ԵՐԵՒԱՆ, «Արմէնփրէս».- Միացեալ Նահանգներու Կեդրոնական հրամանատարութեան մէջ Փետրուար 1ին տեղի ունեցած է հանդիսաւոր ձեռնարկ՝  նուիրուած Հայաստանի զինուած ուժերու կազմաւորման 20րդ տարեդարձին: Ձեռնարկին մասնակցած են աւելի քան 60 երկիրներէ հարիւրէ աւելի բարձրաստիճան զինուորականներ եւ քաղաքացիական պաշտօնատար անձնաւորութիւններ։
Հայաստանի պաշտպանութեան նախարարութեան հաղորդագրութեան համաձայն, ձեռնարկին  բացման խօսքը արտասանած է Միացեալ Նահանգներու Կեդրոնական հրամանատարութեան մէջ Հայաստանի զինուած ուժերու ներկայացուցիչ, փոխգնդապետ [...]

ԳԻՒՄՐԻ.- «Հեռախօսամարաթոն 2011»էն գոյացած գումարներով իրականացուող ծրագիրներու ծիրին մէջ, «Հայաստան»  համահայկական հիմնադրամը գերմանահայ համայնքը պիտի վերանորոգէ Գիւմրիի «Երեխաների տուն» մանկատունը։
Մանկատան շէնքը կառուցուած է 1924ին եւ մինչեւ 1972 գործած է իբրեւ գիշերօթիկ մանկապարտէզ:
Մանկատան խնամքին յանձնուած են մտային եւ ֆիզիքական թերութիւններ ունեցող մինչեւ 6 տարեկան աւելի քան 120 մանուկներ: 6 տարեկանը ամբողջացնելէ ետք մանկատան սաները կը տեղափոխուին [...]

ՋԱՒԱԽՔ.– Փետրուար 2ին Ախալցխայի մէջ բացուեցաւ Միացեալ Նահանգներու բարգաւաճման միջազգային գործակալութեան՝ «Եու. Էս.Էյտ.»ի ժողովրդավարութեան զարգացման կեդրոն, որ, ըստ Վրաստանի մէջ «Եու. Էս. Էյտ.»ի առաքելութեան ղեկավար Սթիւըն Հայգընի, կարեւոր է, որպէսզի հարցեր ունեցող հասարակական խումբերը առիթ ունենան կեդրոնին միջոցով կազմակերպուելու։
Նորաբաց կեդրոնի պատասխանատու նշանակուած է Ամալիա Սարգսեան:
«Մեզի  համար այս օրը շատ յատկանշական է, քանի որ այս կեդրոնին [...]

ԵՐԵՒԱՆ, «Արմէնփրէս».- Վերջին երկու տասնամեակներուն Հայաստանի մէջ 2-4 տոկոսով աճած է չարորակ քաղցկեղով տառապողներուն թիւը. 1995ին հանրապետութեան մէջ արձանագրուած էր չարորակ ուռուցքի 4705 պարագայ, իսկ 2010ին՝ 7600:
«Թուերը յաճախ ոչինչ չեն ասում, դեմոգրաֆիկ տուեալների հիման վրայ է հաշուի առնւում քաղցկեղի զարգացման դինամիկան», նշեց Ուռուցքաբանութեան ազգային կեդրոնի տնօրէն Հայրապետ Գալստեան, Փետրուար 3ին կայացած ասուլիսին ընթացքին:
Ըստ անոր, քաղցկեղի [...]

ԵՐԵՒԱՆ, «Նիուզ».-«Հայկական Ժամանակ» թերթի լրագրող, թողարկման պատասխանատու Հայկ Գէորգեանը Փետրուար 3ի առաւօտեան քաղաքացիական հագուստ կրող խումբ մը  անձերու կողմէ յարձակման ենթարկուած ու տարուած է անյայտ ուղղութեամբ:
Հայաստանի ոստիկանութեան հասարակութեան հետ կապերու եւ լրատուութեան վարչութեան աշխատակից Արմէն Մալխասեանի համաձայն, Հայկ Գէորգեան Յունուար 23էն ի վեր հետապնդուած է՝ ճանապարհային երթեւեկութեան ու փոխադրութեան վերաբերող կանոնները խախտելու եւ դէպքի վայրէն [...]

ԳԵՂԱՄ ՄԱՆՈՒԿԵԱՆ («Եկրիր Մեդիա»ի լուրերու բաժինի պատասխանատու, Երեւան)
Մի խնդրանք: Բոլոր մեր գործընկերներին: Թող յետոյ չասեն, չէինք կարող այս մասին խօսել, ինչպէս բերանները ջուրն առած լռեցին Ֆրանսիայի Սենատի որոշման դէմ ստորագրութիւնների պատմութեան ժամանակ: Այդ օրը եթէ պատասխանատու գործընկերները չէին ուզում փչացնել ժողովրդի ֆրանսիասէր տրամադրութիւնը, ապա հիմա խնդիրը վերաբերում է ազատ քաղաքացուն: Մեր «հետախուզուող» գործընկերոջը («Հայկական Ժամանակ» [...]

