Հայ Օգնութեան Միութեան Կեդրոնական վարչութիւնը յայտարարեց «Սուրիահայ վարժարաններու օժանդակութեան ֆոնտ»ի հիմնադրութիւնը, որուն նպատակը նիւթական օժանդակութիւն տրամադրելն է Սուրիոյ մէջ հայկական վարժարաններուն:
«Սուրիոյ մէջ զարգացող ցաւալի դէպքերը բնականաբար խանգարած են կեանքի բնականոն ընթացքը: ՀՕՄի Կեդրոնական վարչութիւնը կը հաւատայ, որ վարժարաններու բնականոն գործունէութեան ապահովումը կարեւորագոյն երաշխիքն է հայ մատղաշ սերունդի առօրեան բնականոն հունի մէջ պահելու», յայտարարեց ՀՕՄի Կեդրոնական [...]

ԿԼԵՆՏԷՅԼ.- Հայ Դատի թելեթոնի նախապատրաստական ձեռնարկներու ծիրին մէջ, Հինգշաբթի, Մայիս 17ի երեկոյեան, իւրայատուկ ձեռնարկ մը տեղի ունեցաւ Կլենտէյլի «Ֆենիշիա» ճաշարանին մէջ, ուր առաջնորդ Մուշեղ արք. Մարտիրոսեան, յանուն Արամ Ա. կաթողիկոսին, «Կիլիկեան Ասպետ»ի շքանշանով պատուեց ազգային բարերար ու բազմամեայ գործիչ Մանաս Պուճիքեանը։
Հայ Դատի յանձնախումբն ու «Ասպարէզ» օրաթերթի խմբագրութիւնը, միացեալ նախաձեռնութեամբ մը, ընթրիքի երեկոյ մը կազմակերպած էին՝ [...]

Թուրքիոյ մէջ լոյս տեսած է Պիննազ Օների Հայոց Ցեղասպանութեան մասին պատմող «Ետին Մնացածները» գիրքը:
Ըստ «Ակօս» թերթին՝ գիրքին մէջ կը պատմուի, թէ ինչպէս 1915ի ընթացքին տեղահանուած հայերէն ոմանք իրենց աղջիկ զաւակներուն կեանքը փրկելու համար, իրենց բարեկամ թուրք ընտանիքներուն յանձնած են զանոնք:
«Օներ ըսած է, որ իր վրայ շատ ազդած են այն մայրերուն պատմութիւնները, որոնք ստիպուած եղած են [...]

ՊՈԼԻՍ.- Պոլսահայ աթլէթի մարզիկ Թորոս Փիլիկօղլու, կարեւոր նուաճում մը արձանագրեց մարզական աշխարհէն ներս՝ հռչակուելով Թուրքիոյ ախոյեան հեռացատքի մարզաձեւին մէջ։ Թորոս Փիլիկօղլու, որ իր նախակրթութիւնը ստացած է Պոլսոյ «Գալֆայեան» վարժարանէն, իսկ երկրորդական ուսումը՝ «Կեդրոնական»էն, 19-20 Մայիսին մասնակցեցաւ Իզմիրի ակումբային մրցաշարքին ու 7.62 մեթր ցատքելով՝ երկիրի ախոյեան հռչակուեցաւ։
«Այս կարեւոր յաջողութեան շնորհիւ, Փիլիկօղլու իրաւունք շահեցաւ Թուրքիան ներկայացնելու աշխարհի [...]

ՊՈԼԻՍ.- Պոլսահայ պարմանուհի Քրիստին Տինչգայըքճը յաղթող հռչակուած է թատերական մրցումի մը մէջ, որ տեղի ունեցած էր Շիշլիի վեց վարժարաններու միջեւ։ «Քրիստին, որ «Սեն Միշել ֆրանսական վարժարանի աշակերտուհի է, վարժարանի թատերախումբի կազմէն ներս մրցումի դատակազմին ներկայացաւ «Պղտոր ջուր» անունով բեմադրութեամբ ու շահեցաւ առաջնորդ դերասանի տիտղոսը», կը տեղեկացնէ «Մարմարա» օրաթերթը։
Քրիստին Տինչգայըքճը ծնած է 1995ին ու դուստրն է [...]

ԱՆԹԻԼԻԱՍ.- Երկուշաբթի 21 Մայիսի առաւօտուն, Ազգային առաջնորդարանի «Էմիլ Յակոբեան» դահլիճին մէջ, Արամ Ա. վեհափառ հայրապետին հետ հանդիպեցան Թաւրիզի բոլոր հայկական միութիւններու եւ կազմակերպութիւններու անդամները: Լսելէ ետք կաթողիկոսական փոխանորդին ներածականը՝ միութիւններու եւ կազմակերպութիւններու աշխոյժ գործունէութեան մասին, հայրապետը իր ուրախութիւնը յայտնեց, որ հոգեւոր, մշակութային, բարեսիրական ու մարզական բնագաւառներէ ներս, թեմական կառոյցները եւ միութիւնները կը շարունակեն իրենց առոյգ [...]

ԿԼԵՆՏԷՅԼ.- Կիրակի, Մայիս 27ն տօնն է Հոգեգալստեան, որ այս տարի կը զուգադիպի Հայաստանի անդրանիկ հանրապետութեան հիմնադրութեան տօնի՝ Մայիս 28ի, նախօրեակին։
Զոյգ տօներուն առիթով, Կիրակի, Մայիս 27ին, Ս. պատարագ եւ համապատասխան արարողութիւններ տեղի պիտի ունենան Արեւմտեան թեմի բոլոր եկեղեցիներուն մէջ։ Տնօրինութեամբ առաջնորդ Մուշեղ արք. Մարտիրոսեանի, յընթացս Ս. պատարագի տեղի պիտի ունենայ Հանրապետական մաղթանք եւ հայկական Եռագոյն դրօշի [...]

ԿԼԵՆՏԷՅԼ.- Քալիֆորնիոյ համալսարանի Լոս Անճելըսի մասնաճիւղի (UCLA) Հայագիտական ուսմանց ամպիոնի բարեկամներու ընկերակցութիւնը կը տեղեկացնէ, թէ Չորեքշաբթի, Մայիս 30ին, երեկոյեան ժամը 7ին, Կլենտէյլի հանրային գրադարանի սրահին մէջ (222 East Harvard Street, Glendale, CA 91205) տեղի պիտի ունենայ ամպիոնի չորս աւարտական ուսանողներու ուսումնասիրութեանց հանրային ներկայացումը:
Հետեւեալ չորս ուսանողները պիտի ներկայացնեն իրենց ուսումնասիրութիւնները. Շուշան Կարապետեան (Հայերէնի օգտագործման եւ դասաւանդման [...]

«Ֆերահեան» ազգ. վարժարանէն ներս Մայիս ամիսը յատկանշուեցաւ Ամերիկայի Հայ Դատի յանձնախումբին կազմակերպած Թելեթոնով, որ տեղի ունեցաւ Կիրակի, Մայիս 20, 2012ին: Նոյնը կատարուեցաւ նաեւ «Գապայեան» նախակրթարանէն եւ «Աշխէն Փիլաւճեան» մանկամսուրէն ներս: Մեծ ու փոքր, իրենց կարելիութեան չափով պիտի նպաստէին Թելեթոնին:
Ինչպէս գաղութը, նոյնպէս եւ «Ֆերահեան»ի ծնողները, իրենց նուիրատուութիւններով մասնակցեցան դրամահաւաքին: Հայ Դատի ամիս ըլլալու կողքին, Մայիս ամիսը [...]

ԿԼԵՆՏԷՅԼ.- Արեւմտեան թեմի առաջնորդ Մուշեղ արք. Մարտիրոսեան ու Ազգ. վարչութիւնը կը յայտարարեն, թէ ուսումնական յառաջիկայ տարեշրջանին համար, դիմումնագիրներ պիտի ընդունին «Յարութ Պարսամեան հայ ուսանողներու կրթաթոշակ»ին համար։
Հիմնադրամը հաստատուած է փրոֆ. Յարութ Պարսամեանի կողմէ, աջակցելու համար հայ ուսանողներու, որոնք կը փափաքին բարձրագոյն ուսման տիրանալ Միացեալ Նահանգներու որեւէ վարկաւորուած համալսարանի կամ քոլեճի մէջ։ Տնօրինումները կը կատարուին այս հիմնադրամի [...]

Լոս Անճելըսի մօտ Հայաստանի գլխաւոր հիւպատոսութիւնը կը տեղեկացնէ, թէ աշխարհահռչակ սոփրանօ Յասմիկ Պապեան համերգ մը կազմակերպած է՝ գործակցութեամբ «Artists for kids» կազմակերպութեան. համերգը տեղի պիտի ունենայ Փասատինայի «Ambassador» դահլիճին մէջ, Ուրբաթ, Յունիս 22ին, երեկոյեան ժամը 8ին:
Յասմիկ Պապեան երգի ասպարէզը սկսած է Ա. Սպենդիարեանի անուան թատրոնին մէջ, ապա հրաւիրուած է Պոննի եւ Տիւսելտորֆի օփերայի թատրոններուն կողմէ՝ [...]

Ֆլորիտայի «Ճեքսընվիլ» թերթը կը հաղորդէ, թէ Սահակ Թումանեան անունով հայ մը, Հինգշաբթի, Մայիս 17ին, ֆլորտիայի ատեաններէն մէկուն մէջ հինգ տարուան բանտարկութեան դատապարտուեցաւ, պետական «Մետիքեր» առողջապահական ապահովագրական ցանցը շահագործելու յանցանքով։
Ան, իր կնոջ հետ միասին, ապօրինի միջոցներով բնակութիւն հաստատած էր Լոս Անճելըսի մէջ: Բանտարկութեան աւարտէն ետք, ան մեծ հաւանականութեամբ պիտի արտաքսուի երկիրէն, ինչպէս նաեւ 309,000 տոլար պիտի [...]

