Կը պատուենք այսօր Գրիգոր Պըլտեանը, զոր անձնապէս կը նկատեմ մեր ժամանակներու հայ գրականութեան կարեւորագոյն հեղինակը: Յարակարծօրէն սակայն, ան նաեւ ամէնէն նուազ ճանչցուած եւ հանդուրժուածներէն մէկն է: Ոչ թէ լուսանցքային գրող մը ըլլալուն համար, այլ որովհետեւ հայ կանոնական գրականութիւնն է, որ մեծաւ մասամբ մնացած է լուսանցքային. մնացած է գրեթէ հարիւր տարի առաջուան հոսանքներուն մէջ՝ ճիշդ 1910ական [...]

Ամէն ընկնող տերեւի հետ,
Ծառն մրսում է՝ մերկանում,
Ամէն ընկնող մարտիկի հետ,
Իմ հոգին է՝ լուռ ողբում:
***
Այս պաղ ու անշող արեւի ներքոյ,
Յուշերս մէկ-մէկ նիրհում են խռով,
Կարօտս այրում, կրակս մարում,
Պանդուխտ հողմերն են՝
հոգիս փոթորկում:
***
Դու իմ վարդն ես՝ դեռ չբացուած,
Եւ իմ գիրքն ես՝ չկարդացուած,
Ես թերթիկն եմ՝ վարդի, գրքի,
Քո քմայքին՝ գերի դարձած:
***
Արշալոյսը՝ գարնան նման,
Ի~նչ յոյսեր է առկայծում,
Մայրամուտը աշնան նման,
Հոգուս լոյսերն է մարում:
***
Սուտը [...]

ԽԱՉԻԿ ՄԵԼԵՔԵԱՆ
Գուցէ նորութիւն ասած չեմ լինի, եթէ տեղեկացնեմ, թէ Կալիֆորնիոյ տնտեսութիւնը իր ամենածանր օրերից մէկն է ապրում: Նահանգապետ Բրաունի գալիք տնտեսական տարուայ նախահաշուի բացը ոչ թէ 9 միլիարդ, այլ մօտ 16 միլիարդ դոլար է կազմում: Սա զգալի թռիչք է, եւ խիստ անհանգստութեան տեղիք է տալիս: Նահանգապետը յայտարարել է, թէ բոլոր բնագաւառներում կրճատումներ են ակնկալւում, այդ [...]

ԳՐԻԳՈՐ Ծ.  Ցնցիչ լուրերը, թէ՛ ուրախութեան եւ թէ մանաւանդ տրտմութեան պարագային կրնան լուրջ վնասներ հասցնել զայն լսող անձերուն: Ոմանք այնպէս կը խորհին, թէ յատկապէս ուրախ լուրերը կրնան գերազանցապէս հրճուեցուցիչ ըլլալ զայն լսողին, հետեւաբար անակնկալը աւելի ուրախալի թուելուն, ուրախ լուրը ենթակային կը փոխանցեն անոր չակնկալած մէկ պահուն:
Ճամբորդութեան բերումով տարիներ իր մօրմէն հեռու ապրած զաւակը, անակնկալ այցելութեամբ [...]

Պատրաստեց՝
ԲԺԻՇԿ ԿԱՐՊԻՍ ՀԱՐՊՈՅԵԱՆ
Փքռոյցը (emphysema) թոքային մնայուն եւ յառաջացող (progressive) շնչառական հիւանդութիւն մըն է, որ ընդհանրապէս կը պատահի տարեցներու, ճերմակամորթներու, տղամարդոց եւ ծխախոտ գործածողներու մօտ: Ան կը զարգանայ կամաց-կամաց տարիներու ընթացքին: Փքռոյցը համատարած հիւանդութիւն մըն է: Ըստ համաշխարհային առողջապահական կազմակերպութիւններու ուսումնասիրութիւններուն ամէն տարի ամբողջ աշխարհի վրայ երեք միլիոն անձեր կը մահանան փքռոյցէ:
Անիկա շատ քիչ պարագաներուն կը [...]

Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Տնտեսական այս դժուար օրերուն կարելի՞ է արդեօք որոշ ռազմավարական միջոցներով դրամ խնայել, ծերութեան համար խնայել, կամ վարկային քարտերու (credit cards) հաշիւները փակել, առանց մտահոգութիւններու ապրելու համար:
Անցեալ շաբաթ, ուսումնասիրական աշխատանքներուս ծիրէն ներս, ուշադրութիւնս գրաւեց յօդուած մը, որուն մէջ յօդուածագիրը վեց հիմնական ռազմավարական միջոցներ կ՛առաջարկէ զերծ մնալու համար պարտքերու ճնշումներէն միաժամանակ՝ երջանիկ ու առանց նիւթական [...]

2012 թ. Ապրիլի սկզբներին լոյս է տեսել «Վէմ» հանդէսի առաջին համարը՝ 256 էջ ծաւալով եւ հարուստ բովանդակութեամբ։
«Խմբագրականում» բացայայտւում են այն նորագոյն մարտահրաւէրները, որոնց առջեւ կանգնել է հայագիտութիւնը՝ Հայաստանի ու հայութեան դէմ ուղղուած «յիշողութեան պատերազմը» միջազգային ասպարէզ դուրս բերելու թուրք-ադրբեջանական փորձերի արդիւնքում։
Այս կապակցութեամբ հանդէսի «Լրատու» բաժնում տպագրուել են վերջերս Գերմանիայի մի շարք հեղինակաւոր հայագէտների կողմից Բունդեսթագի [...]

ԽԱՉԻԿ ՄԵԼԵՔԵԱՆ
Ուժանիւթը հարստութիւն է, քաղաքական լծակ է՝ զանազան հարցերում շահաւէտ վերջնարդիւնքի հասնելու վստահելի գրաւական: Ակնյայտօրէն դա է պատճառը, որ ուժանիւթի հետ կապուած խնդիրները ուշադրութեան կենտրոնում են՝ ինչպէս գործարար, այնպէս էլ քաղաքական եւ կառավարական շրջանակների համար՝ ամբողջ աշխարհում: Այս տեսանկիւնից ահա արդէն տարիներ է, ինչ քննարկման հարց է դարձել Մեծամորի ատոմակայանի գործարկման եւ դրա հետ կապուած [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Դրամ փոխ տալու պարագային մեծ զգուշաւորութիւն ցուցաբերողները երբեմն ագահի անուն կը ժառանգեն, որ իրենցմէ ալ կ՛անցնի իրենց յաջորդ սերունդներուն, եւ այսպէս շարունակաբար իրենց ամբողջ գերդաստանը այդ տխրահռչակ տիտղոսին կը տիրանայ ակամայ:
Փոխյարաբերական կեանքի մէջ, յատկապէս ընկերային խաղաղ պայմաններու հետամուտ մարդիկ, ընդհանրապէս այն կարծիքը կ՛արտայայտեն, որ պէտք [...]

Րաֆֆի Եըլտըզեան՝ Նիւ Զելանտայէն, Ցեղասպանութենէն վերապրող ու «դաջուած»ներու ճակատագրակից Արաքսի Փափազեան-Արշակեանի նկարը զետեղած է «Ֆէյսպուք»ի վրայ: Սիւզան Խարտալեանի միանալով՝ մենք ալ շնորհակալութիւն կը յայտնենք Րաֆֆի Եըլտըզեանին, որ մեզ ծանօթացուց Արաքսիին:

«Մեր Հայրենիքից Ոչ Մի Տեղ Չենք Գնալու. Նրանք Ի Զուր Չեն Զոհուել». Նելլի Ղուլեան
«Շուշին թւում էր անառիկ, Շուշին թւում էր երազանք. նրան հասել ենք քայլ առ քայլ, միանգամից չենք գրաւել…», յիշում է Նելլի Ղուլեանը՝ Արցախի հերոս Աշոտ Բեկորի կինը:
Նրա խօսքերով, եթէ տարբեր տարեգրութիւնների մէջ շարժումը 1988ն են համարում, ապա Ղուլեանների ընտանիքի համար այն աւելի վաղ [...]

ԼԷՈՆԻԴ ՄԱՐՏԻՐՈՍԵԱՆ
Մայիսի 9ին Լեռնային Ղարաբաղի Հանրապետութիւնը լայնօրէն կը նշի Յաղթանակի, ԼՂՀ պաշտպանութեան բանակի օրը եւ Շուշիի ազատագրման 20րդ տարեդարձը: Այդ նպատակով, ինչպէս յայտնի է, ստեղծուած է տօնական միջոցառումների կազմակերպման եւ անցկացման կառավարական յանձնաժողով, որը հետեւողականօրէն իրականացնում է մշակուած ծրագիրը:
Հայկական հինաւուրց քաղաքի՝ Շուշիի ազատագրման օրն արդէն վաղուց եւ հաստատապէս մտել է ԼՂՀ յիշարժան տարեթուերի օրացոյցի մէջ [...]

«Շուշին Աւելին Էր, Քան Յաղթանակ»
ՍԻՐՎԱՐԴ ՄԱՐԳԱՐԵԱՆ.- Պարոն Բալայեան, Արցախեան շարժումն իր շրջադարձներով նոր էջ բացեց մեր ժողովրդի պատմութեան մէջ… Դուք, որ կանգնած էիք իրադարձութիւնների կիզակէտում, այսօր, տարիների հեռուից, ի՞նչ դերակատարութիւն էք վերապահում ձեզ:
ԶՕՐԻ ԲԱԼԱՅԵԱՆ.- Ես չեմ կարծում, թէ տարիներ անց ինձ, նաեւ բոլորիս համար, որակապէս այլ դեր է յայտնուել մեր պայքարում: Բանն այն է, որ [...]