ԵՐԵՒԱՆ, «Թերթ».- ժառանգութիւն կուսակցութեան նախագահ Ռաֆֆի Յովհաննէսեանի համաձայն, նախագահ Սերժ Սարգսեան լաւ կ՛ընէր, եթէ հանդիպում մը կայացնէր Հայ Ազգային Կոնգրես դաշինքի, Հայ Յեղափոխական Դաշնակցութեան եւ Ժառանգութիւն կուսակցութիւններու ներկայացուցիչներուն հետ, եւ քննարկէր ամբողջութեամբ համամասնական ընտրակարգի անցնելու հարցը:
Ուրբաթ,  3 Փետրուարին, լրագրողներուն հետ հանդիպման ընթացքին Ռաֆֆի Յովհաննէսեան ըսաւ, որ չի ժխտեր, որ իրենց կողմէն համամասնական ընտրակարգի հարցը բարձրացնելը [...]

ԵՐԵՒԱՆ, «Նիուզ».- Հայաստանի ոստիկանութեան քրէական հետախուզութեան պատասխանատուներէն, ոստիկանութեան գնդապետ Նելլի Դուրեան Փետրուար 3ին կայացած մամլոյ ասուլիսի ընթացքին յայտնեց, թէ 2011ին Հայաստանի մէջ 45 անչափահասներ փորձած են անձնասպան ըլլալ, սակայն անոնցմէ ինն յաջողած է։
Ըստ Դուրեանի, թիւերը կը խօսին անձնասպանութեան փորձերու աւելնալուն մասին, սակայն մահուան պարագաները նուազած են. 2010ին արձանագրուած էր անձնասպանութեան 41 փորձ, որոնց 13ը՝ մահացած [...]

ԵՐԵՒԱՆ.– Հայաստանի Ազգային ժողովի ՀՅԴ խմբակցութեան ղեկավար, ՀՅԴ Բիւրոյի անդամ Վահան Յովհաննիսեան Փետրուար 3ին կայացած հանդիպման մը ընթացքին յայտնեց, թէ ՀՅԴն կը ձգտի յաջորդ խորհրդարանին մէջ ունենալ առաւելագոյն թիւով աթոռներ՝ աւելցնելով, որ քաղաքական իւրաքանչիւր ուժ միշտ կը ձգտի կարելի եղածին չափ շատ աթոռ ունենալ։ «Մաքսիմալը 131 տեղ է, սակայն դա քիչ հաւանական է: Բայց մենք [...]

ՍՏԵՓԱՆԱԿԵՐՏ.– Ղարաբաղեան-ատրպեճանական հակամարտութեան զօրքերու սահմանին  հարաւային (Հորադիզ) պաշտպանական ուղղութեամբ տեղակայուած դիրքերէն մէկուն մէջ Փետրուար 2ին ժամը 17:00ի շուրջ՝ մահացու վէրք ստացած է Ստեփանակերտի զինուորական զօրամասերէն զօրակոչուած պաշտպանութեան բանակի զինուորական ծառայող, 1992ին ծնած Կարլեն Բաղդասարեան:
Դէպքէն անմիջապէս ետք՝ զինուորական հիւանդանոց տեղափոխելու ճամբուն վրայ վիրաւորը մահացած է:  Մանրամասնութիւնները ճշդելու համար հետաքննութիւն կը կատարուի։

ԵՐԵՒԱՆ. «Առաւօտ».- Նորքի մէջ գտնուող Տորք Անգեղի արձանը խեղճ վիճակի մէջ է: Թերթի ընթերցողներէն Վահագն Գրիգորեանի ուղարկած լուսանկարները ցոյց կու տան քանդակի լուրջ վնասուածքները:
Հայ առասպելաբանութեան մէջ հողմն ու ամպրոպը մարմնաւորող աստուած ու գերմարդկային ուժով օժտուած դիւցազուն Տորքի քանդակի հեղինակը Կարլեն Նուրիջանեանն է. արձանը տեղադրուած է 1982ին:
Արձանին վիճակին մասին տարբեր անդրադարձներ կատարուած են, սակայն անուշադրութեան մատնուելով՝ [...]

ԵՐԵՒԱՆ.– Երեւանի Մխիթար Հերացիի անուան պետական բժշկական համալսարանի Կառավարման խորհուրդի նիստին ժամանակ՝ ԵՊԲՀ ղեկավար Դերենիկ Դումանեան յայտնեց, թէ համալսարանը ունի 6365 ուսանող, որոնց 1135ը օտար քաղաքացիներ են։
Ըստ համալսարանի ղեկավարին, համալսարանին մէջ կ՛աշխատին 171 դոկտորներ, 504 գիտութիւններու թեկնածուներ, իսկ 180 դիմողներ շուտով պիտի համալրեն գիտական աստիճան ունեցողներուն շարքերը:
«2011ին ԵՊԲՀ ՊՈԱԿի ֆինանսական մուտքերը կազմել են 8 միլիառ [...]