ԵՐԵՒԱՆ, «Արմէնփրէս».- Ամերիկահայ ճատրակի վարպետ Վարուժան Յակոբեան, վերջին՝ 11րդ հանգրուանին, սեւ քարերով յաղթանակ մը արձանագրեց Կրեկըրի Քայտանոյի դէմ, ու մրցաշարքին ընթացքին ապահոված իր կէտերուն գումարը հասցնելով 6ի՝ գրաւեց 4րդ դիրքը Սենթ Լուիսի մէջ աւարտած Միացեալ Նահանգներու ճատրակի ազգային ախոյեանութեան մէջ:
Առաջնութիւնը խլեց Հիքառու Նաքամուրա՝ 8.5 կէտ ապահովելով, իսկ 7 կէտ ապահոված Կաթա Քամսքի հանդիսացաւ երկրորդ:
Յակոբեան Ամերիկայի [...]

Թուրքիոյ Էրտիլ քաղաքի վարժարաններէն մէկուն մէջ իրականացած մրցոյթի մը ընթացքին, հայ հօր եւ թուրք մօր դուստրը ազգային պատկանելութեան մասին շարադրութիւններու մրցոյթին արժանացած է գլխաւոր մրցանակին:
Ըստ թրքական «Աքշամ» օրաթերթին՝ շարադրութիւնը հրապարակուած է ԱՄՆի Հայոց Ցեղասպանութեան հետազօտութիւններու կեդրոնի «Հայ ըլլալը Թուրքիոյ մէջ» (To be Armenian In Turkey) պլակին մէջ:
«Անունս Քլարա է, մականունս՝ Եթերօղլու: Որքան կը յիշեմ՝ մէկ [...]

ՓԱՐԻԶ.- Անցեալ շաբաթ, պոլսահայ թերթերը ընդվզումի աղմուկ բարձրացուցին, թրքական «Հիւրրիյէ»չ թերթի Մայիս 7ի թիւին մէջ հայ համայնքը հետաքրքրող լրատուութիւն մը լոյս տեսնելէ ետք: Անիկա կը վերաբերէր Պոլսոյ հայոց պատրիարքարանէն ներս տեղի ունեցած ընդունելութեան մը, որմէ տեղեակ պահուած չէր հայ մամուլը: Լրատուութեան առանձնաշնորհը վայելած թրքական մամուլն էր, որուն դէմ թրքահայութիւնը «պոյքո»չի շարժումի մը ձեռնարկած էր, անոր [...]

ՓԱՐԻԶ.- Ֆրանսայի նոր կառավարութեան նշանակումէն եւ արդարադատութեան նախարարութեան աթոռին Քրիսթին Թոպիրայի հաստատուելէն ետք, որոշ մտավախութիւններ ծագած են ֆրանսահայ շրջանակներուն մէջ:
Վերջին տարիներուն, Ֆրանսայի մէջ հետզհետէ կը հզօրանայ թրքական լոպին. բազմաթիւ առիթներով ունեցանք ատոր փաստը: Վերջին շրջանին, այդ լոպիին ամէնէն յիշատակուող անունը դարձաւ Տեմիր Էօնկեր, որ Փարիզի «Անատոլու» թուրք մշակոյթի միութեան նախագահ եւ Ֆրանսայի թրքական ընկերակցութիւններու ներկայացուցիչն [...]

ԵՐԵՒԱՆ, «Արմէնփրէս».- Վիեննայի մօտ Հայաստանի դեսպանութեան մէջ Մայիս 19ին տեղի ունեցած է Հայոց Ցեղասպանութեան 100րդ տարելիցին նուիրուած ձեռնարկները համակարգող Աւստրիոյ մէջ ձեւաւորուած յանձնաժողովի անդրանիկ լիագումար նիստը: Նիստը կը վարէր Աւստրիոյ մէջ Հայաստանի դեսպան Արման Կիրակոսեանը:
ՀՀ արտաքին գործոց նախարարութեան մամլոյ եւ հասարակութեան հետ կապերու վարչութենէն կը տեղեկանանք, որ նիստին ներկայ էր Հայաստանի Հայկական Ցեղասպանութեան 100րդ տարելիցին [...]

Քնար եւ Միշա Ազնաւուրեաններու ընտանիքին մէջ 88 տարի առաջ ծնած է Վաղինակ Ազնաւուրեանը, որ տարիներ ետք իր արուեստով պիտի դիւթէր միլիոնաւոր մարդիկ:
60 տարիներէ աւելի է, որ Ազնաւուրի երգերը թռիչք կը կատարեն ամբողջ աշխարհի մէջ, 60 տարիներէ ի վեր սերունդներ ապրած են Ազնաւուրի երգերով:
Ազնաւուր շուրջ 1000 երգերու հեղինակ է, ու իր ապրած 88 տարիներու բարձունքէն տեսած [...]

Ինչպէս ամէն տարի, այս տարի եւս, Կիրակի, Ապրիլ 29ին, Միշըն Հիլզի «Արարատ» տան «Տէօքմէճեան» սրահում տեղի ունեցաւ Հայոց Պատմութեան Ժամանակացոյցին նուիրուած զարգացման մրցում (Armenian History Timeline), որին մասնակցում էին հայկական բոլոր վարժարանների Ը. կարգի աշակերտները:
Յակոբ եւ Մերիլին Արշակունիների պատրաստած «Armenian History Timeline» հատորի հիման վրայ կազմակերպուող այս մրցոյթի համար, ամիսներով պատրաստուել էին Ռոզ եւ Ալէք [...]

Չորեքշաբթի, Մայիս 2, 2012ին, Ռոզ եւ Ալէք Փիլիպոս Ազգային վարժարանի աշակերտ-աշակերտուհիներէն միայն մի քանին ընտրուած էին իրենց լաւագոյն պարբերութիւնները ներկայացնելու համար: Մենք առիթը ունեցանք «Հորիզոն»ի ուղիղ սփռումի յայտագիրին մաս կազմելու եւ հարցազրոյցի մը ներկայ գտնուելու: Երբ անհամբեր կը սպասէինք, բոլոր ընկեր-ընկերուհիներուս աչքերուն մէջ տարբեր փայլք մը կար, եւ այդ փայլքը ոչ միայն զիս կը խանդավառէր, [...]

Հովանաւորութեամբ Լիբանանի մէջ Հայաստանի դեսպանատան, կազմակերպութեամբ Համազգայինի «Բ. Կանաչեան» երաժշտական քոլեճին եւ գործակցութեամբ Պէյրութի ամերիկեան համալսարանի հաղորդակցութիւններու գրասենեակին, Կիրակի, 20 Մայիսի երեկոյեան ժամը 7ին, Պէյրութի Ամերիկեան համալսարանի «Ըսեմպլի Հոլ»ին մէջ տեղի ունեցաւ դաշնակի ելոյթ մը՝ կատարողութեամբ Տաթեւիկ Արթինեանի, ներկայութեամբ արուեստագէտ եւ արուեստասէր հասարակութեան մը:
Ձեռնարկի սկզբնաւորութեան, ներկաները մէկ վայրկեան յոտնկայս լռութեամբ յարգեցին յիշատակը Համազգայինի «Քնար» պարախումբի [...]

ՄՈՍԿՈՒԱ.- Մոսկուայի մէջ պիտի բացուի հայկական դպրոց մը, որուն առաջին 4 դասարաններու աշակերտները պիտի սորվին հայոց լեզու, իսկ բարձր դասարաններուն մէջ հայերէնով պիտի դասաւանդուի հայ ժողովուրդի եւ հայոց եկեղեցւոյ պատմութիւնը:
«Էյ.Վի.Էյ.»ի (Կրուփ աֆ քոմփանիզ օյլ էնտ կազ) նախագահ Վլատիմիր Յարութիւնեան, Խաչատուր Աբովեանի անուան պետական մանկավարժական համալսարանին մէջ տեղի ունեցած «Ռուսիա՝ երէկ, այսօր, վաղը» թեմայով դասախօսութեան ընթացքին [...]

ԵՐԵՒԱՆ, «Արմէնփրէս».- Աւստրալիոյ Հայ Դատի յանձնախումբը կը յայտարարէ, որ յանձնախումբի գործադիր տնօրէնի պաշտօնը Վարանդ Մկրտիչեանէն փոխանցուեցաւ Վաչէ Ղահրամանեանի:
Վերջինս պաշտօնը ստանձնելու միջոցին յայտարարած է, որ յանձնախումբը տակաւին մեծ խնդիրներ կը դիմագրաւէ:
«Մեր խնդիրներէն կարեւորագոյնը Աւստրալիոյ մէջ Հայոց Ցեղասպանութեան հարցի տարածումն է եւ յոյսով ենք, որ ի վերջոյ կը հասնինք դրական արդիւնքի», ըսած է Ղահրամանեան:

ՊՈԼԻՍ.- Համացանցի շրջանակներէն ներս Կիրակի օրուընէ ի վեր կը շրջի լուր մը, որուն աղբիւրը անյայտ կը մնայ։ Ըստ այս լրատուութեան, Կետիկփաշայի բողոքականներու եկեղեցւոյ հոգեւոր հովիւ պատ. Գրիգոր Աղապալօղլուի կողմէ հաղորդուած է, թէ անցեալ շաբաթ կուսակալութեան երկու պաշտօնեաներ իրեն այցելութեան եկած են ու խիստ ոճով մը ազդարարած են, որ վերջ տրուի եկեղեցւոյ գետնայարկը, հայաստանցի ընտանիքներու զաւակներուն [...]

ՄՈՍԿՈՒԱ.- Ըստ «Երկրամաս»ի փոխանցած տեղեկութիւններուն՝ Մայիս 19ին կայացած Ռուսիոյ հայերու միութեան Քրասնոտար երկրամասի տարածաշրջանային մասնաճիւղի նախագահական ընտրութիւնը ընթացած է խայտառակ կերպով: Նախագահական պաշտօնի թեկնածու առաջադրուած են գործող նախագահ Ռազմիկ Գէորգեան եւ Քրասնոտարի քաղաքային Տումայի պատգամաւոր Վլատիմիր Մարեանեան:
«ՌՀՄի տեղական մարմնի ընդհանուր ժողովը շատ վատ է կազմակերպուել, անցել է նեարդային մթնոլոտում: Այս հաւաքներին նման քանակի սպառնալիքներ, վիրաւորանքներ, [...]

