ՊԸՐՊԵՆՔ.- Հարաւային Քալիֆորնիոյ ձայնասփիւռի եւ պատկերասփիւռի միութեան (RTNA) տարեկան 62րդ մրցանակաբաշխութեան արարողութեան ընթացքին, որ տեղի ունեցած է Շաբաթ, Յունուար 21ին, վեթերան լրագրող Փիթըր Մսըրլեան ստացած է կազմակերպութեան կողմէ շնորհուող երկու «Ոսկեայ խօսափող» մրցանակներ:
Անցեալ տարի, միութեան պատմութեան մէջ առաջին անգամ ըլլալով, Փիթըր Մսըրլեան հինգ մրցանակներ ստացած էր: Այս տարուան երկու մրցանակներուն հետ, ան ցարդ 10 «Ոսկեայ [...]

Advanced Chess Organization ակումբի հայ պատանի շախմատիստները շարունակում են հաճելի անակնկալներ մատուցել իրենց խաղով:
Փետրուարի 4ին, Կալիֆորնիայի Ֆուլերտոն քաղաքում կայացած, նահանգի մակարդակով շախմատի դպրոցականների այս տարուայ առաջնութիւնում հայ շախմատիստները շուրջ 200 մասնակիցների շարքում ցուցաբերեցին բարձր արդիւնքներ՝ ձեռք բերելով ընդհանուր առմամբ ութ մրցանակ՝ երկու ոսկէ, երեք արծաթէ եւ 3 բրոնզէ գաւաթ:
Նորթ Հոլիվուդում գործող Advanced Chess Organization-ի հիմնադիր-տնօրէն [...]

ԿԼԵՆՏԷՅԼ.- Քալիֆորնիոյ հայ գրողներու միութեան եւ Համազգային Մշակութային Միութեան Կլենտէյլի մասնաճիւղի նախաձեռնութեամբ, Շաբաթ, Փետրուար 18ին, երեկոյեան ժամ 6ին տեղի պիտի ունենայ գրական երեկոյ մը: Հեղինակային ելոյթ պիտի ունենայ Երեւանի պետական համալսարանի դասախօս, հանրածանօթ բանաստեղծ փրոֆ. Արտեմ Յարութիւնեան, իր նոր ստեղծագործութիւններու, ինչպէս նաեւ ստեղծագործական ընթացքի մէջ եղող՝ Հայաստանի Հանրապետութեան անմահ հիմնադիր Արամ Մանուկեանի նուիրուած երկարաշունչ բանաստեղծութենէն [...]

ԿԼԵՆՏԷՅԼ.- Հայ իրաւաբաններու միութիւնը կը տեղեկացնէ, թէ այս տարի եւս կրթանպաստներ պիտի տրամադրէ իրաւաբանութեան մարզի հայ ուսանողներուն՝ յաջորդական 7րդ տարին ըլլալով:
Միութիւնը սկսած է կրթանպաստի դիմումնագիրները ընդունիլ՝ յիշեցնելով, թէ կրթանպաստներ կրնան ստանալ Միացեալ Նահանգներու, Հայաստանի կամ այլ երկիրներու մէջ իրաւաբանական համալսարաններ յաճախող կամ ընդունուած հայ ուսանողներ, որոնք բարձր նիշեր ապահոված են եւ հայ համայնքէն ներս կամաւոր [...]

ԿԼԵՆՏԷՅԼ.- Հայ իրաւաբաններու միութիւնը կը տեղեկացնէ, թէ Հինգշաբթի, Փետրուար 23ին կայանալիք ընթրիքի մը ընթացքին պիտի մեծարէ հայասէր քոնկրեսական Էտըմ Շիֆն ու Կլենտէյլի քաղաքապետական խորհուրդի անդամ, նախկին քաղաքապետ Ռաֆֆի  Մանուկեանը: Ձեռնարկին հանդիսավարն է միութեան փոխնախագահ Կարօ Ղազարեանը:
2001էն ի վեր Քոնկրեսին մէջ ծառայող Էտըմ Շիֆ միշտ նեցուկ կանգնած է հայութեան, եւ քանի մը առիթներով հեղինակած է եւ [...]

ԿԼԵՆՏԷՅԼ.- Ֆրանսիայի Ծերակոյտի կողմից Հայոց Ցեղասպանութեան ժխտումը քրէականացնող օրինագծի վաւերացումը, իր լայն արձագանգը գտաւ նաեւ «Շամլեան» Ազգային վարժարանի աշակերտների մօտ: Երկուշաբթի, Յունուարի 22ին, Ֆրանսիայի Ծերակոյտի կողմէ օրինագծի վաւերացման լուրը յայտարարուելուց անմիջապէս յետոյ, վարժարանի տնօրէն Վազգէն Մատէնլեանը աշակերտութեանը փոխանցեց այդ լուրը, որը ողջունուեց աշակերտների ուրախութեան բացագանչութիւններով ու ծափահարութիւններով:
Երկուշաբթի, Յունուար 30ին, եօթներորդ եւ ութերորդ դասարանների աշակերտները համախմբուեցին [...]

ՈՒԻՆԵԹՔԱ.- Լոս Անճելըսի Պոլսահայ միութեան կազմակերպութեամբ, Շաբաթ, Մարտ 24ին, երեկոյեան ժամը 7ին տեղի պիտի ունենայ «Պոլսոյ Ցոլացումները» ձեռնարկը, որուն ընթացքին ելոյթ պիտի ունենայ պոլսահայ յայտնի երգչուհի Սիպիլ, դաշնակի ընկերակցութեամբ՝ Պուրակ Պետիկեանի, ինչպէս նաեւ պիտի ցուցադրուի մրցանակակիր բեմադրիչ Էրիք Նազարեանի «Պոլիս» շարժապատկերը:
Ձեռնարկը տեղի պիտի ունենայ միութեան «Գրիգոր եւ Աւետ Քիւրքչիւօղլու» սրահին մէջ (19726 Sherman Way, Winnetka, [...]

Յունուար 29ին, «Հայ Քաջ Տօ»ի Սան ֆերնանտօ հովիտի կեդրոնական մարզասրահին մէջ տեղի ունեցաւ «Հայ Քաջ Տօ»ի երկրորդ բարեկամական մրցաշարքը, որ ընդգրկեց կէտային հարուածներու (point fighting), շարունակական կռիւի (continuous fight) եւ խառն կռիւի (mixed martial arts) միացեալ մարտաձեւերը: Օրուան իրաւարներն էին սենսէյ Վիգէն Չուքատարեան, սենսէյ Վաչէ Մարգարեան, սենսէյ
Ճորճ Մանուկեան եւ «Հայ Քաջ Տօ»ի հիմնադիր շիհան (մեծ [...]

Իրանում, ինչպէս շատ բնագաւառներում, իրանահայերը նշանակալից ներդրում են ունեցել նաեւ մարզանքի ասպարէզում: Սկսեալ քսաներորդ դարասկզբից երբ եւրոպական մարզաձեւերը տարածւում էին Իրանում, իրանահայերը առաջատար են հանդիսացել նոր մարզաձեւերի սկզբնաւորման ու տարածման մէջ: Այդ հարցում դերակատար են եղել իրանահայ վաճառականները եւ Իրանից արտասահման ուսանելու գնացած ու Իրան վերադարձած հայ ուսանողները, որոնք տարբեր երկրներում ծանօթանալով նոր մարզաձեւերին, դրանք [...]

ԿԼԵՆՏԷՅԼ.- «Ապրիլ» գրատունը կը տեղեկացնէ, թէ Հինգշաբթի, Մարտ 1ին, երեկոյեան ժամը 8ին, Ստեփան Փարթամեանը Միացեալ Նահանգներուն շնորհուած ամերիկահայերու նպաստին մասին իր անգլերէն ու հայերէն հատորներուն՝ «Այո՛, Մենք Ենք» եւ «Yes, We Have», ներկայացումը պիտի կատարէ:
Մուտքը ազատ է եւ տեղի պիտի ունենայ գինիի ու պանիրի հիւրասիրութիւն: Գրատան հասցէն է՝ 415 E. Broadway, Suite 102, Glendale:
Յաւելեալ տեղեկութեանց [...]

ԼՈՍ ԱՆՃԵԼԸՍ.- Ցեղասպանութեան կրթական ծրագիրին կազմակերպած մէկ աշխատանիստին ընթացքին, Լոս Անճելըս գտնուող «Կրեն»չ վարժարանի ուսուցիչները Յունուար 17ին մօտէն ծանօթացան Հայկական Ցեղասպանութեան դասաւանդման միջնոցներուն:
Յայտնենք, թէ Լոս Անճելըսի միացեալ կրթաշրջանը Ցեղասպանութեան կրթական ծրագիրէն գնած է Հայոց Ցեղասպանութեան առնչուող դասաւանդման նիւթերը՝ իր բոլոր վարժարաններուն համար:
Աշխատանիստին ընթացքին, Ցեղասպանութեան կրթական ծրագիրի Հարաւային Քալիֆորնիոյ բաժանմունքի համակարգող Սիւզան Տուզմանեան բացատրեց նշեալ դասաւանդման [...]

ՄԱՐՕ ՔԷՇԻՇԵԱՆ
Ուրախութեամբ իմացանք, թէ ՀՄԸՄի Կլենտէյլի «Արարատ» մասնաճիւղի մարզիկներէն Նարպէ Աբրահամեան, մարզական իր բացառիկ կարողութիւններուն շնորհիւ ընդգրկուած է իր յաճախած Սեն Տիէկոյի Նահանգային համալսարանի պասքեթպոլի խումբին մէջ:
Այս լուրը մեծ ոգեւորութիւն ստեղծեց ՀՄԸՄի շարքերէն ներս եւ հպարտութեամբ լեցուց մեր սրտերը: Ահա իրողութիւն մը, որ կը հաստատէ, թէ ՀՄԸՄի ջանքերը ի զուր չեն անցնիր, եւ հակառակ ոչ [...]

Ուրբաթ, Փետրուար 17ին, Քալիֆորնիոյ համալսարանի Լոս Անճելըսի մասնաճիւղի (UCLA) «Ռոյս հոլ» շէնքի թիւ 314 սրահին մէջ տեղի պիտի ունենայ հայագիտութեան նուիրուած ուսանողական գիտաժողով մը:
Գիտաժողովը պիտի սկսի առաւօտեան ժամը 9:30ին, նախաճաշով մը, որմէ ետք տեղի պիտի ունենայ ձեռնարկի պաշտօնական բացումը:
Առաջին նիստը, առաւօտեան ժամը 10:15էն 11:05, նուիրուած է մատենագրութեան եւ միջնադարի հայ գրականութեան, իսկ երկրորդը (ժամը 11:15էն [...]