ԵՐԵՒԱՆ, «Նիուզ».- Հայաստանի առաջնակարգ ճատրակի վարպետ Լեւոն Արոնեան Փետրուար 2ին հրապարակած է ՖԻԴԷի նախագահ Գիրսան Իլիւմժինովին եւ ՖԻԴԷի նախագահական կառոյցի անդամներուն ուղղուած յայտարարութիւն մը, որուն մէջ ըսուած է.
«Լրատուամիջոցներից տեղեկացայ, որ աշխարհի չեմպիոնի կոչման յաւակնորդների մրցումների անցկացման յայտ են ներկայացրել Ատրպէյճանի եւ Պուլկարիայի շախմատային ֆետերացիաները:
«Ուզում եմ տեղեկացնել ձեզ, որ Ատրպէյճանում տիրող ընդհանուր մթնոլորտը եւ մեր երկրների [...]

ԵՐԵՒԱՆ, «Արմէնիանաու».- Հայաստանի հանրային խորհուրդի մշակոյթի ենթայանձնաժողովը պիտի քննարկէ Երեւանի «Յաղթանակ» զբօսայգիին մօտ աստուածաշնչեան իրական չափերուն համապատասխանող «Նոյեան տապան» կառուցելու աննախընթաց գաղափարը։
Կառոյցի հեղինակները՝ «Յաղթանակ» զբօսայգիի «Ուրախ ժամանց» ընկերութեան տնօրէն Թորոս Ումրիկեան, «Գեղարուեստի կոմբինատ»ի տնօրէն ու «Արմարէ» ընկերութեան նախագահ Մարտուն Յարութիւնեան ըսած են, որ անիկա պիտի ըլլայ գիտակրթական, պատմամշակութային համալիր: Կը նախատեսուի զայն տեղադրել Արարատ լերան [...]

ԵՐԵՒԱՆ.– Հայաստանի կառավարութեան Փետրուար 2ի նիստին ընթացքին վարչապետ Տիգրան Սարգսեան յայտարարեց, թէ կառավարութիւնը՝ կրթութեան եւ գիտութեան ու պաշտպանութեան նախարարութիւններուն համագործակցութեամբ, պիտի սկսի նոր ծրագիրի, որմով պատասխանատուութիւն պիտի ստանձնէ զօրացրուած բանակայիններուն աշխատանքային եւ կրթական գործունէութեան համար:
Հայաստանի վարչապետին համաձայն, իւրաքանչիւր զինուորական ծառայողի հետ աշխատանք պիտի տարուի՝ ճշդելու անոր կարողութիւնը եւ փափաքը: Եթէ զինուորականը կը փափաքի զօրացրուելէ ետք [...]

ԵՐԵՒԱՆ.– Ազատ դեմոկրատներ կուսակցութեան անդամ, արտաքին գործոց նախկին նախարար Ալեքսանդր Արզումանեան Փետրուար 2ին կայացած ասուլիսին ընթացքին յայտարարեց, թէ յառաջիկայ շաբաթներուն պիտի որոշուի, եթէ Հայաստանի խորհրդարանի յառաջիկայ ընտրութիւններուն «Ժառանգութիւն» եւ «Ազատ դեմոկրատներ» կուսակցութիւնները միասնական ցանկով պիտի ներկայանան։
«Ժառանգութեան հետ մենք ունենք գործնական յարաբերութիւններ, չեմ բացառում նաեւ միասնական ցուցակով մասնակցութիւնը խորհրդարանական ընտրութիւններին: Ամէն ինչ պարզ կը լինի մօտակայ [...]

ԵՐԵՒԱՆ, «Արմէնփրէս».- Հայաստանի կրթութեան եւ գիտութեան նախարարութենէն Փետրուար 2ին յայտնեցին, թէ Համահայկական 5րդ կրթական խորհրդաժողովը տեղի պիտի ունենայ այս տարուան Օգոստոս 10-14՝ Հայաստանի մէջ: Նախարարութեան կողմէ արդէն իսկ սկսած են նախապատրաստական աշխատանքները:
Նշենք, որ 2004էն ի վեր այս խորհրդաժողովները կը գումարուին երկու տարին անգամ մը՝ նպատակ ունենալով քննարկել եւ  յստակացնել արտերկրի հայկական կրթօճախներուն հիմնահարցերը, մշակել կրթութեան [...]

ԵՐԵՒԱՆ, «Առաջին Լրատուական».- Բնապահպան, գործիչ, «Փրկենք Թեղուտ»ը նախաձեռնութեան հիմնադիր անդամ Մարիամ Սուխուդեան Փետրուար 2ին մեկնաբանեց նախաձեռնութեան կողմէ որդեգրուած լռութիւնը, որ մտահոգած էր կարգ մը լրատուամիջոցներ։ Ըստ անոր, Թեղուտի առնչուած իրենց նախաձեռնութեան լռութիւնը առ երեւոյթ է, որովհետեւ խորքին մէջ իրենք իրականացուցած են շատ ծրագիրներ եւ կը շարունակեն իրականացնել: «Թեղուտի անտառների պահպանութեան խնդրով մտահոգ երիտասարդ ակտիւիստների նախաձեռնութիւնն [...]

