ՊՈԼԻՍ.- Պոլսոյ Թեշվիքիէ շրջանը գտնուող «Էսփաս» արուեստի ցուցասրահին մէջ, Ապրիլ 5ին, արուեստասէրներու հոծ բազմութեան մը ներկայութեան կատարուեցաւ բացումը ֆրանսահայ նկարչուհի Ասիլվայի նկարչական ցուցահանդէսին։
«Այս արժէքաւոր արուեստագէտը անծանօթ մը չէ պոլսահայութեան, որովհետեւ ան նախ արդէն պոլսահայ է, ապա որովհետեւ նախապէս քաղաքիս մէջ սարքած էր ցուցահանդէս մը: Ասիլվա նկարչուհի մըն է, որ հետեւելով հանդերձ վերացական նկարչութեան՝ ունի վերացական [...]

ՊՈԼԻՍ.- «Արաս» հրատարակչատունը վերջերս Պոլսոյ մէջ հրատարակեց Արա Ակինեանի «Հայրիկ Հայրիկ» խորագրեալ վէպը, որ կը վերաբերի Խրիմեան Հայրիկի կեանքին ու գործունէութեան։ Այս վէպը մօտաւորապէս յիսուն տարի առաջ թերթօնի ձեւով հրատարակուած է «Ժամանակ» թերթին մէջ։ Հրատարակիչները կը յայտնեն, թէ ընդհանրապէս հաւատարիմ մնալով հանդերձ թերթօնային բնագիրին՝ անոնք կատարած են ձեւական որոշ փոփոխութիւններ։
«Անշուշտ հեղինակը այս վէպը գրի առած [...]

ՊԷՅՐՈՒԹ.- Երկուշաբթի, 9 Ապրիլի երեկոյեան ժամը 7ին, «Ազդակ»ի «Փիւնիկ» սրահին մէջ տեղի ունեցան Համազգայինի «Վահէ Սէթեան» հրատարակչատան կազմակերպած մանկապատանեկան գիրքերու եւ դաստիարակչական խաղերու ցուցահանդէսի փակման հանդիսութիւնը, ինչպէս նաեւ՝ ընթերցանութեան ու գիրքի պատրաստութեան մրցանակաբաշխութիւնները: Հայկական տպագրութեան 500ամեակին եւ «Հայ Գիրքի Տարուան» առիթներով կազմակերպուած այս նախաձեռնութեան ընթացքին, անցնող երեք շաբաթներուն գործադրուեցան գեղարուեստական զանազան յայտագիրներ եւ տեղի ունեցան [...]

ԱԹԷՆՔ.- Կիրակի, 1 Ապրիլի երեկոյեան ժամը 7ին, Քսանթիի «Իտրիմա Թրաքիքիս» սրահէն ներս տեղի ունեցաւ ասմունքի երեկոյ՝ կազմակերպութեամբ Համազգայինի «Ղ. Սարեան» Թեսաղոնիկէի մասնաճիւղի եւ ՀՅԴ «Սողոմոն Թէհլիրեան» երիտասարդական խումբին:
Ասմունքի երեկոյին ներկայ գտնուեցան Թեսաղոնիկէէն, Քսանթիէն եւ Գոմոթինիէն հայ եւ յոյն գրասէրներ:
Յայտագիրը կը ներգրաւէր աւելի քան քսան հայ բանաստեղծներու գանձարանէն ընտրուած կտորներ, որոնք ներկայացուեցան յունարէն լեզուով: Հնչեցին պայքարի, [...]

Յառաջացեալ տարիքի մէջ իր մահկանացուն կնքած է Պոլսոյ յայտնի անուններէն՝ երգչուհի Ատրինէ Մխիթարեան-Վաներ։ «Մօտիկ անցեալի մէջ ան երաժշտական մեր կեանքէն ներս ունէր իր կարեւոր ներկայութիւնն ու մասնակցութիւնը», կը տեղեկացնէ «Մարմարա» օրաթերթը՝ աւելցնեaլով. «Տպաւորիչ անձնաւորութիւն էր եւ յաճախակի ելոյթներով ուշադրութիւն կը գրաւէր հայ երգարուեստի մարզէն ներս, ու մասնաւոր ոգեւորութիւն կու տար մեր մշակութային ձեռնարկներուն»։

ՆԻՒ ԵՈՐՔ.- Կիրակի, Մարտ 25ին, Նիւ Եորքի մէջ նշուեցաւ Արեւելեան թեմի առաջնորդական փոխանորդ Անուշաւան եպս. Դանիէլեանի քահանայական ձեռնադրութեան 40ամեակը:
1984ին Միացեալ Նահանգներ ժամանելէ ի վեր, Անուշաւան սրբազանը հոգեւորականի, մտաւորականի եւ անձնական իր ձիրքերը ի սպաս դրած է Արեւելեան թեմին՝ յոգնութիւն չգիտցող եռանդով ու պատրաստակամութեամբ ծառայելով ամէնուրեք: Հովուական, յարաբերական, կազմակերպչական ու գիտական իր գործունէութիւնը միշտ բարձր գնահատուած [...]

ՊՈԼԻՍ.- «Արմէնիա երաժշտական մրցանակներ» տարեկան մրցանակաբաշխութիւնը կատարուեցաւ Շաբաթ կէսօրէն ետք, Մոսկուայի «Ռոսիա» սրահին մէջ։
«Ինչպէս հաղորդած էինք Շաբաթ օրուան մեր թիւով, փառաւոր հանդիսութիւնը կենդանի հաղորդումով պիտի սփռուէր Հայաստանի «Հ1» պետական ալիքէն։ Սփռուեցաւ՝ թէեւ բաւական յապաղումով։ Բայց կարծես հաղորդումը կը կատարուէր միայն ռուսերէն գիտցողներու համար։ Այնուհանդերձ, մեզի համար յուզումի ու հպարտութեան պահ դարձաւ, երբ տակաւին առաջին կարգերու [...]

ԵՐԵՒԱՆ, «Արմէնփրէս».- Գանատական CBC պատկերասփիւռի կայանը «Գանատական Պատմութիւններ» հաղորդումներու շարքի ծիրէն ներս անդրադարձած է ջրասոյզ եղած «Թայթենիք» նաւուն վրայ գտնուած Գանատայի քաղաքացի Նշան Գրիգորեանի կեանքի փրկութեան պատմութեան, թէ՝ ան ինչպէ՞ս յաջողած է փրկուիլ նաւաբեկութեան ընթացքին:
Նշան Գրիգորեանի կեանքի այդ մանրամասնութիւնները ներկայացուցած է անոր թոռը՝ Վան Սողոմոնեանը: Վերջինիս համաձայն՝ Նշան Եւրոպա արտագաղթած է Արեւմտեան Հայաստանէն՝ փորձելով խոյս [...]

ՊՈՍԹԸՆ.- Մարտ 30ին, Ուաթըրթաունի «Ֆըրսթ Փերիշ» (First Parish) եկեղեցւոյ սրահին մէջ ելոյթ ունեցաւ յունահայ հանրածանօթ կիթառահար Եաքովոս Քոլանեան: Հարիւրէ աւելի հանդիսատեսներ ներկայ եղան այս ձեռնարկին, որ կազմակերպուած էր Պոսթընի Համազգայինին կողմէ:
Յայտագիրը կ՛ընդգրկէր գործեր Եոհան Սեպասթիան Պախէն, փարակուէյցի Ակուսթին Պառոսէն, իտալացի Մաուրօ Ճուլիանիէն, քուպացի Լէօ Պրուըրէն, վենեզուելլացի Անթոնիօ Լաուրոյէն եւ աւարտին՝ հայրենի ծանօթ գործեր, որոնք շնորհիւ [...]

ԵՐԵՒԱՆ, «Արմէնփրէս».- Ամերիկահայ ճատրակի վարպետ Վարուժան Յակոբեան կը զբաղեցնէ առաջին տեղը Ֆիլատելֆոյ մէջ ընթացող ճատրակի միջազգային բաց մրցաշարքին: Ան վաստակած է 5.5 միաւոր:
5.5ական միաւոր վաստակեած են նաեւ իսրայէլացի Սերկէյ Էրենպուրկը եւ ամերիկացի Սեմ Շենքլընտը:

ԱՆԹԻԼԻԱՍ.- Հինգշաբթի, 4 Ապրիլի առաւօտեան, Անթիլիասի Ս. Գրիգոր Լուսաւորիչ Մայր տաճարին մէջ տեղի ունեցաւ առաւօտեան ժամերգութիւն մը, ապա՝ Կարգ Ապաշխարողաց եւ Ս. պատարագ՝ վեհափառ հայրապետին նախագահութեամբ: Մեծ թիւով հաւատացեալներ ներկայ գտնուեցան ու հաղորդուեցան:
Նոյն օրը յետմիջօրէի ժամը 4ին, Մայր տաճարին մէջ Արամ Ա. կաթողիկոս կատարեց Ոտնլուայի սրտայոյզ արարողութիւնը: Վեհափառը ղենջակ կապած՝ Յիսուսի տասներկու աշակերտները խորհրդանշող տասներկու [...]

ԵՐԵՒԱՆ, «Նովոստի-Արմէնիա».- Լիբանանահայ յայտնի նկարիչ Փօլ Կիրակոսեանի «Հրաժեշտ» (L՛Adieu) նկարը աճուրդի պիտի դրուի «Քրիսթի՛զ» (Christie՛s) աճուրդի տան կողմէ: Աճուրդը տեղի պիտի ունենայ Ապրիլ 18ին, Տուպայի մէջ:
1960ականներուն իրագործուած եւ մոնթրէալցիի մը պատկանող սոյն նկարին նախնական գինը 20էն 30 հազար տոլար է:
Փօլ Կիրակոսեան (1926-1993) լիբանանցի ամենայայտնի նկարիչներէն մէկն է: Անոր նկարները բազմաթիւ անգամներ «Սոթըպիզ»ի (Sotheby՛s) եւ «Քրիսթի՛զ»ի [...]

ԱԹԷՆՔ.- Մեր պաշտօնակից «Ազատ Օր» օրաթերթը հրատարակած է Յունաստանի ՌԱԿի եւ ՀՅԴի Հայկական Ցեղասպանութեան 97ամեակին առիթով հետեւեալ միացեալ յայտարարութիւնը.
«Ազգովին կը գտնուինք Թուրքիոյ կողմէ հայ ժողովուրդին դէմ պետականօրէն գործադրուած Ցեղասպանութեան 97ամեակի սեմին:
24 Ապրիլ 1915ին ի գործ դնելով հայ ժողովուրդի բնաջնջման իր քաղաքական ծրագիրը՝ թրքական պետութիւնը կատարեց մարդկութեան դէմ գործուած 20րդ դարու առաջին ցեղասպանական ոճրագործութիւնը, որուն հետեւանքները [...]

ՊՐԻՒՔՍԷԼ.- Ապրիլ 6 թուակիր հաղորդագրութեան մը մէջ Եւրոպայի Հայ Դատի գրասենեակը գրած է.
««Եւրոնես»չի ժողովին ընթացքին, որ տեղի ունեցաւ Ապրիլ 2-4ին, Պաքուի մէջ, անակնկալի չեկանք, երբ տեղեկացանք Ատրպէյճանի նախագահ Ալիեւի ամբաստանութիւնները՝ ուղղուած Հայաստանի պատուիրակութեան եւ հայ ժողովուրդին:
«Ալիեւ, հաւատարիմ իր անհեթեթ յայտարարութիւններուն՝ յաջողեցաւ ստեղծել դժգոհութեան եւ լարուածութեան մթնոլորտ մը ժողովի մասնակից բոլոր երեսփոխաններուն մօտ, որոնք կը գտնուէին [...]

ՍԱՐԳԻՍ ՓԱՆՈՍԵԱՆ
Ֆրեզնօն գեղեցիկ է իր պտղատու պարտէզներով եւ այգեստաններով. ան նշանաւոր է նաեւ ամրան եղանակի իր տաքութեամբ, որ երբեմն կը յիշեցնէ Սահարայի անապատը, սակայն, եթէ 41 ազատուղիով բարձրանալու ըլլաք դէպի հիւսիս, ձեր առջեւը կը բացուին Սիէրայի եւ Եուսըմիթիի տեսարժան լեռները՝ իրենց սլացիկ գագաթներով, սքանչելի անտառներով, լիճերով եւ հանգստաւէտ բնակարաններով, որոնք շաբաթավերջերուն, տարուան բոլոր եղանակներուն, կը [...]

ՆԻՒ ԵՈՐՔ.- Հայոց Ցեղասպանութեան մասին պատմող «The Silence» («Լռութիւնը») ներկայացումը Նիւ Եորքի մէջ պիտի բեմադրուի Մայիս 4ին: Ըստ Broadwayworld.com կայքին՝ ներկայացումը կը պատմէ Հայոց Ցեղասպանութիւնը վերապրած կնոջ մը մասին, որ բռնած է գաղթի ճամբան՝ պահպանելու համար իր ընտանիքը եւ հայկական ժառանգութիւնը:
«Լռութիւնը» լոյս կը սփռէ այն պատմութիւններուն վրայ, որոնք մեծ ազդեցութիւն ունեցած են Հայոց Ցեղասպանութենէն ետք [...]

ՊԷՅՐՈՒԹ.- Չորեքշաբթի, Ապրիլ 4ի յետմիջօրէի ժամը 4-7:30 տեղի ունեցան Համազգայինի «Վահէ Սէթեան» հրատարակչատան կազմակերպած նախակրթարանի 4րդ, 5րդ եւ 6րդ դասարաններու աշակերտութեանց հայերէն, արաբերէն, անգլերէն եւ ֆրանսերէն ընթերցանութեան մրցանքները:
Հայկական վարժարաններու ուսուցիչներէ բաղկացած դատական կազմերը հաստատեցին, որ մասնակցող աշակերտներուն մօտ ակներեւ էր բոլոր լեզուներուն նկատմամբ հետաքրքրութիւնը՝ աւելցնելով, որ լաւ ընթերցող աշակերտներուն թիւը բաւական մեծ եղած է:
Աւարտին «Ազդակ»ի [...]

ՀԱԼԷՊ.- Հովանաւորութեամբ Բերիոյ թեմի կաթողիկէ հայոց առաջնորդ Պետրոս արք. Միրիաթեանի, 25 Մարտին Ս. Երրորդութիւն եկեղեցւոյ «Աղաճանեան» սրահին մէջ տեղի ունեցաւ ձեռնարկ մը՝ նուիրուած Հայ տպագրութեան 500ամեակին:
Հալէպահայ մտաւորական Միհրան Մինասեան ներկայացուց միջազգային տպագրութեան սկզբնաւորումն ու անցած ուղին, ապա ներկայացուց կենսագրականները Յակոբ Մեղապարտի եւ Աբգար դպիր Թոխաթեցիի, որոնց գիրքերուն օրինակներէն նմոյշներ ցուցադրուեցան պաստառի վրայ:
Պետրոս արք. Միրիաթեան իր [...]

ՊՈԼԻՍ.- «Թարիհ» վագըֆը (հիմնարկութիւն) Երեքշաբթի օր, Պէյօղլուի «Ճեզայիր» ճաշարանի հաւաքասրահին մէջ կազմակերպած էր մամլոյ հաւաքոյթ մը, որ նուիրուած էր փոքրամասնական վարժարաններու հիմնական հարցերուն ու կրթական նոր կանոնագրութեան բերած կամ՝ աւելի ճիշդ՝ չբերած լուծումներուն:
«Հետաքրքրական հաւաքոյթ մըն էր, որուն հրաւիրուած էին փոքրամասնական մամուլն ու վարժարաններու ներկայացուցիչները՝ թուրք մամուլի առընթեր, ուստի թուրք մամուլն ու հեռատեսիլի թղթակիցներ եւս ուշադրութեամբ [...]

ՀԱԼԷՊ, «Գանձասար».- Բերիոյ թեմի առաջնորդարանը հաստատած է «Արտակարգ Իրավիճակներու Օժանդակութեան» Ֆոնտ մը՝ օժանդակելու համար ահաբեկչական արարքներու զոհ դարձած քաղաքացիներու ընտանիքներուն:
Այս առթիւ առաջնորդարանի հրապարակած յայտարարութեան մէջ գրուած է.
Սուրիական հայրենիքին վիճակուած տագնապալի այս օրերուն, ահաբեկչական կոյր արարքներու զոհ կը դառնան անմեղ քաղաքացիներ, կորսնցնելով իրենց ստացուածքն ու կեանքը:
Ազգային, հայրենական ու քաղաքացիական պարտականութիւն է տագնապահար մեր նմաններուն օժանդակութիւնը եւ [...]

Ատրպատականի հայոց թեմին պատկանող կալուածներուն եւ զանոնք շահարկման դնելու հարցերուն առնչութեամբ, 6 Մարտին Թաւրիզի մէջ գտնուող արեւելեան Ատրպատականի Կրօնապատկան կալուածներու հիմնարկութեան շէնքին մէջ տեղի ունեցաւ պաշտօնական հանդիպում մը՝ Գրիգոր Ծ. վրդ. Չիֆթճեանի եւ նոյն հիմնարկութեան գերագոյն տնօրէն Սէյիտ Շահապետտին Հոսէյնիի միջեւ:
Տնօրէնը իր շնորհաւորութիւնները փոխանցեց հայր Գրիգոր Չիֆթճեանին՝ սոյն թեմէն ներս պաշտօնի կոչուած ըլլալուն առթիւ, եւ [...]

ՍՊԱՀԱՆ.- 16 Մարտին տեղի ունեցաւ Ս. Ամենափրկիչ վանքի թանգարանի վերաբացման հանդիսաւոր արարողութիւնը:
8 ամիս առաջ Սպահանի հայոց թեմական խորհուրդը թանգարանի բարեզարդման ծրագիրի շրջագիծին մէջ որոշեց ստուգել եւ վերադասաւորել առկայ իրերը, վերանորոգել թանգարանին շէնքը եւ արդիականացնել շէնքին անվտանգութեան համակարգը: Այնուհետեւ, սոյն որոշումը իրագործելու նպատակով, դադրեցաւ թանգարանի աշխատանքը եւ կազմուեցաւ յանձնախումբ մը առաջնորդարանի ու թանգարանի պաշտօնեաներէն:
Բացման հանդիսութեան խօսք [...]

ԼՈՆՏՈՆ.- Չորեքշաբթի, Մարտ 28ին, ՀՀ Լոնտոնի դեսպանատան մէջ, Բրիտանիոյ հայոց առաջնորդ Վահան եպս. Յովհաննիսեանի, ՀՀ դեսպանուհի Կարինէ Ղազինեանի եւ լոնտոնահայ կազմակերպութիւններու ներկայացուցիչներու ներկայութեան, սփիւռքի նախարարուհի Հ. Յակոբեան «Ուիլեըմ Սարոյեան» շքանշանով պարգեւատրեց բանաստեղծ, գրող, հրապարակագիր եւ ազգային գործիչ Ասատուր Կիւզելեանը՝ հայ գրականութեան, մշակոյթին, նոր սերունդի հայեցի դաստիարակութեան, հայ ժողովուրդին եւ Հայաստանին անոր մատուցած վաթսունամեայ ծառայութեան համար։
Ասատուր [...]

ԱՆԹԻԼԻԱՍ.- Հինգշաբթի, 29 Մարտի առաւօտուն, Արամ Ա. կաթողիկոս վեհարանի իր գրասենեակին մէջ ընդունեց այցելութիւնը Հայաստանի եւ Կովկասի կաթողիկէ հայոց առաջնորդ գերապայծառ Ռաֆայէլ Մինասեանին: Հանդիպման ներկայ էր նաեւ Կաթողիկոսութեան Միջ-եկեղեցական յարաբերութեանց Վարիչ Նարեկ արք. Ալէեմեզեան:
Գերապայծառը տեղեակ պահեց վեհափառը Հայաստանի մէջ կատարած իր հովուական ու մարդասիրական աշխատանքներուն մասին: Հայրապետը իր գնահատանքը յայտնեց, որ Ամենայն Հայոց կաթողիկոսութեան հետ [...]

ՀԱԼԷՊ.- Կազմակերպութեամբ Սուրիահայ Օգնութեան Խաչին, 7 Մարտին Հալէպի «Գ. Եսայեան» հանդիսասրահին մէջ տեղի ունեցաւ Մայրերու օրուան նուիրուած աւանդական հանդիսութիւն մը, որ այս տարի ձօնուած էր Հայ գիրքին:
Բարի գալուստի խօսքը արտասանեց օրուան հանդիսավարուհի Բեկի Աւընեան-Պապօղլեան: Այնուհետեւ գործադրուեցաւ գեղարուեստական յայտագիր: Օրուան գլխաւոր բանախօս՝ հալէպահայ ծանօթ մտաւորական եւ մամուլի աշխատակից Լեւոն Շառոյեանը, իր բանախօսութիւնը հիւսեց արեւմտահայ երկու գրագիտուհիներու՝ [...]

ՊԷՅՐՈՒԹ.- «Տը Ըսոշիէյթըտ Փրէս» լրատու գործակալութեան Միջին Արեւելքի մէջ երկար տարիներու աշխատակից Ժոզէֆ Փանոսեան իր մահկանացուն կնքեց 74 տարեկանին:
Մահուան գոյժը Չորեքշաբթի, Մարտ 28ին, յայտնի լրագրողին ընտանիքը փոխանցեց լրատու գործակալութեան: Ան մահացած է 13 Մարտին, Հայաստանի մէջ, ուր իր բնակութիւնը հաստատած էր վերջին 3 տարիներուն:
Ժոզէֆ Փանոսեան իր գործունէութեան ընթացքին անդրադարձած է միջինարեւելեան կարեւորագոյն հարցերուն՝ լիբանանեան քաղաքացիական [...]

Այս տարի, գանատահայ դերասանուհի Արսինէ Խանճեան, իբրեւ դատակազմի անդամ պիտի մասնակցի Քաննի միջազգային ֆիլմի փառատօնին՝ «Սինէֆոնտասիոն» (ուսանողական կարճ ֆիլմեր) ծրագիրի շրջագիծէն ներս։ Ծրագիրը կոչուած է սատարելու նոր սերունդի շարժապատկերի գործիչները։
Դատակազմի նախագահն է պելճիքացի բեմադրիչ Ժան Փիեռ Տարտէն, որ շարք մը մրցանակներու արժանացած է նոյն՝ Քաննի փառատօնէն։
Դատական այլ անդամներու կարգին են պրազիլցի գրող-բեմադրիչ Քերիմ Այնիւզ, ֆրանսացի [...]

ԱԹԷՆՔ.- Չորսհարիւր տարուան գերութենէ ետք՝ 1821ին տեղի ունեցած Յունաստանի անկախութեան 191րդ տարեդարձին առիթով, ինչպէս ամէն տարի, այս տարի եւս նշուեցաւ անկախութեան տարեդարձը զինուորական, աշակերտական եւ սկաուտական տողանցքներով:
Կիրակի, 25 Մարտի առաւօտեան ժամը 11ին, ընդառաջելով Նէա Զմիռնիի քաղաքապետութեան հրաւէրին՝ ՀՄԸՄի Աթէնքի մասնաճիւղի մոկլիներ, գայլիկ-արծուիկներ, արի-արենոյշներ, երէց-պարմանուհիներ, իրենց խմբապետներու առաջնորդութեամբ մասնակցեցան տպաւորիչ տողանցքի մը՝ քաղաքապետութեան կեդրոնական Օմիրու պողոտայի [...]

ՀԱՈՒԱՅԻ.- «Տը Ասոշիէյթըտ Փրէս» գործակալութեան աշխատակից Ռոյ Էսոյեան կնքեց իր մահկանացուն։ Ան ծնած է ճափոնական ձկնորսական գիւղակի մը մէջ, երբ իր ընտանիքը 1919ին Ճափոն կը փոխադրուէր Ռուսիոյ մէջ պատահած պոլշեւիկեան յեղափոխութենէն ետք։ Չորս տասնամեակ ետք ան մեկնած է Խորհրդային Միութիւն, որպէս ամերիկացի լրագրող, սակայն Նիքիթա Խրուշչովի ու համայնավար այլ առաջնորդներու հետ իր բարեկամական հանդիպումներէն տարի [...]

ԽԱՐՔՈՎ, Ուքրանիա.- Ուքրանիոյ Խարքով մարզի նախկին ղեկավար, հայազգի Արսէն Աւագով, որ միջազգային հետախուզման մէջ կը գտնուի եւ կը նկատուի երկիրի նախկին վարչապետ Եուլիա Դեմոշենքոյի մերձաւորներէն մէկը, ձերբակալուեցաւ Իտալիոյ մէջ։ Այլ մանրամասնութիւններ չեն ներկայացուած ցարդ։
Խարքովի մարզի նախկին նահանգապետը կը մեղադրուի պաշտօնական դիրքը չարաշահելու ամբաստանութեամբ։ Աւագովի կողմնակիցները իրեն դէմ ներկայացուած մեղադրանքները կը նկատեն իբրեւ ընդդիմադիր գործիչի քաղաքական [...]

Ծանօթ է ձեզի, որ ամէն տարի, Նոյեմբեր ամսուան առաջին օրերուն, Մեծի Տանն Կիլիկիոյ ՆՍՕՏՏ Արամ Ա. վեհափառ հայրապետի հովանաւորութեամբ՝ կաթողիկոսարանի շրջափակէն ներս կը մեծարուի Հայ Գիրքն ու մշակոյթը՝ շուրջ երեք շաբաթներու վրայ երկարող Հայ Գիրքի ցուցահանդէսով։
33 տարին բոլորած այս նախաձեռնութիւնը ի մի կը խմբէ ո՛չ միայն լիբանանահայ հրատարակչատուներէն լոյս տեսած հայերէն գիրքերը, այլեւ Լիբանանի մերձակայ [...]

ՊԻԱԼԻՍԹՈՔ, Լեհաստան.- Լեհաստանի արեւելեան ամենամեծ քաղաքին՝ Պիալիսթոքի մէջ, հայազգի երիտասարդ մը նէօ-նացիներու կողմէ կատարուած յարձակիումին պատճառով վիրաւորուած է եւ այժմ հիւանդանոց կը գտնուի. այս մասին կը հաղորդեն տեղւոյն լրատուամիջոցները:
Դէպքը տեղի ունեցած է Կիրակի, Մարտ 25ին:
Շուրջ երկու տասնեակ «սքինհետ»ներ դաժան ծեծAՉի ենթարկած են 21ամեայ Օգսէն Ս.ը եւ դանակի բազմաթիւ հարուածներ տուած անոր՝ վնասելով երիտասարդին երակներն ու [...]

«Սուրիական Վարչակարգը Մինչեւ Օրս Պահպանած Է Սուրիոյ Բոլոր Համայնքներն Ու Կրօնի Ազատութիւնը»

Հայկական երեսփոխանական խմբակի ներկայացուցիչ, երեսփոխան Յակոբ Բագրատունի քանի մը օր առաջ «Ժատիտ» պատկերասփիւռի կայանին հետ իր ունեցած հարցազրոյցին ընթացքին անդրադարձաւ ներքին լիբանանեան շարք մը հարցերու, ինչպէս նաեւ շրջանային իրադարձութիւններուն, յատկապէս նկատի ունենալով Սուրիոյ տագնապն ու սուրիահայութեան իրավիճակը:
Սուրիոյ տագնապին նկատմամբ ՀՅԴի կեցուածքին մասին հարցումի մը [...]

ՊՈԼԻՍ, «Մարմարա».- Հայ տպագրութեան 500ամեակին նուիրուած տօնակատարութիւններու ծիրէն ներս, յառաջիկայ Ապրիլ ամսուն Գերմանիոյ, Դանիոյ եւ Ամերիկայի մէջ պիտի կայանան հայ գիրքին ու գրատպութեան նուիրուած ցուցահանդէսներ։ 15 Ապրիլին Գերմանիոյ Սաքսոնիա-Անհալթ երկրամասի Հալլէ քաղաքին մէջ պիտի բացուի «Տառարուեստ ու պատկերի հրաշք. հայ գրատպութեան 500ամեակ» խորագրեալ ցուցահանդէսը։ Պիտի ներկայացուին Գերմանիոյ մէջ գտնուող հնատիպ գիրքեր, որոնք ի պահ կը [...]

«Մեր Ակնկալութիւնն Է, Որ Հայկական Ցեղասպանութիւնը Իր Արժանի Տեղը Գտնէ Գանատայի Մարդկային Իրաւանց Թանգարանին Մէջ»
Գանատայի մեր պաշտօնակից «Հորիզոն» շաբաթաթերթը, շրջանի Կեդրոնական կոմիտէի ներկայացուցիչ Րաֆֆի Տօնապետեանի հետ ունեցած է հարցազրոյց մը, որուն ընթացքին կ՛արծարծուին տեղւոյն համայնքը եւ հայութիւնը յուզող հարցեր:
Ստորեւ կը ներկայացնենք նշեալ հարցազրոյցը.
«ՀՈՐԻԶՈՆ».- Ընկեր Տօնապետեան, Գանատայի հայութեան աւելի քան հարիւրամեայ պատմութեան վերջին երեք տասնամեակները թերեւս [...]

ՊՈՒԵՆՈՍ ԱՅՐԵՍ, «Արմէնիա».- Շաբաթ, Մարտ 24ին Արժանթինի մէջ յիշատակուեցաւ Ճշմարտութեան եւ Արդարութեան Յիշողութեան օրը, որ կը նշէ 1976էն 1983 թուականներուն միջեւ երկիրին մէջ տեղի ունեցած զինուորական բռնատիրական կառավարութեան զոհ գացած նահատակներուն յիշատակը՝ արժանթինեան պատմութեան ամենամութ էջերէն մէկը: Սոյն թուականի 36ամեակին առիթով տեղի ունեցաւ քայլարշաւ մը, որ ուղղուեցաւ մինչեւ Փլասա տէ Մաժօ հրապարակը, Մարդկային իրաւանց կազմակերպութիւններու, [...]

ՆԻՒ ԵՈՐՔ.- Չորեքշաբթի, Մարտ 21ին, ՄԱԿի մօտ ՀՀ ներկայացուցչատան մէջ, տեղի ունեցաւ հանդիպում մը ԱՄՆ Արեւելեան շրջանի ՀՅԴի ներկայացուցիչներու եւ ՀՀ պաշտպանութեան նախարար Սէյրան Օհանեանի գլխաւորած պատուիրակութեան միջեւ: Այս հանդիպման ներկայ էին նաեւ ՄԱԿի մօտ Հայաստանի ներկայացուցիչ Կարէն Նազարեան, Ուաշինկթընի մօտ ՀՀ դեսպանութեան զինուորական կցորդ գնդապետ Մեսրոպ Նազարեան եւ Առաջնորդական փոխանորդ Անուշաւան եպս. Դանիէլեան:
ՀՀ պաշտպանութեան [...]

ՊՈԼԻՍ.- «Մարմարա» կը գրէ. «Բաւական ատենէ ի վեր օրակարգի եկած է նաեւ Էվա Աքսոյ անուն հայ հայրենակիցի մը դէմ կատարուած թշնամական արարքներու ու սպառնալիքներու խնդիր մը։ Էվա Աքսոյ, որ Պիւյիւքտէրէի շրջանի բնակիչ է, երկար ժամանակէ ի վեր նշաւակ դարձած է անձի մը ու անոր ետին կանգնած մութ ուժերու թշնամանքին։ Պատճառը պարզապէս՝ անոր հայ ըլլալն է»։
«Այս [...]

ԱՆԹԻԼԻԱՍ.- Չորեքշաբթի, Մարտ 21ին, Արամ Ա. վեհափառ հայրապետը այցելութիւն մը տուաւ «Թռչնոց Բոյն», աւելի մօտէն տեղեակ դառնալու համար հոն կատարուող աշխատանքին ընդհանրապէս, եւ թանգարանի շինութեան՝ մասնաւորապէս: Յայտնենք, որ երկու ամիսներ առաջ վեհափառը դարձեալ այցելած էր «Թռչնոց Բոյն»:
Շուրջ երկու ժամ հայրապետը մնաց «Թռչնոց Բոյն»ի մէջ, հանդիպումներ ունեցաւ տնօրէնութեան ու ուսուցչական կազմին հետ, այցելեց փոքրիկներուն դասարանները, մանկամսուրը [...]

ՊՈԼԻՍ.- Պաքըրգիւղի «Տատեան» վարժարանի նախաձեռնութեամբ եւ Եշիլգիւղի Սանուց միութեան գործակցութեամբ պատրաստուած է «Նռան Հատիկներ» կոչուած գեղարուեստական յայտագիր մը, որ կազմուած էր յայտնի բեմադրիչ Արամ Կոստանեանի կողմէ գրուած բեմագրութենէ մը՝ անոր աւելնալով նաեւ յայտնի պարուսոյց Յակոբ Կիւլեչի կողմէ պատրաստուած այլ բեմագրութիւն մը։
«Այս կերպով գործը դարձաւ ընդարձակ ծրագիր եւ յառաջացուց այնպիսի հետաքրքրութիւն մը, որ Պաքըրգիւղի քաղաքապետ Աթեշ [...]

ԵՐԵՒԱՆ, «Արմէնփրէս».- Կեդրոնական Իտալիոյ մէջ գտնուող Ռիէթի քաղաքի քաղաքապետական խորհուրդը Երեքշաբթի, Մարտ 20ին միաձայնութեամբ վաւերացուցած է բանաձեւ մը, որուն մէջ քաղաքը կը ճանչնայ Հայկական Ցեղասպանութիւնը:
Իտալիոյ հայ համայնքի ներկայացուցիչ Մեթաքսիա Վանոյեան այս տեղեկութիւնը փոխանցած է ֆրանսական «Նուվել տ՛Արմէնի» թերթին՝ աւելցնելով, թէ Ռիէթի քաղաքը ունի շուրջ 48 հազար բնակչութիւն:
Այս տարուան Փետրուարի 18ին, Հայոց Ցեղասպանութիւնը ճանչցող բանաձեւ մը [...]

Միշիկընի համալսարանի Տիրպոռնի Հայագիտութեան ուսումնասիրութեանց կեդրոնը հրճուանքով կը ծանուցէ սփիւռքահայ գեղարուեստական արձակի լաւագոյն նմոյշներէն՝ Նիկողոս Սարաֆեանի «Վենսենի Անտառը» երկին անգլերէն թարգմանութեան («The Bois de Vincennes») հրատարակութիւնը: Սփիւռքահայ գրականութեան ամենայարգուած ներկայացուցիչներէն Սարաֆեանի 1947ին հայերէնով հրատարակուած այս գործին անգլերէնի թարգմանիչն է Քրիսթոֆըր Ադամեան: Թարգմանութեան կցուած է նաեւ Սարաֆեանի մտաւոր աշխարհը քննարկող փրոֆ. Մարկ Նշանեանի ներածականը:
«Վենսենի Անտառը» երկով, [...]

ՊՈԼԻՍ, «Արմէնփրէս».- Թուրքիոյ մէջ պետական յեղաշրջման փորձ նախապատրաստելու յանցանքով ամբասանուող «Էրկենեքոն» կազմակերպութեան դատական գործի ծիրէն ներս ձերբակալուած խմբաւորման անդամներէն մաս մը ազար արձակուած է: Ըստ թրքական «Ռատիքալ» թերթին, անոր մէջ կան 15 հոգինոց խմբակի մը անդամները՝ 7 ոստիկաններ եւ 8 զինուորականներ, որոնց ծրագիրներուն մէջ կ՛իյնար նաեւ մահափորձ իրագործել Պոլսոյ Հայոց պատրիարք Մեսրոպ արք. Մութաֆեանի, ինչպէս [...]

ՊՈԼԻՍ.- Իր Չորեքշաբթի, Մարտ 21ի թիւով, «Մարմարա» կը հաղորդէ, որ Թուրքիոյ կրթական նախարարութիւնը կարեւոր փոփոխութիւն մը ըրաւ փոքրամասնական վարժարաններու կանոնագրութեան մէջ եւ արտօնեց հայկական, յունական ու հրէական վարժարաններուն ընդունիլ տարբեր երկիրներու քաղաքացիութիւն ունեցող հայ, յոյն կամ հրեայ ընտանիքներու զաւակները, նոյնիսկ եթէ անոնց ընտանիքները Թուրքիոյ մէջ բնակութեան իրաւունք չունին:
Մինչեւ այսօր, այս վարժարանները լիազօրուած էին ընդունելու միայն [...]

ԱՆԹԻԼԻԱՍ.- Անցնող շաբթուան ընթացքին, Անթիլիասի Մայրավանքին մէջ, Արամ Ա. կաթողիկոսի նախագահութեամբ, յաջորդաբար տեղի ունեցան Ազգ. կեդրոնական վարչութեան կրօնական ու քաղաքական ժողովներու լիակատար նիստեր, թեմակալ առաջնորդներու, Ազգ. իշխանութեանց ներկայացուցիչներու ու Ազգ. կեդրոնական վարչութեան միացեալ հանդիպումներ, վեհափառին հետ թեմերու ներկայացուցիչներու առանձին հանդիպումներ, ինչպէս նաեւ միաբանական հաւաք:
Յիշեալ հանդիպումներուն, վեհափառը կարեւորութեամբ շեշտեց, թէ՝
ա. Մեծի Տանն Կիլիկիոյ կաթողիկոսութիւնը իր էութեամբ, [...]

ՊՈԼԻՍ.- Հայ ուխտաւորներու խումբ մը Պոլիսէն անձնական հանրակառքերով Ալեքսանտրէթ գացած ու մասնակցած է տեղւոյն Քառասուն Մանկանց եկեղեցւոյ մէջ կազմակերպուած արարողութեան։ Ուխտաւորներու կարաւանը կը նախագահէր Զաքէոս Ծ. վարդապետ, որ իր կողքին ունէր Գէորգ քհնյ. Չընարեանն ու Հաթայի շրջանի հոգեւոր հովիւ Աւետիս քհնյ. Թապաշեանը։
«400 հոգիէ բաղկացած ուխտաւորներու խումբը, ըստ Զաքէոս հայր սուրբին կողմէ մամուլին տրուած տեղեկութեանց, աղօթեց [...]

ՊՈԼԻՍ.- «Մարմարա» կը տեղեկացնէ, որ Լրագրող Ումայ Աքթաշ Սալման Երկուշաբթի, Մարտ 19ին ընդարձակ յօդուած մը գրած է Կէտիկփաշայի աւետարանական եկեղեցւոյ շրջափակէն ներս գործող Հայաստանեան դպրոցին մասին, ու անդրադառնալով հայաստանեան երեխաներու համար ընդունուած «հիւր աշակերտ» դրութեան՝ յայտնած է, թէ այդ կարգավիճակը չի լուծեր այս դպրոցի աշակերտներուն հարցերը։
«Կէտիկփաշա թաղին մէջ կօշկակարներու եւ կաշեգործներու խանութներուն քով, դէպի ծով [...]

ՊՐԻՒՔՍԷԼ.- Եւրոպայի Հայ Դատի յանձնախումբը (ԵՀԴՅ) կը յայտարարէ, թէ իր նախագահը՝ Հիլտա Չոպոյեանը, ընտրուած է Ֆրանսայի Ռոն Ալփ մարզի Շրջանային խորհուրդի անդամ: Իր նոր պատասխանատուութիւնները ստանձնելու բերումով, Չոպոյեան հրաժարած է ԵՀԴՅ նախագահի իր պաշտօնէն:
Երեք տասնամեակներէ աւելի, Հիլտա Չոպոյեան գտնուած է Հայ Դատի հետապնդման աշխատանքներու ծիրէն ներս առաջատար դիրքերու վրայ: Վերջին տասնամեակին ան ծառայած է իբրեւ [...]

ՊՈԼԻՍ.- «Մարմարա» օրաթերթը կը տեղեկացնէ, որ պատմաբան-գրող Վոլքան Շենել «Անատոլու» գործակալութեան հաղորդեց, թէ Թուրքիոյ պաշտպանութեան նախարարութեան արխիւներուն մէջ ստուգած է, որ երեք օսմանցի հայեր Գոճաէլիէն մասնակցած են Չանաքքալէի պատերազմին։ Անոնք մասնակցած են որպէս կամաւոր զինուորներ, որովհետեւ այդ շրջանի ոչ-իսլամներուն համար ստիպողական զինուորական ծառայութիւն չկար ու ոչ-իսլամները միայն կամաւոր կերպով կը զինուորագրուէին։ «Այս բացատրութիւնը տալէ ետք [...]

ՊՈԼԻՍ.- Պոլսոյ նահանգապետ Հուսէյն Աւնի Մութլուն այցելած է Պոլսոյ հայկական «Եսայեան» վարժարանը եւ աշակերտներուն հարցուցած է նոր նախագիծի շրջագիծէն ներս կատարուող դասընթացքներու արդիւնաւէտութեան մասին:
Ըստ թրքական «Անատոլու» գործակալութեան, Պոլսոյ նահանգապետ Հուսէյն Աւնի Մութլուն զրուցած է եւ լուսանկարուած հայ աշակերտներու հետ: Նահանգապետը մասնակցած է նաեւ նոր ծրագիրով վարժարանին բաժնուած համակարգիչներուն միջոցաւ իրականացուող «ֆիզիքս»ի եւ հանրահաշիւի դասերուն, եւ [...]