ՈՒԱՇԻՆԿԹԸՆ.- Միացեալ Նահանգներու մօտ Լիբանանի դեսպանատունը կը տեղեկացնէ, թէ Լիբանանի խորհրդարանին կողմէ 2008ին վաւերացուած մէկ օրէնքին համաձայն, Լիբանանէն դուրս ապրող լիբանանցիները առիթ պիտի ունենան երկիրի ընտրութեանց մասնակցելու, Լիբանանի դեսպանատուներուն եւ հիւպատոսարաններուն միջոցաւ:
Դեսպանատունը կը հաղորդէ, թէ երկրի ներքին գործոց եւ քաղաքապետութեանց նախարարութիւնը արդէն իսկ նախապատրաստական աշխատանքներ կը կատարէ հեռակայ քուէարկութիւն իրականացնելու՝ 2013ի խորհրդարանական ընտրութեանց համար:
Միացեալ Նահանգներ [...]

ԿԼԵՆՏԷՅԼ.- «Ապրիլ» գրատունը կը տեղեկացնէ, թէ Կիրակի, Փետրուար 19ին, երեկոյեան ժամը 5ին, դոկտ. Ռոզմերի Յարութիւնեան-Քոհըն գրատան մէջ պիտի ներկայացնէ իր «The Mother of Jerusalem is Crying» հատորը:
Գործը պատմական վէպ մըն է, որուն իրադարձութիւնները կը սկսին 19րդ դարուն, Հայաստանի մէջ, որ այդ ժամանակ թրքական տիրապետութեան տակ էր, ու կը հասնին մինչեւ Համաշխարհային Բ. պատերազմի եւ Իսրայէլի [...]

ՖՐԵԶՆՕ.- Ֆրեզնոյի Ս. Երրորդութիւն եկեղեցւոյ ծխական համայնքը Կիրակի, Յունուար 29ին, եպիսկոպոսական Ս. պատարագով ու տօնական ճաշկերոյթով տօնակատարեց եկեղեցւոյ հիմնադրութեան 111րդ տարեդարձը։
Առաջնորդ Մուշեղ արք. Մարտիրոսեան պատարագեց եւ օրուան խորհուրդը ներկայացնող իր պատգամը փոխանցեց։ Ս. խորանին սպասարկեցին եկեղեցւոյ հոգեւոր հովիւ Վահան քհնյ. Կոստանեանն ու սարկաւագներ։
Իր պատգամին մէջ, առաջնորդը նախ եւ առաջ գոհութիւն եւ փառք տուաւ Աստուծոյ, որ [...]

Ս. Մահսէրէճեանի «Մի՛ Խեղաթիւրէք Խօսքի Ազատութիւն Հասկացողութիւնը» յօդուածը (Փետրուար 1, 2012) շատ հաճոյքով ընթերցեցի: Հիլըրի Քլինթընին ուղղուած այս դիպուկ յօդուածը երանի թէ անգլերէնի թարգմանուի եւ Քլինթընին տրուի, որպէսզի ապագայում, յուսանք, ան չշտապի նման թոյլ մտքեր հրամցնելու աշխարհին:
Եթէ Հայ Դատի յանձնախումբը ստանձնէ այս առաջարկս, կարող է նաեւ հարց տալ յարգելի տիկնոջ, թէ երբ Ֆրանսա հրեաների Ողջակիզումը [...]

ԼՈՍ ԱՆՃԵԼԸՍ.- Հայ իրաւաբաններու միութեան ու «Սաութուես»չ իրաւաբանական համալսարանին կողմէ կազմակերպուած է դաստիարակչական հաւաք մը, որուն ընթացքին 15 իրաւաբաններ իրենց ասպարէզին մասին մանրամասն տեղեկութիւններ պիտի փոխանցեն ապագայ իրաւաբաններու:
Ձեռնարկին կրնան մասնակցիլ իրաւաբանութեան մարզի բոլոր ուսանողները: Ձեռնարկը տեղի պիտի ունենայ Շաբաթ, Փետրուար 11ին, առաւօտեան ժամը 9:30էն 11:30, «Սաութուեսթ» իրաւաբանական համալսարանին մէջ (3050 Wilshire Blvd., Los Angeles 90010, [...]

ԿԼԵՆՏԷՅԼ.- Կլենտէյլի միացեալ կրթաշրջանը կը տեղեկացնէ, թէ Կլենտէյլի պետական երկրորդական վարժարանի ուսանողուհի Լորենի Բաբայեան վերջերս ընտրուած է քաղաքի ուսանողութեան ներկայացուցիչը՝ Կլենտէյլի միացեալ կրթաշրջանի վարչութեան մօտ, 2011-2012 տարեշրջանին համար:

Քրիստոսի տաճար ընծայման տօնին առիթով (Տեառնընդառաջ), Հայ ընտանիքի հզօրացման եւ կայունացման ի խնդիր տեղի պիտի ունենայ մոմավառութիւն եւ քայլարշաւ, Երկուշաբթի, Փետրուար 13ին, կ.ե. ժամը 4ին: Հովանաւորութեամբ եւ քաջալերութեամբ առաջնորդ Յովնան արք. Տէրտէրեանի եւ կազմակերպութեամբ Վազգէն քհնյ. Մովսէսեանի, Արեւմտեան թեմը կազմակերպած է յատուկ ծրագիր աշխատանք մը՝ ընդդէմ տնային բռնութեանց:
«Հայ եկեղեցին պէտք է դառնայ այն ապահով վայրը [...]

Արեւմտեան թեմի Ազգ. առաջնորդարանի դիւանը շրջանի արուեստագէտներուն եւ արուեստի գործերու հաւաքածոներ կազմողներուն ուշադրութեան կը յանձնէ հետեւեալ կոչը, որ կու գայ Մեծի Տանն Կիլիկիոյ կաթողիկոսութեան Դպրեվանքի տեսչութենէն.
Նկատի ունենալով, որ Դպրեվանքը, հաստատուած՝ Լիբանանի Պիքֆայա աւանին մէջ, աշխարհագրականօրէն հեռու է Անթիլիասի Մայրավանքէն ու անոր յարկին տակ գտնուող «Կիլիկիա» թանգարանէն, Դպրեվանքի տեսչութիւնը որոշած է նկարներու եւ քանդակներու մնայուն ցուցահանդէս [...]

«Կլենտէյլ Նիուզ Փրէս» կը հաղորդէ, թէ Շաբաթ, Փետրուար 4ին կայացած մրցումի մը ընթացքին, Համաշխարային բռն-ցքամարտ խորհուրդի Արծաթեայ լոյս բաժանմունքի՝ միջին դասակարգի ախոյեան Վանէս Մարտիրոսեան, Սան Անթոնիոյի մէջ անգամ մը եւս համոզիչ յաղթանակ մը արձանագրեց՝ իր յաջորդական յաղթանակներուն թիւը հասցնելով 32ի, որոնցմէ 20ին պարագային՝ անոր մրցակիցները չեն կրցած մրցումը աւարտել («Նաքաու»չ):

ԼԱ ՔՐԵՍԵՆԹԱ.- Կիրակի, Փետրուար 12ին, կ.ե. ժամը 1ին, Քրեսենթա հովիտի Հայց. առաքելական եկեղեցւոյ Ս. պատարագէն անմիջապէս ետք տեղի պիտի ունենայ յայտնի ճարտարապետ եւ հայկական ճարտարապետութեան մասնագէտ Սարգիս Պալմանուկեանի բանախօսական ձեռնարկը, ուր ան պիտի ներկայացնէ տեսողական ճանապարհորդութիւն մը՝ հայ ճարտարապետական սքանչելիքներուն եւ հայկական եկեղեցիներուն ինքնատիպ յատկութեանց նուիրուած:
Սարգիս Պալմանուկեան ծնած է Հալէպ եւ շրջանաւարտ է Երեւանի «Փոլիթեխնիք» [...]

ԿԼԵՆՏԷՅԼ.- Հայաստանի վարժարաններու հիմնադրամը կը տեղեկացնէ, թէ անցեալ տարուան ընթացքին եւս կարելի եղած է յաջողութեամբ շարունակել Հայաստանի գիւղական շրջաններու վարժարաններուն կահկարասիներ տրամադրելու աշխատանքը՝ ամբողջացնելով 7 վարժարաններ կահաւորելու աշխատանքը:
Մարդասիրական այս կազմակերպութիւնը աշակերտներու յատուկ 262 նստարան-գրասեղաններ հասցուցած է Հայաստան, ինչպէս նաեւ՝ ուսուցիչներու յատուկ 65ական գրասեղաններ ու 65ական գրատախտակներ, որոնք յանձնուած են Արագածոտն մարզի Դաւիթաշէն գիւղի (նուիրատու՝ Ռապըրթ [...]

ՓՈՔՐԻԿ ՀԱՅԱՍՏԱՆ.- ՀՄԸՄի Լոս Անճելըս մասնաճիւղի աւանդութեան վերածուած «Արարատ տուն» տարեկան այցելութիւնը, այս տարի տեղի ունեցաւ Կիրակի, Փետրուար 5ին: Լոս Անճելըսի մասնաճիւղէն 55 սկաուտներ եւ ծնողական օժանդակ մարմինէն 7 անդամներ այցելեցին Միշըն Հիլզ գտնուող ծերանոցը՝ իրենց տատիկներն ու պապիկները զուարճացնելով, անոնց հրամցնելով հայկական երգեր, պարեր, սկաուտական կանչեր եւ բանաստեղծութիւններ:
Յայտագիրներու աւարտին սկաուտները նաեւ առիթ ունեցան զրուցելու [...]

Քալիֆորնիոյ խոր-հրդարանին մէջ նահանգի 46րդ ըն-տրատարածքը ներկայացնելու համար ընտրապայքար տանող Ատրին Նազարեանի ընտրարշաւը ցարդ ապահոված է հարիւրաւոր նուիրատուներու աջակցութիւնը:
Մինչեւ 2011ի վերջաւորութիւնը, միայն երկու ամիսներու ընթացքին, Նազարեանի ընտրապայքարին համար կատարուած նուիրատուութիւնները հասած են 156,000 տոլարի՝ գրեթէ ամբողջութեամբ կատարուած անհատներու եւ ոչ թէ մեծ ընկերութիւններու կողմէ, իսկ ընտրապայքարի ծախսերուն համար ներկայիս կը մնայ մօտաւորապէս 152,000 տոլար, այսինքն՝ [...]