ԵՐԵՒԱՆ, «Մեդիամաքս».- Փետրուարի ընթացքին Հայաստանի հանրային կեանքին մէջ գործող շուրջ 120 հազար աշխատակիցներ պիտի ստանան կտրօններ, որոնք իրենց նախընտրած ապահովագրական ընկերութեան ներկայացնելով՝ պիտի ապահովագրեն իրենց առողջութիւնը։
Հայաստանի ելեւմտական նախարար Վաչէ Գաբրիէլեան կառավարութեան Փետրուար 2ի նիստին յայտնած է, որ իր ծրագիրներուն համաձայն, Մարտին բոլոր շահառուները արդէն պէտք է ապահովագրուած ըլլան, որովհետեւ բժշկական ապահովագրութիւնը նախապայման է հանրային հատուածի [...]

ԵՐԵՒԱՆ, «ՓանԱրմինիըն».- Հայաստանի վարչական դատարանը Փետրուար 2ի նիստին քննարկած է Նարեկ Յարութիւնեանին պատկանող «Ճի. Էյչ. Սթորէյճ Ինթըրփրայզ» ընկերութեան փաստաբանին կողմէ ներկայացուած դիմումը՝ երաշխաւորման կարգավիճակն ու ձեւը որոշ փոփոխութեան ենթարկելու գծով միջնորդութիւն կատարելու։ Հարկային մարմինի պահանջով արգելք դրուած էր ընկերութեան դրամական ունեցուածքին եւ անշարժ գոյքին վրայ, որուն իբրեւ հետեւանք՝ ընկերութիւնը անդամալոյծ վիճակի մէջ յայտնուած էր։  Դատարանը [...]

ԵՐԵՒԱՆ, «Արմէնփրէս».- Հայաստանի Ազգային վիճակագրական ծառայութեան համաձայն,  նախորդ տարուան ընթացքին Հայաստանի մէջ աշխատանք փնտռած է 81,733 անձ, որոնց մեծամասնութիւնը եղած են կիներ՝ 55,271: Աշխատանքով ապահովուած է 10,786 հոգի, 6359ը՝ կին: Նոյն ծառայութիւնը նշած է, որ պարտադիր զինուորական ծառայութենէն վերադարձածներէն 721ը եղած են աշխատանք փնտռողներու շարքին, եւ անոնցմէ  աշխատանքի ընդունուած է 66ը: Համալսարանաւարտներէն եղած է 844 [...]

ԵՐԵՒԱՆ, «ԱրմՍփորթ».- Հայաստանի պասքեթպոլի դաշնակցութեան խորհուրդին որոշումով, տղոց ազգային հաւաքականի գլխաւոր մարզիչ նշանակուած է Քարլ Պարտագեան, որուն գլխաւորութեամբ Լոս Անճելըսի խումբը դարձաւ 2011ի Համահայկական խաղերու յաղթող: ՀՊԴն նկատի առած է Պարտագեանի կողմէ Համահայկական խաղերուն ընթացքին ցուցաբերուած դրական արդիւնքները, ինչպէս նաեւ Միացեալ Նահանգներու մէջ ձեռք բերուած հարուստ փորձառութիւնը:
Քարլ Պարտագեանի գլխաւորութեամբ Հայաստան պիտի պատրաստուի ամրան կայանալիք Եւրոպայի [...]

ԵՐԵՒԱՆ, «Արմէնփրէս».- «Սայաթ-Նովա» մշակութային միութեան հիմնադիր նախագահ  Թովմաս Պօղոսեան Փետրուար 2ին կայացած հանդիպման մը ընթացքին յիշեցուց, որ այս տարի պիտի նշուի հայ մեծ գուսան Սայաթ Նովայի ծննդեան 300ամեակը եւ այս առիթով կը նախատեսուի կայացնել միջազգային փառատօն, գիտաժողով, համերգներ ե՛ւ Հայաստանի, ե՛ւ Սփիւռքի մէջ: Ան նաեւ յայտնեց, որ այդ առիթով պիտի հրատարակուի նաեւ Սայաթ Նովայի երգերու [...]

ԵՐԵՒԱՆ, «Թերթ».-  «Մարս» ձեռնարկութեան եւ մաթեմաթիքական մեքենաներու գիտահետազօտական «Մերգելեան» ուսումնարանի տարածքներուն միջեւ պիտի ձեւաւորուի տնտեսական ազատ գօտի: Այս մասին կառավարութիւնը որոշում կայացուց Հինգշաբթի,  2 Փետրուարին գումարած նիստին:
«Սա լինելու է միասնական տնտեսական մի համակարգ, որտեղ հիմնականում արտադրական գործունէութիւնն իրականացուելու է «Մարս»ի ձեռնարկութեան տարածքում, իսկ գիտահետազօտական եւ կազմակերպչական ու կառավարման գործընթացները՝ Մերգելեան ուսումնարանում տեղակայուած տարածքներում», ըսաւ տնտեսական [...]