ԱԹԷՆՔ.- Կիրակի, 18 Մարտի առաւօտեան ժամը 10:30էն կ.ե. ժամը 1:30, Գոքինիոյ «Զաւարեան» կեդրոնի սրահներէն ներս տեղի ունեցաւ ՀԿ Խաչի արիւնատուութիւն՝ կանխաւ նշանաւորելով Ապրիլեան ձեռնարկներու սկիզբը:
«Հայրենակիցներու գոհացուցիչ թիւ մը ներկայացաւ արիւն տալու, սակայն մեծ եղաւ բժիշկին կողմէ մերժուողներուն թիւը: Աւելի քան 33 հոգի ներկայացան, սակայն առողջապահական տարբեր պատճառներով, անոնցմէ մաս մը մերժուեցաւ: Կարելի եղաւ 25 շիշ [...]

ՓԱՐԻԶ.- Օփերայի ծրագիրներու նախապատրաստական առաքելութեամբ, Ֆրանսայի Մարսէյ քաղաք հրաւիրուած էր յայտնի թենոր Գէորգ Հաճեան: Վերադարձին, ան երկու օրով գտնուեցաւ նաեւ Փարիզ:
Ֆրանսայի նորաստեղծ «Մուսա Լեռ» միութեան նախաձեռնութեամբ, կազմակերպուեցաւ Գէորգ Հաճեանի Փարիզեան համերգը: Հակառակ կարճ ժամանակին, միութեան անդամները մեծ ոգեւորութեամբ լծուեցան աշխատանքի:
Մուսալեռցիի ժառանգ Գէորգը, աւանդապաշտ ընտանիքի մը յարկին տակ ժառանգած էր հայ երաժշտութեան հանդէպ իր սէրն ու [...]

ՓԱՐԻԶ.- Երեւանի «Փարիզեան սուրճ»ի նախկին տէր Վալերի-Աշխէն Գործունեան, կարճ ժամանակով կը գտնուի Երեւան: «Երկիր.ամ»ի թղթակիցին հետ զրոյցի ընթացքին Գործունեան նշած է, որ «Փարիզեան սուրճ»ը արդէն ամբողջութեամբ վաճառուած է: «Ամենակարեւորը այն է, որ գնորդները «նորմալ» գործարարներ են, շատ ճանչցուած չեն, «օլիգարխ» չեն, իրենց մէջքին ալ կանգնած մարդ չկայ: Անոնք սրճարանը գնելու համար անգամ վարկ վերցուցած են», [...]

ՀՅԴ «Կարմիր Լեռ» կոմիտէն սոյն յայտարարութեամբ կ՛ուզէ համայն աշխարհին, յատկապէս մուսալեռցիներուն իմացնել, թէ Փանոս Փանոյեան եւ իր զաւակները, իրենց պապենական ժառանգը՝ 1 տուն, 1 ջրարբի, 5 անջրդի կալուածներու (կալուածագիրներու թիւ՝ 2189, 1252, 795, 796, 797, 32, 19) իրենց բաժինը անշահախնդիր ձեւով նուիրեցին «Կարմիր Լեռ»ին, որուն համար «Կարմիր Լեռ»ը կու գայ հրապարակաւ իր երախտագիտութիւնն ու շնորհակալութիւնը [...]

ԳԱՀԻՐԷ.- Եգիպտական «Ալ Մասայա» արաբատառ օրաթերթը, Մարտ 14ի իր թիւով հրատարակած է Հայաստանի Հանրապետութեան արտաքին գործոց փոխնախարար Շաւարշ Քոչարեանի կողմէ գրուած յօդուած մը:
Քոչարեան յօդուածին մէջ հերքած է Ատրպէյճանի կողմէ կատարուած պնդումները՝ Սումկայիթի հայերու կոտորածին հանդէպ, եւ «այսպէս կոչուած՝ Խոջալուի ողբերգութեան իրական փաստերու նենգափոխումը»:
Յօդուածին խորագիրն է՝ «Քար մի՛ նետեր դրացիիդ տան վրայ, եթէ քու տունդ ապակիէ [...]

ԳԱՀԻՐԷ.- Եգիպտական «Ալ Եաում Ալ Սապէ» օրաթերթը իր Մարտ 14ի թիւով հրատարակած է Գահիրէի մէջ ՀՀ դեսպանատան կողմէ հրապարակուած մամլոյ հաղորդագրութիւն մը:
«Հաղորդագրութիւնը կը դատապարտէ Ատրպէյճանի կողմէ հայկական մշակութային ժառանգութեան, մասնաւորաբար՝ Նախիջեւանի միջնադարեան գերեզմանատան հազարաւոր խաչքարերու ոչնչացման փաստերը», կը նշէ դեսպանի օգնական Սմբատ Խաչատրեան, ելեկտրոնային յայտարարութեան մը մէջ:
Հաղորդագրութիւնը բացայայտած է նաեւ Հայաստանը եւ Արցախը «ատրպեճանական կրօնական [...]

Կազմակերպութեամբ «Նոա՛զ Արք» ցուցասրահին, Չորեքշաբթի, 14 Մարտի երեկոյեան ժամը 7ին, նոյն ցուցասրահին մէջ տեղի ունեցաւ պարգեւատրման հանդիսութիւն մը: Արդարեւ, 17 տարի առաջ ցուցասրահի բացման հանդիսութեան, դոկտ. Մովսէս Հերկէլեան յայտարարած է, որ ցուցասրահը պիտի ունենայ իր բարոյական կողմը եւ զուտ առեւտրական կառոյց պիտի չըլլայ, պիտի քաջալերէ հայ մշակոյթը, արուեստը, պիտի աջակցի միութիւններուն եւ այլն: Յարգելով իր [...]

ՓԱՐԻԶ.- Շաբաթ, Փետրուար 25ին, Փարիզի Ս. Յովհաննէս Մկրտիչ Մայր եկեղեցւոյ «Նուրհան Ֆրենկեան» սրահին մէջ գումարուեցաւ Ֆրանսայի Հայոց թեմի թեմական պատգամաւորական արտահերթ ժողովը, որուն պատճառը կը հանդիսանայ Նիսի կրօնական ընկերակցութեան վարչութեան նախկին անդամներու յարուցած ճգնաժամը Նիսի հայ համայնքէն ներս: Թեմի 52 պատգամաւորներէն ներկայ էր 37ը: Ժողովը սկսաւ Ֆրանսայի Հայոց թեմի Առաջնորդ Նորուան արք. Զաքարեանի աղօթքով:
Առաջնորդը, անդրադառնալով [...]

ՓԱՐԻԶ.- Ֆրանսուազ Արտիլիէ-Քարասի եւ Օլիվիէ Պալապանեանի գրիչէն եւ Յարութիւն-Ռեմոն Գէորգեանի աշխատակցութեամ, «Լեզ Արտան» հրատարակչատունէն լոյս տեսած է «Armenie russe-Aventures scientifiques a l’epoque des tsars, 1909-19140» հատորը: Այս հրատարակութիւնը մեծարանք մըն է ծանօթ երկրաբան Փիեռ Պոնէին, որ լայնածիր հետազօտութիւններ կատարած է Կովկասի եւ Հայաստանի մէջ:
«Ֆրանսացի ճանչցուած երկրաբան եւ դասախօս, փրոֆ. Փիեռ Պոնէ եւրոպայի այն գիտնականներէն մէկն [...]

ՊԷՅՐՈՒԹ, «Ազդակ».- Հայոց Ցեղասպանութիւնը, հայութեան ապրած արհաւիրքը, թուրքին անմարդկայնութիւնը, ո՛չ միայն հայերուն, այլ՝ բազմաթիւ ժողովուրդներու նկատմամբ, միշտ եւ տարբեր առիթներով լիբանանեան մակարդակի վրայ լուսարձակի տակ առնուած է լիբանանահայութեան կողմէ: Այս աշխատանքներուն իր մեծ եւ ազդեցիկ նպաստը բերելու կոչուած է Գէորգ (Ճորճ) Աբէլեանի «Ցկեանս Նահատակութիւն» շարքին երկրորդ հատորին՝ «Աղբարի՜կ, Ափիկ Մը Ջուր»ին արաբերէն թարգմանութիւնը:
Հայոց Ցեղասպանութենէն վերապրած [...]

ԱՆԹԻԼԻԱՍ.- Եգիպտահայ ազգային-հասարակական վաստակաւոր գործիչ տոքթ. Սուրէն Պայրամեան Կիրակի, 11 Մարտի կէսօրին, Անթիլիասի մայրավանքին մէջ պարգեւատրուեցաւ «Ս. Մեսրոպ Մաշտոց» շքանշանով:
Ներկայութեամբ Արամ Ա. կաթողիկոսին, միաբան հայրերուն, ինչպէս նաեւ ազգային ու միութենական ներկայացուցիչներու, Անթիլիասի մայրավանքին մէջ կայացած այս հանդիսութեան բացումը կատարեց «Ազդակ»ի տնօրէն եւ գլխաւոր խմբագիր Շահան Գանտահարեան: Ան վեր առաւ տոքթ. Պայրամեանի մատենագիտական պրպտումներուն կարեւորութիւնը՝ ընդգծելով, [...]

ՊԷՅՐՈՒԹ.- Շաբաթ, 10 Մարտին, կէսօրուան ժամը 12ին, Համազգայինի «Լեւոն Շանթ» մշակութային կեդրոն այցելեց մշակոյթի նախարար Կապի Լայուն:
Նախարարը դիմաւորեցին Հայկական երեսփոխանական պլոքի ներկայացուցիչ, երեսփոխան Յակոբ Բագրատունին, Համազգայինի Լիբանանի Շրջանային վարչութեան ատենապետ Յակոբ Լատոյեանն ու վարչութեան անդամները, ինչպէս նաեւ այլ միութիւններու եւ Համազգայինի յանձնախումբերէն ներկայացուցիչներ:
Նախարար Լայուն նախ այցելեց Համազգայինի «Գայիանէ» պարի դպրոցի պարասրահը, ուր աշակերտները հայկական պարով [...]