Համազգայինի Ճաշկերոյթ Եւ Մեծարանքի Երեկոյ
Համազգայինի Արեւմտեան Ամերիկայի Շրջանային վարչութիւնը, Կիրակի, Ապրիլ 29ի յետմիջօրէին, ժամը 5:30ից սկսեալ, տէր եւ տիկին Շահէ եւ դոկտ. Լենա Ասատուրեանների հայաշունչ բնակարանի մէջ ունեցաւ իր տարեկան ճաշկերոյթը, ուր պատուըւեցին եւ մեծարանքի արժանացան Համազգայնական ընտանիքի եւ հայ մշակոյթի երկարամեայ ծառայողներ եւ վաստակաւոր համազգայանականներ՝ Գուրգէն Գասապեան, Գաբրիէլ Ինճէճիկեան, Յովհաննէս Մանուկեան, Բաբգէն Սասունի, Վարուժան [...]

ԼԻՆՏԱ ԳԱՆՏԻԼԵԱՆ
Հայ Քոյրերու վարժարանը Երկուշաբթի, Ապրիլ 23ի ամբողջ օրը տրամադրած էր Ցեղասպանութեան 97ամեակի ոգեկոչման։ Առաւօտեան ժամը 9ին տեղի ունեցաւ աշակերտական Ս. պատարագ, բոլոր կարգերու աշակերտներուն մասնակցութեամբ. խորանին կը ծառայէին 7-8րդ դասարաններու աշակերտները, իսկ պատարագիչն էր Կլենտէյլի Հայ կաթողիկէ Ս. Գրիգոր Լուսաւորիչ եկեղեցւոյ ժողովրդապետ հայր Գրիգոր Շահինեան։ Պատարագը վերջ գտաւ նահատակներու յիշատակին ցօնուած շարականներու երգեցողութեամբ։
Պատարագին յաջորդեց [...]

ՄԱՅՏԱ ԲԱԲՈՒՄԵԱՆ
Հայ ժողովուրդի դէմ գործադրուած Ցեղասպանութեան արարքի հետեւանքներն ու անոր պատճառով մեր հոգիներուն վրայ ծանրացած ու անոնց առթած զգացումները, 97 տարիներ տանջած են եւ դեռ կը տանջեն մեզ բոլորս, անխտիր, ու կը մղեն մեզ առնուազն տարին անգամ մը ոգեկոչելու զոհերուն յիշատակը ու անով իսկ՝ ամրապնդելու մեր գոյատեւման կամքը։
Սահակ-Մեսրոպ Հայ քրիստոնեայ վարժարանի Ցեղասպանութեան 97ամեակի ոգեկոչումը կայացաւ [...]

Ա. Ե.
Զուիցերիոյ Հայ Օգնութեան Միութեան պատասխանատու ընկերուհիները մտածումը ունեցան կազմակերպելու, Ապրիլ ամսուան ընթացքին, Հայկական Ցեղասպանութեան նուիրուած երկու ձեռնարկներ, որոնք ունէին մէկ կողմէ Հայ Դատի պահանջատիրութեան գծով տարուող աշխատանքներուն ծանօթանալու բնոյթ, իսկ միւս կողմէ կ՛առաջադրէին իբրեւ հայուհիներ խօսիլ, ընդգծե՛լ հայ կնոջ դերը Սփիւռքի մէջ, նաեւ առիթ էին անդրադառնալու, թէ ի՞նչ կը սպասուի սփիւռքահայ կնոջմէ, մանաւանդ՝ ի՞նչ [...]

ԱՆԹԻԼԻԱՍ.- Երեքշաբթի, 15 Մայիսին, Թեհրանի Հայ կաթողիկէ համայնքի առաջնորդ Նշան արք. Քարաքեհէեան այցելեց վեհափառ Արամ Ա. հայրապետին։ Ան բարի գալուստ մաղթեց վեհափառին եւ հրաւիրեց զայն այցելելու Հայ կաթողիկէ համայնքի առաջնորդարանը։
Յաջորդ օրը, վեհափառը Թեհրանի ու Սպահանի առաջնորդ սրբազաններուն, միաբան հայրերուն եւ ազգային իշխանութեան ներկայացուցիչներուն ընկերակցութեամբ, այցելեց Հայ կաթողիկէ առաջնորդարանը։
Եկեղեցւոյ մուտքին, հայրապետը դիմաւորուեցաւ գերապայծառին կողմէ եւ առաջնորդուեցաւ [...]

ՊՈՒԷՆՈՍ ԱՅՐԵՍ.- Պուէնոս Այրեսի մէջ տեղի ունեցած Գիրքի 38րդ միջազգային ցուցահանդէսին, ուր առանձին տաղաւարով ներկայացուած էր Հայաստանը, 1 Մայիսին նշուեցաւ Հայաստանի Հանրապետութեան օրը:
Օրուան կեդրոնական ձեռնարկը, որ կը վայելէր Արժանթինի մէջ Հայաստանի Հանրապետութեան դեսպանութեան հովանաւորութիւնը, տեղի ունեցաւ «Խօսէ Ֆերնանտեզ» սրահին մէջ: Ընթացքին ելոյթ ունեցան Հայաստանի Հանրապետութեան դեսպանութեան խորհրդական Յ. Եակոբեանն ու Պուէնոս Այրես քաղաքի մշակոյթի նախարար [...]

ԱԹԷՆՔ.- Կիրակի, 13 Մայիսին, Գոմոթինիի եկեղեցւոյ կից գտնուող մշակութային սրահէն ներս գումարուեցաւ Թրակիոյ եւ Մակեդոնիոյ Հայ Գթութեան Խաչի 42րդ Պատգամաւորական ժողովը, ի ներկայութիւն ՀՕՄի Կեդրոնական վարչութեան անդամուհի Լիզա Աւագեանի, ՀԳ Խաչի հինգ մասնաճիւղերէն ժամանած պատգամաւորներու, Շրջանային վարչութեան անդամուհիներու եւ հիւրերու:
Ժողովը հանգամանօրէն անդրադարձաւ Հայ Գթութեան Խաչի բարեսիրական, խնամատարական, կրթական բազմակողմանի գործունէութեան երեսներուն, քննարկեց անցնող տարեշրջանի աշխատանքներու [...]

ՀՄԸՄի Շրջ. վարչութեան գրասենեակէն կը հաղորդեն, թէ ՀՄԸՄի Արեւմտեան Միացեալ Նահանգներու Շրջանային վարչութիւնը, բարձր գնահատելով ծանօթ ՀՄԸՄական Մարօ Քէշիշեանի ծառայայութիւնը ՀՄԸՄի ընտանիքէն ներս՝ անոր կը շնորհէ «Տիպար ՀՄԸՄական» տիտղոսը:
Մարօ Քէշիշեան ծնած է Լիբանանի հայակական Այնճար գիւղը, ազգանուէր ընտանեկան յարկի մը տակ: Ան երրորդ զաւակն է Վահան եւ Սիրանոյշ Քէշիշեաններու եօթը զաւակներուն:
Նախակրթարան եւ միջնակարգ ուսումը ստացած [...]

ԼՈՍ ԱՆՃԵԼԸՍ.- Քալիֆորնիոյ խորհրդարանի 46րդ ընտրատարածքի աթոռին իր թեկնածութիւնը առաջադրած Ատրին Նազարեան, վերջերս ապահոված է Քալիֆորնիոյ եւ Լոս Անճելըսի համալսարանական դասախօսներու շարք մը միութիւններու աջակցութիւնը:
Նազարեանի ընտրապայքարին նեցուկ կանգնելու յայտարարութիւններ կատարած են Քալիֆորնիոյ նահանգային համալսարաններու ուսուցիչներու եւ անձնակազմի միութիւնը, Քալիֆորնիոյ համայնքային համալսարաններու դասախօսներու միութիւնը, ինչպէս նաեւ Լոս Անճելըսի համալսարանի դասախօսներու միութիւնը:
Նազարեան Լոս Անճելըսի քաղաքապետական խորհուրդի անդամ [...]

Բարձր հովանաւորութեամբ թեմի առաջնորդ Մուշեղ արք. Մարտիրոսեանի, Քրեսենթա Հովիտի Հայաստանեայց առաքելական Ս. եկեղեցին ճաշկերոյթով մը նշեց եկեղեցւոյս հիմնադրութեան եօթներորդ տարեդարձը, որուն ընթացքին նաեւ պատուեց Արտակ քհնյ. Տէմիրճեանը՝ իր վեց տարիներու անսակարկ ծառայութեան համար:
Ձեռնարկը տեղի ունեցաւ Շաբաթ, Ապրիլ 14, 2012ին, Ս. Աստուածածին եկեղեցւոյ «Արմենակ Տէր Պետրոսեան» սրահին մէջ: Բացման խօսքը եւ հանդիսավարութիւնը ձեռնհասօրէն կատարեց Պերճ Ալեքսանեան: [...]

ԼՈՍ ԱՆՃԵԼԸՍ.- Արուեստներու նուիրուած «Bureau of Arts and Culture» թերթին նախաձեռնութեամբ եւ գործակցութեամբ «Ապրիլ» գրատան, Կիրակի, Մայիս 20ին, կ.ե. ժամը 3էն մինչեւ երեկոյեան ժամը 7 կազմակերպուած է գրական գործերու ընթերցումներու շարք մը՝ Մայիս 5-20ի միջեւ տեղի ունեցած եւ Լոս Անճելըսի մէջ ապրող տարբեր ազգութեանց արուեստագէտներու ստեղծագործութեանց խմբային ցուցահանդէսին զուգահեռ:
Շարք մը հեղինակներու կողքին ելոյթ պիտի ունենան [...]

Ուրբաթ, Յունիս 1ին, «Սթեֆընիզ» ցուցադրասրահին մէջ տեղի պիտի ունենայ Լոս Անճելըս հաստատուած արուեստագէտ ու ճարտարագէտ Գօգոյի ստեղծագործութիւններու ցուցահանդէսին բացումը, երեկոյեան ժամը 6էն 10ի միջեւ:
«Շուքի մէջ» խորագրուած ցուցահանդէսը, որուն ընթացքին պիտի ցուցադրուին իւղաներկ գործեր եւ քանդակներ, բաց պիտի մնայ մինչեւ Օգոստոս 25: Արուեստագէտը ներկայ պիտի ըլլայ ցուցահանդէսի առաջին երկու օրերուն:
«Սթեֆընիզ» ցուցադրասրահին հասցէն է՝ 466 Foothill Blvd. [...]