ԵՐԵՒԱՆ, «Թերթ».- Հայաստանի Պետական եկամուտներու կոմիտէն (հարկային վարչութիւնը) հրապարակած է 2011ին Հայաստանի մեծ հարկատուներու ցանկը:
Ըստ հրապարակման՝ առաջին տեղն է «Զանգեզուրի պղնձամոլիբդենային կոմբինատը» (ԶՊՄԿ)՝ 29.8 միլիառ դրամ ցուցանիշով: Հանքարդիւնաբերական հսկան մէկ տարուան ընթացքին կտրուկ վերելք արձանագրած է՝ 5րդ տեղէն բարձրանալով առաջին հորիզոնական եւ ընդհանուր առմամբ պետական պիւտճէ վճարելով շուրջ 2.4 անգամ աւելի հարկ:
«Հայռուսգազարդը» գրաւած է 2րդ [...]

ԵՐԵՒԱՆ.– Հայաստանի կառավարութիւնը Փետրուար 2ին համաձայնութիւն տուած է «Ուքրանիոյ Օտեսա քաղաքին մէջ Հայաստանի Հանրապետութեան գլխաւոր հիւպատոսութիւն ստեղծելու մասին» Հայաստանի նախագահի հրամանագիրի նախագիծին:
Նշենք, որ Ուքրանիոյ մէջ կը բնակի շուրջ 400 հազար հայ, իսկ երկրի հարաւ-արեւելեան շրջաններուն մէջ, մասնաւորապէս Օտեսայի, Ղրիմի՝ մօտ 150,000-180,000: Օտեսայի մէջ գլխաւոր հիւպատոսութեան հիմնումը կարելիութիւն պիտի ընձեռէ պատշաճ մակարդակով կազմակերպելու Ուքրանիոյ հարաւ-արեւելեան շրջաններուն, [...]

ԵՐԵՒԱՆ.– «Ռոսթելեքոմ» ընկերութեան «Թելեսէթ նեթուըրք Էլ.Թի.Տի.» գործակից ձեռնարկութիւնը ձեռք բերած է Հայաստանի տարածքի 70 տոկոսը ծածկող օպտիկամանրաթելային (fiber optics) մալուխային գիծը տնօրինող «Ճի.Էն.Սի.-Ալֆա» ընկերութեան բաժնետոմսերուն 75 տոկոսը: Ռուսական ընկերութիւնը բաժնեմասը ձեռք բերած է 22.5 միլիոն տոլարով։
Այդ գործարքը կը հանդիսանայ «Ռոսթտելեքկոմ»ի միջազգային զարգացման քաղաքականութեան ծիրին մէջ Ռուսիայէն դուրս արձանագրուած առաջին ձեռքբերումը: «Ռոսթելեքոմ»ի նախագահ Ալեքսանդր Փրովոդորովի համաձայն, [...]

ԱՐԱՐԱՏ.– Արարատի մարզի Վետի քաղաքի ծննդատան մէջ լոյս աշխարհ եկած է Մելքոնեաններու 11րդ երեխան: Մելքոնեաններու ընտանիքը ունի ութ աղջիկ եւ երեք մանչ։ Բազմանդամ ընտանիքին մնայուն կերպով կ՛աջակցի մարզպետ Էդիկ Բարսեղեանը, համայնքի ղեկավարը, «Ֆուլեր» տնաշինական կեդրոնը, որ 20 տարուան վրայ բաժնուած, առանց տոկոսի 3 միլիոն դրամ յատկացուցած է Մելքոնեան ընտանիքին՝ բնակարան շինելու համար։

ԵՐԵՒԱՆ, «Արմէնփրէս».- Հայաստանի պաշտպանութեան նախարար Սէյրան Օհանեան Յունուար 31ին ընդունած է Հարաւային Կովկասի մէջ Եւրոմիութեան յատուկ ներկայացուցիչ Ֆիլիփ Լեֆորի գլխաւորած պատուիրակութիւնը եւ անոր հետ քննարկած է Լեռնային Ղարաբաղի հակամարտութեան կարգաւորման ու պաշտպանութեան ոլորտին մէջ Եւրոմիութեան հետ համագործակցութեան առնչուած հարցեր:
Կողմերը յատուկ կերպով անդրադարձած են Լեռնային Ղարաբաղի հակամարտութեան ուժերու սահմանին վրայ լարուածութիւնը նուազեցնելու եւ փոխադարձ վստահութիւնը ամրապնդելու [...]