ԱԹԷՆՔ.- Յունական Նոր Հանրապետութիւն կուսակցութեան նախաձեռնութեամբ, Աթէնքի «Տիվանի Քարնավալ» հիւրանոցէն ներս Երկուշաբթի, 5 Մարտ 2012ին տեղի ունեցաւ «Յոյներ-հայեր-ասորիներ. երեք ցեղասպանութիւններ, պատմական յուշ, ճանաչման ռազմավարութիւն» խորագիրով ձեռնարկը:
Ձեռնարկը նպատակ ունէր ոգեկոչել եւ յարգել՝ թրքական ցեղասպանական քաղաքականութեան զոհ դարձած երեք ազգերու պատմական յուշը:
Ձեռնարկին ներկայ գտնուեցան երեք ազգերէն ներկայացուցիչներ: Յատուկ հրաւէրով ներկայ էին Յունաստանի մօտ ՀՀ արտակարգ եւ լիազօր [...]

Աստուածաշունչին մէջ Հայաստանի վերաբերեալ բազմաթիւ ակնարկութիւններ կան.-
1.- Առաջին ակնարկութիւնը կը գտնենք Ծննդոց գիրքին 2րդ գլուխին մէջ։ Ո՞ւր կը գտնուէր Եդեմի պարտէզը, այլ խօսքով՝ դրախտը։ Աստուածաշունչը կը հաստատէ թէ Աստուած այս պարտէզը, այլ խօսքով՝ դրախտը «Արեւելեան կողմը՝ Եդեմի մէջ տնկեց ու իր շինած մարդը հոն դրաւ» (Ծն 2.8)։ Այստեղ «արեւելք» ըսելով բնագիրը կ՛ակնարկէ Հայաստան աշխարհին։ Ուրկէ՞ [...]

ՏՈՒՊԱՅ.- Հինգշաբթի, 8 Մարտի երեկոյեան, Տուպայի «Ալ Պուսթան Ռոթանա» պանդոկի «Ռաշիտիա» հիւրասրահին մէջ «Մեսրոպեան՝ կրթութեան արժանավայել կառոյցը» կարգախօս-պաստառին ներքեւ տեղի ունեցաւ Հայ Կաթողիկէ Մեսրոպեան բարձրագոյն վարժարանին զօրակցող բարեսիրական ընթրիքը՝ ներկայութեամբ 330 հրաւիրեալներու, որոնց շարքին էին Տուպայի հայ գաղութի գործօն դէմքեր, Տուպայի տեղական ներկայացուցիչներ, ինչպէս նաեւ Տուպայի մէջ Լիբանանի գաղութի ներկայացուցիչներ։
Ընթրիքին բարի գալուստի խօսքով հանդէս եկաւ [...]

ՊԷՅՐՈՒԹ.- Հինգշաբթի, 8 Մարտին, ժամը 12։30ին, Լիբանանի մամլոյ սենտիքայի նախագահ Մոհամմետ Պաալպեքի, կեդրոնատեղիի իր գրասենեակին մէջ, ներկայութեամբ խմբագիրներու ու մամլոյ սենտիքաներու վարչութեանց անդամ Իլիաս Աունի, ընդունեց լիբանանահայ խմբագիր, հրապարակագիր ու գրող Պարոյր Աղպաշեանը, շնորհաւորելու համար անոր նորագոյն գիրքին (արաբերէն լեզուով) հրատարակութիւնը, որ կը ներկայացնէր հրապարակագրական ընտրանի մը։
Մ. Պաալպեքի դրուատեց Պ. Աղպաշեանի հրատարակչական աշխոյժ գործունէութիւնը, մանաւանդ [...]

ԱՆԹԻԼԻԱՍ.- Մեծի Տանն Կիլիկիոյ կաթողիկոսութեան նախաձեռնութեամբ, 2009ին կեանքի կոչուած «Խաչիկ Պապիկեան» հիմնադրամի աշակերտական ամենամեայ մրցանակը դարձեալ ի մի խմբեց լիբանանահայ վարժարաններու ներկայացուցիչները: Շաբաթ, 10 Մարտի կէսօրէն ետք, Ազգ. Եղիշէ Մանուկեան քոլեճին բակը կ՛եռար մրցակից աշակերտներու եւ զիրենք առաջնորդած ուսուցիչներու ներկայութեամբ:
Երրորդ տարին ըլլալով, հայ լեզուի եւ հայ գրականութեան հանդէպ իրենց ունեցած սէրը, գիտելիքներն ու նուիրումը գործնապէս [...]

ՍՈՒԽՈՒՄԻ.- Աբխազիոյ մէջ կայացած Մարտ 10ի խորհրդարանական ընտրութիւններու առաջին փուլին ընթացքին, 35 ընտրական տարածքներէն 13ը յաղթանակ տարած է:
Ըստ «ՌԻԱ Նովոստի»ի՝ քուէարկութեան մասնակցած է ընտրելու իրաւունք ունեցողներուն 44.5 տոկոսը. ընտրութիւնները համարուած են կայացած:
Առաջադրուած հայ թեկնածուներէն արդէն խորհրդարան մտած են Վաղարշակ Քոսեան (12րդ ընտրատարածք, 58.59 տոկոսով) եւ Ռոպերթ Եայլեան (22րդ ընտրատարածք, 50.07 տոկոսով):
Խորհրդարանական ընտրութիւններու երկրորդ փուլը տեղի [...]

ԹՈՐՈՆԹՕ.- «Զօրեան» հիմնարկի Ցեղասպանութեան եւ մարդկային իրաւանց ուսմանց վարչութիւնը որոշած է յայտնի մտաւորական Ճոյս Էփսըլը նշանակել վարիչ՝ Ցեղասպանութեան եւ մարդկային իրաւանց համալսարանական ծրագիրին, որ ամէն տարի տեղի կ՛ունենայ Թորոնթոյի համալսարանին մէջ:
Նիւ Եորքի համալսարանին մէջ ցեղասպանութեանց եւ մարդկային իրաւանց նիւթերու դասախօս Ճոյս Էփսըլ, վերջին 8 տարիներուն իբրեւ դասախօս մասնակցած է այդ ծրագիրի գործունէութեան: Ան պիտի փոխարինէ [...]

ՌԻՃՖԻԼՏ, Նիւ Ճըրզի.- Նիւ Ճըրզիի Հայ Դատի յանձնախումբը կը սգայ նահանգի երկարամեայ քոնկերսականներէն Տանըլտ Փէյնի մահը, որ տեղի ունեցաւ Երեքշաբթի, Մարտ 6ին: Փէյն 77 տարեկան էր:
Քոնկրեսէն ներս ա-ւելի քան քսանամեակ մը ծառայած Փէյն եղած է մարդկային իրաւանց պաշտպան քոնկրեսական մը, որ Հայկական Ցեղասպանութեան բանաձեւերուն նեցուկ կանգնողներուն մէջ միշտ առաջիններէն էր:
Նիւ Ճըրզիի Հայ Դատի յանձնախումբի ատենապետ [...]

Ռամկավար Ազատական Կուսակցութեան Կեդրոնական վարչութիւնը կը տեղեկացնէ, որ ատենապետ Մայք Խարապեան, յատուկ հրաւէրով վերջերս այցելեց Հայաստան եւ բարձր մակարդակի հանդիպումներ ունեցաւ հայրենի իշխանութիւններուն, գերագոյն մարմիններուն՝ հանրապետութեան նախագահ Սերժ Սարգսեանին, Ամենայն հայոց Գարեգին Բ. կաթողիկոսին, վարչապետ Տիգրան Սարգսեանին, սփիւռքի aնախարար Հրանոյշ Յակոբեանին եւ պաշտօնական այլ անձնաւորութիւններու հետ։
Հանդիպումներուն ընթացքին, համազգային հրատապ հարցերու առընթեր, արծարծուեցան նաեւ ՌԱԿի առաւել [...]

ԱՆԹԻԼԻԱՍ.- Ռիչըրտ եւ Թինա Քարոլան Հրատարակչական հիմնադրամի դատակազմը կը յայտնէ, թէ բացուած է 2012ի համար նոր գործեր ներկայացնելու շրջանը:
Հիմնադրամը կ՛ընդունի սփիւռքահայ երիտասարդ գրողներու գրական թէ ուսումնասaիրական որեւէ, անտիպ, կամ գիրքի ձեւով ցարդ չհրատարակուած նոր գործեր՝ դատակազմին կողմէ գնահատուելու եւ ըստ այնմ հրատարակուելու համար:
Գրական, պատմական, բանասիրական, եկեղեցագիտական ու հայ մշակոյթի այլ կալուածները շօշափող հայերէն թէ օտար [...]

ՊՈԼԻՍ, «Մարմարա».- Թուրքիոյ կրթական նախարարութիւնը Հինգշաբթի, Մարտ 8ին հարցաքննութիւն բացաւ հակահայ այն գիրքին շուրջ, որ Գարթալի նահանգապետութեան ու կրթական տնօրէնութեան հրահանգով՝ բաշխուած էր Գարթալի վարժարաններուն։ Գիրքը մէկ առ մէկ թիրախ դարձուցած էր այն մտաւորականները, որոնք հայերու նկատմամբ բարեկամական կեցուածք ունեցած են եւ հայերէ ներողութիւն խնդրելու արշաւին մասնակցած են։ Կրթական նախարարութեան լուսաբանութեան համաձայն, վերոյիշեալ գիրքը մշակոյթի [...]

Հռչակաւոր լուսանկարիչ եւ «Էյ.Փի.» լրատու գործակալութեան մօտաւորապէս 30 տարիներու լուսանկարող Հերի Գունտաքճեան խմբագրութեան յղած նամակով մը անդրադարձած է Անթիլիասի մէջ կազմակերպուած եւ Հայկական Ցեղասպանութեան վնասուց հատուցման հարցին նուիրուած միջազգային գիտաժողովին ընթացքին Արամ Ա. կաթողիկոսի այն յայտարարութեան, թէ Թուրքիա պարտաւոր է Կիլիկիոյ կաթողիկոսութենէն բռնագրաւուած եկեղեցիները եւ եկեղեցական կալուածները վերադարձնել իրենց սեփականատիրոջ: Գունտաքճեան ցաւալի կը գտնէ այն [...]

ՊՈԼԻՍ, «Ակօս».- Հրանդ Տինք հիմնարկի «Պատմութեան հետազօտութիւններու խրախուսման հիմնադրամ»ի շնորհած կրթաթոշակին այս տարուան դափնեկիրները եղան Ճորճ Շիրնեան եւ Վահէ Թաշճեան: Այս մասին կը հաղորդէ Պոլսոյ «Ակօս» շաբաթաթերթը: Հրանդ Տինք հիմնարկի համակիր տոքթ. Ալփեր Էօքթեմի նախաձեռնութեամբ գոյացած «Պատմութեան հետազօտութիւններու խրախուսման հիմնադրամ»ը նպատակ ունի յայտնաբերել 1915ին Օսմանեան տիրութեան մէջ մարդասիրական արարքները: Մարտ 5ին «Ճեզայիր» շէնքին մէջ կայացած [...]