ԿԼԵՆՏԷՅԼ.- «Շամլեան» Ազգ. վարժարանի Հայկական ակումբի գործունէութեան մաս կը կազմէ աշակերտական մրցումներու կազմակերպումը:
Այս տարեշրջանին, վարչութիւնը կազմակերպեց երկու մրցոյթներ, որոնք տեղի ունեցան Չորեքշաբթի, Մայիս 9ին, վարժարանիս հանդիսասրահին մէջ: Մրցումներուն նպատակն էր տարիներու ընթացքին մեր հարուստ մշակոյթին եւ պատմութեան մասին ամբարած գիտելիքները վերյիշել, ինչպէս նաեւ մեր նախնիներու իրագործումներով հպարտանալու ու ներշնչուելու առիթ ընծայել աշակերտներուն:
Առաջին մրցումը տեղի ունեցաւ [...]

ԿԼԵՆՏԷՅԼ.- Հինգշաբթի, Մայիս 10ին, Կլենտէյլի «Օքմոնթ Քուանթի» ակումբին մէջ տեղի ունեցած հաւաքոյթի մը ընթացքին, Կլենտէյլ քաղաքի Կանանց յանձնաժողովը մեծարեց քաղաքի չորս կիներ՝ զանոնք նկատելով «Կլենտէյլի գոհարներ»:
8րդ տարեկան այս հաւաքին ընթացքին մեծարեալներէն մէկն էր Քրիսթին Յովնանեանը, որ իր ելոյթին ընթացքին նախ շնորհակալութիւն յայտնեց յանձնաժողովին՝ իրեն տրուած այս պատիւին համար, ապա յատուկ շնորհակալութիւն յայտնեց իր «երկրորդ ընտանիք»ին՝ [...]

ԿԼԵՆՏԷՅԼ.- Դարձեալ Մայիսի առաջին շաբաթավերջն էր: Մեծ եռուզեռի մէջ էր Կլենտէյլի «Սիվիք» հանդիսասրահը: Հեռուէն արդէն հայկական երգն ու պարեղանակները կը լսուէին՝ անցորդներուն հետաքրքրութիւնը շարժելով: Դարձեալ ոտքի էր շրջանի ՀՕՄի մեծ ընտանիքը՝ իր ղեկավարութեամբ ու անդամներով: Հայկական մշակոյթի եւ աւանդութիւններու ծանօթացման տօն էր դարձեալ, որ հանրութեան կը հրամցուէր ՀՕՄի Շրջանային վարչութեան կազմակերպած 11րդ փառատօնին ընդմէջէն, 5 [...]

ՆՈՒՊԱՐ ՏԷՄԻՐՃԵԱՆ
Հովանաւորութեամբ Սան Ֆրանսիսքոյի ՀՅԴ «Քրիստափոր» կոմիտէութեան, կազմակերպութեամբ շրջանի Համազգայինի «Ն. Աղբալեան» մասնաճիւղին, վաստակաշատ պատմաբան ու քաղաքական գործիչ Երուանդ Փամպուքեանի «Նիւթեր ՀՅԴ Պատմութեան Համար»ի 8րդ հատորի ներկայացումը տեղի ունեցաւ Կիրակի, Մայիս 6ի յետմիջօրէին, ժամը 2:30ին, «Վասպուրական» սրահին մէջ:
Հանդիսութեան ներկայ էին Ս. Գրիգոր Լուսաւորիչ եկեղեցւոյ հոգեւոր հովիւ Խորէն Ա. քհնյ. Հապէշեան, ՀՅԴ «Քրիստափոր» կոմիտէութեան ներկայացուցիչ Հրայր [...]

ՊՈԼԻՍ.- Թրքական «Սթար» թերթի աշխատակից Նեշէ Սարըտողանի ստորագրութեամբ հրատարակուած լրատուութեան մը համաձայն, 80ամեայ Ֆաթմա Եավուզ նամակ մը ղրկած է Տերսիմի յանձնախումբին եւ պահանջած է որ գրաւոր կերպով ներողութիւն խնդրուի իրմէ, քանի որ ինք հայկական ծագում ունենալով հանդերձ Տերսիմի պատահարներէն վերջ փոքրիկ տարիքէն խլուած էր ընտանիքէն ու անկէ ետք ստրուկի վերաբերում տեսած էր ամբողջ կեանքի մը [...]

ԱՆԹԻԼԻԱՍ.- Երեքշաբթի, 15 Մայիսի կէսօրէն ետք, Արամ Ա. կաթողիկոս ընկերակցութեամբ Թեհրանի հայոց թեմի առաջնորդ Սեպուհ արք. Սարգիսեանի, Սպահանի հայոց թեմի առաջնորդ Բաբգէն եպս. Չարեանի, հոգեւոր հայրերու, եւ ազգային մարմիններու ներկայացուցիչներու, այցելեց Թեհրանի Սարտարապատ քաղաքամասի Սրբոց Վարդանանց եկեղեցի, ուր համախմբուած էր քաղաքամասի հաւատացեալ ժողովուրդը:
Եկեղեցւոյ զանգերու ղօղանջով եւ հաւաքուած հոծ բազմութեան ծափողջոյններով դիմաւորուելէ ետք, վեհափառ հայրապետը եկեղեցւոյ [...]

ՇԸՐՄԸՆ ՕՔՍ.- «Մերտինեան» վարժարանի 30ամեակին նուիրուած ձեռնարկներու ծիրէն ներս, Շաբաթ, Ապրիլ 14ին տեղի ունեցած է այս յատկանշական տարեդարձին նուիրուած աշակերտական ձեռնարկ մը, որ նաեւ առիթ մը հանդիսացած է աշակերտներուն՝ իրենց տաղանդը ցուցադրելու վարժարանի մեծ ընտանիքին եւ բարեկամներուն:
Ձեռնարկը կազմակերպած յանձնախումբի ատենապետուհին էր Աշխէն Իսբեճեան, անդամներն էին՝ Թալին Պարսումեան, Սարին Գազանճեան ու Սօսի Մահսէրէճեան, իսկ ձեռնարկի հանդիսավարն [...]

ԿԼԵՆՏԷՅԼ.- Առաջնորդ Մուշեղ արք. Մարտիրոսեան Ուրբաթ, Մայիս 11ի յետմիջօրէին ընդունեց այցելութիւնը Քալիֆորնիոյ հայ երիտասարդաց միութեան վարչութեան ներկայացուցիչներուն:
Վարչութեան ներկայացուցիչները Ազգ. առաջնորդարան եկած էին՝ սրբազանը շնորհաւորելու համար վերընտրութեան առիթով։ Անոնք ընդհանուր գիծերու մէջ տեղեկութիւններ փոխանցած են միութեան աշխատանքերուն ու ծրագիրներուն մասին, յատկապէս՝ ուրախութեամբ անդրադառնալով երգչախումբի ելոյթներուն։
Առաջնորդը բարձր գնահատած է միութեան գործունէութիւնը եւ անոր նուիրեալները, որոնք կը ծառայեն [...]

ՍԱԼԲԻ ԷԴԳԱՐԵԱՆ
Կիրակի, Ապրիլ 22ին, Ռաֆֆի Համբարեան հիւր բանախօսն էր Քրեսենթա հովիտի Հայց. առաքելական եկեղեցւոյ։ Ան հրաւիրուած էր դաստիարակչական յանձնախումբին կողմէ, բարեպաշտներուն տեղեկացնելու 21րդ դարուն ամերիկահայերու դիմագրաւած հարցերը եւ հայ ժողովուրդին ընծայուած առիթները։
Լորի Մանճիքեան ծանօթացուց Ռաֆֆի Համբարեանը՝ իբրեւ Արեւմտեան Ամերիկայի Հայ Դատի յանձնախումբի գործունեայ անդամ, որ նուիրուած է հաւատարմօրէն ծառայելու իր ազգին։
Համբարեանի բացման խօսքը եղաւ այն, [...]

Զորեքշաբթի, Մայիս 9ի յետմիջօրէին, առաջնորդ Մուշեղ արք. Մարտիրոսեան Ազգ. առաջնորդարանի «Սիւլահեան» սրահին մէջ ընդունեց այցելութիւնը «Նոր æուղայի բարեկամներ» յանձնախումբի վարչութեան, որ եկած էր սրբազանը շնորհաւորելու վերընտրութեան առիթով։ Յանձնախումբը կը գործէ առաջնորդարանի հովանիին տակ։
Ողջունելով հիւր վարչականները՝ առաջնորդը շնորհակալութիւն յայտնեց այս այցելութեան ու արտայայտուած բարեմաղթութեանց համար։
Հիւր վարչականները ընդհանուր գիծերու մէջ առաջնորդին հաղորդեցին այս միաւորի ծրագիրներուն մասին։ Սրբազանը, [...]

Կը խնդրուի խաչբառը քիչ մը դիւրացնել, որովհետեւ անիկա շատ դժուար է, մանաւանդ անոր համար, որ այս «զբօսանք»ը ընողները (գրեթէ բոլորը) 65էն վեր տարեցներ են, որոնք քիչ մը ցրուիլ կ՛ուզեն այս stress-ով լի խայտառակ երկրին մէջ: Շատ աւելի լաւ պիտի ըլլայ (կարելիի սահմաններուն մէջ) եթէ հայոց պատմութեան եւ Հայաստանի վերաբերեալ բառեր ալ ըլլան. անով գոնէ, ինչպէս [...]

ԱՆԹԻԼԻԱՍ.- Երկուշաբթի, 14 Մայիսի առաւօտուն, իսլամական մշակոյթի եւ հաղորդակցութեան կազմակերպութեան կեդրոնին մէջ կայացաւ քրիստոնեայ-իսլամ երկխօսութեան 5րդ համագումարը՝ յաջորդական նիստերով:
Բացման եւ բոլոր նիստերուն նախագահեց Արամ Ա. կաթողիկոս Մեծի Տանն Կիլիկիոյ: Բացման նիստին նախագահեցին եւ ելոյթներով հանդէս եկան նաեւ Կեդրոնի ուսուցման եւ գիտահետազօտման հարցով օգնական դոկտ. Մոհամմետ Թեհշիրի, Թեհրանի հայոց թեմի առաջնորդ Սեպուհ արք. Սարգիսեան, իսլամական դաւանանքներու [...]