ԿԼԵՆՏԷՅԼ.- 2012 տարին հազիւ բացուած՝ Միացեալ Նահանգներու Արեւմտեան թեմի Ազգային առաջնորդարանը լոյս ընծայեց բազմավաստակ դաստիարակ Կարօ Պետրոսեանի նորագոյն հատորը, որ կը կրէ «Հայեցի Կրթութիւն եւ Ճանապարհ» խորագիրը։
Այս նախաձեռնութիւնը գործնական ընդառաջում մըն է Արամ Ա. կաթողիկոսի պատգամին, որ 2012 տարին կը հռչակէ Հայ Գիրքի Տարի։ Այս հրատարակութիւնը նաեւ առաջինն է նախաձեռնութիւններու շարքի մը, որ պիտի նուիրուի [...]

ՄՈՆԹԵՊԵԼԼՕ.- ՀՅԴ Մոնթեպելլոյի «Վահան Քարտաշեան» պատանեկան միութիւնը կազմակերպած է իր համայնքային հերթական ընթրիքը, որ տեղի պիտի ունենայ Ուրբաթ, Փետրուար 10ին, երեկոյեան ժամը 7էն 10, Մոնթեպելլոյի Հայ կեդրոնին մէջ (420 Washington Blvd., Montebello, CA 90640):
Մասնակցութեան սակը 10 տոլար է: Յաւելեալ տեղեկութեան համար դիմել vahancardashian@gmail.com հասցէին:

ՇԸՐՄԸՆ ՕՔՍ.- Կազմակերպութեամբ «Արփա» հիմնարկին, Հինգշաբթի, Փետրուար 9ին, երեկոյեան ժամը 7:30ին, «Մերտինեան» վարժարանի սրահին մէջ (13330 Riverside Dr. Sherman Oaks, CA 91403) տեղի պիտի ունենայ Հայաստանի բնակարանային կարիքներուն նուիրուած դասախօսական ձեռնարկ մը:
Ձեռնարկին բանախօսն է Գոհար Պալեան, որ Հայաստանի մէջ բնակարանային հարցերու «Ֆուլըր» կեդրոնի պաշտօնատարներէն է եւ անցեալին աշխատակցած է նաեւ «Հեպիթեթ ֆոր Հիւմենիթի» մարդասիրական կազմակերպութեան [...]

ԳԼԵՆԴԷՅԼ.- Երկուշաբթի, Յունուար 30ին Գլենդէյլի «Գրիգոր եւ Մարիամ Գարամանուկեան» երիտասարդական կենտրոն այցելեցին Միացեալ Նահանգներ ժամանած Հայաստանի «Դուքենդօ Ֆեդերացիա»ի սաները, մարզադպրոցի գլխաւոր տնօրէն Կարէն Կարապետեանի գլխաւորութեամբ: Խմբին ուղեկցում էր Բալաբէկ Բարսամեանը: Պատանի եւ երիտասարդ մարզիկները առիթ ունեցան շրջել Երիտասարդական կենտրոնը եւ ծանօթանալ կենտրոնի հնարաւորութիւնների հետ:
Խումբը մասնակցել է Յունուար 26-28 կայացած Միջազգային մարտարուեստի առաջնութեան մրցութիւններին, որոնք կայացել [...]

ԳԼԵՆԴԷՅԼ.- ՀՅԴ Արեւմտեան Ամերիկայի կեդրոնական կոմիտէի Հանրային կապի յանձնախմբի եւ «Սարդարապատ» գրախանութի տնօրէնութեան համատեղ կազմակերպութեամբ, տեղի ունեցաւ «Նիւթեր ՀՅԴ պատմութեան համար» շարքի 8րդ հատորի ներկայացումը՝  Յունուարի 18ի երեկոյեան ժամը 8ին, Գլենդէյլի Ս. Աստուածածին եկեղեցւոյ կից՝ «Գրիգոր եւ Մարիամ Գարամանուկեան» երիտասարդական կենտրոնում: Հատորը խմբագրել է քաղաքական վաստակաշատ գործիչ եւ պատմաբան՝ Երուանդ Փամպուքեանը:
Միջոցառման բացումը կատարեց Հանրային կապի [...]

2012 թուականին ՀՀ կրթութեան եւ գիտութեան նախարարութիւնը շարունակում է արտասահմանեան երկրներում գործող հայկական վարժարաններում, դպրոցներում, մանկապարտէզներում, միօրեայ եւ այլ տիպի կրթօճախներում դասաւանդող հայագիտական առարկաների ուսուցիչներին, տնօրէններին, ուսումնական մասի տեսուչներին վերապատրաստման ծրագիրը:
Վերապատրաստումն ընթանալու է Հայաստանում՝ ՀՀ կրթութեան եւ գիտութեան նախարարութեան կողմից հաստատուած տարբերակուած հետեւեալ 6 մէկամսեայ ծրագրերով.
- Ուսուցում մանկապարտէզում
- Ուսուցում կիրակնօրեայ դպրոցում
- Տարրական ուսուցում
- Հայոց լեզուի [...]

ՄԱՐՕ ՔԷՇԻՇԵԱՆ
20-22 Յունուար 2012ի շաբաթավերջին, Տեզըրթ Հաթ Սփրինկզ շրջանի «Ագուա Սոլէյ» պանդոկէն ներս տեղի ունեցաւ ՀՕՄի Շրջ. վարչութեան դաստիարակչական յանձնախումբին կազմակերպած եռօրեայ սեմինարը՝ մասնակցութեամբ շուրջ 60 ՀՕՄուհիներու:
Ուրբաթ, 20 Յունուարի երեկոյեան, մասնակիցները իրենց սենեակները տեղաւորուելէ ետք եւ խմբային իրենց հաճելի ընթրիքը կատարելէ ետք համախմբուեցան պանդոկին սրահը, ուր զուարճալի մթնոլորտի մը մէջ վեց խումբերու բաժնուելով՝ մասնակցեցան յանձնախումբին [...]

Աւանդական գիտելիքներով լեցուն, ուսանողական օգտաշատ կարծիքներու փոխանակում, ազգանուէր գործունէութեամբ բեղուն հաւաք մը իրականացուցինք ՀԲԸՄ Փասատինայի կեդրոնէն ներս, Շաբաթ, Յունուար 14ին, շուրջ 40 աշակերտի եւ ուսանողի ներկայութեամբ։ Սոյն ձեռնարկին ներկայ էին նաեւ դոկտ. եւ տիկին Միհրան եւ Էլիզապէթ Աղպապեանները։
Դոկտ. Աղպապեան գնահատեց ՀԲԸՄ «Երուանդ Պապայեան» մանկավարժական հիմնարկի «Ազգանուիրում» ծրագիրի ղեկավարութիւնը, որ ձեռնարկած է նման շինիչ ու օգտաշատ [...]

ՖՐԵԶՆՕ.- Ֆրեզնոյի քաղաքապետական խորհուրդի անդամ Անտրէաս Պորկասի առաջնորդութեամբ, եւ գլխաւորութեամբ քաղաքապետին ու քաղաքապետական խորհուրդի միւս անդամներուն, Ուրբաթ, Յունուար 20ին նամակ մը յղուած է Լոս Անճելըսի մօտ Հայաստանի գլխաւոր հիւպատոս Գրիգոր Յովհաննիսեանին՝ կոչ ընելով անոր, որ Ֆրեզնոյի համար Հայաստանի պատուոյ հիւպատոսի պաշտօն մը ապահովելու աշխատանքին նեցուկ կանգնի:
Նամակին տակ ստորագրած են նաեւ Ֆրեզնոյի հայկական եկեղեցիներու եւ կազմակերպութեանց [...]

Առաջնորդ Մուշեղ արք. Մարտիրոսեան, Երեքշաբթի, Յունուար 24ի երեկոյեան, Ազգ. առաջնորդարանի «Սիւլահեան» դահլիճին մէջ ընդունեց այցելութիւնը Հայկական ոսկրածուծի հիմնադրամի վարչութեան ներկայացուցիչներուն՝ գլխաւորութեամբ տոքթ. Ֆրիտա Ճորտընի։ Հանդիպումին ներկայ եղան կրօնական ժողովի ատենապետ Միւռոն Ծ. վրդ. Ազնիկեան եւ Ազգ. վարչութեան ատենապետուհի Ռիմա Պօղոսեան։
Հիմնադրամի վարչութեան ներկայացուցիչները եկած էին Ամանորի եւ Ս. Ծննդեան տօնին առիթով շնորհաւորութիւններ փոխանցելու առաջնորդին ու ժողովականութեան [...]

ՊԸՐՊԵՆՔ.- Երկուշաբթի, Յունուար 16ի երեկոյեան, առաջնորդարանին մէջ տեղի ունեցաւ առաջնորդ Յովնան արք. Տէրտէրեանի հանդիպումը Լոս Անճելըսի շրջանի ամէնօրեայ հայկական դպրոցներու հայերէնի ուսուցիչներուն հետ. հանդիպման կը մասնակցէին ՀԲԸՄ Մանուկեան-Տէմիրճեան վարժարանի հայկական բաժանմունքի ղեկավար Հրաչ Սեփեթճեան, Յովհաննէս սրկ. Գումրուեան, Սեւան Տէր Պետրոսեան ու Մարալ Ոսկեան, ՀԲԸՄ Վաչէ եւ Թամար Մանուկեան երկրորդական վարժարանէն՝ Լորա Գույումճեան, Նորայր Տատուրեան, իսկ [...]

ՍԱՐԳԻՍ ՓԱՆՈՍԵԱՆ
Համազգայինի շրջանային վարչութեան կազմակերպած ժողովին անմիջապէս յաջորդեց Ֆրեզնոյի «Դանիէլ Վարուժան» մասնաճիւղի հիմնադրութեան 30ամեակի մտերմիկ հաւաքը:
Վարչութիւնը գեղեցիկ գաղափարը ունեցած էր շրջանային այս ժողովէն ետք, բոլոր մասնաճիւղերու ներկայացուցիչներու ներկայութեամբ, մտերմիկ շրջանակի մը մէջ կատարել մասնաճիւղի հիմնադրութեան 30ամեակի հաւաքը. վարչութիւնը այս առիթով հրաւիրած էր շրջանիս մէջ գործող «Սողոմոն Թէհլիրեան» կոմիտէն, շրջանիս միութիւններու ներկայացուցիչներ, ընկերներ եւ բարեկամներ:
«Դանիէլ Վարուժան» [...]

ՆՈՒՊԱՐ ՏԷՄԻՐՃԵԱՆ
«ԺՈՂՈՎՈՒՐԴԻՍ ՀԵՏ, ԺՈՂՈՎՈՒՐԴԻՍ ՀԱՄԱՐ» նշանաբանով, Հայ Յեղափոխական Դաշնակցութեան Սան Ֆրանսիսքոյի «Քրիստափոր» եւ Սանթա Քլարայի «Սարդարապատ» կոմիտէութիւնները, 28 Յունուար 2012ին, երեկոյեան ժամը 8էն սկսեալ, «Խաչատուրեան» Հայ կեդրոնի «Սարոյեան» սրահին մէջ տօնակատարեցին ՀՅ Դաշնակցութեան 121ամեակը՝ կազմակերպութեամբ ընկերային յանձնախումբին:
Հանդիսութեան ներկայ էին գաղութիս հոգեւոր հովիւ Խորէն քհնյ. Հապէշեան, ՀՅԴ Արեւմտեան Ամերիկայի Կ. կոմիտէի ներկայացուցիչ Աւետիք Իզմիրլեան, շրջանի Ս. [...]