ՆԱՆԷ ԱՒԱԳԵԱՆ
«Աւան Իշխան Փարթներշիփ» ընկերութիւնը բոլորին հրաւիրում է Շուշի՝ պատմական տարբեր ժամանակաշրջաններում հայերի մշակութային, հոգեւոր եւ տնտեսական-քաղաքական կենտրոն, իսկ 1992 թուականից՝ նաեւ աշխարհասփիւռ հայութեան ռազմական եւ բարոյական յաղթանակների կենտրոն: Արցախի հինաւուրց բերդաքաղաքը, համայն հայութեան ջանքերով կրկին յառնում է՝ խորհրդանշելով հայի անկոտրում ոգին:
Սփիւռքահայ անհատների ու կազմակերպութիւնների տարաբնոյթ նաձեռնութիւնների շնորհիւ է նաեւ, որ Շուշին այսօր արագօրէն վերկանգնում [...]

Նարինէ Շահպազեան Մայիս 20ին Հանդէս Պիտի Գայ Իւրայատուկ Ծրագրով
«ԱՍՊԱՐԷԶ».- Նարինէ Շահպազեան երգչուհի-արուեստագէտը բնութագրելու մեր փորձին ինչպէս կրնաք օգտակար ըլլալ: Ի՞նչ են անոր ձայնային առանձնայատկութիւնները, անոր երգացանկի իւրայատկութիւնը:
ՆԱՐԻՆԷ ՇԱՀՊԱԶԵԱՆ.- Լիահնչիւն, իւրօրինակ տեմբերով եւ նրբերանգներով հարուստ ձայն, մեծ ճաշակ, արտաքին, անթերի, բարձրաճաշակ բեմական վարպետութիւն, բացառիկ կազմակերպչական ջիղ, նրբաճաշակ, նորաձեւ եւ կանանց դասին պատկանող. սա է Նարինէ Շահպազեանը:
Համամարդկային [...]

ԳՐԻԳՈՐ Ծ. ՎՐԴ. ՉԻՖԹՃԵԱՆ
Լաւ բարեկամը, լաւ ընկերը, անկեղծ մարդը, երբեմն հարազատներէ աւելի մօտիկ ու օգտակար անձնաւորութիւն է, որուն արժէքը, յաճախ զայն կորսնցնելէ ետք կ՛իմանան մարդիկ: Արդէն տարածուած եւ ամէնուն ծանօթ դարձած առած է՝ «ըսէ ո՞վ է ընկերդ, ըսեմ քեզի, ո՛վ ես դուն»ը: Մարդիկ քեզ կը չափեն միշտ շրջապատիդ մէջ գտնուող անձերով, նայած թէ որո՞ւ հետ [...]

Պատրաստեց՝
ԲԺԻՇԿ ԿԱՐՊԻՍ ՀԱՐՊՈՅԵԱՆ
Ցնցղիկատապը (bronciolitis)  ցնցղիկներու (bronchiols) սուր բորբոքում մըն է, որ ընդհանրապէս կը պատահի մանուկներու մօտ եւ որուն հիմնական ախտանշանը դժուար շնչառութիւն-շնչահեղձութիւն է (dyspnea): Անիկա կը յառաջանայ ընդհանրապէս վերին շնչառական համակարգի ժահրային (viral) կամ ցպկային (bacterial) հիւանդութեան մը գոյութեամբ, օրինակ՝ հարբուխ եւ «կռիփ» (influenza):
Ցնցղիկներու բորբոքումով անոնց ներքին պատերը կը հաստնան եւ ցնցղիկները կը նեղնան ու [...]

ՀԱՅՐԵՐՈՒ ՆԵՐԴՐՈՒՄԸ ԶԱՒԱԿՆԵՐՈՒ ԴԱՍՏԻԱՐԱԿՈՒԹԵԱՆ ԳՈՐԾԻՆ ՄԷՋ
Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Նախորդ բաժինով խօսեցանք զաւակներու դաստիարակութեան կարեւոր գործին մէջ հայրերու ներդրումի անհրաժեշտութեան մասին:
Այսօր պիտի կեդրոնանանք անոր պարգեւած բարիքներուն վրայ, ոչ միայն զաւակներուն, այլ՝ ընտանիքին, մօրը եւայլն:
Որպէս մայրեր, զաւակներու դաստիարակութեան համար հայրերու ստանձնած պարտականութեան համաձայն պիտի գտնուի՞նք կամ ոչ: Մեր մայրերու ապրած օրինակները պիտի ազդե՞ն մեր վրայ: Անշուշտ ներկայիս, մայրերը [...]

ՆԱՆԷ ԱՒԱԳԵԱՆ
Հոլիվուդի աշխարհահռչակ Փառքի պուրակում աստղերը ոչ միայն շլացուցիչ փայլում են, նաեւ՝ անհետանալու յատկութիւն ունեն: Նման դէպք, յամենայնդէպս, տեղի է ունեցել Ակիմ Թամիրովի (երկու անգամ Օսկարի առաջադրուած հայկական ծագումով դերասան) աստղի հետ՝ Վայն սթրիթի վերանորոգումից յետոյ: Երբ 2010 թուականի Մարտին այդ խորհրդաւոր անհետացման մասին յայտնեցի Հոլիվուդի Առեւտրի պալատին, ինձ սկզբում չհաւատացին՝ հաւանաբար մտածելով, որ դա [...]

ՌՈՄԻԿ ՅՈՎՆԱՆԵԱՆ
«Վան-Վասպուրական»
Հայրենակցական հասարակական կազմակերպութեան նախագահ
Հայ ժողովրդի նորագոյն պատմութեան փառաւոր էջերից մէկը Վանի 1915 թուի ապրիլեան նշանաւոր հերոսամարտն է, որի 97րդ տարեդարձը լրանում է այս տարի:
20րդ դարի սկզբին Թուրքիայում իշխանութեան գլուխ անցած երիտթուրքերի պարագլուխները, օգտուելով առաջին համաշխարհային պատերազմի ընձեռած հնարաւորութիւնից, 1915թ. գարնանը որոշում ընդունեցին զանգուածային տեղահանութեան անհրաժեշտութեան անուան տակ բնաջնջել Արեւմտահայաստանի եւ Թուրքիայի տարբեր բնակավայրերում ապրող [...]

ԴԱՆԻԷԼ ՎԱՐՈՒԺԱՆ
Պատուհանիս տակէն, ամէն առաւօտ,
Ուրուականի պէս կ՛անցնիս.
Եւ կուսագեղ գըլուխիդ վրայ կ՛արտասուէ
Տերեւաթափ վարդենիս:
Լուռ թաղին մէջ կը լըսեմ քայլդ, ու զարթնող
Շունն՝ որ վըրադ կը հաչէ՜.
Կամ կը լըսեմ քունիս մէջէն ձայնն հազիդ՝
Որ ծոցդ աղուոր՝ կը տանջէ:
Եւ կը խորհիմ թէ քընատ ես եւ նօթի.
Իրանդ հովէն կը դողայ.
Եւ կը նըստի գանգուրներուդ վըրայ, քո՛յր,
Եղեամն իբրեւ շափիւղայ:
Կամ մուճակներդ են պատըռտած, փողոցին
æուրն անոնց [...]

Ապրիլ 24ը Պոլսոյ Մէջ

ՎԱՂՍԱՐՇԱԿ ՎԱՐԴԱՆԵԱՆ
«Մեսրոպեան Ուխտ»
Լեզուապահպանական Միութիւն
Յարգելի խմբագիր,
«Ասպարէզ»ը 24 Մարտ 2012 թուով տպած էր յայտնի գրող եւ հրապարագիր Պօղոս Գուբելեանի նամակը ձեր խմբագրութեանը: Նամակի հիմնական միտքն այն էր, որ «Ասպարէզ»ը հրաժարուի որեւէ գրութեան մէջ հանդիպող՝ հայերէնով գրուած օտար բառերի թարգմանութիւնը փակագծերի մէջ տալու սովորութիւնից: «Ասպարէզ»ի թղթակից Նուպար Տէմիրճեանն էլ մի անդրադարձով յայտնել է իր համամտութիւնը:
Մեր կարծիքով զոյգ յարգարժան [...]

ՍԱՐԳԻՍ  ՄԱՀՍԷՐԷՃԵԱՆ
1915ի Ցեղասպանութենէն ասդին, Ապրիլ 24ը մեզի՝ հայութեան համար զգեցած է յատուկ իմաստ ու նկարագիր, զոր եթէ ուզենք սեղմել երկու բառի մէջ, կ՛ունենանք ՀԱՅ ԴԱՏ հասկացութիւնը։
Մեր քաղաքական պայքարի դաշտին մէջ, այս երկու բառերը կը խորհրդանշեն այն բոլոր բաները, որոնք կ՛արտայայտեն մեր իրաւունքները, իսկ երբ ԻՐԱՒՈՒՆՔ կ՛ըսենք, մեր մտապատկերին մէջ գլխագիր տառերով կ՛արձանագրուին
Թուրքիոյ պետութեան գործած ահաւոր [...]

ՄԱՐԻ ՌՈԶ ԱԲՈՒՍԷՖԷԱՆ
Ապրիլ է, փորձում եմ կրկին սեւեռուել մեր ազգի ողջ էութիւնն ու ճակատագիրը խաթարած մեծ եղեռնագործութեան վրայ, կրկին խորանալ նրա դժոխային ծալքերի մէջ, հասկանալու թէ ինչո՞ւ 97 տարիներ ի վեր դեռ չենք կարողանում ազգովին միաւորուել մեր պահանջատիրութիւնը ազգային, պետական մտածողութիւն ու ծրագիր դարձնելու:
Մեր անկարողութեան ազդակները ոչ միայն արտաքին աշխարհից են գալիս, ինչպէս սովոր ենք [...]

ՌԻԹԱ ՈՐԲԵՐԵԱՆ

«Ազգերը չեն կրնար զատուիլ իրենց անցեալէն առանց պատիժի»
Յ. ՕՇԱԿԱՆ
Այսօր, տակաւին կան հայեր, որոնք կ՛ուզեն զատուիլ իրենց անցեալէն: Ինչո՞ւ: Շատ պարզ է: Որովհետեւ կ՛ուզեն հանգիստ ապրիլ եւ վայելել կեանքը: Եւ… ի՞նչ ըսել է կեանքը վայելել: «Նորմալ» մարդուն համար, այդ կը նշանակէ ապրիլ երկար եւ առողջ… առանց զրկանքներու:
Ակնարկելով Օշականի վերոյիշեալ մտքին (ԲԱԳԻՆ, Յ. Օշական, Փետրուար 1974, [...]