ԱԹԼԱՆԹԱ.- Աթլանթայի նահանգապետարանի, Ապրիլի 24ի հաւաքոյթին հայերու հետ մասնակցեցան եւ զեկոյցներով հանդէս եկան շարք մը քաղաքական գործիչներ, դատաւորներ, իրաւաբաններ, պետական պաշտօնեաներ:
Աւանդական բազմամարդ հաւաքի բացումը կատարեց իրաւաբան Վարդուհի Աղասարգիսեան-Ճինեանը, որ նախ շնորհակալութիւն յայտնեց հիւրերուն իրենց երկար տարիներու անսակարկ աջակցութեան եւ ներկայութեան համար, ներկայ հայ համայնքին, Ամերիկայի Հայ Դատի Աթլանթայի մասնաճիւղին, Ամերիկեան-Հայկական միութեան եւ բոլոր հայ համայնքի [...]

ՔԵՄՊՐԻՃ, «Մարմարա».- Յառաջիկայ 24 Մայիսին, Քեմպրիճի )Մեսեչուսեց) «Ռոյըլ Սոնեսթա» պանդոկի սրահներուն մէջ պիտի կայանայ ընդունելութիւն-ճաշկերոյթ մը, նուիրուած «Արմինիըն Միրըր Սփեքթէյթըր» շաբաթաթերթի հիմնադրութեան 80ամեակին։ Օրուան գլխաւոր բանախօսը պիտի ըլլայ Հայաստանի նախագահի աշխատակազմի ղեկավար Վիգէն Սարգսեան։
Ձեռնարկի ընթացքին երկարամեայ ծառայութիւններու համար սահմանուած մրցանակ մը պիտի շնորհուի «Պենթլի» համալսարանի վերատեսուչ եւ պատուակալ նախագահ, տոքթ. Կրեկըրի Ադամեանին, իսկ «գերազանցութեան» համար [...]

«ԱՆՑԵԱԼԸ ԱՊԱԳԱՅԻ ՀԻՄՆԱՔԱՐՆ Է»
Եղբայր Զաքար Չորպաճեան ՀՄԸՄին անդամակցած է 1945ին, իբրեւ երէց սկաուտ: Երկու տարի իր բնակած Թրատի շրջանին մէջ (Պուրճ Համուտ) սկաուտ խմբապետի պաշտօնը վարելէ
ետք, 1950ին ան ընտրուած է ՀՄԸՄի Պուրճ Համուտի մասնաճիւղի վարչութեան անդամ: 25 Տարիներ շարունակ Չորպաճեան մաս կազմած է մասնաճիւղի ֆութպոլի խումբերու յանձնախումբերուն եւ իր կարեւոր ներդրումը ունեցած է անոնց արձանագրած [...]

Ինձ համար հերթական անգամ զարմանալի էր Հանրապետութեան նախագահի արած վերջերս յայտարարութիւնն այն մասին, թէ Հայաստանի Հանրապետական կուսակցութիւնը պահպանողական կուսակցութիւն է: Մենք լսել էինք, որ այսօր իշխող այդ կուսակցութիւնը հաւատարմօրէն որդեգրել է Նժդեհական գաղափարախօսութիւնը եւ Հայաստանի այն հազուագիւտ կուսակցութիւններից է, որ գաղափարախօսութիւն ունի: Այդ գաղափարախօսութեան հեղինակը թէ՛ իր ապրած կեանքով, թէ՛ իր գործերով եւ թէ՛ իր [...]

Կիրակի, Մայիս 20ի կ.ե. ժամը 1ին, փրոֆ. Փիթըր Քաուի հիւր բանախօսը պիտի ըլլայ Քրեսենթա Հովիտի Հայց. առաքելական եկեղեցւոյ, որ կը գտնուի 6252 Honolulu Ave. La Crescenta հասցէին, դասախօսելու համար «Հայկական թատրոնի ուրուագիծ մը» նիւթին մասին, Ամերիկայի Արեւմտեան թեմի Ազգ. առաջնորդարանի «Տիգրան եւ Զարուհի Տէր Ղազարեան» սրահէն ներս։
Փրոֆ. Քաուի ընդհանուր հայեացք մը պիտի նետէ հայկական թատրոնին [...]

ՆԱՆԷ ԱՒԱԳԵԱՆ
Ամերիկահայ յայտնի դիզայներ Մայլք Արամն իր նոր՝ հայկական Խաչքարի տեսքով աշխատանքը ներկայացրեց Լա Փերլա Գելրըրի խանութ-սրահում Մայիսի 2ին:
«Իմ նոր ստեղծագործութիւնը պատրաստել եմ սահմանափակ քանակով յատուկ Լա Փերլայի համար, որի հիմնադիրները՝ Սոնան եւ æեքը իմ վաղեմի ընկերներն են: Խաչքարը՝  Կենաց Ծառի նմանութեամբ խորհրդանշում է մեր ազգը», ներկայացրեց Մայքըլ Արամը: Տաղանդաւոր արուեստագէտը նշեց, որ ամէն անգամ [...]

ՊՈԼԻՍ.- Ըստ «Ակօս»ի, Տերսիմի մէջ այս տարի աոաջին անգամ ըլլալով կը կայանայ քաղաքապետարանին կողմէ կազմակերպուած մարդկային իրաւանց նիւթերով ֆիլմերու փառատօն մը, որ տեղի պիտի ունենայ 25-29 Մայիսին: Բացի ֆիլմերու ցուցադրութենէն, փառատօնի շրջագիծին մէջ պիտի կազմակերպուին նաեւ զրոյցներ եւ շրջակայքի պտոյտներ:
Սոյն փառատօնին խորհրդատուներու կարգին կը յիշուին Պինկէօլ Էլմաս եւ փրոֆ. Սելահատտին: 2010 եւ 2011 տարիներուն արտադրուած [...]

ՊԷՅՐՈՒԹ.- Կազմակերպութեամբ Համազգայինի «Բարսեղ Կանաչեան» երաժշտական քոլեճին, Ուրբաթ, 11 Մայիսին, երեկոյեան ժամը 8ին, «Վասպուրական» սրահին մէջ տեղի ունեցաւ քոլեճի կիթառահարներու համոյթին ելոյթը՝ ներկայութեամբ արուեստագէտներու, արուեստասէրներու, միութենականներու, ծնողներու եւ աշակերտներու:
Կիթառահարներու համոյթի գեղարուեստական ղեկավարն է քոլեճի կիթառի ուսուցիչ եւ կիթառահար Մկրտիչ Միքայէլեանը, որ վերամշակած է ելոյթին ներկայացուած ստեղծագործութիւնները:
Համոյթը ներկայացուց սպանական, պրազիլեան, ռուսական եւ այլ ստեղծագործութիւններ, ինչպէս՝ «Մորենիթա»ն, [...]

ՊԷՅՐՈՒԹ.- Կազմակերպութեամբ ՀՅԴ Լիբանանի Հայ Դատի մարմինին, Հինգշաբթի, 10 Մայիս 2012ին, կէսօրուան ժամը 12ին, «Յակոբ Տէր Մելքոնեան» թատերասրահին մէջ տեղի ունեցաւ Շուշիի ազատագրութեան 20ամեակի աշակերտական հանդիսութիւն:
Հայաստանի քայլերգի ունկնդրութենէն ետք, ՀՅԴ Լիբանանի Հայ Դատի մարմինին անունով խօսք առաւ Րաֆֆի Տէմիրճեան, որ յայտնեց, թէ հայութիւնը կը գտնուի դէմ յանդիման Շուշիի պատմական յաղթանակը պահպանելու մարտահրաւէրին, որ կը յաղթահարուի [...]

ՓԱՐԻԶ, «Նուվել տ՛Արմէնի».- Սուրիոյ Հոմս քաղաքին մէջ 57 տարեկան հայ մը՝ Րաֆֆի Քարճեան իր տան մէջ սպաննուած է անծանօթներու կողմէ: Ցայժմ Սուրիոյ հայ համայնքը՝ մասնաւորապէս Հալէպի մէջ կեդրոնացած, զերծ մնացած էր ըմբոստներու արիւնալի հարուածներէն: Երեքէն չորս հայեր մահացած էին պատահական պայթումներու հետեւանքով: Վերոնշեալ պայթումները ընդհանրապէս տեղի կ՛ունենան Հալէպի եւ Տամասկոսի մէջ:

ԵՐԵՒԱՆ.- Վրաստանի մայրաքաղաքին մէջ Կիրակի գիշեր փլուզուած է հայկական Ս. Նշան եկեղեցւոյ գմբէթը: Այս մասին «Թերթ.ամ»ին յայտնած է Թիֆլիսի հայկական համագումարի համակարգող, «Բազմազգ Վրաստան» հասարակական կազմակերպութեան նախագահ Առնոլդ Ստեփանեանը:
Ըստ Ստեփանեանի՝ Ս. Նշանը լրջօրէն տուժած է եւ շուրջ 2 ամիս առաջ Վրաստանի պատրիարքարանին հետ ձեռք բերուած է համաձայնութիւն մը, որպէսզի Վրաստանի իշխանութիւնները ամրապնդեն Ս. Նշանի պատերն [...]

ԱՆԹԻԼԻԱՍ.-  Շաբաթ երեկոյեան,  Արամ Ա. վեհափառը իր շքախումբով յաջորդաբար այցելեց Ս. Բեթղեհէմ, Ս. Աստուածածին, Ս. Յակոբ, Ս. Գէորգ եւ Ս. Ստեփանոս եկեղեցիները, ապա ազգային կրթահամալիրի սրահին մէջ հանդիպում մը ունեցաւ թեմի երիտասարդութեան հետ:
Յանուն երիտասարդութեան խօսք առաւ Սելին Ղարիպեան, որմէ ետք, առաջնորդ սրբազանը հակիրճ բացատրութեամբ մը հայրապետը իրազեկ դարձուց թեմի երիտասարդական կառոյցներուն ու անոնց գործունէութեան մասին:
Արամ [...]