Ռ. ԿՈՐԻՒՆ
Պօէզիային նուիրուած երեկոյ էր: Պօէզիան գրականութեան ամենաընդգրկուն տեսակն է՝ հնչեղ բոլոր ժողովուրդների մօտ: Պօէզիային կեանք տուողը բանաստեղծն է. նա է, որ կեանքի վերիվայրումներից ներշնչուելով՝ ստեղծագործում է: Այո՛, բանաստեղծութիւնը կեանքից է բխում, ծիածանուած ու թուխպ մթագնած կեանքից: Բանաստեղծութիւնը ծնւում է շնորհալի, տաղանդաւոր անհատների մօտ, որոնք խորաթափանց եղելութիւնների ծալքերում ու ծիլերում ինքնաբուխ ու ինքնամոռ, առանց ծեքծեքումների [...]

Համայնքիս զաւակներէն Վաչէ Կիւլուզեան կենաց խնդիր մը կը դիմագրաւէ: Վաչէի հիւանդութիւնը կը սպառնայ իր կեանքին ու փրկութեան միակ միջոցը՝ ողնածուծի ճիշդ պատուաստը գտնելն է: Հայկական Ողնածուծի Շտեմարանը կը դիմէ 18-50 տարեկան բոլոր հայորդիներուն, որ դառնան ողնածուծի նուիրատուներ: Ձեր նուիրաբերումով կրնաք փրկարար հրեշտակ մը դառնալ ու կեանք տալ բոլորովին անծանօթ հայորդիի մը, որ կրնայ Վաչէն ըլլալ: [...]

Քրեսենթա հովիտի Հայ կեդրոնի «Զաւարեան» ամառնային ճամբարը այս տարի առաջին անգամ ըլլալով ձեռնարկեց ձմեռնային ճամբարի մը, որ տեղի ունեցաւ Դեկտեմբեր 26, 2011էն մինչեւ Յունուար 5, 2012:
Երկու շաբաթներու ընթացքին, ճամբարին մասնակից աշակերտները ծանօթացան նոր տարուան եւ Սուրբ Ծնունդի հայկական աւանդութիւններուն, սորվեցան տօնական երգեր, կատարեցին ձեռային աշխատանքներ, մանաւանդ իրենց նուրբ թաթիկներով պատրաստեցին խմորեղէններ եւ Կաղանդ պապուկին համար [...]

UCLA-ի Նարեկացիի անուան հայագիտութեան ամպիոնի բարեկամները համալսարանին կողմէ Հարաւային Քալիֆորնիոյ հայ համայնքին հետ կապերու սերտացման ճանչցուած կազմակերպութիւն մըն է:
Ընկերակցութիւնը այսու հաճոյքով կը յայտարարէ, թէ կազմակերպած է շահեկան դասախօսութիւն մը, ներկայացմամբ ճանչցուած արուեստաբան Թոմաս Մեթիուզի (Thomas Mathiews), պատկերներու ցուցադրութեամբ, նուիրուած՝ Կարսի Բագրատունեաց Գագիկ արքայի պատուէրով գրուած շքեղ Աստուածաշունչին, որ ներկայիս սեփականութիւնն է Երուսաղէմի պատրիարքարանին: Դասախօսութիւնը տեղի [...]

ԹԵՀՐԱՆ, «ԱԼԻՔ».- Իրանահայ լեռնագնաց Սուրէն Ստեփանեան Յունուար 30ին Դամաւանդի բարձունքներէն հեռաձայնով տեղեկացուցած է, որ Հայաստանէն Իրան մեկնած երեք լեռնագնացներ՝ Գարեգին Ունուսեան, Լեւոն Մովսիսեան եւ Յովհաննէս Մարտիրոսեան Երկուշաբթի օր, եղանակային բարդ պայմաններու մէջ 35 այլ լեռնագնացներու հետ յաջողած են առաջինը բարձրանալ գագաթ եւ արժանանալ առաջնակարգի կոչման:
Սուրէն Ստեփանեան, որ Հայաստանի լեռնագնացներու աշխատանքները կարգաւորելու կողքին՝ նաեւ Իրանի կառավարութեան [...]

Չիլիի տարածքին գտնուող, ամերիկեան ամենահարաւային կէտը նկատուող Փորթօ Ուիլիամզ շրջանին մէջ, որ ունի 2500 բնակիչ, Յունուար 29ին մեծ հանդիսաւորութեամբ բացուած է «Հայաստան» անունը կրող հրապարակ մը, ուր տեղադրուած է Հայաստանէն բերուած խաչքար: Փորթօ Ուիլիամսին հայկական խաչքար նուիրելու գաղափարը կը պատկանի արժանթինահայ հանրաճանաչ գործարար, «Քորփորասիոն Ամերիկա» ընկերութեան նախագահ Էդուարդօ Էռնեկեանին:
Հանդիսութեան մասնակցած են այդ նպատակով Փորթօ Ուիլիամզ [...]

ԹԻՖԼԻՍ.– «Սփիւռքի կրթօճախների համար դասագրքերի եւ այլ ուսումնաօժանդակ նիւթերի մշակում եւ տրամադրում» պետական ծրագիրին ծիրին մէջ Հայաստանի կրթութեան եւ գիտութեան նախարարութեան կողմէ Վրաստան ուղարկուած են ուսումնական գրականութիւն եւ կրթական այլ նիւթեր (7500 գիրքերը)՝ հայերէն դասաւանդող հանրային վարժարաններուն համար։
Վրաստանի 13 շրջաններու շուրջ 150 հայկական դպրոցները այս տարի, ի տարբերութիւն նախորդ տարիներուն, բացի այբբենարաններէն եւ կից աշխատանքային [...]

ԼՈՍ ԱՆՃԵԼԸՍ.- Արեւմտեան Ամերիկայի Հայ Դատի յանձնախումբը կը տեղեկացնէ, թէ Սան Ֆերնանտօ հովիտի Հիւսիսային (Նորթ Հիլզ) եւ Արեւմտեան (Էնսինօ) շրջաններու Հայ Դատի յանձնախումբերը, ինչպէս նաեւ Հոլիվուտի Հայ Դատի յանձնախումբը, Լոս Անճելըս քաղաքի քաղաքապետական խորհուրդի ընտրատարածքները վերադասաւորելու աշխատանքին ընթացքին, հայ համայնքին հետ գործակցելու մասնակցած են Լոս Անճելըսի քաղաքապետական խորհուրդի ընտրատարածքները վերադասաւորելու նպատակով կազմակերպուած յանձնաժողովին հրաւիրած հաւաքներուն՝ [...]

ԼՈՍ ԱՆՃԵԼԸՍ.- Զտումի մրցաշարքերէն ընտրուելով՝ Էլիզապէթ Պետրոսեան պիտի մասնակցի Փետրուար 3-5, Լոս Անճելըսի «Հելըմ Պերնսթին» երկրորդական վարժարանի մէջ (1309 N. Wilton Place) կայանալիք մարմնամարզի միջազգային մրցաշարքի մը, որուն իրենց մասնակցութիւնը կը բերեն աշխարհի տարածքէն աւելի քան 200 մարզիկներ:
«Ախոյեաններու Լոս Անճելըսի Լոյսեր» անունով մրցաշարքին իրենց մասնակցութիւնը կը բերեն Միացեալ Նահանգներէն, Ռուսիայէն, Ուքրանիայէն, Մեքսիքայէն, Փորթօ Ռիքոյէն, Հայաստանէն, [...]

ՓՈՔՐԻԿ ՀԱՅԱՍՏԱՆ.- Շաբաթ, Յունուար 14ին, գիշերուան ժամը 11:00ին, մեծ թիւով սաղիմահայեր հաւաքուեցան Հոլիվուտի Սուրբ Յովհաննու Կարապետ Հայց. եկեղեցւոյ մէջ, ուր Եփրեմ արք. Թապագեանի հանդիսապետութեամբ, նաեւ մասնակցութեամբ Վաչէ արք. Յովսէփեանի, ծուխի հոգեւոր հովիւ եւ Հարաւային Քալիֆորնիոյ առաջնորդական փոխանորդ Մանուկ Ա. քհնյ. Մարգարեանի, Արշակ Ա. քհնյ. Խաչատուրեանի, Նարեկ Ա. քհնյ. Մատարեանի եւ սարկաւագներու, կատարուեցաւ Սուրբ Ծննդեան արարողութիւն [...]

ԼԻՆՏԱ ԳԱՆՏԻԼԵԱՆ
Լոս Անճելըսի Հայ Քոյրերու վարժարանը 2011ի վերջին ամիսը ապրեցաւ հաճելի եռուզեռ մը՝ ընդունելով անակնկալ եւ յարգելի հիւրեր։
* Գանատայի նորընտիր առաջնորդ Միքայէլ եպս. Մուրատեան, Քալիֆորնիա կատարած իր հովուապետական այցելութեան ընթացքին այցելեց նաեւ Հայ Քոյրերու վարժարանը։ Երկուշաբթի, Դեկտեմբեր 18ի առաւօտեան, եպիսկոպոսը ժամանեց վարժարանս՝ ընկերակցութեամբ Կլենտէյլի Ս. Գրիգոր Լուսաւորիչ կաթողիկէ եկեղեցւոյ ժողովրդապետ Գրիգոր վրդ. Շահինեանի եւ փոխժողովրդապետ [...]

ՇԸՐՄԸՆ ՕՔՍ.- Հինգշաբթի, Փետրուար 2ին, երեկոյեան ժամը 7:30ին «Մերտինեան» վարժարանի սրահին մէջ (13330 Riverside Dr. Sherman Oaks, CA 91403) կայանալիք դասախօսական ձեռնարկի մը ընթացքին, փրոֆ. Արտեմ Սարգսեան պիտի արծարծէ հայոց լեզուին առնչուող զանազան հարցեր, ինչպէս՝
- Հայոց լեզուի ծագումը.
- Նախագրային հայերէնի գոյակցութեան դաշտը, միատարր թէ բազմատարր լեզուական իրավիճակը եւ բարբառներու գոյութեան հնագոյն վկայութիւնները.
- Գրային հայերէնի ժամանակաշրջանները [...]

Համազգայինի Միջ-Վարչական Հանդիպում
Կիրակի, Յունուարի 15ին, Համազգայինի Ֆրեզնոյի «Դանիէլ Վարուժան» մասնաճիւղի հիւրընկալութեամբ, Ֆրեզնոյի «Ասպարէզ» կենտրոնի սրահում տեղի ունեցաւ Համազգայինի Արեւմտեան Ամերիկայի շրջանային վարչութեան կազմակերպած հերթական Միջ-վարչական հանդիպումը, մասնակցութեամբ Համազգայինի շրջանային վարչութեան, Համազգայինի մասնաճիւղերի վարչութիւնների եւ միաւորների վարիչ կազմերի:
Համազգայինի Արեւմտեան Ամերիկայի շրջանային վարչութեան ատենապետ Ռոժէ Խատարեան բարի գալստեան խօսքերով կատարեց Միջ-վարչական ժողովի բացումը եւ շնորհակալութիւն յայտնեց Շրջ. [...]

ՄԱՐՕ ՔԷՇԻՇԵԱՆ
14-15 Յունուար 2012ի շաբաթավերջին, Կլենտէյլի Ս. Աստուածածին եկեղեցւոյ շրջափակը մանկական գեղեցիկ աշխարհի մը վերածուած էր: Եռուզեռի մէջ էր եկեղեցւոյ  ընդարձակ կանգառն ու «Արմենակ Տէր Պետրոսեան» սրահը: Ամէնուրեք ուրախ մթնոլորտ մը կը տիրէր: ՀՕՄի Ձմեռնային հրաշալիքներու փառատօնն էր, որ առաջին անգամ ըլլալով կազմակերպուած էր շրջանի Հայ Օգնութեան Միութեան կողմէ:
Ուրախ ժամանցի համար վեց հազարի շուրջ երեխաներ, [...]

Չորեքշաբթի, 11 Յունուար 2012ին, շրջանի ՀՄԸՄի մասնաճիւղերու վարչութիւններն ու շրջանային յանձնախումբերու անդամ-անդամուհիները համախմբուած էին ՀՄԸՄի կեդրոնի «Գէորգ Անտոնեան» սրահը՝ Նոր Տարին դիմաւորելու եւ բարեմաղթանքներ փոխանցելու յառաջիկայ տարեշրջանին համար:
Օրուան անակնկալը ՀՄԸՄ-ՀԱՍԿի Կեդր. վարչութեան ատենապետ Օշին Փիրումեանի ներկայութիւնն էր, որ յատուկ առաքելութեամբ ներկայացած էր ձեռնարկին:
Երեկոյի հրաւէրը շրջանային վարչութիւնը կազմակերպած ըլլալով՝ ներկաները ողջունեց եւ ամանորեայ շնորհաւորանքներ փոխանցեց ատենապետ [...]

Հայկական Ցեղասպանութեան 97րդ տարելիցի ոգեկոչման նախապատրաստական աշխատանքներու ծիրէն ներս, Ցեղասպանութեան Ոգեկոչման Միացեալ Մարմինը այսու կը յայտարարէ խորհրդանիշի (logo) պատրաստման մրցոյթ: Կը հրաւիրենք մեր գաղութի բոլոր  արուեստագէտ նկարիչները, գծագրող/ձեւաւորողները (designers) եւ հայկական վարժարաններու 10-12 դասարաններու աշակերտ-աշակերտուհիները, որ իրենց մասնակցութիւնը բերեն այս մրցոյթին:
Հայ ժողովուրդի մեծագոյն ողբերգութեան խորհրդանիշը հանդիսացող Ապրիլ 24ը, մեր մէկուկէս միլիոն անմեղ նահատակներուն լոկ ոգեկոչումն [...]

ՍԱՐԳԻՍ ՓԱՆՈՍԵԱՆ

ՆՈՐ ՏԱՐՈՒԱՆ  ՊԱՐԱՀԱՆԴԷՍ ԵՒ Ս. ԾՆՈՒՆԴ
Նոր Տարուան պարահանդէսը ամէն տարի վերապահուած էր շրջանիս «Սողոմոն Թեհլիրեան» կոմիտէին, սակայն այս տարի, կոմիտէն, ընդառաջելով «Չարլի Քէյեան» համագաղութային վարժարանի տնօրէնութեան եւ հոգաբարձութեան դիմումին՝ պարահանդէսի կազմակերպչական աշխատանքները յանձնեց դպրոցին, միաժամանակ խոստանալով թիկունք կանգնիլ աշխատանքներուն:
Պարահանդէսը տեղի ունեցաւ Դեկտեմբեր 31ին, Ս. Պօղոս եկեղեցւոյ սրահին մէջ, մասնակցութեամբ աւելի քան 350 ներկաներու: Հոգաբարձութեան [...]

ԵՐԵՒԱՆ, «Այսօր».– Հայաստանի Սփիւռքի նախարար Հրանոյշ Յակոբեան Յունուար 27ի  Հայաստանի Հանրապետութեան անձնագիր յանձնեց ամերիկահայ յայտնի իրաւաբան, ազգային, հասարակական գործիչ Արա Ակիշեանին, որուն Հայաստանի քաղաքացիութիւն շնորհուած է նախագահ Սերժ Սարգսեանի հրամանագիրով:
Նշենք, որ յայտնի իրաւաբան Արա Ակիշեան 1988էն ի վեր Քալիֆորնիոյ մէջ կը տանի դատական մասնագիտական գործունէութիւն: Ան լիազօրուած է աշխատելու նահանգի բոլոր դատարաններուն մէջ, Միացեալ Նահանգներու [...]

ՄԱՐԻԷԹ ՄԻՆԱՍԵԱՆ-ՕՀԱՆՆԷՍ
Կիրակի, Յունուար 15ին, կազմակերպութեամբ Պոլսահայ միութեան եւ հովանաւորութեամբ 24 Ապրիլի Հայկական միացեալ մարմինին, նշուեցաւ հինգերորդ տարելիցը Պոլսոյ «Ակօս» թերթի գլխաւոր խմբագիր Հրանդ Տինքի սպանութեան:
Երեկոն սկսաւ յայտնի տուտուկահար Ալպէրթ Վարդանեանի մելանոյշ մեղեդիներով:
Ներկայ էին Հիւսիսային Ամերիկայի Արեւմետեան թեմի նախկին առաջնորդ Վաչէ արք. Յովսէփեան, Ռազմիկ քհնյ. Խաչատուրեան, վեր. Յովսէփ Մաթոսեան, դատախազ Զաւէն Սինանեան, 24 Ապրիլի Հայկական միացեալ [...]

ԿԼԵՆՏԷՅԼ.- Ծանօթ է, որ Ֆրանսայի Ծերակոյտը Երկուշաբթի, Յունուար 23ին հաստատեց Ազգային ժողովին կողմէ ամիս մը առաջ որդեգրուած այն օրէնքը, որ ոճիր կը նկատէ Հայկական Ցեղասպանութեան ուրացումի կամ ժխտումի որեւէ քայլ։
Այս առիթով, առաջնորդ Մուշեղ արք. Մարտիրոսեան, յանուն Արեւմեան թեմին, նամակ մը յղեց Լոս Անճելըսի մօտ Ֆրանսայի հիւպատոս Տէյվիտ Մարթինոնի, ողջունելով Ֆրանսայի խորհրդարանի քաջարի որոշումն ու շնորհակալութիւն [...]

ԼՈՍ ԱՆՃԵԼԸՍ.-  Ամերիկայի Հայ Աւետարանչական Ընկերակցութիւնը, իր կանոնագիրին հետեւելով՝ անցեալ տարուան Հոկտեմբերին ընտրած էր ղեկավար խնամակալ մարմինը՝ բաղկացած ինը անդամներէ: Ընկերակցութեան ընդհանուր ժողովին կողմէ ընտրուած մարմինը կը բաղկանայ հետեւեալ անձերէն.
Պրայըն Պետրոսեան, Անիթա Պուչաքճեան, տոքթ. Նազարէթ Տարաքճեան, Ռապըրթ Հեքեմեան, Լուիս Քիւրքճեան, Քենըթ Գէորգեան, Լորի Մընչերեան, Հարոլտ Նահիկեան եւ իրաւաբան Արսինէ Պետրոսեան-Ֆիլիփս:
Նոր անդամները իրենց պատասխանատուութիւնը ստանձնեցին Հոկտեմբեր [...]

ՊԷՅՐՈՒԹ, «Ազդակ».- Կազմակերպութեամբ «Հայկազեան» համալսարանի Հայագիտական ամպիոնին եւ ներկայութեամբ գիտական թէ ակադեմական ուսանողներու եւ անձնաւորութեանց, դասախօսութիւն մը ներկայացուեցաւ Երկուշաբթի, 23 Յունուարին, «Հայկազեան» համալսարանի հանդիսասրահին մէջ:
Համալսարանի Հայագիտական ամպիոնին անունով Արմէն Իւրնեշլեան բարի գալուստ մաղթեց ներկաներուն՝ սեղմ գիծերու մէջ ներկայացնելով օրուան բանախօս փրոֆ. դոկտ. Լեւոն Եպիսկոպոսեանը: Իւրնեշլեան թուեց դասախօսին ուսումնական, ակադեմական վկայականներն ու իրագործումները՝ նշելով, որ ան [...]

Առաջնորդ Յովնան արք. Տէրտէրեան, մասնակցութեամբ ծուխի հոգեւոր հովիւ Եղիա քհնյ. Իսայեանի, Վենքուվըրի Ս. Վարդան Հայց. եկեղեցւոյ հոգեւոր հովիւ Գեղարդ Ա. քհնյ. Կարապետեանի, սարկաւագաց եւ դaՕծում Սիաթըլի Հայց. Եկեղեցւոյ
պրաց դասերու, Շաբաթ, Յունուար 14ին, կ.ե. ժամը 1:30ին, օծումը կատարեց Սիաթըլի առաջին Հայց. եկեղեցւոյ՝ զայն անուանելով Ս. Յարութիւն եկեղեցի:
Օծման հոգեպարար արարողութեան ներկայ էին Սիաթըլի Ղպտի ուղղափառ եկեղեցւոյ եպիսկոպոս [...]

ԿԼԵՆՏԷՅԼ.- Հայց. առաքելական եկեղեցւոյ հոգեւոր եղբայրակցութեան վարչութեան ներկայացուցիչները Ուրբաթ, Յունուար 20ի յետմիջօրէին այցելեցին Ազգային առաջնորդարան եւ ընդունուեցան առաջնորդ Մուշեղ արք. Մարտիրոսեանի կողմէ։ Հանդիպումին ներկայ եղան թեմի կրօնական ժողովի ատենապետ Միւռոն Ծ. վրդ. Ազնիկեան եւ Քրեսենթա հովիտի Հայց. առաքելական եկեղեցւոյ հոգեւոր հովիւ Ղեւոնդ քհնյ. Քիրազեան։ Ներկայացուցիչները եկած էին Ամանորի եւ Ս. Ծննդեան տօնին առիթով շնորհաւորելու առաջնորդ [...]