ՌՈՒԲԻՆԱ ՓԻՐՈՒՄԵԱՆ
Վերեւում բերուած խորագիրը, իր հայերէնի մօտաւոր թարգմանութեամբ, հազիւ մէկ ամիս առաջ հրատարակուած աշխատութեանս է պատկանում: Հայոց Ցեղասպանութեան թանգարան-ինստիտուտի հովանաւորութեամբ եւ միջոցով լոյս տեսած այս աշխատութիւնս այժմ հրապարակի վրայ է եւ ընթերցողի դատողութեան յանձնուած: Բայց Ապրիլ ամիսն է ու ես ներքին մղում եմ զգում արտայայտուելու, ապրիլեան այս օրերին գլուխ գլխի, մտերմիկ, խօսելու ժողովրդիս էն մտահոգ [...]

ՀԱՅԿԱԶ ԹՐԹՌԵԱՆ
Գիտեմ, ընթերցողներուն մեծամասնութիւնը գոհունակութեամբ պիտի չկարդայ հոս գրուածները, մանաւանդ ազգի ղեկավարութիւնը իրենց ուսերուն առած (երբեմն նոյնիսկ իրենց սեփականութիւնը նկատող) քաղաքական, կրօնական, մշակութային, հասարակական գործիչները, որոնք շատ յաճախ կամաւոր աշխատանք է որ կը տանին-թերեւս այդ իմաստով իրաւունք ալ ունին-ապերախտութիւն որակեն հոս յայտնուած մտքերը եւ առաջին թեթեւ հայացքով քանդիչ, նուազագոյնը ոչ կառուցողական (ինծի համար աննկարագիր բառ [...]

Երբ հայկական ջարդերը
Թուրքիան աւարտեց,
թուրքերը նորից
տեղաւորուեցին իրենց
արիւնոտ, տաք բնի մէջ,
որ հիւսուած էր
ոսկորներից
տանջամահ արուած
ազգերի,
նրանց
կորսուած տարածքներից,
հինաւուրց երգերից,
կորսուած եւ նորից
յայտնուած,
քարից էլ ծանր
սպասումներից,
անվերջ շատրուանող
հազարամեայ
մաքուր տեսիլքներից,
բայց կարճ ժամանակ անց
ազգերի ոսկորներից
սարքած յարմարաւէտ
թուացող
անդորրաւէտ բնում,
արի ու տես,
դրութիւնը փոխուեց.
այդ տաքուկ թուացող բունը
ունէր ահաւոր
թերութիւններ՝
դրսից յարմարաւէտ էր,
ներսից՝ սոսկալի,
որովհետեւ զոհերի
ոսկորները
խանգարում էին խորը
քնել,
յատկապէս, երբ մրափի մէջ
ջարդերը ըմբոշխնող
քոչուոր եփուկը
փորձում էր կողքից կողք
շրջուել,
եւ յատկապէս, երբ
մորթուած հայ
երեխաների
մանրիկ, բայց սուր
ոսկորները խրւում էին
(անցած-գնացած
ժամանակները
ճեղքելով)
արիւնից հափրացած
Թուրքիայի [...]

Յիշողութիւնը պատիժ է թւում,
Չոր ցախի նման հողը այրւում է,
Առանցքից շեղուած գունդը երերուն
Արեամբ էր ցօղել հայոց գարունը:
Բան կայ, որ հեռուից լաւ չի երեւում,
Լռութեան մէջ են ձայները հնչեղ,
Պապիս աչքերն են վրաս սեւեռւում,
Ում մանկութիւնը հեքիաթի մէջ չէր:
ԽԱՉԻԿ ՄԱՆՈՒԿԵԱՆ

ԶԱՐԵՀ ՍԱՓՍԶԵԱՆ
Օդանաւային ճարտարագիտութեամբ մասնագիտացած, համալսարանը աւարտելէ ետք երեք տարի Լոս Անճելըսի հարաւային արուարձանը գտնուող, Lockheed օդանաւաշինական ընկերութեան մէջ աշխատեցաւ։ 1994ի գարնան, Սիաթըլէն երեսուն մղոն հիւսիս՝ Էվըրեթ քաղաքին մէջ գտնուող Boeing ընկերութեան առաջարկը  կարելի չէր մերժել. վճարումով, նաեւ՝ դիրքի բարձրացումով։ Արդէն չորս տարի է, որ Վիգէն այդ ընկերութեան մէջ գոհացուցիչ դիրք ունէր, նաեւ՝ ընկերական լաւ շրջանակ. [...]

Ո՜վ արդարութեան թլուատուած լեզու,
Թոթովում ես դու  շուրթերով ահի,
Ափսո՜ս  տխրաքօղ նենգախօսութեամբ,
Դարձել ես չարի՝ լեզուն մայրենի:
Որպէս կեղծիքի ուրոյն բարեկամ,
Որպէս գթութեան անզարդ թշնամի,
Այսպիսի վարմունք՝ աւանդակորուս,
Ո՞ւմ հոգում արդար զայրոյթ չի ծնի:
Հիմա լռակեաց շուրթերով քո չոր,
Չես ուզում խօսել անմեղի լեզուով,
Ընկել ես դաժան նիւթի քաոսում,
Սնւում ես չարի՝ մահաթոյն շնչով:
Խիղճը ուսերիդ մեծ բեռ է դրել,
Իր հոգու թշուառ դռները բացած,
Յոյսերի թելը շատ է [...]

ԶԱՒԷՆ ԽԱՆՃԵԱՆ
Մեծ Եղեռնի 97 ամեայ պատմութեան յետադարձ համառօտ ակնարկ մը կը յուշէ մեզ, թէ առաջին յիսուն տարիներու հայ ժողովուրդի մնացորդացին վերականգնումի, վերածաղկումի եւ վերապրելու մարդկային հրաշալի եւ յաղթական հոլովոյթի ընթացքին, Մեծ Եղեռնի յիշատակումը եւ կամ պարազապէս Ապրիլ 24ը լոկ Նահատակաց Յուշատօն էր: Զոյգ Զատիկներու յաջորդող աւանդական օրուայ նման Մեռելոց-Սգատօն էր:
Այդ օրերուն, երբ տակաւին Սփիւռքահայութեան ծանրակշիռ [...]

ՀԵՆՐԻԿ ԱՆԱՍԵԱՆ
- Այո՛,- ՔՍԱՆՉՈՐՍ, այսպէ՛ս տառերով եւ ոչ թէ թուերով։ Թուերն ու տառերը նոյնը չեն։ Թիւը՝ թիւ է։ Ամէն ինչ կարելի է թուի վերածել. ծառ, թուփ, երկիր, գործիք, նոյնիսկ ովկիանոս, աշխարհամաս, մարդիկ,- ամէն, ամէն ինչ։
Բայց ՔՍԱՆՉՈՐՍԸ մէկ հատ է, կրկնօրինակը չկայ։ Թուով 24ներ՝ որքան որ կ՛ուզէք. էլ դէպք, իրադարձութիւն, մարդկային հարիւրաւոր, հազարաւոր ծնունդներ ողջ հողագնդի [...]

ԲԺԻՇԿ ԿԱՐՊԻՍ ՀԱՐՊՈՅԵԱՆ
Հայկական Ցեղասպանութիւնը, այլ խօսքով հայ ժողովուրդի բնաջնջումը  յղացուեցաւ, որոշուեցաւ, ծրագրուեցաւ եւ կազմակերպուեցաւ թուրք ծայրայեղ եւ ազգայնամոլ քաղաքական եւ զինուորական ղեկավարներու կողմէ ու անիկա գործադրուեցաւ թուրք ջարդարար եւ արիւնարբու զինուորականներու, բժիշկներու, քաղաքական անձնաւորութիւններու, պետական պաշտօնեաներու եւ ամբոխին կողմէ:
Անիկա տեղի ունեցաւ համայն աշխարհի ականատեսութեամբ եւ վկայութեամբ,  քաղաքակիրթ ժողովուրդներու եւ երկիրներու լռութեամբ եւ խլութեամբ ու կարգ [...]

ՍԵՐԴԱՐ ՔԱՅԱ
Այսօր իմ սիւնակում մէկ այլ յօդուած էր տեղ գտնելու, որում այն երեք ճշմարտութիւններն էի ներկայացնելու, որոնց մասին առանձնապէս տեղեակ չեն Թուրքիայում:
1. Երբ Թուրքիայում, ցեղասպանութիւն են ասում, թէեւ մարդկանց միտքն անմիջապէս 1915ն է գալիս, սակայն 1914-1922 թթ. ընդգրկող ժամանակաշրջանում որպէս թիրախ են ընտրուել ոչ միայն հայերը, այլ նաեւ՝ բոլոր քրիստոնեայ խմբերը:
2. 1914 թ. գարնանից մինչեւ [...]

ՆՈՐԱ ԲԱՐՍԵՂԵԱՆ
ԵՓՐԱ՛Տ…
Կո՞ւլ տուիր մեր հարազատները, թէ՞ փրկեցիր զանոնք…
ԵՓՐԱ՛Տ…
Քնքուշ եղա՞ր անոնց հետ, ալիքներդ գէթ անոնց կեանքի վերջին վայրկեաններուն նրբութեամբ գրկեցի՞ն մեր մայրերը, մանուկները, զաւակները մեր ազգին…
ԵՓՐԱ՛Տ…
Գութ ունեցա՞ր երազներով, ապագային տեսլականով, փափաքներով ու յոյսերով զինուած, սակայն մէկ երկվայրկեանի մէջ այդ բոլորէն զրկուած մեր ժողովուրդին հետ..

