Հոկտեմբերի 1ին լրանում է Հայաստանի Հանրապետութեան սփիւռքի նախարարութեան 2ամեակը: Այդ առթիւ «Արմէնպրես»ի թղթակից . Աննա Եղիազարեանը զրուցել է ՀՀ սփիւռքի նախարար Հրանոյշ Յակոբեանի հետ:

Սեպտեմբեր 9ին, Երեւանի քաղաքապետարանին մէջ քննարկուած է Հայ Ազգային Կոնգրեսին (ՀԱԿ) կողմէ ներկայացուած՝ Սեպտեմբեր 24ին Ազատութեան Հրապարակին վրայ հանրահաւաք իրականացնելու մասին իրազեկումը, եւ անգամ մը եւս անիկա մերժուած է քաղաքապետարանին կողմէ, որ առաջարկած է հաւաքը իրականացնել Մատենադարանին մօտ:

Հայաստանի պաշտպանութեան նախարարութեան լրատուական ծառայութեան տուեալներով, ՀՀ Զինուած ուժերուն մէջ Սեպտեմբեր 8ին տեղի ունեցած է ինքնասպանութիւն մը։ Զինուորական ծառայող, կրտսեր տասնապետ Արթուր Յակոբեանը, իրային գոյքի պահեստանոցին մէջ ինքնիրեն սպաննած է հրազինային մահացու հարուածով։

Համաշխարհային տնտեսական համաժողովին կազմած Մրցունակութեան վարկանիշային աղիւսակին վրայ Հայաստանը յայտնուած է 98րդ դիրքին վրայ։

Սեպտեմբեր 8ին կայացած մամլոյ ասուլիսի մը ընթացքին գերմանացի լրագրող, «անիմացիոն» (animation) քննադատ Եոհաննէս Ուոլթըրզ յայտնած է, թէ իրեն համար շատ հաճելի է «ReAnimania» փառատօնը, որուն կազմակերպիչները կատարած են հիանալի աշխատանք։ Ան ընդգծած է, թէ հետագային եւս հաճոյքով կ՛ուզէ համագործակցիլ սոյն փառատօնին հետ:

Սեպտեմբեր 9ին, Հայաստանի կառավարութիւնը դեսպանատուներ կը հաստատէ Հոլանտայիո եւ Ճափոնի մէջ:

ԼՂՀ պետական պիւտճէ մուտքագրուած հարկային եկամուտները, տուրքերը եւ պարտադիր հասարակական ապահովութեան վճարումները 2010ի ութ ամիսներուն ընթացքին կազմած են 13 միլիառ 57 միլիոն եւ 531 հազար դրամ, որ ծրագրուած ցուցանիշը գերազանցած է 4.7 տոկոսով, իսկ նախորդ տարուան նոյն ցուցանիշը՝ 13.6 տոկոսով:

Հայ Ազգային Կոնգրեսի (ՀԱԿ) անդամ կուսակցութիւններէն Հայոց Համազգային Շարժումը, Սեպտեմբեր 24ին Ազատութեան հրապարակին վրայ հանրահաւաք իրականացնելու մասին տեղեկանք ներկայացուցած է Երեւանի քաղաքապետարանին: Այս մասին յայտնած է ՀԱԿ մամուլի խօսնակ Արման Մուսինեանը:

«Լեզուի մասին» եւ «Հանրակրթութեան մասին» օրէնքներուն մէջ փոփոխութիւններ առաջարկող օրինագիծը, որուն շնորհիւ հնարաւորութիւն կը ստեղծուի Հայաստանի մէջ օտարալեզու դպրոցներ բանալու, եւ որ գարնանային նստաշրջանի աւարտին խորհրդարանին կողմէ ընդունուեցաւ առաջին ընթերցումով, ՀՀ կրթութեան եւ գիտութեան նախարար Արմէն Աշոտեանի խօսքով, ենթարկուած է «էական փոփոխութիւնների», որուն մասին Սեպտեմբեր 8ին կայացած զրոյցի մը ընթացքին յայտնած է նախարարը՝ օրինագծին ընդդիմացողներուն խորհուրդ տալով կարդալ «երկրորդ ընթերցումով ներկայացուած նախագիծը»:

Սեպտեմբեր 7ին, նորվեկիական Norsk Energi-ն, «Հիդրոէներգետիկա» ընկերութեան հետ մասին, սկսած է իրականացնելու Հայաստանի փոքր ելեկտրական կեդրոններու (ՀԵԿ) ոլորտի զարգացման միտող քառամսեայ ծրագիր: