Օրը Օրին articles

ՕՐՈՒԱՆ ՀԵՏ- Ընդ Աստեղօք…

Մէկուկէս դար առաջ, Զարթօնքի շրջանի վիպապաշտ բանաստեղծներէն Մկրտիչ Պէշիկթաշլեան երգած էր՝ «Ընդ աստեղօք ի՞նչ կայ սիրուն/Քան զանձկալի եղբայր անուն»: Վիպապաշտ չէ Հայաստանի նախագահութեան թեկնածու Վահան Յովհաննիսեան: Ան կացութիւնները սթափ գնահատող քաղաքական գործիչ է, որ երէկ հրապարակելով իր նախընտրական ծրագիրը, կ’առաջադրէ «ազատ քաղաքացիներով ազատ երկիր կառուցել»: Անազատ քաղաքացիներով կարելի չէ ազատ երկիր կառուցել: Անազատ, կաշկանդուած, երկու-չափ-երկու-կշիռի

Հարցը Միայն Նաթալին Չէ

Քանի մը շաբաթ առաջ, ամբողջ Ամերիկան ականջալուր դարձաւ այն ցաւալի դէպքին, երբ ծանր հիւանդութենէ տառապող Նաթալի Սարգիսեան մահացաւ: Ընթացիկ մահ մը չէր այս, որովհետեւ հարցը կը վերաբերէր առողջապահական ապահովագրութեան Cigna ընկերութեան, որ մինչեւ վերջին պահը մերժած էր հոգալ լեարդի պատուաստումի ծախսերը: Ընկերութիւնը իր կեցուածքը փոխեց միայն մետասաներորդ ժամուն, երբ արդէն շատ ուշ էր: Ամերիկայի մէջ

“ՕՐՈՒԱՆ ՀԵՏ- «Երեւանն Է Խօսում…»

Բայց ինչո՞ւ է «լռում», երբ Թուրքիոյ վարչապետը օր ցերեկով եւ հրապարակաւ ամէնէն աժաննոց սուտերը կը խօսի եւ յերիւրանքներ կ’ուղղէ պաշտօնական Հայաստանի հասցէին: Հաղորդած էինք, թէ Երկուշաբթի օր, մայրաքաղաք Ուաշինկթընի մէջ, National Press Club-էն ներս իր ելոյթին ընթացքին, Թուրքիոյ վարչապետ Ռէչէփ Թայիփ Էրտողան յայտարարած էր, թէ Առաջին համաշխարհային պատերազմի ընթացքին «այսպէս կոչուած» ցեղասպանութեան մասին ճշմարտութիւնը երեւան

Յուշարարներուն՝ Յուշարար

Հայաստանի նախագահական ընտրութիւններու քարոզարշաւը, որ ըստ օրինի պէտք է սկսի ընտրութենէն 40 օր առաջ, փաստօրէն սկսած կարելի է համարել: Եւ այս ծիրէն ներս, անցնող Ուրբաթ օր կայացած հանրահաւաքի մը ընթացքին, նախկին նախագահ Լ. Տէր Պետրոսեան մեղադրանքներ կատարեց ներկայ իշխանութիւններուն հասցէին: Իսկ ներկայ նախագահ Ռոպերթ Քոչարեան շտապեց իրեն յատուկ դիպուկ ոճով պատասխանել հանրահաւաքին յայտարարուած մեղադրանքներուն: Գիտէք,

Էլի՜, Էլի՜…

Ազգութեամբ հրեայ գրող եւ Նոպէլեան մրցանակակիր Էլի Ուիզել Ֆիլատելֆիա լոյս տեսնող հրէական Philadelphia Jewish Voice, թերթին (Հոկտեմբեր 28, 2007) տուած իր հարցազրոյցին մէջ կ’ակնարկէ Հայկական Ցեղասպանութեան, ընդգծելով, թէ ինք չի կրնար ուրանալ այդ փաստը՝ տրուած ըլլալով, որ ինք իր ամբողջ կեանքին ընթացքին պայքարած է ի խնդիր ճշմարտութեան: Պատասխանելով հարցումի մը, թէ Թուրքիա արդեօք պատասխանատուութիւն պէտք