ԵՐԵՒԱՆ.– Յունուար 31ին ներկայացուած է Հայաստանի Ոստիկանութեան 2011ի ընթացքին կատարուած աշխատանքին ամփոփումը: Տուեալներուն համաձայն, աճած է յանցագործութիւններուն, ներառեալ՝ ծանր յանցագործութիւններուն թիւը:
Ոստիկանութիւնը վերջին շրջանին կը հաւաստիացնէ, թէ պիտի փորձէ բացայայտել նախորդ տարիներուն կատարուած յանցագործութիւնները, եւ այդ պատճառով ալ յատուկ կարեւորութիւն կը տրուի այդ աշխատանքին: Միայն 2011ի ընթացքին բացայայտուած է նախորդ տարիներուն կատարուած 4341 յանցագործութիւն:
Ճանապարհային դէպքերու առումով [...]

ԵՐԵՒԱՆ, «ՓանԱրմինիըն».- «Արմէնթել» ընկերութեան գլխաւոր տնօրէն Իկոր Գլիմգօ եւ Հայաստանի մանուկներու հիմնադրամի հիմնադիր եւ խորհուրդի ատենապետ Կարօ Արմէն Յունուար 31ին ստորագրեցին 1 տարի համագործակցութեան մասին փոխհամաձայնութեան յուշագիր: Համաձայնագիրին ծիրէն ներս Արմաւիրի եւ Արագածոտնի մարզերու վեց գիւղերու աւելի քան 100 ուսուցիչներ պիտի մասնակցին համակարգչային գրագիտութեան բարձրացման ուղղուած ծարգիրներուն: Դասընթացքներուն ընթացքին ուսուցիչները պիտի սորվին համակարգչային հիմնարար գիտելիքներ, [...]

ԵՐԵՒԱՆ.- Հայաստանի ազգային վիճակագրական ծառայութեան (ԱՎԾ) մարդահամարի եւ ժողովրդագրութեան բաժինին Չորեքշաբթի հրապարակած զեկոյցին համաձայն՝ Հայաստանի բնակչութեան թիւը այս տարեսկիզբին կը կազմէ 3,274,300 մարդ, որ 2011ի տարեսկզբի համեմատութեամբ աճած է 11,700ով:
2011 Յունուար-Դեկտեմբեր ամիսներուն Հայաստանի մէջ ծնած է 43,447 երեխայ (նախորդ տարուան համեմատութեամբ նուազելով 3.1 տոկոսով):
Հայաստանի մէջ 2011ին ամենաշատ ամուսնութիւնները եղած են Կոտայքի մարզին մէջ: Հայաստանի ամուսնութիւններու [...]

ԵՐԵՒԱՆ, «Թեր»չ.- Չորեքշաբթի, 1 Փետրուարին, Ազգային ժողովի պետաիրաւական յանձնաժողովի նիստին քուէարկութեամբ որոշուեցաւ 15 Փետրուարին հրաւիրել խորհրդարանական քննարկումներ՝ համամասնական ընտրակարգին անցնելու վերաբերեալ:
Յիշեցնենք, որ ԱԺ «Ժառանգութիւն», ՀՅԴ եւ ԲՀԿ խմբակցութիւնները ամբողջութեամբ համամասնական ընտրակարգին անցնելու վերաբերեալ քննարկումներ իրականացնելու նպատակայարմարութեան մասին նամակ յղած էին ԱԺ նախագահ Սամուէլ Նիկոյեանին, որ զայն վերահասցէագրած էր Պետաիրաւական յանձնաժողովի նախագահ Դաւիթ Յարութիւնեանին:

ԵՐԵՒԱՆ, «Արմէնիա Նաու».- Ձիւն մաքրող մեքենաները կազմ ու պատրաստ կանգնած են Օփերայի հրապարակի մերձակայքը, իսկ Երեւանի մէջ այս ձմեռ ամէնէն առատ ձիւնը տեղաց, որ Երեքշաբթի երեկոյեան արդէն 6 սանթիմեթր բարձրութեամբ ծածկած էր մայրաքաղաքի փողոցներն ու մայթերը: Չորեքշաբթի օր ձեան տեղումները կը շարունակուէին:

ՍԹԱՄՊՈՒԼ, «Երկիր Մեդիա».- Թուրքիոյ մէջ Փետրուար 1ին ուժի մէջ մտան «Թուրքիոյ մէջ օտարերկրացիներու կեցութեան եւ ճամբորդութեան մասին» օրէնքին փոփոխութիւնները, որոնց համաձայն պէտք է նուազի երկրին մէջ անօրինական աշխատող օտարերկրացիներուն թիւը՝ տեղի աշխատուժը օգատգործելու հաշուին:
Նոր օրէնքով, Թուրքիա մուտքի արտօնագիր ստացածները պէտք է երեք ամիս ետք երկրէն հեռանան, իսկ վերադառնալու հնարաւորութիւն ունին երեք ամիս ետք միայն: Օրինագիծը [...]

