյի նոր ցուցադրութեան, որ կը ներկայացնէ 20րդ դարասկզբին հայերու կողմէ Անատոլուի հողերուն վրայ հիմնուած հարուստ մշակոյթէն վաւերական փաստանկարներ։ Այս նոր ցուցադրութեան խորագիրն է «Ճամբորդութիւն դէպի անցեալ»։
Ցուցահանդէսը բացուեցաւ Օսման Քէօքէրի «Պիրզամանլար» հրատարակչատան նախաձեռնութեամբ։
«Ինչպէս պիտի յիշուի, այս հրատարակչատան կողմէ 2005ին հրատարակուած էր արդէն [...]

Ապրիլ ամսուան ընթացքին հարաւային Ֆլորիտայի Տէյտ, Պրաուըրտ եւ Փալմ Պիչ գաւառներուն մէջ՝ մայրուղիներու ելքերուն վրայ,  Հայկական Ցեղասպանութեան զոհերը յիշատակող ծանուցումի չորս հսկայ վահանակներ տեղադրուած պիտի մնան: Վահանակներուն վրայ կան դրօշակները այն երկիրներուն, որոնք ընդունած են Հայկական Ցեղասպանութիւնը:

ՆԻՒ ԵՈՐՔ.- Շաբաթ, Մարտ 16ին Նիւ Եորքի Սուրբ Լուսաւորիչ Մայր եկեղցւոյ «Փաշալեան» սրահին մէջ կայացաւ «Յոյսեր» համոյթի տարեկան համերգը:
Խումբը կազմուած է երկու տարի առաջ Հիւսիսային Ամերիկայի Արեւելեան թեմի առաջնորդ, Օշական արք. Չօլոյեանի հովանաւորութեամբ:
«Խումբը անուանակոչեցինք «Յոյսեր», քանի որ մեր յոյսը երտասարդութիւնն է», կ՛ըսէ եկեղեցւոյ հոգեւոր հովիւ Մեսրոպ քհնյ. Լագիսեան:
Այս համոյթը հիմնած են մայր եւ որդի՝ Կարինէ [...]

ՊԷՅՐՈՒԹ.- Կազմակերպութեամբ եւ հրաւէրով Համազգայինի Լիբանանի Շրջանային վարչութեան, Հինգշաբթի, 4 Ապրիլի երեկոյեան ժամը 8:30ին, «Յակոբ Տէր Մելքոնեան» թատերասրահին մէջ Հայաստանի Համազգայինի թատրոնը ներկայացուց Ուիլիըմ Սարոյեանի «Մէկ գաւաթ բարութիւն» թատերախաղը, բեմադրութեամբ՝ Սօս Սարգսեանի:
Հայաստանի Համազգայինի թատրոնի դերասանները հայ հանդիսատեսին փոխանցեցին շատ պարզ պատգամ մը՝ կեանքը գեղեցիկ է, պէտք է ապրիլ յոյսով եւ մնալ հաւատարիմ մարդկային արժանիքներուն: Հաւատալ [...]

«Արցախ Ռուց Ինվեսթմընց» (ԱՌԻ) ընկերութեան հրաւէրով՝ Լեռնային Ղարաբաղի Հանրապետութեան վարչապետ Արա Յարութիւնեան, պատուիրակութեան մը ընկերակցութեամբ, 20-24 Մարտ այցելեց Լիբանան, ուր հիւրը եղաւ ՆՍՕՏՏ Արամ Ա. վեհափառին: Ապա 25-29 Մարտ ԱՌԻի տնօրէն խորհուրդի կարգ մը անդամներու ընկերակցութեամբ ան այցելեց Կիպրոս, Զուիցերիա եւ Ֆրանսա:
Շրջագայութեան հիմնական նպատակն էր.
- Հայ գործարարներուն ծանօթացնել Արցախի մէջ շուրջ երեք տարիէ ի վեր [...]

«Զաւարեան մատենաշար»ի Ա. շրջանի թիւ 3ը Լեւոն Շանթի «Ազգութիւնը հիմք մարդկային ընկերութեան» 128 էջնոց գիրքն է, զոր այսօր իր թուայնացուած տարբերակով կը դնենք հանրութեան տրամադրութեան տակ:
Աշխատասիրութիւնը կը սկսի «Ներածական»ով մը, ուր կը բացատրուի ազգութեան գաղափարը, կը գնահատուի ազգային զգացումը եւ այլն: «Ազգութիւնը հիմք մարդկային ընկերութեան» գիրքը ունի հետեւեալ բովանդակութիւնն ու ենթաբաժանումները.
Ա. Ներածական
Բ. Բնութեան ու պատմութեան [...]

Չորեքշաբթի, Ապրիլ 3ին Նոր Ջուղայի մէջ իր մահկանացուն կնքեց վաստակաւոր ուսուցիչ, հոգեբան, դասախօս, ազգային-հասարակական եւ կրթական գործիչ՝ դոկտ. փրոֆեսէօր Մեսրոպ Բալայեան:
Սպահանի Հայոց թեմի Ազգային առաջնորդարանի դիւանը իր հրապարակած մահազդին մէջ յայտարարեց հետեւեալը.
«Սպահանի Հայոց թեմի ազգային բոլոր մարմինները խորապէս սգում եւ վշտակցում են հանգուցեալի ընտանիքին, համայն իրանահայութեանը, ուսանողներին, գործակիցներին ու Իրանի ժողովրդին, եւ առ բարձրացեալն Աստուած [...]

ՊՈԼԻՍ.- «Գարակէօզեան Տուն»ը, որուն հիմնադրութեան հարիւրամեակը այս տարի կը տօնախմբուի Պոլսոյ մէջ մեծ դերակատարութիւն ունեցած է համայնքային կեանքին մէջ։ Որբանոցին մէջ մօտաւորապէս դար մը առաջ ապաստանած էին 1915ի Ցեղասպանութենէն փրկուած բազմաթիւ մանուկներ:
Խօսելով «Գարակէօզեան Տուն»ի մասին՝ «Մարմարա» օրաթերթը կը գրէ. «Երկար տարիներ ապահով բոյն ու տաքուկ երդիք հանդիսացաւ Իսթանպուլահայութեան անապահով ու չքաւոր ընտանիքներու զաւակներու, միակողմանի կամ [...]