ԱԹԷՆՔ.- Վերջերս Յունաստանի Հրետանային բարձրագոյն դպրոցին մէջ (Մեղալօ Փեւքօ) կայացած է ունկնդիր սպաներու աւարտական հանդիսաւոր արարողութիւնը, որուն մասնակցած են ՀՀ ԶՈՒ նորաւարտ 3 սպաներ՝ Թագւոր Կոջաբաշեան, Զօրայր Սահակեան, Գուրգէն Ղազարեան:
Վերջիններս 2011ի ամրան աւարտելով «Էվելփիտոն» ռազմական ակադեմիան՝ դարձած են Հրետանային դպրոց ընդունուած ՀՀ ԶՈւ առաջին ներկայացուցիչները:
Արարողութեան ընթացքին հանդիսաւոր կերպով աւարտական վկայականներ յանձնուած են սպաներուն: Դպրոցի պետ, [...]

Պրազիլահայ ճատրակիստ Արմէն Բրուտեան երկրորդ անգամ ըլլալով նուաճեց մինչեւ 18 տարեկաններու Պրազիլի ախոյեանի տիտղոսը։ Իսկ Գարի Կիրոյեան յաղթող հռչակուեցաւ Ֆրանսայի մինչեւ 16 տարեկաններու ախոյեանութեան մրցապայքարին։
Երկու ճատրակիստներն ալ այս յաղթանակներով հաստատեցին իրենց առաւելութիւնները տարեկիցներու նկատմամբ. անոնք, միաժամանակ, Ֆրանսայի ու Պրազիլի մէջ բաւական յաջող խաղարկութիւն ցոյց կու տան նաեւ աւագ տարիքի ճատրակիստներու մասնակցութեամբ մրցաշարքերուն։

ՀՈԼԻՎՈՒՏ.- Հարաւային Քալիֆորնիոյ հայ դեմոկրատներ կազմակերպութեան (SCAD) նախաձեռնութեամբ «Տաղլեան» մշակութային կեդրոնին մէջ տեղի ունեցած հաւաքոյթի մը ընթացքին, դեմոկրատ ղեկավարներ, քաղաքական գորիչներ եւ համակիրները առիթը ունեցան մեծարելու Արեւմտեան Հոլիվուտի քաղաքապետ Ճեֆրի Փրանկը՝ անոր շարք մը հայանպաստ քայլերուն համար:
Հաւաքի ընթացքին, քաղաքապետ Փրանկին յանձնուեցաւ Հարաւային Քալիֆորնիոյ հայ դեմոկրատներ կազմակերպութեան 2012ի «Ձայն» մրցանքը՝ հայութեան ձայնը առաւել լսելի դարձնելու անոր [...]

Ռոզ եւ Ալէք Փիլիպոս Ազգային վարժարանէն ներս, Հայ Դատի ամսուան աշխատանքներուն բացումը կատարուեցաւ պաշտօնական հանդիսութեամբ, Ուրբաթ, Ապրիլ 27, 2012ի առաւօտեան ժամը 8:30ին:
Վարժարանի բոլոր աշակերտները՝ մանկապարտէզէն 12րդ կարգ, հաւաքուեցան շրջափակ, մարզասրահին առջեւ լսելու եւ հասկնալու համար Հայ Դատի ամսուան կատարուելիք աշխատանքներուն մասին:
Հանդիսութեան բացումը կատարեց վարժարանիս բարձրագոյն կարգի աշակերտուհի Նազելի Էքիմեանը՝ աշակերտները առաջնորդելով աղօթքի ու հայկական եւ [...]

ՍՔԱՑՏԷՅԼ, Արիզոնա.- Հայց. եկեղեցւոյ Հիւսիսային Ամերիկայի Արեւմտեան թեմի 85րդ Թեմական պատգամաւորական ժողովի ծիրէն ներս, Հոգեւորականաց տարեկան համագումարը տեղի ունեցաւ Մայիս 3ին, Սքացտէյլի Ս. Աբգար Հայց. եկեղեցւոյ մէջ, նախագահութեամբ առաջնորդ Յովնան արք. Տէրտէրեանի, որ բացման աղօթքը կատարելէ ետք, ողջունեց թեմի հոգեւորականները եւ կատարեց Ս. գրային խորհրդածութիւններ:
Ժողովին ատենապետն էր Աւետիս քհնյ. Աբովեան, իսկ ատենադպիրը՝ Յովէլ քհնյ. Օհանեան: [...]

Սրանից իննսուն երկու տարի առաջ, Պարսկաստանի հիւսիս-արեւելեան նահանգ Խորասանի Մեշեդ քաղաքում լոյս աշխարհ եկաւ ապագայ վաստակաւոր բժիշկ-պրպտող դոկտոր Ալֆրետ Դանիէլեանը: Սկզբնական եւ միջնակարգ ուսումը ստանալուց յետոյ, տեղում, ընտանեօք փոխադրւում են մայրաքաղաք: Թեհրանում ընդունւում է տեղի համալսարանի բժշկական մասնագիտութեան բաժանմունքը, միաժամանակ՝ տեղական նորաբաց երաժշտանոցը: Մաս է կազմում նորակազմ սիմֆոնիկ նուագախմբին՝ ելոյթ ունենալով զանազան վայրերում: Իր երկու [...]

ԿԼԵՆՏԷՅԼ.- Համաձայն Արեւմտեան թեմի աւանդութեանց եւ հանդիսապետութեամբ առաջնորդ Մուշեղ արք. Մարտիրոսեանի, Հինգշաբթի, Մայիս 17ի առաւօտեան ժամը 10ին, Ս. պատարագ պիտի մատուցուի Կլենտէյլի Ս. Աստուածածին եկեղեցւոյ մէջ: Պիտի պատարագէ ու պիտի քարոզէ Էնսինոյի Ս. Նահատակաց եկեղեցւոյ հոգեւոր հովիւ Ռազմիկ քհնյ. Խաչատուրեանը:
Պատարագէն ետք, ժամը 11:30ին, առաջնորդ սրբազան հօր հովանա-ւորութեամբ եւ ներկայութեամբ, Ազգ. առաջնորդարանի Տիկնանց օժանդակ մարմինին կազմակերպութեամբ [...]

Երեւանի բնագիտութեան հիմնարկի վարիչ եւ Հայաստանի Անջրպետային ճառագայթային բաժանմունքի պետ փրոֆ. Աշոտ Չիլինկարեան Ապրիլ ամսուան ընթացքին հրաւիրուած էր Իտալիոյ մէջ գտնուող Եւրոպական անջրպետային հիմնարկի կեդրոնատեղին, մասնակցելու համար խորհրդաժողովի մը, որուն ընթացքին ան առիթը ունեցած է ծանօթանալու իտալական «Աճիլ» անջրպետային արբանեակին հնգամեայ ուսումնասիրութեան մանրասնութեանց:
Այս առիթով, փրոֆ. Աշոտ Չիլինկարեան նաեւ միջազգային անջրպետագէտներու ներկայացուցած է Արագած լերան վրայ [...]

ՊՈՍԹԸՆ.- Յատուկ հաղորագրութեամբ մը, կը տեղեկանանք թէ, այս տարի, յաջորդաբար 61րդ անգամն ըլլալով պիտի նշուի «Պոսթըն Փափս»ի հայկական յատուկ երեկոն, հանրածանօթ «Սիմֆընի Հալ» սրահին մէջ:
Այս տարուան հայրենի արուեստագէտն է՝ Նարեկ Յարութիւնեան (քլարինէթ), որ պիտի ներկայացնէ Վիթորիօ Մոնթիի հռչակաւոր «Չարտաս» գործը, Կոմիտասի «Կռունկ»ը եւ ճեզ հանրածանօթ աւագասրնգահար Արթի Շոյի «Համանուագ»ը:
19 գարուններ բոլորած Նարեկ Յարութիւնեան երկու տարի [...]

ՊԱՐՍԵԼՈՆԱ.- Սպանիոյ Հայ Դատի յանձնախումբը կը տեղեկացնէ, որ Պարսելոնայի Սանթա Քալոմա Տէ Կրամենեթ քաղաքի խորհուրդը Մայիս 4ին, միաձայնութեամբ բանաձեւ մը ընդունած է՝ դատապարտելով Թուրքիոյ կողմէ հայերու դէմ գործադրուած Ցեղասպանութիւնը:
Խորհուրդին նիստին ներկայ էին Սպանիոյ մէջ գործող հայ կազմակերպութեանց ներկայացուցիչները եւ անդամները, որոնք բարձրացուցած էին Ցեղասպանութենէն նկարներ եւ պաստառներ: Բանաձեւը քուէարկուած է խորհուրդը կազմող բոլոր կուսակցութիւններուն կողմէ:
Բանաձեւի [...]

ՓԱՐԻԶ.- Ուրբաթ, Ապրիլ 20ին, Շաւիլի Ս. Գրիգոր Լուսաւորիչ եկեղեցւոյ Կրօնական ընկերակցութիւնը կը հիւրասիրէր «Ֆրանսա-æաւախք» միութիւնը, ներկայացնելու համար Վրաստանի հայկական տարածքներու ներկայ իրավիճակը եւ տարած գործունէութիւնը:
Նախ, ուշադիր բազմութիւն մը ունկնդրեց Շաւիլի հոգեւոր հովիւ Գուրգէն վրդ. Աղապապեանի æաւախքի մասին կատարած պատմականը, նախաքրիստոնէական շրջանէն մինչեւ 1920ական թուականները եւ անոր ներառումը Վրաստանի հանրապետութեան կազմին մէջ:
Ապա, միութեան անդամ Յովհաննէս Քիւլչէեան [...]

ՌԱԶՄԻԿ ԳԱԼԱՅՃԵԱՆ
Սան Ֆրանսիսքոյի Հայ Յեղափոխական Դաշնակցութեան «Քրիստափոր» կոմիտէութիւնը գեղեցիկ գաղափարը յղացած էր գնահատելու իր կարգ մը ընկերները, որոնք երկար տարիներէ  ի վեր անդուլ կերպով կ՛աշխատին պինկոյի յանձնախումբին մէջ, ու նիւթապէս սատար կը հանդիսանան կոմիտէութեան: Արդարեւ, Չորեքշաբթի, 2 Մայիս 2012ի երեկոյեան, կոմիտէութեան ընկերական ընդհանուր ժողովի աւարտին, «Վասպուրական» սրահին մէջ տեղի ունեցած խրախճանք-հաւաքոյթի մը ընթացքին կոմիտէութեան ներկայացուցիչ [...]