ԵՐԵՒԱՆ, «Նիուզ».- Հայաստանի Ազգային ժողովի Հանրապետական կուսակցութեան պատգամաւոր Ռաֆիկ Պետրոսեան Փետրուար 1ին լրագրողներու հետ հանդիպման ընթացքին յայտնեց, թէ ՀՀԿ ընտրական ցանկերը տակաւին չեն վերջնականացած, բայց նպատակ կայ հոն յատկապէս աւելցնել կիներ ու երիտասարդները: «Նրանք ընդհանուր թուով մօտ 20-30 հոգի են, եւ կը լինեն գործարարների փոխարէն: Գործարար պատգամաւորներից հինգն արդէն յայտարարել է խորհրդարան չմտնելու իր ցանկութեան [...]

ԵՐԵՒԱՆ, «Արմէնփրէս».- Հայաստանի կառավարութեան պաշտօնական կայքէջին համաձայն,  Հայաստանի, Ռուսիոյ, Պելոռուս եւ Ուքրանիոյ միջեւ պիտի ստորագրուի «Պաշտպանական համակարգեր միջպaետական ֆինանսական-արդիւնաբերական խումբի զարգացման մասին» համաձայնագիր. այս գծով համաձայնութիւն ստանալու նպատակով հարցը ներառուած է գործադիր մարմինի այսօրուան՝ Փետրուար 2ի նիստի օրակարգին վրայ:
Փաստաթուղթին հիմնական նպատակն է օժանդակել համաշխարհային շուկային մէջ ռազմական ու քաղաքացիներու անմիջական օգտագործման վերաբերող արտադրութիւններու բարձր ճարտարագիտական [...]

ԵՐԵՒԱՆ, «Թերթ».- Նախագահ Սերժ Սարգսեան Չորեքշաբթի, 1 Փետրուարին, իր նստավայրին մէջ  ընդունած է Ռամկավար Ազատական Կուսակցութեան կեդրոնական վարչութեան ատենապետ Մայք Խարապեանը:
Նախագահը ողջունած է ՌԱԿի պատմական դերակատարութիւնն ու աւանդը հայապահպանութեան, հայրենիքի հետ կապի ամրապնդման գործին եւ կարեւոր համարած է Հայաստանի զարգացման եւ հզօրացման ուղղուած՝ կուսակցութեան ջանքերը:
ՌԱԿի ատենապետը Հանրապետութեան ղեկավարին ներկայացուցած է կուսակցութեան յառաջիկայ ծրագիրները եւ նախագահէն [...]

ՊԱՔՈՒ.- Ատրպէյճան հերթական անգամ բողոքի արշաւ սկսած է օտար գործիչի Լեռնային Ղարաբաղ այցելութեան դէմ: Այս անգամ պաշտօնական Պաքուի զայրոյթին առիթը դարձած է աւստրալիացի պատգամաւոր, Նոր Հարաւային Ուելսի խորհրդարանի Հայ-աւստրալիական պատգամաւորական բարեկամութեան խումբի փոխնախագահ Ուոլթ Սեքորտի այցը:
Թուրքիոյ մէջ Ատրպէյճանի դեսպանութիւնը այդ առնչութեամբ բողոք յայտնած է  Աւստրալիոյ դեսպանութեան: Պատգամաւորը, սակայն մամուլին յայտնած է, որ Արցախ մեկնած է [...]

ԵՐԵՒԱՆ, «Թերթ».-  Հայոց Ցեղասպանութեան 100ամեակին առիթով ներկայացուելիք նոր ցուցադրութեան ժամանակ պիտի գործեն եռաչափ (3D) սենեակներ: Հայոց Ցեղասպանութեան թանգարան-հիմնարկի տնօրէն Հայկ Դեմոյեան «Թերթ»ի թղթակիցին տեղեկացուց, որ նոր ցուցադրութիւնը պիտի իրականացուի թանգարանային նորագոյն ճարտարագիտութիւններու կիրառումով:
Դեմոյեանի փոխանցումով՝ թանգարանը ներկայիս մեծ թափով կը նախապատրաստուի 2015ին Հայոց Ցեղասպանութեան 100ամեակին առնչութեամբ ներկայացուելիք նոր ցուցադրութեան, որ հիմնուած պիտի ըլլայ թանգարանի մշակած նոր [...]

ԵՐԵՒԱՆ, «Ազատութիւն».- ՀՀ պաշտպանութեան նախարար Սէյրան Օհանեան Յունուար 31ին կայացած զրոյցին ժամանակ՝ անդրադառնալով բանակին մէջ քանի մը օր առաջ տեղի ունեցած մահուան դէպքին, նշեց, թէ անիկա տեղի ունեցած է զինուորական ծառայութեան, ինչպէս նաեւ անձնական յարաբերութիւններու խախտման հետեւանքով:
«Դիրքում կանգնած զինուորները եւ գետնատնակի մօտ կանգնած զինուորները արթուն հերթապահութիւն են տանում: Այս վերջին դէպքը տեղի է ունեցել զինուորական [...]