ՆԱԶԱՐԷԹ ՊԷՐՊԷՐԵԱՆ
Ապրիլ 20ի ծնունդ է հայ գրականութեան հանճարեղ մեծերէն Դանիէլ Վարուժան:
1884ին ծնած՝ Դանիէլ Վարուժան միայն 31 տարի կրցաւ վայելել իրեն տրուած կեանքի ժամանակը:
Թրքական պետութիւնը բրտօրէն կտրեց կեանքի թելը Հայկեան Հանճարի ամէնէն շքեղ ու վսեմաշուք քերթողին:
Դանիէլ Վարուժան դարձաւ առաջին նահատակներէն մէկը հայ ժողովուրդին դէմ թրքական պետութեան գործադրած ցեղասպանութեան:
Եղաւ 24 Ապրիլ 1915ին ձերբակալուած եւ մահուան ճիրաններուն մէջ [...]

ՊՕՂՈՍ ՄԵԼՔՈՆԵԱՆ
Կ՛ըսեն, թէ ժամանակը կը բուժէ վէրքը, ցաւը եւ վիշտը…  Եւ սահող օրերուն հետ կը մոռցուին անոնք:
Սակայն, այս միտքին հետ ես չեմ կրնար համաձայնիլ, որովհետեւ ժամանակի ընթացքին ոչ բոլոր վէրքերն են, որոնք կը բուժուին:
Պարզաապէս վէրքերը սպիանալով խոցերու կը վերածուին եւ իրենց ցաւոտ երեւոյթով, զգացնել կու տան իրենց մռայլ ներկայութիւնը…
Եւ թաքնուած, քօղարկուած, սակայն վիշտ ու ցաւ [...]

Գրասեղանիս վրայ, սա
Սկաւառակին մէջ կայ բուռ մ ՛հող, բերուած հոն
Հայրենիքի դաշտերէն:
Նուէր է ան. Զայն ինձ ձօնողը կարծեց
Սիրտն իր տրուած, առանց երբեք գիտնալու
Թէ կու տար իր պապերունն ալ միասին:
Զայն կը դիտեմ. մերթ ժամեր
Բիբերս անոր վրայ յառած կը մնամ
Լու՜ռ եւ թախծո՜տ, իբր այդ հողին մէջ հուռթի
Նայուածքս արմատ արձակէր:
Կը մտածեմ. Գուցէ իր գոյնը բոսոր
Չէ պարգեւուած բնութեան ներհուն օրէնքէն [...]

Գաղափարի Մարտիկին Ահաբեկչական Ցասումը

ՆԱԶԱՐԷԹ ՊԷՐՊԷՐԵԱՆ
Հայ ժողովուրդի ազգային հերոսներու փաղանգին մէջ իր առանձնայատուկ տեղը ունի Արշաւիր Շիրակեան, որուն մահուան 39րդ տարելիցը կ՛ոգեկոչենք Ապրիլ 12ին:
Արշաւիր Շիրակեանի անունը անքակտելիօրէն կապուած է Հայ Յեղափոխական Դաշնակցութեան որոշումով կեանքի կոչուած «Նեմեսիս» ծրագրին հետ, որ մեր ժամանակներու հայոց ազգային յիշողութեան գլխաւոր անկիւնաքարերէն մէկը հանդիսացաւ:
1919ին, նորանկախ Հայաստանի Հանրապետութեան մայրաքաղաք Երեւանի մէջ գումարուած ՀՅԴ [...]

(Իրական պատմութիւն)
ՀԵՆՐԻԿ ԱՆԱՍԵԱՆ
… Երեք ամիս եւ աւելի՝ գտնւում եմ Պոլսում։ «Սայաթ-Նովա» երգչախմբի յայտագիրն արդէն պատրաստ է, սակայն չի լուծւում սիմֆոնիկ նուագախմբի հարցը։ Մինչեւ առաջին համերգը մէկ շաբաթ է մնացել եւ երեք համերգների տոմսերն արդէն սպառուած են եւ մերոնք մտածում են չորրորդ համերգի մասին։
- Նուագախումբ վարձելը շատ սուղի կը նայի մայստրօ,- ասում են երգչախմբի վարչականները,- թերեւս [...]

Յակոբ Յակոբեանի Եղեռնեան Թեմայով Վէպը
Ցեղասպանութեան թեման իր ահագնութեամբ դեռ երկար ատեն դրոշմուած պիտի մնայ հայ ժողովուրդի հաւաքական յիշողութեան ու գիտակցութեան մէջ, առաւել եւս այն գրող արուեստագէտներուն մօտ, որոնք այդ թեմայով գրական կամ արուեստի գործեր ստեղծագործելու աշխատանքին լծուած են։ Այս վերջինները գիտակցութեամբ ամէն օր, ամէն րոպէ կը շալկեն իրենց ցեղին փշէպսակն ու կապարի ծանրութիւն առած խաչը, [...]

ԳՐԻԳՈՐ Ծ. ՎՐԴ. ՉԻՖԹՃԵԱՆ
Այս թռչնազգին՝ հաւը, ինչքան ալ անխելք, կամ քիչ խելք ունեցող նկատուած է, դարձեալ շատ-շատերու համար նախընտրելի ուտելիքը կը մնայ: Ճաշարան այցելող սովորական յաճախորդներ, առհասարակ երեք տարբերակներ կը գտնեն իրենց դիմաց.- ձուկ, միս, հաւ: Անշուշտ կան բուսակերներ, որոնց համար տարբեր ճաշացուցակ կը տրամադրուի ընդհանրապէս:
Կենդանական աշխարհէն օրինակ վերցնելու պարագային, հաւը միշտ կանացի, տկար, թեւեւամիտ [...]

Պատրաստեց՝
ԲԺԻՇԿ ԿԱՐՊԻՍ ՀԱՐՊՈՅԵԱՆ
Ցնցղատապը (bronchitis) թոքերու ցնցուղներուն (bronchi) նեղնալն է, որուն պատճառով տեղի կ՛ունենայ ներշնչումի եւ արտաշնչումի դժուարութիւն, այլ խօսքով օդի մուտքը դէպի թոքեր եւ ելքը թոքերէն դուրս կը նուազի:
Ցնցղատապը կը պատահի առանց սեռի եւ տարիքի խտրութեան ու բոլոր եղանակներուն, բայց առաւելաբար ծխողներուն  մօտ եւ ձմրան եղանակին: Անիկա յաճախ տեսնուած հիւանդութիւն մըն է: Մօտաւորապէս ժողովուրդին 5 [...]

Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Երեխաներու դաստիարակութեան մասնագէտ չորս զաւակներու հայր մը իր սեփական փորձառութեամբ կը հաստատէ.
«Չորրորդ անգամն ըլլալով նախածննդեան ծնողական դասընթացքին հետեւեցայ: Առաջին հերթին կինս առանձին չձգելու համար, ապա քաջ գիտակցելով թէ ծնողական մարզէն ներս շատ բան պիտի չկարենաս կատարել գործնականացման քայլէն առաջ, ապա որպէս հոգեբան մասնագէտ՝ յատկապէս ծնողական դաստիարակութեան մարզէն ներս, կը փափաքէի իմանալ եւ տեսնել [...]

———————
ՆԱՆԷ ԱՒԱԳԵԱՆ
———————
Մէկ տարի առաջ «Հորիզոն» հեռուստաընկերութեան եթերից հայ հեռուստադիտողի տուն մուտք գործեց «Կանթեղ» մշակութային հեռուստածրագիրը: Այն շատ կարճ ժամանակում դարձաւ սիրելի ու սպասուած հազարաւոր ընտանիքների համար՝ շնորհիւ հաղորդման հիմանդիր եւ վարող Գէորգ Չաքմանեանի:
«Շուրջ մէկ տարի առաջ տեղափոխուելով Միացեալ Նահանգներ զգացի, որ պէտք է իմ ներդրումն ունենամ հայրենիքից հեռու հայ մշակոյթի պահպանման գործում: Այսպէս ստեղծուեց «Կանթեղ» [...]

ԵՐԵՒԱՆ, «ԱԶԳ».- Գրեթէ 160 տարի անցած է այն ժամանակէն, երբ Պերճ Պռոշեանը գրած է «Հացի խնդիր»ը, սակայն ստեղծագործութիւնը կը մնայ այժմէական։ Այդ պատճառով ալ յառաջիկային «Հացի խնդիր»ը կրկին կը բեմականացուի, այս անգամ Համազգային պետական թատրոնի բեմին վրայ:
Վէպը կրկին բեմականացնելու հովանաւորութիւնը ստանձնած է Վարդանեան ընտանիքը:
Ազգային ժողովի պատգամաւոր, «Կրանտ Քենտի» ընկերութեան սեփականատէր Կարէն Վարդանեան այս մասին նշած [...]

ՆԱԶԱՐԷԹ ՊԷՐՊԷՐԵԱՆ
Ապրիլի 6ը կը զուգադիպի ծն-նդեան տարեդարձին արդի ժամանակներու հայութեան ամէնէն խոհուն եւ պատկառազդու դէմքերէն Լեւոն Շանթի, որ իր ստեղծած մեծատաղանդ գրականութեամբ, ազգային–քաղաքական յառաջատար գործունէութեամբ եւ մանկավարժական ու սերունդակերտ անձնդիր ծառայութեամբ՝ արժանաւոր իր պատուանդանը նուաճեց հայ ժողովուրդի անմահ մեծերու փաղանգին մէջ:
Յատկապէս թատերական իր գործերով՝ մանաւա՛նդ կոթողական իր «Հին Աստուածներ» ու «Կայսրը» գլուխ–գործոցներով անմահացած Լեւոն Շանթի [...]