ԹԱՒՐԻԶ.- Երեքշաբթի 6 Մարտ 2012ի, յետմիջօրէին, Ատրպատականի Հայոց թեմի կաթողիկոսական փոխանորդ Գրիգոր Ծ. վրդ. Չիֆթճեան, Ազգային առաջնորդարանին մէջ ընդունեց այցելութիւնը Թաւրիզի Քաղաքապետական խորհուրդի անդամ դոկտ. Էլմիի:
Դոկտ. Էլմի վերոյիշեալ Խորհուրդի քաղաքի բնապահպանման բաժանմունքին պատասխանատուն է, եւ մօտէն կը հետեւի Ազգային առաջնորդարանի շրջակայ պարտէզներու կանաչապատման աշխատանքներուն:
Գրիգոր Ծ. վարդապետ Ազգային առաջնորդարանի պատմական շէնքի ամբողջ շրջակայքին տարածուած պարտէզներու բարեզարդման [...]

7-21 Մարտին Ս. Փեթերսպուրկի Հայ առաքելական եկեղեցւոյ մշակութային կեդրոնին մէջ կը կայանայ «Յանուն սիրոյ, բարութեան եւ լոյսի» խորագիրով ցուցահանդէսը։
Ներկայացուած գեղանկարչական եւ կիրառական արուեստի գործերուն հեղինակներն են քաղաքին մէջ ապրող 12 ազգութիւններու պատկանող կիներ։  Ցուցահանդէսին նախաձեռնած են Ս. Փեթերսպուրկի Հայ առաքելական եկեղեցւոյ հովանիին տակ գործող «Ս. Հռիփսիմէ» միութիւնը՝ «Ազգութիւններու Ս. փեթերսպուրկեան տուն» պետական հիմնարկին աջակցութեամբ։
«Սկզբում որոշել [...]

ՓԱՐԻԶ, «Նոր Յառաջ».- Լեւոն Մինասեանի «Դաշնամուր» կարճ մեթրաժ ֆիլմը, իր ստեղծումէն՝ տարիէ մը ի վեր մասնակցած է շարժանկարի միջազգային 53 փառատօնի, ստացած՝ 17 մրցանակ, որոնցմէ ութն՝ գլխաւոր մրցանակներ: Երկու անգամ ցուցադրուած է ֆրանսական ազգային «France 2» հեռատեսիլի կայանէն եւ «France TV 5» կայաններէն:
Ներկայիս, ֆրանսական Editions Reflets d’Ailleurs հրատարակչութիւնը պատրաստած է ֆիլմի նկարահանումներուն մասին պատմող գիրք [...]

ԵՐԵՒԱՆ, «Արմէնփրէս».- 7 Մարտին կայացած է հանդիպում մը՝ Ֆրանսայի նախագահ Նիքոլա Սարքոզիի եւ տեղւոյն հայ համայնքի ներկայացուցիչներուն միջեւ։ Աւարտին, նախագահ Սարքոզի Ֆրանսայի պատուոյ լեգէոնի շքանշանով պարգեւատրած է Միսաք Մանուշեանի խումբի վերջին «մոհիկանը»՝ Արսէն Շաքարեանը: Վերջինս իր խորին շնորհակալութիւնը յայտնած է Ֆրանսայի նախագահին՝ իրեն տրուած այս բարձր պատիւին համար։ «Կը կարծեմ, որ իրականութեան մէջ Դուք էք [...]

Քեսապի Ս. Աստուածածին Կիրակնօրեայ դպրոցի տեսչութիւնն ու ուսուցչական կազմը եկեղեցւոյ յարակից «Սահակեան» սրահէն ներս կազմակերպեցին հայ գիրքի տարուան նուիրուած ձեռնարկ մը, որուն մասնակցեցան Քեսապի Ազգային ուսումնասիրաց ճեմարանի 7-10րդ դասարանի աշակերտները: Այս մասին կը յայտնէ Սուրիոյ «Գանձասար» շաբաթաթերթը:
Օրուան դասախօսն էր դոկտ. Շողեր Աշըգեան: Ան աշակերտներուն ներկայացուց գիրքի պատմութիւնը: Նախ խօսեցաւ գիրքի ծնունդին մասին, որ կը յաջորդէր [...]

ԹԵՀՐԱՆ, «Ալիք».- Իսլամական խորհրդարանի մէջ Թեհրանի եւ հիւսիսային իրանահայութեան պատգամաւոր ճարտարագէտ Գէորգ Վարդանեանի գրասենեակը կը տեղեկացնէ, որ Մարտ 5ին Իսլամական խորհրդարանը հաստատած է այն օրէնքը, ըստ որուն՝ երկրին մէջ կրօնական փոքրամասնութիւնները կրնան ըստ իրենց օրէնքի եւ իրենց օրինաւոր դատական ատեանի՝ կարգաւորել իրենց դատական հարցերը:
«Յիշեալ օրինագիծի համաձայն՝ երբ (իրանահայութեան պարագայում) ընտանեկան հարցով անհատները դիմում են ազգային [...]

ՊԷՅՐՈՒԹ, «Ազդակ».- Վերջին շրջանին դիւանագիտական, զինուորական եւ առողջապահական հաստատութիւններու մէջ արձանագրուած են պաշտօններու ստանձնումներ եւ աստիճաններու բարձրացումներ: Անոնցմէ կը ներկայացնենք հայ պաշտօնատարներու վերաբերող տեղեկութիւնները.
Արա Խաչատուրեան՝ Հարաւային Ափրիկէի Մէջ Լիբանանի դեսպանութեան գործակատար: Արա Խաչատուրեան դիւանագիտական բազմաթիւ պաշտօններ վարած է 1998էն սկսեալ:
Զօր. Ժան Թալուզեան՝ Լիբանանի Միջազգային օդակայանի ապահովական կառոյցի պետի պաշտօնը: Զօր. Ժան Թալուզեան ստանձնած է Պէյրութի [...]

ԱՆԳԱՐԱ, «Արմէնփրէս».- Թուրքիոյ կրթական նախարարութիւնը Քարթալի վարժարաններուն մէջ հակահայ արտայայտութիւններով լեցուն եւ Հայկական Հարցը «պարզաբանող» անվճար գիրք մը տարածած է:
Ըստ թրքական «Պիրկիւն» թերթին՝ «Թաղենք Այդ Գործը» խորագրեալ գիրքի էջերուն մէջ ցեղապաշտ արտայայտութիւններու կողքին, իբրեւ թիրախ նշուած են Հայկական Հարցը պաշտպանողները: Գիրքին ենթախորագիրներէն է՝ «Դաւաճանութեան մասնիկները», «Այսպիսի դրացի՝ թշնամի է» եւ «Շրջափակման տեղացի գործընկերները»:
Գիրքին մէջ Հայոց [...]

ԵՐԵՒԱՆ, «Նիուզ».– Աւստրալիոյ Հայ ազգային կոմիտէի տնօրէն Վարանդ Մկրտչեանը եւ Հոլոքոսթի կեդրոնի տնօրէն Ուորէն Ֆայնպըրկը  քննարկած են միացեալ նախագիծեր, որոնց նպատակն է Հայոց Ցեղասպանութեան մասին Մելպոռնի բնակչութիւնը աւելի եւս իրազեկ դարձնել։
Հայկական պատուիրակութիւնը հրաւիրուած էր Հոլոքոսթի թանգարան, ուր 2010էն ի վեր կը գործէ պատմաբան Տոնա Լի Ֆրիզի՝ Հայոց Ցեղասպանութեան մասին աշխատանքներու մնայուն ցուցադրութիւնը։
Հոլոքոսթի կեդրոնի գործադիր տնօրէնը [...]

ՋԱՒԱԽՔ.- Հայ առաքելական Ս. եկեղեցւոյ Վիրահայոց թեմի առաջնորդ Վազգէն եպս. Միրզախանեանի նախաձեռնութեամբ եւ կազմակերպութեամբ, Ս. Ծննդ-եան նուէրներ բաժնուած են Վրաստանի մանուկներուն։ Այս մէկը տեղի ունեցած է մեկնելով այն հանգամանքէն, որ Հայ առաքելական Ս. եկեղեցւոյ Վիրահայոց թեմը «Բարի սամարացի» միջազգային կազմակերպութեան Էնելթի խորհուրդի լիիրաւ անդամ է եւ ծրագիրը իրականացած է Վրաստանի համակարգող Մերաբ Օրագուելիծէի հետ համագործակցութեամբ։
Թիֆլիսի [...]

ԹՈՐՈՆԹՕ, «Հորիզոն».- Փետրուար 27ին կայացած Թորոնթոյի Դպրոցական խորհուրդի ընտրութիւններուն, 17րդ ընտրատարածքի (Տոն Վալլի Իսթ) թեկնածու Յարութ Մանուկեան յաղթանակ արձանագրեց: Ան կը դառնայ առաջին հայը, որ կը ստանձնէ նման պաշտօն մը Թորոնթոյի կրթական համակարգէն ներս: Մանուկեան աւարտած է Ուոթըրլուի համալսարանի ճարտարագիտութեան բաժանմունքը:

ԹԱՒՐԻԶ.- Ատրպատականի Հայոց թեմի տարբեր քաղաքներուն մէջ այժմ ապրող Սալմաստեցիներ տակաւին սրտի կսկիծով կը յիշեն 1933 թուականին պատահած այն աղէտալի երկրաշարժը, որուն զոհ գացած են բազմաթիւ հայեր: Մինչեւ այսօր ալ ցոյց կու տան երկրաշարժէն աւերուած շրջանները, որոնք այդպէս ալ թողելով, վերապրողներ քաղաքի ուրիշ մէկ շրջանին մէջ կառուցած են իրենց բնակարանները եւ նոր կեանքի հիմը դրած:
Բնիկ [...]