ԼՈՍ ԱՆՃԵԼԸՍ, «Լոս Անճելըս Թայմզ».- Լոս Անճելըսի ոստիկան մը, Կիրակի, Յունուար 22ին, Նորթ Հոլիվուտի մէջ կրակ բանալով՝ սպաննած է 22ամեայ հայ երիտասարդ մը՝ Կարապետ Պուլմաճեանը։
Ըստ ոստիկանութեան՝ իրաւապահները ահազանգ ստացած են, թէ զինեալ մը կը սպառնայ բնակարանի մը բնակիչներուն։ Ոստիկանները դէպքին վայրը հասնելով՝ հրահանգած են Պուլմաճեանին, որ վար դնէ զէնքը, սակայն Պուլմաճեան ոչ միայն չէ ենթարկուած, [...]

ՆԱՆԷ ԱՒԱԳԵԱՆ
«Հայկ» նախագիծը (Haik Project.org) կրթական ծրագիր է, որ գործում է «Հայ երեխայի բարօրութեան» հիմնադրամի շրջանակներում 2005 թուականից: Այն իր տեսակով բացառիկ ծրագիր է, որի նպատակն է
ծնողներին կրթել մի քանի առանցքային հարցերի շուրջ, հիմնականում՝ ծննդաբերութեան, յետծննդաբերական շրջանի եւ նորածնի խնամքի հետ կապուած, ինչպէս նաեւ թլփատման հարցերով:
Բժշկական մարդաբան Աստղիկ Վարդանեանն ու ամուսինը՝ մասնագիտութեամբ մանկական հոգեբոյժ Արթուր [...]

Հովանաւորութեամբ առաջնորդ սրբազան հօր Մուշեղ Արք. Մարտիրոսեանի եւ կազմակերպութեամբ Սրբոց Նահատակաց եկեղեցւոյ հովիւին եւ հոգաբարձութեան, Սուրբ Գրոց սերտողութեան սիրոյ ճաշը տեղի ունեցաւ Յունուար 8ին, կեսօրէ ետք ժամը 2ին, եկեղեցւոյ «Տիգրանեան» սրահին մէջ:
Սոյն խմբակները եկած էին թեմիս հինգ եկեղեցիներէն՝ Սուրբ Սարգիս (Փասատինա), Սուրբ Աստուածածին (Կլենտէյլ), Քառասնից Մանկանց (Օրենճ Քաունթի), Սուրբ Խաչ (Մոնթեպելլօ) եւ հիւրընկալ եկեղեցի Սրբոց [...]

ՓՈՔՐԻԿ ՀԱՅԱՍՏԱՆ.- Կազմակերպութեամբ Հոլիվուտի Հայ Դատի յանձնախումբին, Հոլիվուտի հայութեան ու Միացեալ Նահանգներու Ներկայացուցիչներու տան անդամ Էտըմ Շիֆի միջեւ իւրայատուկ հանդիպում մը տեղի ունեցաւ Կիրակի, Յունուար 15ի երեկոյեան, Հոլիվուտի Հայ կեդրոնի սրահին մէջ, մօտաւորապէս 200 հոգու ներկայութեամբ:
Հոլիվուտի Հայ Դատի յանձնախումբի վարչութեան անդամ Թերեզա Երեմեան բարի գալուստ մաղթեց քոնկրեսականին եւ յիշեցուց, որ եթէ ան շրջանի ներկայացուցիչը ընտրուի, [...]

ՓՈՔՐԻԿ ՀԱՅԱՍՏԱՆ.- Եկեղեցւոյ անուանակոչութեան տօնին առիթով, Կիրակի, Յունուար 15ին, Հոլիվուտի Ս. Կարապետ Մայր եկեղեցւոյ մէջ եպիսկոպոսական Ս. պատարագ մատուցեց առաջնորդ Մուշեղ արք. Մարտիրոսեան։ Ս. սեղանին սպասարկեցին եկեղեցւոյ հոգեւոր հովիւ Վիգէն Ա. քհնյ. Վասիլեան եւ սարկաւագներն ու դպիրները։
Սրբազան հայրը, Շարակնոցէն մէջբերելով հետեւեալ աղօթքը՝ «Բարձրեալին մարգարէն եւ թագաւորին զինուորը, որ նաեւ կիներու ծնունդներուն մէջ մեծ կոչուեցաւ, հոգեւոր [...]

ԼՈՍ ԱՆՃԵԼԸՍ.- Ընդառաջելով Լոս Անճելըսի վերահսկիչներու խորհուրդի անդամ Մայքըլ Անթոնովիչի հրաւէրին՝ առաջնորդ Մուշեղ արք. Մարտիրոսեան Երեքշաբթի, Յունուար 17ի կէսօրին ներկայ եղաւ յիշեալ յանձնաժողովի նիստին ու աղօթքով կատարեց նիստին բացումը։
Առաջնորդ սրբազանը, Վիգէն Ա. քհնյ. Վասիլեանի ու Հայ Դատի գրասենեակի ներկայացուցիչներէն Փաթիլ Աբոշեան-Գասպարեանի ընկերակցութեամբ, յանձնաժողովի նստավայրը հասաւ կէսօրին։ Ատենապետ Զեւ Եարովսլաւսքի հրաւիրեց առաջնորդը՝ կատարելու նիստի բացման աղօթքը։
Առաջնորդը [...]

ԿԼԵՆՏԷՅԼ.- «Մաշտոց» քոլեճի հիմնադրութեան 20ամեակին եւ դոկտ. Կարպիս Տէր Եղիայեանի համալսարանական ղեկավարութեան 35ամեայ վաստակին նուիրուած համագաղութային ձեռնարկներ տեղի պիտի ունենան յառաջիկայ ամիսներուն. անոնցմէ առաջինը տեղի պիտի ունենայ Կիրակի, Փետրուար 19ին, երեկոյեան ժամը 5ին, Փասատինայի Հայ Նազովրեցի եկեղեցւոյ մէջ, ուր դոկտ. Կարպիս Տէր Եղիայեան պիտի ներկայացնէ Արեւմտեան Հայաստանի եւ Կիլիկիոյ իր լուսանկարները, իսկ Յասմիկ Գլճեան՝ իր [...]

ԿԼԵՆՏԷՅԼ.- Դեկտեմբեր 23ին, Հիւսիսային Ամերիկայի եւ Գանատայի Հայ կաթողիկէ եկեղեցւոյ առաջնորդ Միքայէլ եպս. Մուրատեան եւ Կլենտէյլի Ս. Գրիգոր Լուսաւորիչ Հայ կաթողիկէ եկեղեցւոյ ժողովրդապետ Գրիգոր վրդ. Շահինեան ստորագրեցին եկեղեցւոյ պարտքը վերադասաւորող համաձայնութիւնը, որուն շնորհիւ կարելի պիտի ըլլայ տարեկան մօտաւորապէս 22,000 տոլար խնայել վճարուելիք տոկոսներէն:
Պարտքը նուազեցնելու այս քայլին շնորհիւ՝ 1,870,000 տոլարէն 1.5 միլիոնի իջած (Դեկտեմբեր 31ի տուեալներով) [...]

ՇԸՐՄԸՆ ՕՔՍ.- «Մերտինեան» վարժարանի հիմնադրութեան 30ամեակին նուիրուած ձեռնարկը, որուն ընթացքին լուսարձակի տակ պիտի առնուին վարժարանի երեսնամեայ գործունէութիւնը եւ անոր իրագործումները, տեղի պիտի ունենայ Կիրակի, Մարտ 4ին, «Արարատ տան» «Ճորճ Տէօքմէճեան» սրահին մէջ:
Օրուան գլխաւոր բանախօսը պիտի ըլլայ իրաւաբան Փիթըր Ղուկասեան՝ Նիւ Եորքէն, որ շրջանային ընդհանուր դատախազի օգնական է: Ձեռնարկին մասին յաւելեալ տեղեկութեանց կամ տեղեր ապահովելու համար, [...]

ՓԱՍԱՏԻՆԱ.- Երեքշաբթի, Դեկտեմբեր 20ի կէսօրին տեղի ունեցաւ Հայ ամերիկեան տարեցներու միութեան Փասատինայի մասնաճիւղի Նոր տարուն ճաշկերոյթը: Ներկայ էին Ս. Սարգիս եկեղեցւոյ հոգեւոր հովիւ Խորէն քհնյ. Պապօշեան, կեդրոնական վարչութեան նախագահ Եուրի Աֆտանտիլեան, Մերի Դանիէլեան, Ռաֆֆի Ճաւաթեան, Աղանուր Աղուինլեան, Հոլիվուտի եւ Փասատինայի վարչութեանց ընկերուհիներ եւ Շաբաթօրեայ տնօրէնուհի Արփի Կիտցինեան:
Ատենապետուհի Մարի Թռթռեան հաւաքոյթին բացումը կատարեց՝ բարի գալուստ մաղթելով [...]

Խմբագրութիւնս ստացած է Կարօ Պետրոսեանի «Հայաստանեայց Եկեղեցւոյ Տօները Եւ Ազգային Աւանդութիւններ» գիրքը՝ հրատարակուած առաջնորդ Յովնան արք. Տէրտէրեանի հովանաւորութեամբ, եւ մեկենասութեամբ բարերարներ տէր եւ տիկին Պարոյր եւ Արմինէ Գրաճեաններու:
Գիրքը՝ 330 էջ, մեսրոպեան ուղղագրութեամբ, արեւելահայերէնի վերածած է երիցուհի Էլիա Սարիբեկեան, æաւախքի մէջ: Հատորը կը բովանդակէ Հայաստանեայց եկեղեցւոյ հինգ տաղաւարներն ու գլխաւորաբար բոլոր տօները՝ եկեղեցւոյ տարեցոյցին յաջորդականութեամբ:
Հեղինակը գիրքին [...]

ՊԸՐՊԵՆՔ.- Ս. Ծննդեան տօնին օրը՝ Ուրբաթ, Յունուար 6ին, առաւօտեան ժամը 9:30ին, առաջնորդանիստ Սրբոց Ղեւոնդեանց Մայր տաճարին մէջ առաջնորդ Յովնան արք. Տէրտէրեանի հանդիսապետութեամբ կատարուեցաւ ժամերգութիւն՝ դասապետութեամբ առաջնորդանիստ տաճարի «Խաչատուրեան» դպրաց դաս երգչախումբին, ղեկավարութեամբ Ստեփան սրկ. Կէօզիւմեանի եւ երգեհոնահարութեամբ Գեղամ Աշճեանի:
Ժամը 10:30ին, սրբազանը հոգեւորականներու, սարկաւագներու թափօրով եւ երգչախումբի կողմէ «Հրաշափառ»ի երգեցողութեամբ առաջնորդուեցաւ տաճար, ուր մատոյց Ս. պատարագը: [...]

ԼԻՆՏԱ ԳԱՆՏԻԼԵԱՆ
Դեկտեմբեր ամիս… Հայ Քոյրերու վարժարանի մանկապարտէզէն մինչեւ ութերորդ դասարանի աշակերտները, իրենց դասերու կողքին տօնական օրերու նախօրեակին լծուեցան Ծննդեան հանդիսութեանց պատրաստութեան՝ ըլլան անոնք Կաղանդի յատուկ դասարանային աշխատանքներ կամ երգչախումբի փորձեր, թատրոնի պատրաստութիւն, որոնք անգամ մը եւս վարժարանը վերածեցին մեղուաբեթակի մը՝ անոր տալով տօնական փայլք:
Մանկապարտէզի եւ նախակրթարանի անջատ հանդէսները հոգեկան մեծ հաճոյք եւ հրճուանք պատճառեցին ծնողներուն [...]

ՆՈՒՊԱՐ ՏԷՄԻՐՃԵԱՆ
«Տարի» ըսուածը՝ մարդկային հաշուարկներով տարուան 365 օրերը թուաբանօրէն բաժնել չորս եղանակներու՝ գարուն, ամառ, աշուն ու ձմեռ, 12 ամիսներու, ապա 52 շաբաթներու, օրերու, ժամերու ու վայրկեաններու… հոյակապ ստեղծագործութիւն ու դրութիւն մըն է: Մարդկութեան եւ համայն աշխարհի համար գործելաձեւի մէջ դրուած հոյակապ կարգ ու կանոն մըն է, առանց որուն կարելի չէ երեւակայել աշխարհին վիճակը:
Հաւատա՞լ, թէ չհաւատալ [...]

ԼՈՍ ԱՆՃԵԼԸՍ.- Կիրակի, Յունուար 15ին, Շուշիի արուեստի ծրագիրը (Shushi Art Project) իր հանրային անդրանիկ ծրագիրով հանդէս եկաւ Լոս Անճելըսի «Պարզնտըլ» թատերասրահին մէջ, ուր ծրագիրին ի նպաստ ելոյթ ունեցաւ «Վահագնի» նուագախումբը՝ ամբողջութեամբ լեցուն սրահի մը առջեւ:
Մրցանակակիր կիթառահար Վահագնիի՝ Վահագն Թուրգութեանի, կիթառին շուրջ համախմբուած էին Վարդան Յովսէփեան (դաշնակ), Արտիոմ Մանուկեան (թաւջութակ), Հեմիլթըն Փրայս (պէյս) եւ Զեք Հարմըն [...]

ԳԷՈՐԳ ՄԱՆՈՅԵԱՆ
Տպաւորութիւններ՝ Յունուար 15ին, Շուշիի արուեստի ծրագիրին ի նպաստ Լոս Անճելըսի «Պարզնտըլ» թատերասրահին մէջ տեղի ունեցած «Վահագնի»ի ելոյթէն, որ Վահագն Թուրգութեանի կիթառին շուրջ համախմբեց Արտիոմ Մանուկեանի թաւջութակը, Վարդան Յովսէփեանի դաշնակը, Հեմիլթըն Փրայսի «պէյս»ը եւ Զեք Հարմընի հարուածային գործիքները։
Սովորաբար ներկայացուած կտորներուն մուտքը հանդարտ ու հիւրընկալ էր, սակայն ալեկոծումները չէին ուշանար՝ ունկնդիրը ներգրաւող ուժը կրկնապատկելով։ Կշռոյթը արագօրէն [...]

ՓԱՍԱՏԻՆԱ.- Քանի մը տարիէ ի վեր, իբրեւ Ս. Գրիգոր Լուսաւորիչ եկեղեցւոյ Ալֆրետ եւ Մարկրիթ Յովսէփեան վարժարանի երկու աշակերտներու ծնող, ականատես եղած եմ վարժարանին արձանագրած նուաճումներուն, ինչպէս նաեւ անոր դիմագրաւած դժուարութիւններուն։ Ականատես եղած եմ խնամակալ մարմինի, ծնողա-ուսուցչական կազմի, տնօրէնութեան եւ ուսուցչակազմի անդամներուն ցուցաբերած նուիրաբերումին՝ դպրոցի ձեռնարկներուն յաջողութեան նպաստող, ինչպէս նաեւ դժուարութեան մը յաղթահարման կամ շրջանցման համար [...]

ՆԱՆԷ ԱՒԱԳԵԱՆ
«Շամլեան» Ազգային վարժարանում Յունուարի 13ը իւրատեսակ օր էր: Կրթօջախը հիւրընկալել էր Տիեզերքի հետազօտութիւնների ամերիկեան գործակալութեան՝ ՆԱՍԱի ճանաչուած տիեզերագնաց Գրեգորի Էրոլ Չամիտոֆին: Նրա այցի պատմութիւնը հայկական դպրոց սկսուել էր մի քանի ամիս առաջ, երբ վարժարանի 4րդ դասարանի աշակերտ  Շանթ Արմէնեանը նամակ էր գրել կոնգրեսական Էդըմ Շիֆին՝ յայտնելով, որ  ինքն ու դասընկերները շատ կը ցանկանային հանդիպել [...]

ՊԸՐՊԵՆՔ.- Կազմակերպութեամբ Թէքէեան մշակութային միութեան Լոս Անճելըսի մասնաճիւղին, Հինգշաբթի, Փետրուար 2ին, երեկոյեան ժամը 7:30ին տեղի պիտի ունենայ դոկտ. Հրանդ Աճէմեանի 50ամեայ մշակութային ծառայութեան առիթով մեծարանքի հանդիսութիւն մը:
Ձեռնարկին ընթացքին ելոյթներ պիտի ունենան Բարսեղ Գարթալեան, Կարօ Պետրոսեան ու Վաչէ Սեմերճեան, ինչպէս նաեւ պիտի գործադրուի գեղարուեստական յայտագիր մը:
Մեծարանքի սոյն հանդիսութիւնը տեղի պիտի ունենայ առաջնորդարանի «Զօրայեան» թանգարանի սրահին մէջ [...]

«Թատերոն» հրատարակչատունը լոյս ընծայած է Պոլսոյ ամիրաներու եւ յատկապէս ճարտարապետներու Պալեան ընտանիքին մասին ուսումնասիրութեան մը անգլերէն թարգմանութիւնը: Փասքալ Քարմոնթի «The Amiras: Lords of Ottoman Armenia» հատորը անգլերէնի թարգմանած է Մարիքա Պլանտին, իսկ անոր նախաբանը գրած է դեսպան Պեռնար Տորին: Յաւելեալ տեղեկութեան համար, դիմել info@gomidas.org հասցէին:

ՍԱՐԳԻՍ ՓԱՆՈՍԵԱՆ
ՌԱՖՖԻ ՅՈՎՀԱՆՆԷՍԵԱՆ՝ ԾՆՆԴԱՎԱՅՐ ՖՐԵԶՆՈՅԻ ՄԷՋ
Նախաձեռնութեամբ Ֆրեզնոյի Չարլի Քէյեան Համագաղութային վարժարանի հոգաբարձութեան եւ Ֆրեզնոյի համալսարանի Հայկական բաժանմունքի ամպիոնին, Ուրբաթ, Դեկտեմբեր 23ին, համալսարանին մէջ տեղի ունեցաւ օգտաշատ եւ մտերմիկ զրոյց մը՝ Հայաստանի երկրորդ հանրապետութեան առաջին արտաքին գործոց նախարար եւ ներկայիս Հայաստանի խորհրդարանի Ժառանգութիւն կուսակցութեան խմբակցութեան ղեկավար Ռաֆֆի Յովհաննէսեանի հետ, ներկայութեամբ աւելի քան 300 անձի:
Զրոյցին բացումը կատարեց [...]

ՈՒԵՍԹՈՒՈՒՏ, Քալիֆորնիա.- Հինգշաբթի, Յունուար 26ին, կ.ա. ժամը 10ին մինչեւ կ.ե. ժամը 3, Քալիֆորնիոյ համալսարանի Լոս Անճելըսի մասնաճիւղի (UCLA) «Պրուըն Ուոք» շրջանին մէջ, համալսարանի Հայ ուսանողներու միութիւնը ուսանողական շարք մը այլ կազմակերպութեանց հետ գործակցաբար կազմակերպած է լուռ նստացոյց մը՝ լուսարձակի տակ առնելու համար Հայկական Ցեղասպանութեան ուրացումը, որ կը շարունակուի Թուրքիոյ իշխանութիւններուն առաջնորդութեամբ:
«Ուրացման արատ»ը խորագրուած նստացոյցը կազմակերպողները [...]

Մեր Հինգշաբթի, Յունուար 19 թիւի 6րդ էջին վրայ տրուած «Պըրպենքի Հայ Դատը՝ Նոր Տարեշրջանի Մը Սեմին» լուրին վերջին պարբերութիւնը՝ «Շրջանի ՀՅԴ կոմիտէն հետեւեալները նշանակած է Պըրպենքի Հայ Դատի յանձնախումբի անդամ…», պէտք է կարդալ «Պըրպենքի Հայ Դատի յանձնախումբի անդամ նշանակուած են՝ Սիլվա Քէշիշեան (ատենապետ), Անեթ Քարկոտորեան (ատենադպիր), Հուրի Դաւիթեան (գանձապահ) եւ խորհրդականներ Մարալ Եսայեան եւ Ճոզէֆ [...]

ԿԼԵՆՏԷՅԼ.- Յիսուս Քրիստոսի Ս. Ծննդեան եւ Աստուածայայտնութեան տօնին առթիւ, Ուրբաթ, Յունուար 6ին, Արեւմտեան թեմի բոլոր եկեղեցիներուն մէջ մատուցուեցաւ Ս. պատարագ եւ Աստուածորդւոյն մկրտութիւնը խորհրդանշող Ջրօրհնէքի արարողութիւն կատարուեցաւ։ Առաջնորդ Մուշեղ արք. Մարտիրոսեան Ս. պատարագ մատուցեց, քարոզեց եւ Ջրօրհնէքի արարողութիւն կատարեց Կլենտէյլի Ս. Աստուածածին եկեղեցւոյ մէջ։
Առաջնորդը իր քարոզին մէջ վեր առաւ Ս. Ծննդեան տօնին խորհուրդը՝ նշելով, որ [...]