«Ե՛ս Եմ Յարութիւնը Եւ Կեանքը»

Այս վճռադրոշմ յայտարարութիւնը Քրիստոս կատարեց մահուան դիմաց՝ երբ Ղազարոսին հրահանգեց դուրս գալ գերեզմանէն:
Աստուծոյ Որդին աշխարհ եկած էր քանդելու մարդու թագաւորութիւնը եւ հիմնելու Աստուծոյ թագաւորութիւնը: Ան աշխարհ եկած էր վերստեղծելու աստուածաստեղծ մարդէն հեռացած մարդը եւ առաջնորդելու դէպի Աստուած: Այլ խօսքով, աստուածատուր կեանքի վերահաստատումն էր Բեթղեհէմի ճամբով աշխարհին յայտնուած Աստուծոյ Որդւոյն առաքելութեան նպատակը: [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Յարութեան հաւատալիքը վաղ ժամանակներէն ունեցեր են տարբեր կրօններու պատկանած ցեղախումբեր: Ո՛չ ոք պիտի ուզեր մեռնիլ, եթէ իր կամքին թողուէր, որովհետեւ ծերութեան դէմ, նոյնիսկ տարիքին հետ յառաջացող դէմքի կնճիռներուն դէմ պայքարը, գեղագիտական բազմաթիւ հաստատութիւններու ամէնօրեայ ծանուցումներու առիւծի բաժինը կը խլէ:
Ինչքա՜ն պիտի ուզէր մարդ, որ կեանքին շարունակութիւնը՝ [...]

Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Աւանդական սովորութիւն են ընտանեկան յարկերէն ներս ընթրիքի հաճելի հաւաքները: Ուտելով, զրուցելով, համեղ պատառներու պատրաստութեամբ ընտանեկան մտերմիկ մթնոլորտը առաւել եւս կը ծաղկի, միաժամանակ՝ երջանկութեան րոպէներ ու անմոռանալի յիշատակներ կը պարգեւէ բոլորին: Այս մէկը պատճառ կը դառնայ ունենալու առողջ մարմին, միտք ու հոգի: Որպէս ծնողք՝ բոլորիս համար ալ գերագոյն նպատակ է պատրաստել կամ առնուազն, նպաստել [...]

ՄՈՎՍԷՍ ԾԻՐԱՆԻ
Եթէ խօսքը կը վերաբերի կերպարուեստի գործի մը գեղարուեստական արժէքին, ապա այդ մէկը յատուկ պատրաստուածութիւն կ’ենթադրէ. պէտք է, որ առնուազն արուեստի պատմութիւն եւ արուեստի փիլիսոփայութիւն ուսումնասիրած ըլլայ ենթական: Սակայն երբ հարցը կը վերաբերի շուկայական արժէքի մասին, հարցը կը փոխուի:
Խնդիրը այն է, որ այսօր արուեստի շուկայի մրցակցութիւնն ու առեւտրական չոր մօտեցումները դժբախտաբար մեծ մասամբ ապրանքի վերածած [...]

ՀԱՅԿԱԶ ԹՐԹՌԵԱՆ
Մեր ուսանողութեան շրջանին, մեր հայերէնի ուսուցիչ (Աստուած հոգին կը լուսաւորէ՞, թէ չի լուսաւորեր, հրեշտակներու հետ կ՛ապրեցնէ՞, թէ լեռնալանջի մը վրայ փռուած գիւղի մը մէջ իր սիրած սասունցիներու մտերմութեամբ կ՛երջանկացնէ՝ Ի՛ր գիտնալիքն է. Աստուծոյ գործը ձգենք Աստուծոյ եւ մենք զբաղինք մեր գործով) Սիմոն Սիմոնեանը, մեր շարադրութիւններուն մէջ գրքունակ կամ յաճախ գործածուած արտայայտութեան մը երբ հանդիպէր, [...]

ՆՈՒՊԱՐ ՏԷՄԻՐՃԵԱՆ
«Ասպարէզ»ի Շաբաթ, Մարտ 24ի թիւին մէջ կը կարդանք Պօղոս Գուբելեանի մէկ ընդվզումը, ակնարկը՝ Հայաստանի Ազգային ժողովի անդամ Լիլիթ Գալստեանի մէկ հարցազրոյցին եւ ընդհանրապէս հայրենի գրողներուն նկատմամբ, որոնք սանձարձակ կերպով կը խճողեն իրենց յօդուածները օտարամուտ բառերով եւ արմատներով: Որպէսզի հասկնալի դառնայ այդ արմատներուն ու բառերուն իմաստը, խմբագիրը ստիպուած կ՛ըլլայ այդ օտար բառին հայերէնը չակերտուած ձեւով [...]

ԿԱՐՕ ՊԵՏՐՈՍԵԱՆ
Գրական ստեղծագործական յիսնամեակի ուրախ առիթով յարգանքի հաւաք է այս, որուն նախաձեռնութեան համար Թէքէեան Մշակութային Միութեան շնորհակալ ենք:
Շնորհակալութիւն յատկապէս՝ հեղինակին եւ իր վաստակին համար: Հեղինակին՝ որ մտաւորականի եւ գրողի անհամար ժամերու երկունքով, շնորհակալ ստեղծագործութիւն ու վաստակ իրագործած է. տասը գիրքեր՝ պատմայուշագրական, երաժշտական, գրական դիմաստուերներու, հայրական ապրումներու եւ ի վերջոյ Միացեալ Նահանգներու մէջ կրթօճախներու եւ հայ [...]

Ինչպէ՞ս Կարելի Է Հաւկիթի Կեղեւը Վերածել Նուրբ Ու Զգայական Պատկերներու
ՆԱՆԷ ԱՒԱԳԵԱՆ
Այսօր, Մարտի 31ին «Սիլվանա» պատկերասրահը (Silvana Gallery) ներկայացնում է Լարիսա Սաֆարեանի անհատական ցուցահանդէսը՝ նուիրուած Սուրբ Զատիկին: Կը ներկայացուի երիտասարդ արուեստագէտի հաւկիթներից քանդակների նոր հաւաքածուն, որ ներառում է շուրջ երեսուն տարբեր գործեր:
«Ցանկանում եմ, որ իմ ստեղծագործութիւնները դրական տրամադրութիւն հաղորդեն մարդկանց՝ ժպիտ, սէր եւ ուրախութիւն», նշում է [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Անտեղի հարցումներ հարցնող մարդոց նկատմամբ վերապահութիւն ցուցաբերելը ընդունելի պէտք է համարել: Մանաւանդ անոնց նկամամբ, որոնք չեն գիտեր ո՞ւր, որո՞ւ եւ ի՞նչ հարցում հարցնել: Կօշկակարին կը հարցնեն հաց թխելու մասին, ձկնավաճառին՝ համակարգիչի ծրագիրներու մասին, բժիշկին՝ ձուլագործութեան մասին, եւայլն: Ինչքան ալ հակապատկերներ փորձենք գծել, դեռ եւս պիտի [...]

Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Մեծ պահքի երկար շաբաթներէն ետք անհամբեր կը սպասենք Սուրբ Զատկուան: Անշուշտ բոլորիս խանդավառութիւնը բաւական մեծ է: Տունը պիտի զարդարենք, հաւկիթ պիտի ներկենք, սեղան պիտի պատրաստենք եւ հիւրեր պիտի ընդունինք: Սակայն  երեխաներու պարագային, անոնց խանդավառութիւնը աննկարագրելի է: Անոնք անհամբերութեամբ կը սպասեն Զատկուան, որպէսզի իրենց սպասուած հաւկթախաղն ու ուտելիքները վայելեն:
Ամէն տարի անոնք, յատկապէս այս տօնին, [...]

Այս ամսուան սկիզբը լոյս տեսաւ «Արմինիըն Ռիվիու»ի վերջին թիւը: Երկար տարիներու ոչ-թեմատիկ սովորութենէն հեռու մնալով, «Ռիվիու»ի այս թիւը երկու թեմատիկ թիւերէ ետք լոյս կը տեսնէ եւ կը ներառէ չորս գիտական յօդուածներ, մի քանի գրախօսականներ եւ վերլուծականներ:
Վերջին թիւին բացումը կ՛ընէ Արա Սանճեանի քննարկումը, որ կ՛անդրադառնայ պատմաբաններուն մարտահրաւէրներուն, սահմանափակումներուն եւ հնարաւորութիւններուն, երբ խորին հետազօտութիւններ կ՛իրականացնեն Հայ Յեղափոխական [...]

ԱՐՄԻՆԷ ԳՈՒՆՏԱՔՃԵԱՆ
2007թ. Դեկտեմբերի 13ին, Ինդիանայի համալսարանի պրոֆեսէօր Չարլզ Բեքեր «BBC» հեռուստալիքի եթերում յայտարարեց, որ Կարիբեան ծովում Դոմինիկեան հանրապետութեան ափերին յայտնաբերուել են 17րդ դարի նաւի մնացորդներ: Նա կարծիք յայտնեց, որ ամենայն հաւանականութեամբ, դա «Quedagh Merchant» («Կեդախի Վաճառական») առեւտրական նաւն է, որ կապւում է տխրահռչակ նաւապետ Քիդի անուան հետ:
Ինդիանայի համալսարանի արշաւախմբի աշխատանքի գրեթէ առաջին իսկ օրերից, նրանց [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Սուրբ Գրիգոր Լուսաւորչին ու անոր Աջին նկատմամբ պաշտամունքի հասնող յարգանքն ու երկիւղածութիւնը, արտայայտութիւնն են մեր ժողովուրդի հաւաքական հաւատքին ու սիրոյն, հանդէպ այն անձին, որ ի գին անտանելի չարչարանքներու, յանձն առաւ քրիստոնէական լոյսը տարածել մեր հեթանոս ազգին վրայ:
Դարերու ընթացքին, համաքրիստոնէական սուրբերու շարքին պատիւներու արժանացած Ս. Գրիգոր [...]

Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Եթէ ձեր առօրեան շատ զբաղ ու ճնշուած է, ու պարտաւորուած էք եփելու եւ ճաշաման սարքելու, դիւրին ու գործնական, բայց միաժամանակ երեխաներուն կողմէ ընդունելութիւն գտած ուտելիքներ պատրաստեցէք կամ գնեցէք՝ հետեւելով այս ցանկին…
- Կանաչ տերեւներով կանաչեղէններ: Ասոնք այն կանաչեղէններն են, որոնք առողջարար ուտելիքներու ցանկին վրայ կը գտնուին ու շատ հարուստ են կենսանիւթերով, ինչպէս՝ A, C, [...]