Ս. ՓԵԹԵՐՍՊՈՒՐԿ, «Արմէնփրէս».- Լենինկրատի «Փառքի ծառուղի»ին մէջ 1 Մարտին տեղի ունեցած է Լենինկրատի ապաշրջափակման գործողութիւններուն ընթացքին նահատակուած հայ զինուորներուն յիշատակը յաւերժացնող յուշարձանի բացման արարողութիւնը։ Ներկայ էին Ս. Փեթերսպուրկի, Կիրով քաղաքի քաղաքական եւ հասարակական գործիչներ, պատերազմի վեթերաններ։
Ռուսիոյ եւ Հայաստանի քայլերգներով բացումը կատարուեցաւ յուշարձանին, ապա Հայաստանի Արագածոտնի մարզի հոգեւոր առաջնորդ Մկրտիչ եպս. Պռոշեան օծեց խաչքար-յուշարձանը։ Նշենք, որ [...]

ՊՈՍԹԸՆ, «ԹերԹ».- Պոսթըն քաղաքին մէջ այս շաբաթ տեղի կ՛ունենայ Հայոց Ցեղասպանութեան առնչուող «Աքսորեալները. Երազանքի Պատմութիւն» թատերախաղի ներկայացումը:
«Մօտ մէկ դար առաջ աշխարհի միւս ծայրը երկու կանայք իրարու նեցուկ կանգնեցան սարսափի՝ Օսմանեան կայսրութեան կողմէն իրականացուած Հայոց Ցեղասպանութեան ժամանակ: Անոնց փրկութեան պատմութիւնը Մարտ 8ին բեմ պիտի բարձրացուի», «Հայոց Ցեղասպանութեան մասին ընտանեկան յուշերէն. ներկայացումը կը մեկնարկէ» վերտառութեամբ յօդուածին մէջ [...]

ԵՐԵՒԱՆ, «Նիուզ».- Վրաստանի մէջ Հայաստանի դեսպանատան կազմակերպութեամբ, 3 Մարտին տեղի ունեցած է «Ռոքն՝ ընդդէմ բռնութեան» խորագիրով համերգ, որուն ներկայ եղած են Վրաստանի մէջ գործող դիւանագիտական ներկայացուցիչներ, հասարակական գործիչներ, ինչպէս նաեւ հայկական համայնքի ներկայացուցիչներ։
«Այդ օրերին մենք յիշում ենք ողբերգական իրադարձութիւնները, որոնք տեղի են ունեցել նախորդ դարավերջին, խորհրդային կայսրութեան փլուզմանը նախորդած եւ յաջորդած ժամանակահատուածում: Մասնաւորապէս, Սումկայիթում, Պաքւում [...]

ՓԱՐԻԶ, «ԹերԹ».- Ֆրանսայի Օրլեան քաղաքին մէջ հայ դաշնակահար Հայկ Մելիքեան, Փետրուար 23էն Մարտ 4 տեղի ունեցած դաշնակահարներու միջազգային 10րդ մրցոյթի եզրափակիչ փուլին (Մարտ 4), արժանացած է երաժշտահան Անտրէ Պուգուրեշլիեւի ֆոնտի հեղինակաւոր մրցանակին՝ Orion III ստեղծագործութեան լաւագոյն կատարման համար:

ԵՐԵՒԱՆ, «Արմէնփրէս».-  Աւստրիոյ «Սթեֆանզփլաթց» հրապարակին վրայ 28 փետրուարին տեղի ունեցած է Սումկայիթի ողբերգութեան 24րդ տարելիցին նուիրուած բողոքի ցոյց։ Հայաստանի արտաքին գործոց նախարարութեան կողմէ հաղորդուած տեղեկութիւններուն համաձայն, ցոյցը կազմակերպած է Հայ ուսանողական եւ երիտասարդական միութիւնը՝ Աւստրիոյ Հայ առաքելական եկեղեցական վարչութեան եւ Հայկական բարեգործական ընդհանուր միութեան աջակցութեամբ։
Բողոք ցոյցին մասնակիցները հրապարակին վրայ տեղադրած են սպիտակ վրան մը, որուն [...]

ՆԱԶԱՐԷԹ ՊԷՐՊԷՐԵԱՆ
Մարտ 5ին լրացաւ ծննդեան 85րդ տարեդարձը հայ մամուլի երախտաւորներէն՝ սփիւռքահայ լրագիրի եւ դաշնակցական պաշտօնաթերթի դրօշակիր «Ազդակ»ին:
Լիբանանի հայութեան ծոցէն ծնաւ «Ազդակ» եւ ողն ու ծուծով արիւնատար երակը եղաւ հայրենամերձ հայաշխարհի կենսունակ այս գաղութին:
Բայց նաեւ իր կոչումի ներշնչումով ու հրապարակագրական ներդրումով՝ «Ազդակ» չսահմանափակուեցաւ Լիբանանի սահմաններով: Ոչ միայն համասփիւքեան, այլեւ համահայկական իր բաբախումով՝ համայն հայութեան շարժիչ ուժերէն [...]

ԽՄԲԱԳՐԱԿԱՆ «ԱԶԴԱԿ»Ի
«Ազդակ» այսօր դարձաւ  85 տարեկան: Տարին յոբելինական է ընդհանրապէս հայ մամուլին համար, որովհետեւ կը զուգադիպի հայկական տպագրութեան  500ամեակին: Մամուլ, հրատարակչատուներ, մշակութային պետական հաստատութիւններ թէ միութիւններ, հայկական աշխարհով մէկ կը նշեն յոբելեանը, հայ գրատպութեան կարեւորութիւնը անգամ մը եւս լոյսին բերելու եւ ժամանակակից խնդիրներու նկատառումով հայ գիրքին ու մամուլին դիմագրաւած հարցերը քննարկելու եւ հետեւութիւններ կատարելու համար:
Հայ [...]

ՓԱՐԻԶ, «Այսօր».- 29 Փետրուարին Ֆրանսայի խորհրդարանին մէջ կայացած «Ճշմարտութիւն եւ կեղծիքներ- Խաղաղութիւն Ղարաբաղի մէջ» խորագիրը կրող հանդիպումին մասնակիցներուն կողմէ եզրափակուեցաւ սումկայիթեան ջարդերու 24րդ տարելիցին նուիրուած նախաձեռնութիւններու շարքը։
Ֆրանսացի պատգամաւորներ Ռիշար Մալիէի, Ֆրանսուայ Ռոշպլուանի եւ Ֆրանսայի հայկական կազմակերպութիւններու համակարգող խորհուրդի նախագահ Ալեքսի Կովցիյեանի կողմէ կազմակերպուած հաւաքին շուրջ համախմբուած էին հասարակական-քաղաքական գործիչներ։ Անոնց կարգին էին ֆրանսացի խորհրդարանականներ, հայկական [...]

Ուոլթհեմընի (Մեսեչուսեց, Միացեալ Նահանգներ) կողմէ հրապարակուած հաղորդագրութիւնը կը գուժէ Պոսթընի մէջ լոյս տեսնող «Արմինիըն Միրըր Սփեքթէյթըր» շաբաթաթերթի նախկին խմբագիր Արա Գալայճեանի մահը, որ պատահած է Փետրուար 26ին:
Գալայճեան ծնած էր Երուսաղէմ 1938ին։ Զբաղած է ուսուցչութեամբ։ Եղած է Եղիշէ պատրիարք Տէրտէրեանի անձնական քարտուղարը, ինչպէս նաեւ պատրիարքարանի պաշտօնաթերթ «Սիոն»ի գլխաւոր խմբագիրը: Յօդուածներ տպագրած է հայկական տարբեր թերթերու մէջ: [...]

ՄՈՍԿՈՒԱ.- Մարտ 10ին Աբխազիոյ մէջ նախատեսուած խորհրդարանական ընտրութիւններուն թեկնածու ներկայացած է 11 հայ։
Լուսական «Վզ.ռու» կայքէջը կը հաղորդէ, որ ընդհանուր առմամբ խորհրդարանին մէջ 35 երեսփոխան պիտի ըլլայ, իսկ թեկնածու արձանագրուած են 150 անձեր՝ 125 աբխազներ, 11 հայեր, 8 ռուսեր, 2 յոյներ, 2 վրացիներ, ինչպէս նաեւ՝ մէկական օսէթ եւ քապարտինցի։

ՄՈՍԿՈՒԱ.– Մոսկուայի հայ համայնքին հետ Փետրուար 27ին ունեցած հանդիպումին ընթացքին Ռուսիոյ նախագահական թեկնածու Վլատիմիր Ժիրինովսքի յայտնած է, թէ Ղարաբաղի հարցին լուծումը կարելի է ներկայացնել երկու հարթութիւներու վրայ: Ղարաբաղը կը պատկանի Հայաստանին եւ կը դառնայ պետութիւն մը, կամ Ռուսիա կը ճանչնայ Ղարաբաղը՝ իբրեւ անկախ պետութիւն: «Մենք ճանչցած ենք Հարաւային Օսէթիան, Աբխազիան, իսկ Ղարաբաղը շատ աւելի մեծ [...]

ԱԹԷՆՔ.- Կը ներկայացնենք Աթէնքի մեր պաշտօնակից «Ազատ Օր»ի խմբագրականը, թերթի տարեդարձին առիթով:
Շարունակաբար փոփոխուող աշխարհի մը մէջ ահա կը թեւակոխենք յունահայութեան օրաթերթ՝ «Ազատ Օր»ի 68րդ տարեշրջանը այնպիսի ժամանակաշրջանի մը մէջ, երբ մամուլի դաշտը կը յատկանշուի համացանցի լայնածիր օգտագործումով եւ լսողատեսողական միջոցներու գերակայութեամբ:
Յունական իրականութենէն ներս տպագիր մամուլը խիստ ճնշիչ դժուարութիւններ յաղթահարելու հրամայականին տակ կը գտնուի: Երկրէն ներս [...]

ՄՈՍԿՈՒԱ, «ԱրմէնիաՆաու».- Փետրուար 26ին Մոսկուայի «Ռոսիա» պետական համերգասրահին մէջ տեղի ունեցած է Մարտ 4ին կայանալիք Ռուսիոյ նախագահական ընտրութիւններուն նուիրուած ձեռնարկ, որուն ընթացքին Ռուսիոյ հայերու միութիւնը յայտարարած է, որ պիտի աջակցի վարչապետ Վլատիմիր Փութինի թեկնածութեան:
Ռուսիոյ հայերու միութեան կազմակերպած ձեռնարկին հրաւիրուած են Հայկական Սփիւռքի, ինչպէս նաեւ Մոսկուայի եւ Ռուսիոյ տարածաշրջաններու ազգային ու երիտասարդական տարբեր կազմակերպութիւններու ներկայացուցիչներ:
Ռուսիոյ հայերու [...]