Հայկական Ցեղասպանութեան 97րդ տարելիցի ոգեկոչման ծիրին մէջ, Ապրիլ 22, 2012 թուականը պատմական օր մը եղաւ Սան Ֆերնանտօ հովիտի արեւմտեան շրջանին համար։ Այդ օրը աւելի քան 500 հայորդիներ շտապած էին ներկայ գտնուելու ՀՅԴ «Ռոստոմ» կոմիտէի Հանրային կապի յանձնախումբին կողմէ կազմակերպուած ոգեկոչման հանդիսութեան։
100 ամեակի նախօրէին, «Արշալոյսի մը Ոտնաձայն»ին նախազգացումով, այս տարուան հանդիսութիւնը կը տարբերէր սովորական յուշահանդէս մը [...]

ՀԲԸՄ Մանուկեան-Տեմիրճեան վարժարանի ամէնէն »երկարակեաց« եւ աւանդական ձեռնարկներէն մէկը եղած է »Փառատօն«ը, որ կը կայանայ քսան տարիէ ի վեր: Այս տարի դպրոցը կը պատրաստուէր մեծ շուքով նշել անոր 20ամեակը: Մեր ակնկալութիւնները լիովին իրականացան շնորհիւ կուռ համագործակցութեան՝ »Փառատօն- 2012«ի յանձնախումբին եւ անսակարկ նուիրուածութեամբ քսան տարի անընդմէջ  զայն ղեկավարած ատենապետ դոկտ. Վիգէն Կիւլվարդեանի:
»Փառատօն- 2012«ը սկսաւ Ապրիլ 27ին [...]

ԿԼԵՆՏԷՅԼ.- Քալիֆորնիոյ հայ գրողներու միութեան հերթական գրական հաւաքը տեղի ունեցաւ Կլենտէյլի գրադարանի սրահին մէջ, Հինգշաբթի Մայիս 3ին. ընթացքին ելոյթ ունեցաւ քաղաքական գործիչ եւ բանաստեղծ Շահէ Քէօրօղլեան՝ ներկայացնելով իր սեփական ստեղծագործութիւնները:
Ձեռնարկի բացումը կատարեց եւ հեղինակը ներկայացուց Քալիֆորնիոյ հայ գրողներու միութեան նախագահ, բանաստեղծ Գրիշ Դաւթեանը եւ զայն բեմ հրաւիրեց:
Հեղինակը յստակ առոգանութեամբ ընթերցեց բանաստեղծութիւններու գեղեցիկ փունջ մը: Գնահատականը [...]

ԼՈՍ ԱՆՃԵԼԸՍ.- Տոքթ. եւ տիկին Վարդգէս եւ Մէրի Նաճարեանները, որոնք Արցախի նախագահ Բակօ Սահակեանի հրաւէրով՝ մասնակցած էին Ստեփանակերտի մէջ Մայիս 9ին կայացած Շուշիի ազատագրութեան քսանամեակի տօնակատարութեան, շարունակելով իրենց բարեսիրական նուիրատուութիւնները՝ 50,000 տոլարի նոր յատկացում մը կատարած են Արցախի ռազմական հիւանդանոցին:
Նաճարեանները բարեսիրական նպատակներով, 1984էն ի վեր աւելի քան 40 անգամ Հայաստան եւ Արցախ այցելած են:

ՖՐԵԶՆՕ.- Ֆրեզնոյի Հայկական առաջին երիցական եկեղեցւոյ անդամներն ու բարեկամները կազմակերպած են եկեղեցւոյ պատուելի Մկրտիչ Մելքոնեանի, ինչպէս նաեւ անոր ընտանիքին ի պատիւ ճաշկերոյթ մը՝ շնորհակալութիւն յայտնելու համար համայնքին անոնց մատուցած սպասարկութեանց:
Ֆրեզնոյի մէջ իր գրեթէ իննամեայ սպասարկութենէն ետք, պատուելի Մկրտիչ Մելքոնեան կը պատրաստուի ստանձնելու Հայաստանի մէջ Հայ աւետարանչական միութեան պատուելիներու խորհրդատուի պաշտօնը: Սուրիոյ, Լիբանանի եւ Միացեալ Նահանգներու [...]

ՄԻՇԸՆ ՀԻԼԶ.- Մայիս 20ին, Յունիս 7ին ու 20ին, «Արարատ տան» ի նպաստ դրամահաւաքի երեք ձեռնարկներ տեղի պիտի ունենան:
Կիրակի, Մայիս 20ի ձեռնարկը կազմակերպուած է «Արարատ տան» նեցուկ կանգնող կազմակերպութեանց Հովիտի մասնաճիւղին կողմէ. անիկա ճաշկերոյթ-նուագահանդէս մըն է, որ տեղի պիտի ունենայ «Արարատ տան» «Տէօքմէճեան» սրահին մէջ, երեկոյեան ժամը 5:30էն սկսեալ: Ձեռնարկին ընթացքին ելոյթ պիտի ունենայ հանրածանօթ «Էլեմըն»չ [...]

ԼՈՍ ԱՆՃԵԼԸՍ.- Իրաւաբան Պերճ Բարսեղեան իր թեկնածութիւնը դրած է Լոս Անճելըս գաւառի Գերագոյն ատեանի ընտրութեանց, որոնց նախնական հանգրուանը տեղի պիտի ունենայ Յունիս 5ին:
12 տարիներէ ի վեր Լոս Անճելըսի մէջ իրաւաբանական սպասարկութիւն մատուցած Բարսեղեան, ներկայ խորհրդատու մըն է «Պինկըմ ՄըքՔաչըն» հիմնարկին մէջ եւ փորձառութիւններ ունի դաշնակցային եւ նահանգային ատեաններու մէջ՝ ներկայացուցած ըլլալով թէ՛ զոհեր եւ թէ [...]

Բիւր հոգսերս
Չքանում են,
Երգս էլ չի
խեղճանում,
Երբ մայրիկս
Մեղմ աչքերով,
Նայում է ինձ
ու ժպտում…
Արթնանում են
Վառ յոյսերս,
Մշուշներն են չքանում,
Երբ մայրիկիս
Անոյշ խօսքը,
Լսում եմ ու մտորում…
Երանելի
Մի հրաշք է,
Եդեմական քաղցրութիւն,
Ներշնչանքի
Սուրբ աղբոյր է,
Իմ մայրիկս՝ օրն ի բուն…
Աւիկ Դերէնց (Դէիրմենջեան)
Բոստօն

Ամառնային արձակուրդը կը մօտենայ եւ ծնողներուն համար լուրջ մտահոգութիւն է իրենց զաւակներուն համար գտնել ապահով եւ առողջ միջավայր մը, ուր կրնան վստահիլ իրենց սիրասուն զաւակները եւ հանգիստ սրտով գործի երթալ։
«Զաւարեան» ճամբարը, որ ծնունդ առաւ վերոյիշեալ մտահոգութենէն, այս ամառ, հինգերորդ տարին ըլլալով մեծ խանդավառութեամբ կրկին պիտի բանայ իր դռները բոլոր հայ աշակերտներուն, Յունիս 18էն մինչեւ Օգոստոս [...]

ՀՕՄի ԱՄՆի Արեւմտեան շրջանէն ներս կը գործեն ՀՕՄի 14 վարժարաններ, որոնք շաբաթական դրութեամբ կը փորձեն հայ աշակերտին սորվեցնել մայրենի լեզուն եւ ծանօթացնել անոր հայկական մեր մշակոյթն ու աւանդութիւնները:
Մասնաճիւղերու հովանաւորութիւնը վայելող այս վարժարանները կը ղեկավարուին Շրջանային վարչութեան նշանակած ՀՕՄի Վարժարաններու խնամակալ մարմինին կողմէ, որ յատկապէս այս տարի լուրջ աշխատանք կը տանի՝ միաձեւելու համար վարժարաններու կրթական ծրագիրները [...]

ԿԼԵՆՏԷՅԼ.- Կազմակերպութեամբ Համազգայինի Կլենտէյլի «Յովհաննէս Թումանեան» մասնաճիւղին, Ուրբաթ, Յունիս 8ին, երեկոյեան ժամը 7:30էն սկսեալ տեղի պիտի ունենայ հայկական դասական ու ժողովրդային երաժշտութեան նուիրուած համերգ մը՝ «Լարային ներդաշնակութիւն» խորագիրով:
Ելոյթ պիտի ունենան Անդրանիկ Քիզիրեան (ուտ), Երուանդ Գալայճեան (ջութակ) եւ Վիք Մոմճեան (պէյս), ներկայացնելով Կոմիտասէն, Սայաթ Նովայէն, Աւետիսեանէն, Հրանդ Քենքուլեանէն եւ Քեմանի Թաթէօսէն կտորներ:
Համերգը տեղի պիտի ունենայ Կլենտէյլի [...]

ՅԱՐՈՒԹԻՒՆ ՍՈՒՐՄԷՆԵԱՆ
ARPA (Analysis, Research and Planning for Armenia) թարգմանաբար «Վերլուծութիւն, հետազօտութիւն եւ ծրագրաւորում Հայաստանի համար» հասարակական կազմակերպութիւնը հիմնադրուել է Լոս Անջելեսում, Հայաստանի վերանկախացման վաղորդայնին, 1992 թուականին:
Կազմակերպութեան անունն արդէն յուշում է որդեգրուած գործունէութեան նպատակը՝ սատարել հայրենի կեանքի տարբեր ոլորտների՝ տնտեսութեան, գիտութեան եւ կրթութեան, օրէնսդրութեան, առողջապահութեան եւ այլ բնագաւառների բարելաւմանը եւ առաջընթացին:
ԱՐՓԱի հիմնադրին է Հայաստանի եւ սփիւռքի [...]

ՊԷՅՐՈՒԹ.- Լիբանանահայ երաժիշտ, խմբավար, տուտուկահար եւ շուիահար Զաքար Քէշիշեան հայկական տուտուկը ներկայացուց Աւստրիոյ «Էսթերազի» երաժշտական միջազգային փառատօնին:
Այս տարեշրջանին փառատօնի ծիրին մէջ նկատի առնուած էր նաեւ արաբական եւ պալթեան երկիրներու երաժշտական համագործակցութեան ծրագիր մը, որուն յաջորդական երեք օրերուն ընթացքին կատարուեցան պալթեան եւ արաբական երկիրներու ականաւոր երաժշտահաններու նորագոյն եւ յատկապէս այս առիթով յօրինուած շարք մը ստեղծագործութիւններ, որոնց [...]