Փափաքում Էի, Ինքնութիւնս, Մայրենի Լեզուս Իմ Երգով Ներկայացնել Թուրքերին

———————–
ՆԱՆԷ ԱՒԱԳԵԱՆ
———————–
«Երազիս մէջ այրում էիր,
Նամակներս քեզ գրած,
Ա՜խ, նրանց մէջ՝ թէ բանայիր՝
Իմ սիրտը կա՛ր, իմ սիրած…»

Յովհաննէս Շիրազի «Նամակ» բանաստեղծութեան հիման վրայ գրուած համանուն երգը Սիպիլի կատարմամբ անցեալ տարի Թուրքիայի եւ համաշխարհային մամուլի գլխագրերում էր: Պոլսահայ երգչուհու  հայալեզու երգն աննախադէպ ջերմ ընդունելութեան արժանացաւ թուրք հասարակութեան կողմից, ինչը [...]

ՆԱԶԱՐԷԹ ՊԷՐՊԷՐԵԱՆ
Հայ ժողովուրդը 21րդ դար եւ նոր ժամանակներ մուտք  գործեց հասակը բարձր կանգնած, մէջքը շտկած եւ ճակատը բաց ու պայծառ:
Ազգային ինքնավստահութեան եւ ինքնահաստատման այդ խոյանքը մեր ժողովուրդը նուաճեց Արցախեան Ազատամարտով, որ անհաւասար ուժերով ճակատումներէ ու լինելութեան մաքառումներէ յաղթական դուրս գալու հրաշքին նորօրեայ վկայութիւնը եղաւ:
Իսկ Արցախեան հրաշազօր Ազատամարտը մենք նուաճեցինք հերոսական հայորդիներու թանկագին արեամբ՝ անոնց աներեր [...]

(Էլ Փորթալ սրահ, 16 Մարտէն սկսեալ)
Ս. ՄԱՀՍԷՐԷՃԵԱՆ
Մեր ժամանակներու Գրողին, յատկապէս հայ գրողին, Ընտանիքին, մասնաւորաբար հայ ընտանիքին՝ այր ու կնոջ ու զաւակներու միջեւ ալիքաւոր յարաբերութիւններու, տագնապներու համագումար մըն է, քիչ մըն ալ աւելին՝ Վահէ Պէրպէրեանի «Կեանք» թատերախաղը, որ 16 Մարտէն սկսեալ կը ներկայացուի «Էլ Փորթալ» թատերասրահին մէջ։
Ինչպէս որ որեւէ գիրք լաւագոյնս ըմբոշխնելու միջոցը զայն կարդալն է, [...]

ԳԷՈՐԳ ՄԱՆՈՅԵԱՆ
Հայութիւնը իր թմբիրէն արուեստով արթնցնելու ջանք թափած Վահէ Օշականի պատկանող վերի խորագիրը լաւագոյնս կը բնութագրէ Վահէ Պէրպէրեանի նորագոյն թատերախաղին՝ «Կեանք»ին նիւթը, որ էականին մէջ պատմութիւնն ու վերլուծումն է այն գոյութենական պայքարին, որ կը մղուի ստեղծագործելու համար ապրելու եւ պարզապէս «հանգստաւէտ» կեանք անցընելու ընտրանքներուն միջեւ՝ գործը դարձնելով ոչ միայն հայելի մը, այլ նաեւ՝ մեր ներաշխարհը [...]

ՆԱԶԱՐԷԹ ՊԷՐՊԷՐԵԱՆ
89 տարի առաջ, Մարտ 15ին, արհաւիրքի եւ հատուցման ամբողջ պատմութիւն մը խտացնող ու խորհրդանշող արդարագոյն ահաբեկչութիւն մը գործուեցաւ Պերլինի մէջ:
15 Մարտ 1921ին, Պերլինի Չարլոթընպըրկ թաղին մէջ, օր-ցերեկով, Սողոմոն Թեհլիրեան անունով 25ամեայ հայ երիտասարդ մը ահաբեկեց Մեհմեթ Թալէաթ փաշան՝ Օսմանեան կայսրութեան երբեմնի վարչապետը:
Ժամանակաշրջանի միջազգային քաղաքականութեան տխրահռչակ դէմքերէն էր Թալէաթ, որ իբրեւ թրքական պետութիւնը կառավարող Իթթիհատական [...]

ԿԱՐՕ ԱՐՄԷՆԵԱՆ
Մեր առջեւն է Գալուստ Պապեան արուեստագէտին քառասնամեայ ուղեւորութեան բաբախուն յիշատակարանը:
Սփիւռքի մեր ջերմ ու ընտանի օճախներէն ճամբայ ելլելով, ան ոտքի տակ տուած է մեր հողմացրիւ գոյութեան բարդ աշխարհագրութիւնը շարունակաբար փնտռելով իր հարազատ կայքը, իր մտքի հաստատուն կռուա՛նը եւ ամէն քայլափոխին ընդլայնելով հոգեւոր առնչութիւններու իր ցանցը: Աշխարհի մեծ հարցականներուն մէջ վերապրած հայն է ան. հայաշխարհի չյայտնաբերուած [...]

ՎԱՀՐԱՄ ԷՄՄԻԵԱՆ
Նեմեսիսը յունական դիցաբանութեան մէջ հատուցման կամ վրէժի չաստուածն է, որ չաստուածներուն նկատմամբ ամբարտաւանութիւն գործողները՝ իրենց արարքին համեմատ կը հատուցէ: Ահա թէ ինչո՛ւ Հայոց Ցեղասպանութիւնը ծրագրած եւ անոր գործադրութեան հրամանը արձակած թուրք ղեկավարներէն վրէժ լուծելու գործողութիւնը «Նեմեսիս» կոչուեցաւ: Հայ ժողովուրդը «Նեմեսիս»ի ճամբով իր վրէժը լուծած է, եւ այսօր միայն ճշմարտութեան ճանաչում եւ իրաւունքներու վերականգնում կը [...]

ԽԱՉԻԿ ՄԵԼԵՔԵԱՆ
Միացեալ Նահանգների Հարկային տեսչութեան վերջին օրէնքների մի մասը որպէս թիրախ է ընդունում այն անձանց, ովքեր իրենց արտերկրեայ ունեցուածքը մինչ այժմ ինչ ինչ պատճառով թաքցրել էին վերոյիշեալ տեսչութիւնից, համապատասխանաբար նաեւ խուսափել էին ունեցուածքի դիմաց հարկեր վճարելու «ցաւալի», բայց օրէնքով նախատեսուած պահանջից: Այս առումով բազմաթիւ խորհրդատուներ իրենց պարտականութիւնն են համարում յորդորել իրենց որոշ յաճախորդներին, որ իրենց [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Խստապահանջութիւնը բծախնդրութեան հետ կը համեմատուի շատ անգամ: Դրական այս երեւոյթին դիմաց, սակայն, պէտք է նկատի ունենալ նաեւ մարդոց կարողութիւնները: Ամէն մարդ նոյն կարողութեամբ չի՛ ծնիր այս աշխարհի մէջ: Այս հաստատումին կրնայ արձագանգել ամէն մարդ, նոյնիսկ ամէնէն
ինքնավստահը, որ կամքի թուլութիւն չի՛ ճանչնար, այլ ամէն միջոց կ՛որոնէ [...]

Պատրաստեց՝
ԲԺԻՇԿ ԿԱՐՊԻՍ ՀԱՐՊՈՅԵԱՆ
Շնչառական համակարգը (respiratory system) կազմուած է երկու բաժիններէ՝
Ա. Վերին շնչառական համակարգ
Բ. Վարին շնչառական համակարգ:
Վերին շնչառական համակարգը կ՛ընդգրկէ հետեւեալ ենթաբաժինները՝
Քիթ, քթա-ըմբան (nasopharynx), ըմբան (oropharynx), ենթա-ըմբան (hypopharynx ), բերան եւ խռչափող (larynx).
Վարին շնչառական համակարգը կ՛ընդգրկէ հետեւեալ ենթաբաժինները՝
Ա. Շնչափող (trachea)
Բ. Երկու ցնցուղներ (bronchi)
Գ. Ցնցղիկներ (bronciols)
Դ. Թոք
Շնչափողը 10-12 սմ. երկարութեամբ խողովակ մըն է, որ կազմուած է 10-12 [...]

Մաունթ Սիերա Քոլեջ՝ ժամանակակից Մասնագիտութիւնների Դարբնոց
Զրուցեց՝ ՆԱՆԷ ԱՒԱԳԵԱՆ
Մոնրովիա քաղաքի գողտրիկ անկիւնում գտնուող Մաունթ Սիերա քոլեջը արուեստի իւրատեսակ կենտրոն է յիշեցնում՝ աշխարհ, որտեղ երեւակայութիւնն իրականութիւն է դառնում:
«Մեդիա արթ» (արուեստ) եւ դիզայներական վարպետութիւն, բիզնես եւ տեխնոլոգիաներ՝ ժամանակակից աշխարհում աճող պահանջարկ ունեցող նշուած մասնագիտութիւններում բակալաւրի որակաւորում է առաջարկում Սիերայ քոլեջը:
«Վիդէօ խաղերի արդիւնաբերութիւնն այսօր արդէն հսկայական շուկայ է, գրաֆիկական [...]

Ամայի երկնում
Լուսնեակն է ննջում,
Աստղերը մեղմիկ՝ շղթայ են հիւսում,
Քնքուշ, զոյգ աչքեր,
Յանկարծ յայտնւում,
Իմ հոգու ծովն են՝ փոթորկել ուզում…
Դու եկար իմ սէր՝
Ինչպէս վաղ գարուն,
Կանաչաքնքուշ թաւուտի նման,
Իմ աշնան թափուող
Տերեւներն դեղին՝
Սրբեցիր, տարար, հրով քո բուրեան…
Դու եկար իմ սէր՝
Թախիծ ցանելու,
Երկար ուշացած նամակի նման,
Ափսոս չեմ կարող
Իրաւունք չունեմ,
Քո սիրով խախտել՝ անդորրը իմ տան…
Աշնան գիշերում
Լուսինն է հալւում,
Արիւնն է ասես՝ քամւում սրտիս մէջ,
Ու քանի՜ անգամ՝
Մեղադրում [...]