ՌԵՆՉՕ ՄԻՐԱԺ.- Շաբաթ, Յունուար 7, 2012 թուականը յիշատակելի եւ պատմական օր մը եղաւ Ռենչօ Միրաժի Ս. Կարապետ Հայց. եկեղեցւոյ համար, երբ առաջնորդ Տ. Յովնան արք. Տէրտէրեան օծումը կատարեց յիշեալ եկեղեցւոյ:
Սրբազանը հոգեւորականներու թափօրով եւ առաջնորդանիստ Սրբոց Ղեւոնդեանց Մայր տաճարի «Խաչատուրեան» երգչախումբի «Հրաշափառ» շարականի երգեցողութեամբ մուտք գործեց եկեղեցիէն ներս: Արարողութեան մասնակցեցան Վաչէ արք. Յովսէփեան, ծուխի հոգեւոր հովիւ [...]

ՄԻՇԸՆ ՀԻԼԶ.- Արեւմտեան թեմի տարիներու աւանդութեան համաձայն, Ամանորի եւ Ս. Ծննդեան տօներուն առիթով եւ տնօրինութեամբ առաջնորդ Մուշեղ արք. Մարտիրոսեանի, Երեքշաբթի, Յունուար 10ին, Ս. պատարագ մատուցուեցաւ եւ Ջրօրհնէք կատարուեցաւ «Արարատ Տան» Միշըն Հիլզի կեդրոնին մէջ։ Արարողութեան մասնակցութիւն բերին թեմի հոգեւորականաց դասու անդամներ, նուագակցութեամբ փրոֆ. Լեւոն Աբրահամեանի։ Մենակատարութիւնը կատարեց ծանօթ արուեստագէտ Անահիտ Ներսիսեան։
Առաւօտեան ժամը 10ին, հաստատութեան հիւանդանոցի [...]

ԿԼԵՆՏԷՅԼ.- Քալիֆորնիոյ հայ գրողներու միութեան յաջորդ գրական հանդիպումը՝ հովանաւորութեամբ Կլենտէյլի հանրային գրադարանին, տեղի պիտի ունենայ Ուրբաթ, Յունուար 20ին, երեկոյեան ժամը 6ին, գրադարանի սրահին մէջ (222 East Harvard St, Glendale CA 91205): Տեղի պիտի ունենայ անուանի բանաստեղծ, Երեւանի պետական համալսարանի արտասահմանեան գրականութեան դասախօս փրոֆ. Արտեմ Յարութիւնեանի հեղինակային ելոյթը ու պիտի ներկայացուի անոր նոր ժողովածոն՝ «Հեռուստապօէմներ Շուշի [...]

ՊԸՐՊԵՆՔ.- Անցեալ տարուան համալսարանական եւ ասպարէզի խորհրդատուական փառատօնը յաջողութեամբ պսակելէ ետք, Պըրպենքի Հայ Դատի յանձնախումբը պատրաստ է նոր տարուան մարտահրաւէրները դիմագրաւելու, վերջին քանի մը ամիսներուն ընթացքին ամբողջացնելէ ետք 2012ի աշխատանքային ծրագիրը:
Աշխատանքային ծրագիրը եւ գործունէութեան նպատակը բիւրեղացնելու նպատակով, Պըրպենքի Հայ Դատի յանձնախումբի անդամները Նոյեմբեր 16ին խորհրդակցական ժողով մը կատարեցին, իսկ անկէ ետք՝ հարցախոյզ մը, որուն պատասխանած [...]

ԼԱ ՔՐԵՍԵՆԹԱ.- Կիրակի, Յունուար 22ին, կ.ե. ժամը 1ին, Քրեսենթա հովիտի Հայց. Առաքելական եկեղեցւոյ Ս. պատարագէն անմիջապէս ետք, տեղի պիտի ունենայ հայկական շարականներուն մասին դասախօսութիւն մը: Բանախօսն է հայ համանքի հանրածանօթ հասարակական գործիչ եւ մտաւորական դոկտ. Հրանդ Աճէմեան:
Հրանդ Աճէմեան ծնած է Պէյրութ եւ յաճախած է Նշան Փալանճեան ճեմարանը. ան շրջանաւարտ է Անթիլիասի դպրեվանքէն: Պաշտօնավարած է Պէյրութի [...]

ՌՈԶԱՆՆԱ ՈՒԼԻԿԵԱՆ
Հովանաւորութեամբ ՀՕՄի «Սիփան» մասնաճիւղին, Շաբաթ, 17 Դեկտեմբեր 2011ի առաւօտեան ժամը 11էն սկսեալ աշխոյժ մթնոլորտ կը տիրէր «Գրիգոր եւ Մարիամ Գարամանուկեան» կեդրոնէն ներս, ուր հաւաքուած էին Շաբաթօրեայ վարժարանի աշակերտները, իրենց ծնողներուն հետ միասնաբար տօնելու աւանդական Տարեմուտը։
Կրթական նոր տարեշրջանի անցած երեք ամիսներուն ընթացքին, դասերու ուսուցման զուգընթաց Մանկապարտէզէն մինչեւ 8րդ դասարանի աշակերտներ նախապատրաստուեցան Նոր Տարուան հանդէսին՝ սորվելով [...]

ԿԼԵՆՏԷՅԼ.- Կլենտէյլի քաղաքապետական խորհուրդը կը տեղեկացնէ, թէ քաղաքի Բնակարանային վարչութեան Բնակիչներու խորհրդակցական մարմինի անդամ նշանակած է Պարգեւ Ասատուրեանը:
Բնակիչներու խորհրդակցական մարմինի պարտականութիւնն է քաղաքի բնակարանային հարցերով խորհրդակցութիւններ ունենալ՝ անոնց արդիւնքները փոխանցելով քաղաքապետական խորհուրդին:

ՊԸՐՊԵՆՔ.- Դեկտեմբեր 21ի երեկոյեան, եկեղեցական արարողութիւն կատարուեցաւ առաջնորդանիստ Սրբոց Ղեւոնդեանց Մայր տաճարի հոգեւոր հովիւ Խաժակ քհնյ. Շահպազեանի կողմէ: Ապա, «Նազարէթ եւ Սիմա Գալայճեան» սրահին մէջ, եկեղեցւոյ «Բարի Սամարացիներ» տիկնանց խումբը այս տարի եւս կազմակերպած էր ձեռնարկ մը, որմէ գոյացած հասոյթը պիտի տրամադրուի բարեսիրական նպատակներու: Ներկաները հիւրասիրուեցան տաք ապուրով եւ իրենց սրտաբուխ նուէրները փոխանցեցին այս առթիւ, [...]

Ընտանեկան հաճելի մթնոլորտ, Ս. Ծննդեան խորհուրդէն բխած խաղաղութեան, սիրոյ ու հաճութեան մաղթանքներու փոխանակում, հայկական տոհմիկ ու ժողովրդային երաժշտութիւն, ու այս բոլորին կողքին՝ Մեծի Տանն Կիլիկիոյ Ս. Աթոռի գահակալ ՆՍՕՏՏ Արամ Ա. կաթողիկոսի ու Հիւիսային Ամերիկայի Արեւմտեան թեմին բարեխնամ առաջնորդ Մուշեղ արք. Մարտիրոսեանի պատգամներով ու յորդորներով ծաղկած մթնոլորտ…
Ահա թէ ինչպիսի գլխաւոր գիծերով յատկանշուեցաւ առաջնորդ սրբազանին Ս. [...]

Հոգեւոր եղբայրներ,
Մեծարգոյ գլխաւոր հիւպատոս Հայաստանի Հանրապետութեան,
Յարգելի Պրն. Րաֆֆի Յովհաննէսեան, անդամ Հայաստանի Ազգային Ժողովին ու նախագահ՝ «Ժառանգութիւն» կուսակցութեան
Պատուարժան անդամներ ու ներկայացուցիչներ ՀՅ Դաշնակցութեան Կեդրոնական կոմիտէի, Մեծի Տանն Կիլիկիոյ կաթողիկոսութեան Ազգային     Կեդրոնական վարչութեան, Թեմիս Ազգային վարչութեան, Երեսփոխանական ժողովին ու ծխական շրջաններու հոգաբարձութեանց,
Յարգարժան ներկայացուցիչներ ՀՕՄի, ՀՄԸՄի եւ Համազգայինի Կեդրոնական ու Շրջանային վարչութեանց եւ Հայ Դատի Յանձնախումբի,
Թեմիս Ազգային վարժարաններու [...]

ՄԻՇԸՆ ՀԻԼԶ, Քալիֆորնիա.- Կիրակի, Յունուար 15ին, կ.ե. ժամը 4ին, «Արարատ տան» «Էսքիճեան» սրահին
մէջ, դատաւոր Արման Արապեան հանրութեան պիտի ներկայացնէ ինքնակենսագրական իր նոր հրատարակած հատորը՝ «From the Gravel to the Gavel», որմէ օրինակներ տրամադրելի պիտի ըլլան ձեռնարկի ընթացքին:
Արապեան անդրանիկ զաւակն է Հայկական Ցեղասպանութենէն վերապրած ամոլի մը եւ ծնած է Նիւ Եորք: Ան իր իրաւաբանական վկայականը ստացած [...]

Հայկական նիւթերու յատկացուած համացանցային հանրագիտարանը՝ «Armeniapedia»ն, կը տեղեկացնէ, թէ կամաւորներու կարիքը ունի կայքին գործունէութիւնը բարելաւելու եւ զայն նոր մակարդակի հասցնելու համար: Կայքապետը (webmaster) կարիքը ունի կամաւորներու, որոնք հանրագիտարանին տեղեկութիւնները աւելի լաւ պիտի դասաւորեն, խմբագրեն ու անոր մէջ յաւելեալ տեղեկութիւններ ամբարեն: Կարիքը կայ նաեւ անգլերէնէ հայերէնի թարգմանիչներու:
Յաւելեալ տեղեկութեանց համար, այցելել http://armeniapedia.org/index.php?title=Main_Page կայքէջը կամ դիմել Ռաֆֆիին՝ www.cilicia.com [...]

ՓԱՍԱՏԻՆԱ.- Կիրակի, Յունուար 22ին, Փասատինայի Սուրբ Գրիգոր Լուսաւորիչ Հայց. եկեղեցւոյ մէջ Ս. պատարագ պիտի մատուցուի եկեղեցւոյ մէջ առաջին պատարագի 65րդ տարեդարձին առիթով: Պիտի պատարագէ Եդէմի Ս. Աստուածածին եկեղեցւոյ հոգեւոր հովիւ Վարդան Ա. քհնյ. Գասպարեան, որուն մեծ հօրեղբօրորդին՝ Վարդան արք. Գասպարեան, մատուցած էր եկեղեցւոյ առաջին պատարագը:
Յաւարտ Ս. պատարագի, հիւրասիրութիւն մը կազմակերպուած է եկեղեցւոյ «Կիրակոս» սրահին մէջ: [...]