Աղուէսին Եւ Պոչին Մասին

Մեզ չզարմացուց անշուշտ, երէկ առաւօտեան հեռատեսիլի CNN կայանի հերթական լարախաղացութիւնը, երբ ինքզինք «հաւասարակշռուած» ցոյց տալ փորձող այդ հաստատութիւնը լայնքին-երկայնքին սկսաւ փողահարել, թէ Հայկական Ցեղասպանութեան բանաձեւը «վտանգուած է»: Եւ իբրեւ «փաստ», կայանը կարճ հարցազրոյցի հրաւիրած էր քոնկրէսական Ռապըրթ Ուեքսլըրը, որ ուրիշ մէկը չէ, եթէ ոչ Ներկայացուցիչներու տան մէջ ամերիկա-թրքական բարեկամութեան համախմբումի ղեկավարներէն մէկը: Դժուար չէր ենթադրելը,

«Անսիրտ Վէթոն»

Նկատի ունենալով այն իրողութիւնը, որ Միացեալ Նահանգներու նախագահ Ճորճ Պուշ իր պաշտօնավարութեան առաջին վեց տարիներուն վայելած էր Հանրապետական կուսակցութեան հակակշռին տակ գտնուող Ներկայացուցիչներու տան եւ Ծերակոյտի ամբողջական աջակցութիւնը, ան պէտք չէր ունեցած գործածելու նախագահի մը ամենաազդու զէնքերէն մէկը՝ վէթոն: Սակայն, նախագահին վարկին աստիճանական անկումին, Իրաքի պատերազմին ձախող ընթացքին հետեւանքով անոր համախոհներու թիւին նուազումին եւ 2006ի

Այսօր

2001 թուականի այս օրը, մարդկութիւնը ականատես եղաւ անմեղներու դէմ գործադրուած սպանդի մը, որու ցնցիչ բնոյթը համաշխարհային ընդվզումի այնպիսի ալիք մը բարձրացուց, որ պահ մը ենթադրել տուաւ, թէ նմանօրինակ արարքներ այլեւս չեն կրնար կրկնուիլ: 6 տարի առաջ այսօր, քաղաքային օդանաւերով կատարուած յարձակումը խլեց մօտաւորապէս 3000 անմեղներու կեանքը՝ սովորական քաղաքացիներ, հրշէջներ, ոստիկաններ եւայլն: Նիւ Եորքի ու Վըրճինիայի

Աշխատաւորներու Օրը

Քանի մը օր առաջ, The Nation ամսաթերթի խմբագիր Քաթրինա Վանտեն Հիւվել իր մէկ յօդուածին մէջ (commondreams.org կայքէջ, Չորեքշաբթի, Օգոստոս 29) կու տար կարգ մը տեղեկութիւններ, որոնք կը վերաբերէին ընկերութիւններու տնօրէններու եւ շարքային աշխատաւորներու ստացած աշխատավարձերու տարբերութեան: Այսպէս, հիմնուելով Institute for Policy Studies եւ United for a Fair Economy հիմնարկներու կատարած ուսումնասիրութիւններուն վրայ, ան կը նշէր,

Այդքա՞ն Միայն

ԵԽԽՎի փաստահաւաք առաքելութեան հարաւային Կովկաս ու յատկապէս Նախիջեւան այցելութեան յետաձգումը մեզի պարզապէս զարմանք կը պատճառէ: Փաստահաւաք առաքելութիւն՝ ստուգելու, թէ առհասարակ ի՞նչ կացութեան մէջ են պատմա-մշակութային յուշարձանները հարաւային Կովկասի երկիրներուն մէջ եւ յատկապէս՝ Նախիջեւանի հայկական յուշակոթողները: Աշխարհին ծանօթ է (բայց կ’երեւի՝ ոչ եւրոպական պաշտօնական կառոյցներուն) Նախիջեւանի հայկական խաչքարերու ջարդը, որ տեղի ունեցաւ օր ցերեկով, օրին նաեւ՝

Top