ԹԱԹՈՒԼ ՅԱԿՈԲԵԱՆ
2012 թ. Փետրուարի 23-25ը Անթիլիասում, հովանաւորութեամբ ու մասնակցութեամբ Մեծի Տանն Կիլիկիոյ կաթողիկոս Արամ Ա.ի, կայացաւ միջազգային խորհրդաժողով՝ «Հայոց Ցեղասպանութիւն. ճանաչումից հատուցում», որ վեր հանեց այն իրականութիւնը, թէ Հայոց Ցեղասպանութեան 100ամեայ տարելիցի նախօրէին հայկական պահանջատիրութեան թղ-թածրար գոյութիւն չունի: Ինչո՞ւ գոյութիւն չունի: Գուցէ հիմնական պատճառն այն է, որ հայութիւնը չի՞ հաւատում, թէ հնարաւոր է Թուրքիայից որեւէ [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Մարդիկ իրենց լաւ թէ վատ յիշատակներով կը գոյատեւեն: Այո, թէ՛ վատը եւ թէ լաւը կը յիշուին, ու իրենց այդ ժխտական կամ դրական համբաւներով յիշատակ կը թողուն մարդոց հաւաքական յիշողութեան մէջ: Սակայն բարոյական հարցը, միայն յիշուելու հետ առնչուած չէ՛, այլ լա՛ւ յիշուելուն վրայ կը դնէ իր [...]

«Սեռերու միջեւ հաւասարութիւն 2012» զեկուցումին համաձայն, Հայաստան թէեւ բաւական աւելի վար դիրքերու վրայ է Եւրոպայի հետ բաղդատած, սակայն տարածաշրջանին մէջ լաւ տեղ կը գրաւէ։ 154 երկիրներ նկատի ունեցող այս զեկուցումը պատրաստած է «Սոշըլ Ուո»չ միջազգային կազմակերպութիւնը:
Հետազօտութիւնը ցոյց կու տայ կիներուն եւ տղամարդոց միջեւ հաւասարութեան պատկերը՝ կրթութեան, տնտեսութեան եւ քաղաքական իրաւունքներու բնագաւառներուն մէջ: Գնահատականը տրուած է [...]

ՆԱԶԱՐԷԹ ՊԷՐՊԷՐԵԱՆ
- Խօսեցաւ ինծի ան եւ իր բառերը իրարու ետեւէ եւ կարգ առ կարգ
Խիստ էին եւ քաղցր եւ ճշմարիտ եւ քինախոյզ եւ առնական…
«Ոտքի՛ կեցիր այն ատեն, եղբայրացի՛ր խումբերուս ու մրրկուէ՛ անոնց հետ,
Որովհետեւ գիտցիր, որ այս զոհաբերումի, ընդվզումի եւ յոյսի օրերուն՝
Մեր ամէն մէկուն համար անկողնի մէջ հոգի տալը վատութիւնն է վատութիւններուն»…
ՍԻԱՄԱՆԹՕ
Անդրանիկի փառքն ու ողբերգութիւնը խտացնող մեծն [...]

ԵՐԵՒԱՆ.- Հայաստանի տնտեսական մրցակցութեան պաշտպանութեան պետական յանձնաժողովի նախագահ Արտակ Շաբոյեան կառավարութեան գումարած նիստին ընթացքին լուսարձակի տակ առաւ Հայաստանի մէջ գիրքերու գիներու սղութեան պարագան: «Այն բոլոր գրքերը, որոնք Յունուարի 1ից թանկացել էին, յառաջիկայում պէտք է իջեցուեն նախկին գների: Եթէ դա տեղի չունենայ, սպառողներին կոչ ենք անում դիմել մեր յանձնաժողովին», դիտել տուաւ ան։
Հակառակ այս մասին բարձրացած ահազանգներուն, [...]

ԼԱ ՔՐԵՍԵՆԹԱ.- Կիրակի, Մարտ 11ին, կ.ե. ժամը 1ին, Քրեսենթա հովիտի Հայց. առաքելական եկեղեցւոյ
Ս. պատարագէն անմիջապէս ետք տեղի պիտի ունենայ հանրաճանաչ գիտնական Գնէլ Դուրեանի բանախօսական ձեռնարկը, ուր պիտի ներկայացուի «Աստուծոյ մատնահետքերը բնութեան մէջ» նիւթը:
Գիտութիւնը կ՛արծարծէ փիլիսոփայական հարցեր, որոնք գիտութեան սահմաններէն դուրս են: Վերջերս յառաջ եկած են անհամաձայնութիւններ բնութեան գոյութեան շուրջ: Մինչ ուրիշներ կը պնդեն, թէ բնութեան [...]

ՍԻՒԶԱՆ ԽԱՐՏԱԼԵԱՆ
Այն օրը, երբ իմ բառերն հող էին,
Ես բարեկամ էի ցորենի հասկերուն
Այն օրը, երբ իմ բառերն
բարկութիւն էին
Ես բարեկամ էի շղթաներու
Այն օրը երբ իմ բառերն քարեր էին
Ես բարեկամ էի ջուրին
Այն օրը, երբ իմ բառերն
ըմբոստութիւն էին
Ես բարեկամ էի երկրաշարժին
Այն օրը, երբ իմ բառերն թթու
խնձորներ էին
Ես բարեկամ էի լաւատեսներուն
Սակայն այն օրը, երբ իմ բառերը դարձան մեղր
Ճանճերը փակեցին իմ [...]

ՆԱԶԱՐԷԹ ՊԷՐՊԷՐԵԱՆ
Մարտ 5ին լրացաւ ծննդեան 85րդ տարեդարձը հայ մամուլի երախտաւորներէն՝ սփիւռքահայ լրագիրի եւ դաշնակցական պաշտօնաթերթի դրօշակիր «Ազդակ»ին:
Լիբանանի հայութեան ծոցէն ծնաւ «Ազդակ» եւ ողն ու ծուծով արիւնատար երակը եղաւ հայրենամերձ հայաշխարհի կենսունակ այս գաղութին:
Բայց նաեւ իր կոչումի ներշնչումով ու հրապարակագրական ներդրումով՝ «Ազդակ» չսահմանափակուեցաւ Լիբանանի սահմաններով: Ոչ միայն համասփիւքեան, այլեւ համահայկական իր բաբախումով՝ համայն հայութեան շարժիչ ուժերէն [...]

ԽՄԲԱԳՐԱԿԱՆ «ԱԶԴԱԿ»Ի
«Ազդակ» այսօր դարձաւ  85 տարեկան: Տարին յոբելինական է ընդհանրապէս հայ մամուլին համար, որովհետեւ կը զուգադիպի հայկական տպագրութեան  500ամեակին: Մամուլ, հրատարակչատուներ, մշակութային պետական հաստատութիւններ թէ միութիւններ, հայկական աշխարհով մէկ կը նշեն յոբելեանը, հայ գրատպութեան կարեւորութիւնը անգամ մը եւս լոյսին բերելու եւ ժամանակակից խնդիրներու նկատառումով հայ գիրքին ու մամուլին դիմագրաւած հարցերը քննարկելու եւ հետեւութիւններ կատարելու համար:
Հայ [...]

«Կեանք»ը Կ՛ապրի՞նք, Թէ՝ Մահաքունի Մէջ Ենք
ԱԲՕ ՊՈՂԻԿԵԱՆ.-  Թատերագի՞ր, արձակագի՞ր, նկարի՞չ: Հաւանաբար այս բառերու յաջորդականութիւնը պայմանական է: Ճշգրիտ բնութագրումը պայմանաւորուած է ստեղծագործական նախաձեռնութեանդ տեսակէն՝ ցուցահանդէսի պարագային նկարիչը առաջ կու գայ, թատերական ներկայացումի պարագային՝ թատերագիրը, կամ բեմադրիչը, կամ դերասանը: Դուն ո՞ր ստեղծագործական տարերքը կը նկատես աւելի հոգեհարազատ:
ՎԱՀԷ ՊԷՐՊԷՐԵԱՆ.- Ինծի համար շատ դժուար է այդ հարցումին պատասխանել, որովհետեւ [...]

ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ
ԳՐԻԳՈՐ Ծ. ՎՐԴ. ՉԻՖԹՃԵԱՆ
Գովեստ թէ պարսաւ, հաւասարապէս մտահոգութիւն պէտք է պատճառեն մարդ անհատին: Բնականօրէն գովեստը նախընտրելի է պարսաւէն, սակայն առաջինն ալ համահաւասար մտահոգութիւն կրնայ
պատճառել տուեալ անձին, որովհետեւ ատիկա ալ կրնայ հետաքրքրութիւն ստեղծել հանրային կարծիքին մօտ:
Ուրիշներու հետաքրքրութեան առարկան դառնալուն մէջ ինքնին վտանգ գոյութիւն ունի: Որովհետեւ ամէն անձ որ ուրիշին [...]

Պատրաստեց՝
ԲԺԻՇԿ ԿԱՐՊԻՍ ՀԱՐՊՈՅԵԱՆ
Կառուցողական մղօնները (anabolic steroids) արհեստականօրէն (synthetic) արտադրուող մղօններ
(steroids) են: Անոնք կը կոչուին նաեւ կառռւցողական արական մղօններ, իսկ ժողովուրդին կողմէ անոնք յաճախ կանուանուին որպէս՝ մղօններ: Արհեստականօրէն պատրաստուած մղօնները ունին արական բնական ներազդակի (testosterone) բոլոր յատկութիւնները:
Այս ներազդակը (hormone) բնականօրէն կ՛արտադրուի ամորձիներուն (testicle) մէջ: Անոր յատկութիւնները.
ա. Կ՛արագացնէ առնանդամին (penis), սերմնաբշտիկին (seminal vesicle), սերմնաժայթքիչ ծորանին (ejaculatory duct), [...]