ԵՐԵՒԱՆ, «Արմէնփրէս».- Թուրքիոյ Քասթամոնօ նահանգի Թաշքէօրփու շրջանին մէջ, դպրոցի մը պատի քանդման հետեւանքով յայտնաբերուած են պատմական գերեզմաններ, որոնք կ՛ենթադրուին ըլլալ հայերու գերեզմաններ:
Ըստ թրքական «Սոնտաքիքա» լրատուական կայքին՝ տեղացիներ յայտնած են, որ այնտեղ ժամանակին հայկական գերեզմանոց եղած է: Տեղացի երկու բնակիչներ փորձած են գիշերով քանդել գերեզմանները՝ ոսկի յայտնաբերելու յոյսով, սակայն, ոստիկանութիւնը ձերբակալած է զանոնք: Անոնք մեղադրուած են [...]

ՊԷՅՐՈՒԹ.- Չորեքշաբթի, 9 Մայիսին, Շուշիի հերոսական ազատագրման 20ամեակին առիթով, Լիբանանի «Արցախ ֆոնտ»ին կատարած «Յանուն Արցախի Հզօրացման» խորագրեալ ռատիոթոնին հաւաքուած է 57,000 տոլար գումար մը: Լիբանանի «Արցախ ֆոնտ»ը շնորհակալութիւն կը յայտնէ ռատիոթոնին մասնակից բոլոր հայորդիներուն, որոնք սատարեցին Արցախի վերաբնակեցման ու պետականութեան հզօրացման:

ՄՈՆԱՔՕ.- Անցնող դարու սկիզբին, հայրենիք ներգաղթելէ առաջ, Երուանդ Քոչար հաւասարապէս կը ցուցադրուէր Փապլօ Փիքասոյի, Ֆերնան Լեժէի կամ Խուան Միրոյի կողքին, եւ կ՛արժանանար համահաւասար եւ երբեմն նաեւ աւելի բարձր գնահատանքներու: Այս մէկը կը վկայէ նաեւ ֆրանսացի յայտնի արուեստաբան Վլատիմիր Ժորժի՝ Երուանդ Քոչարի մասին գրած գրքոյկը: Ան թէ՛ ստեղծագործական նորարարութեամբ կը նպաստէր խորանարդապաշտական դպրոցի կազմաւորման ու զարգացման, [...]

ՀՕՄի Կալա-2012ը

ԿԼԵՆՏԷՅԼ.- Արեւմտեան Ամերիկայի Հայ Դատի յանձնախումբը սկսած է ընդունելու ամառնային վարժողական ծրագիրի դիմումնագիրները: Մասնակցիլ փափաքողները պէտք է իրենց դիմումնագիրները ամբողջացնեն մինչեւ Մայիս 25:
Արեւմտեան Ամերիկայի Հայ Դատի յանձնախումբի ամառնային վարժողական ծրագիրը պիտի սկսի Յունիս 18ին ու պիտի տեւէ մինչեւ Օգոստոս 24:
Վարժողական ծրագիրին մասնակիցները պիտի աշխատին գործադիր վարիչին ու Արեւմտեան Ամերիկայի Հայ Դատի յանձնախումբի անձնակազմին, ինչպէս նաեւ [...]

ԿԼԵՆՏԷՅԼ.- Կիրակի, Յունիս 3ին, երեկոյեան ժամը 5:30ին, երաժիշտ եւ խմբավար Էդիկ Յովսէփեանի նուիրուած յուշերեկոյ մը տեղի պիտի ունենայ՝ կազմակերպութեամբ ՀՄԸՄի «Արարատ» մասնաճիւղին, Լոս Անճելըսի Իրանահայ միութեան ու Դաւթեան Մարիամեան կրթական հաստատութեան:
Ձեռնարկը տեղի պիտի ունենայ «Արարատ»ի «Պաղտասարեան-Շահինեան» սրահին մէջ: Մուտքը ազատ է, իսկ սրահին հասցէն է՝ 3347 N. San Fernando Rd., Los Angeles, CA 900411:
Ստորեւ կը [...]

ԵՐԵՒԱՆ, «Արմէնփրէս».- Ամերիկահայ ճատրակի գերվարպետ Վարուժան Յակոբեան իր մասնակցութիւնը կը բերէ Միացեալ Նահանգներու ճատրակի ախոյեանութեան աւարտախաղերուն, որոնք սկսան Երեքշաբթի, Մայիս 8ին, Միզուրի նահանգի Սէյնթ Լուիս քաղաքին մէջ: Վարուժան Յակոբեան իր 2709 վարկանիշով, վեցերորդ ամենաբարձր վարկանիշը ունի բոլոր մասնակիցներուն մէջ:
Աւարտախաղերուն կը մասնակցին 12 ճատրակի վարպետներ, որոնց շարքին են յայտնի գերվարպետներ Հիքարու Նաքամուրան (2848), անցեալ տարուան ախոյեան [...]

Առաջնորդ Մուշեղ արք. Մարտիրոսեան Ուրբաթ, Մայիս 4ի առաւօտուն, շնորհաւորական այցելութիւն մը տուաւ Լոս Անճելըսի մօտ Լիբանանի նոր գլխաւոր հիւպատոս Ճոնի Իպրահիմի, որ ամիս մը առաջ ստանձնած էր իր պաշտօնը։ Սրբազանը օրին շնորհաւորանքի նամակ մը յղած էր լիբանանցի դիւանագէտին։
Առաջնորդին ընկերացան Արտակ քհնյ. Տէմիրճեան եւ Ազգ. վարչութեան անդամներ՝ Ճորճ Չորպաճեան ու Թորոս Քէչէճեան։ Հանդիպումը առիթ եղաւ փոխադարձ [...]

ԼՈՍ ԱՆՃԵԼԸՍ.- Ամերիկայի Հայ Դատի յանձնախումբի հիմնադրամին ի նպաստ, Մայիս 20ին կայանալիք Ամերիկայի Հայ Դատի յանձնախումբի թելեթոնին սեմին, Ուրբաթ, Մայիս 11ին, Հրաչ Մանուէլեանի եւ Լարա Երէցեանի նախաձեռնութեամբ տեղի պիտի ունենայ հաւաք-տօնակատարութիւն մը, որ նաեւ պիտի ծառայէ իբրեւ թելեթոնի մեկնարկ:
Ձեռնարկը պիտի սկսի երեկոյեան ժամը 7:30ին ու պիտի տեւէ մինչեւ 10:30, Մանուէլեաններու բնակարանին մէջ՝ 2366 N. Hobart, [...]

Մեծի Տանն Կիլիկիոյ կաթողիկոսութեան Դպրեվանքի տեսչութիւնը ուսումնական 2012-2013 տարեշրջանին համար նոր սաներու արձանագրութիւնները պիտի կատարէ երկու հանգրուանով. առաջինը՝ Մայիս 1-19, իսկ երկրորդը՝ Օգոստոս 15էն Սեպտեմբեր 15։ Կրթական տարեշրջանը պիտի սկսի Երկուշաբթի, Հոկտեմբեր 15ին։
Դպրեվանք կ՛ընդունուին նախակրթարանի 6րդ դասարանը աւարտող աշակերտներ, նաեւ՝ աւելի բարձր դասարաններէ ու համալսարաններէ դիմում կատարող ուսանողներ։
Յառաջիկայ տարեշրջանին կը նախատեսուի 20էն 25 տարեկան երիտասարդներու [...]

Օսլոյի կառավարական պալատին մէջ, 7 Մայիսին տեղի ունեցած է «Պիզնըս յանուն խաղաղութեան -2012» մրցանակի յանձնման պաշտօնական արարողութիւն, որուն ընթացքին մրցանակ տրուած է Էտուարտօ Էռնեկեանին: Այս հեղինակաւոր մրցանակը կը շնորհուի նոպէլեան մրցանակակիրներէ կազմուած յանձնաժողովին կողմէ, որ յատուկ ուշադրութիւն կը դարձնէ աշխարհի տարբեր երկիրներու ականաւոր գործարար անձերու գործունէութեան եւ ընտրութիւն կը կատարէ։
Մրցանակի յանձնման պաշտօնական արարողութեան ներկայ էին [...]

Վարեց՝ ՍՏԵՓԱՆ ՊՕՂՈՍԵԱՆ
«ՆՈՐ ՅԱՌԱՋ».- Պարոն աւագ հիւպատոս, Հայաստանի Ա. Հանրապետութեան օրով, Մարսէյի մէջ գոյութիւն ունեցած է հիւպատոսութիւն՝ յանձինս պարոն Տիգրան Միրզայեանցի, որ մեծ նպաստ ունեցած է 1922էն 1924 հոս հասած բազմահազար գաղթականներու ընդունման ու յատկապէս Քեմփ Օտտոյի մէջ տեղաւորման: Դուք տեղեա՞կ էք անկէ:
ՎԱՐԴԱՆ ՍՐՄԱՔԷՇ.- Քիչ մը. բայց յստակ գաղափար չունիմ, թէ իսկական հիւպատոսութի՞ւն էր, թէ [...]

ԱՆԹԻԼԻԱՍ.- Երեքշաբթի, 8 Մայիսի յետմիջօրէին, Արամ Ա. հայրապետ այցելեց Իրանի Սասուն քաղաքամասին մէջ գործող ՀՄ «Սիփան» միութիւնը, ինչպէս նաեւ ՀՄՄ «Րաֆֆի» համալիրը: Երկու այցելութիւնները սկիզբ առին աղ ու հացի աւանդական օրհնութեամբ, որմէ ետք վեհափառը սկաուտական շարքերուն մէջէն յառաջացաւ եւ դիմաւորուեցաւ խուռներամ բազմութեան ծափողջոյններով:
Երկու այցելութիւններուն ընթացքին գործադրուեցան գեղարուեստական յայտագիրներ: Հայրապետը նաեւ իրազեկ դարձաւ անոնց գործունէութեան, օրհնեց [...]