Ստամոքսի այրուցքը անախորժ եւ երկար ժամանակ տառապեցնող անհանգստութիւն մըն է, որուն պատճառով կը չարչարուին շատ մարդիկ եւ դեղորայքով կը փորձեն անհետացնել այդ անախորժ անհանգստութիւնը: Փաստուած է, թէ ամէնէն ուժեղ ստամոքսի թթուն հաւասարակշռող դեղորայքը 10-12 ժամ միայն հանգիստ կրնայ պարգեւել ենթակային: Անկէ ետք, ենթական կարիքը կը զգայ կրկին դեղ օգտագործելու:
- Ինչո՞ւ ստամոքսի այրուցք կ՛ունենանք:
Ստամոքսի այրուցքը արդիւնք [...]

ՀԵՆՐԻԿ ԲՈՒԴԱՂԵԱՆ
2012 թուի Կիրակի, Յունուար 22ի երեկոյեան, Լոս Անջելըսում մահացաւ 70 երկար տարիներ ազգային եւ կուսակցական բեղուն գործունէութեան վաստակը ուսերին՝ վեթերան ընկեր Մկրտիչ (Մուկուչ) Պուտաքեանը, իր 93ամեայ տարիքում:
Ծնուել է Երեւան, 1918 թուի Օգոստոս 1ին, ուր նա ապրեց իր կեանքի ամենաերջանիկ եւ գեղեցիկ մանկութեան օրերը. 1931ին, մօրը եւ եղբօրը հետ միասին անցան Պարսկաստaան եւ ապա Գահիրէ [...]

Մկրտիչ Պուտաքեան՝ անդրանիկ որդին Վաղարշակ եւ Զարուհի Պուտաքեաններու, ծնած է նորանկախ Հայաստանի մայրաքաղաք Երեւանի մէջ՝ 1918 Օգոստոս 1ին։ Երկրի խորհրդայնացումէն ետք, 1920ին, ապահովական պատճառներով, հայրը կը մեկնի Եգիպտոս, բաժնուած մնալով կնոջմէն ու երկու զաւակներէն։ Միայն 11 տարիներ ետք, Զարուհի կը յաջողի, Պարսկաստանի, ապա Լիբանանի վրայով, Մկրտիչին ու Հենրիկին հետ վերամիանալ ամուսնոյն։
Մկրտիչ իր նախակրթութիւնը կը ստանայ [...]

ՍԻՒԶԱՆ ԽԱՐՏԱԼԵԱՆ
Անցնող քանի մը ամիսներուն ամբողջ Եւրոպան շունչը բռնած՝ կը հետեւէր Յունաստանի
ընկերատնտեսական տագնապին: Իւրաքանչիւրիս միտքէն կ՛անցնէին նոյն հարցերը. որեւէ յոյս կա՞ր երկիրը այս անդունդէն դուրս բերելու, արդեօ՞ք յունական պետութիւնը հնարաւորութիւն ունի իր պարտքերը փակելու, ի՞նչ պիտի ըլլար յոյն  մարդու ճակատագիրը: Անօթի փորով դպրոց գացող երեխաներ, առանց ելեկտրականութեան ապրող ընտանիքներ, անօթեւաններ, անօթիներ, ինքնասպանութիւն գործողներ կամ փորձողներ, [...]

ՎԱՀԱՆ ԶԱՆՈՅԵԱՆ
Երկու տարի առաջ, Երեւանի մէջ հրատարակեցի բանաստեղծութիւններու իմ առաջին ժողովածուս՝ «Վերադարձ» խորագիրով, որ կը ներառէր թէ՛ արեւմտահայերէնով եւ թէ՛ արեւելահայերէնով գրուած փունջ մը բանաստեղծութիւններ: Բանաստեղծութիւններու այս շարքը, յատուկ դիտաւորութեամբ, ներկայացուած էր ընթերցողին միաժամանակ Մեսրոպեան եւ «Աբեղեանական» ուղղագրութիւններով.  երեւոյթ մը՝ որ առիթ տուաւ  հարցադրումներու, որոնց պիտի անդրադառնամ այս յօդուածին մէջ:  Ժողովածուն կը ցոլացնէր հայրենիք վերադարձող [...]

Էջը Պատրաստեց՝
ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ
Նախորդ թիւով բացատրած էինք կարգ մը կարեւոր «գաղտնիքներ»՝ յաջողակ ծնողք դառնալու համար: Այս թիւով կը շարունակենք մեր ճանապարհը եւ կը բացատրենք այլ կէտեր, որոնք աւելի կը դիւրացնեն եւ կը յաջողեցնեն մեր ընթացքը որպէս ծնողք:
Ընդհանրապէս ընդունուած կարգ է որեւէ պարագայի կամ ընտանիքի մէջ, թէ մայրերը ֆիզիքական եւ զգացական կարիքներու անմիջական հոգատարներն են: Միւս կողմէ՝ [...]

Համաշխարհային հանրութիւնը վերջին տարիներին անյաջող փորձեր է անում՝ լուծելու ադրբեջանա-ղարաբաղեան հակամարտութիւնը: Մինչդեռ, միջազգային իրաւունքի նորմերին խստիւ համապատասխանութեան հիման վրայ, նրա խաղաղ եւ վերջնական կարգաւորման համար հարկ է հաշուի առնել այս հակամարտութեան ծագման առանձնայատկութիւններն ու պատճառները: Ղարաբաղեան հակամարտութեան գլխաւոր տարբերակիչ գծերից մէկն այն է, որ Լեռնային Ղարաբաղի տարածքը դէ-իւրէ (իրաւականօրէն-Խմբ.) երբեք չի պատկանել պետութեան տարածքային ամբողջականութեան [...]

Վասպուրական Հայրենակցական Միութեան պարբերական «Վարագ»ի վերջին թիւը մեր ձեռքին է: Արդէն ամէն տարի այս ժամանակին անիկա կը ճոխացնէ մեր գրադարանները: Կոկիկ տպագրութիւն եւ բովանդակալից նիւթեր: Մեզ՝ ընթերցասէրներուս համար, հաճելի մտազբօսանք այս օրերուն:
Նախորդ համարներուն նման 224 էջերու վրայ՝ հայերէն եւ անգլերէն, բազմազան նիւթերու դասաւորումը շարունակուած է սքանչելիօրէն՝ հայ ազգային զարթօնքի ջահակիրներ, պատմական դէմքեր, դէպքեր եւ դրուագներ, [...]

ԳՐԻԳՈՐ Ծ. ՎՐԴ. ՉԻՖԹՃԵԱՆ
Ինչո՞ւ չես ուզեր…: Ճշգրիտ հարցադրումը այս ժխտողական կեցուածքին,  բնականօրէն ա՛յս հարցումը պէտք է ըլլայ: Ամէն մարդ ազատ է իր որոշումներուն մէջ, սակայն միշտ պէտք է հիմնաւորուած ըլլան անոնք: Այլապէս, քմահաճ մօտեցումներ կրնան ցուցաբերուիլ եւ ըստ կամս տնօրինումներ կատարուիլ, որոնք մէկ կողմէ բռնատիրական, եւ միւս կողմէ անփութութեան երեւոյթներ կրնան համարուիլ:
Հեզասահ ու հանգստաւէտ պայմաններով [...]

Բ. Մակերիկամի գերգործունէութեամբ մակերամի բոլոր ներազդակները առատօրէն կ՛արտադրուին եւ տեղի կ՛ունենան հետեւեալ հիւանդագին երեւոյթները.
ա. Մակերիկամային այրականութիւն (virilism), որ կը յառաջանայ արական ներազդակի՝ testosterone-ի, առատ արտադրութենէն: Այս հիւանդութեան ախտանշաններն են՝
1. Մազակալում եւ մզուկ (acne).
2. Ձայնի խռպոտութիւն.
3. Սեռային ուժեղ փափաք-հեշտանք.
4. Մարմնական աճի արագացում՝ նախքան արբունքը.
5. Արգանդի հիւծում (atrophy), դաշտանի խանգարում, կրծքագեղձերու ենթածաւալում, ծլիկի (clitoris) ծաւալում եւ արական [...]

Բաւականին հրապուրող է այս վերնագիրը բոլոր անոնց համար, որոնք մէկ, երկու, երեք կամ չորս երեխայ ունին ու կը պայքարին ծնողական եւ աշխատանքային ասպարէզի պարտականութիւններու ծանր բերին տակ:
Մանկաբոյժ մասնագէտ մը կը վկայէ իր ապրած փորձառութիւններու մասին եւ շատ հարազատ կերպով կը խօսի՝ բաւական արդար հաստատումներ եւ օգտակար խորհուրդներ ներկայացնելով:
Մանկաբոյժը իր ամբողջ կեանքը նուիրած է երեխաներու եւ [...]

ՆԱԶԱՐԷԹ ՊԷՐՊԷՐԵԱՆ
Գնդակ որոտաց Նոյեմբեր ամսուն,
Պաշարուած ենք մենք,
իմ սիրուն Սօսէ,
Վեր առ մոսինդ, քաջութիւն հոս է,
Քո սիրած Սերոբի օրհնեալ
օրն այս է:
Ձայն տուաւ Սօսէն.-
Սերոբ ջան հոս եմ,
Զինուած պատրաստուած,
ձայնիդ կը սպասեմ,
Քեզի հետ կռուելու,
քո կողքին մեռնելու
Ամէն օր, ամէն ժամ,
պատրաստ է Սօսէն:
——————————————————————————————————————-

Հայ ժողովուրդի ֆէտայական շարժման նուիրուած ամէնէն սրտառուչ երգերէն՝ «Գնդակ Որոտաց»ի առաջին այս երկու տուներով կ՛ոգեկոչենք մահուան 59րդ տարելիցը Սօսէ Մայրիկի, [...]