ՄՈՍԿՈՒԱ, «Նիուզ».- Ռուսիոյ Լիպերալ-դեմոկրատական (Ազատական-ժողովրդավարական) կուսակցութեան ղեկավար Վլատիմիր Ժիրինովսքի, որ յառաջիկայ նախագահական ընտրութիւններուն պիտի առաջադրէ իր թեկնածութիւնը, ատրպեճանական «ԱՊԱ» գործակալութեան հետ հարցազրոյցին ընթացքին նշած է, թէ Ատրպէյճանն ու Հայաստանը չեն կրնար լուծել ղարաբաղեան հարցը առանց Ռուսիոյ միջնորդութեան: Ժիրինովսքի իր խօսքին մէջ նշած է, թէ եթէ ինքը նախագահ դառնայ, պիտի առաջարկէ, որ Ատրպէյճան եւ Հայաստանը մտնեն [...]

ԵՐԵՒԱՆ, «Նիուզ».- ՀՅԴ խմբակցութեան պատգամաւոր Արծուիկ Մինասեան յայտնած է, որ  ՀՅԴի նախընտրական յանձնախումբը պիտի ղեկավարէ Ազգային ժողովի պատգամաւոր, ՀՅԴ խմբակցութեան անդամ Միքայէլ Մանուկեանը։ Ան դիտել տուած է, որ ընտրական ցանկի կազմութեան հարցը տակաւին չէ քննարկուած եւ յստակ չէ, թէ որո՞նք պիտի գլխաւորեն զայն։
Յիշեցնենք, որ Հայաստանի Հանրապետական կուսակցութեան նախընտրական յանձնախումբը պիտի ղեկավարէ Յովիկ Աբրահամեանը, իսկ «Բարգաւաճ [...]

ՄՈՍԿՈՒԱ.- Ռուսական «Ռեկնում» լրատու գործակալութիւնը կը հաղորդէ, որ Ատրպէյճանի խորհրդարանի նախագահ Օքթայ Ասատով Չորեքշաբթի, Փետրուար 1ին յայտարարած է, թէ Ատրպէյճան Ֆրանսան Լեռնային Ղարաբաղի հակամարտութեան կարգաւորման հոլովոյթէն հեռացնելու համար իրաւական ո՛չ մէկ հիմք կամ միջոց ունի:
Ըստ լրատու գործակալութեան, Ատրպէյճանի խորհրդարանին մէջ տեղի ունեցած նիստին ընթացքին, պատգամաւորներէն մէկը առաջարկած է Ֆրանսան ԵԱՀԿի Մինսկի խմբակի համանախագահներու շարքէն հեռացնել։ [...]

ՍՏԵՓԱՆԱԿԵՐՏ, «Ազգ».– Իր պաշտօնավարման հարիւր օրուան վերաբերող մամլոյ ասուլիսի ընթացքին՝ Փետրուար 1ին, Ստեփանակերտի քաղաքապետ Սուրէն Գրիգորեան յայտնած է, թէ ինք համամիտ չէ այն տարեթիւին, ըստ որուն, պաշտօնապէս կը նշուի Լեռնային Ղարաբաղի մայրաքաղաքին տարիքը: Անոր համաձայն, 1923ին քաղաքը վերանուանուած է Ստեփան Շահումեանի անունով, իսկ մինչ այդ, Վաչագան Բարեպաշտ թագաւորի ժամանակներէն ի վեր,  բնակավայրը կը կոչուէր Վարարակն: [...]

ԵՐԵՒԱՆ, «Փանորամա».- Հայաստանի մշակոյթի նախարարութեան աջակցութեամբ, բեմադրիչ  Գուժ Թադեւոսեանի յաւերժական ազատութեան նուիրուած «Մարգար Պապը» ժապաւէնը ներկայացած է Յունուար 16-18 Մինսկի մէջ կայացած «Սինեմա Փերփեթիում մոպայլ»  միջազգային փառատօնին եւ վկայականի արժանացած:
Փառատօնին մասնակցած են 35 երկրի 150 երիտասարդ բեմադրիչներ, ցուցադրուած է 180 ժապաւէն։ «Մարգար Պապը» ժապաւէնի անդրանիկ ցուցադրութենէն ետք փառատօնի դատական կազմի անդամ, «Պելոռուս վիտէօ կեդրոն»ի տնօրէն [...]

ԵՐԵՒԱՆ, «Փանորամա».- Հայաստանի տնտեսական նախարար Տիգրան Դաւթեան նախարարութեան նիստերու դահլիճին մէջ Փետրուար 1ին հանդիպում ունեցած է Հայաստանի մէջ գործող միջազգային նուիրատու կազմակերպութիւններուն հետ, ինչպէս՝ ՄԱԶԾի, ԱՄՀի, ԱՄՆ ՄԶԳի, ԵԱՀԿի, ՎԶԵԲի, ՄԱԿի եւ այլոց՝ նպատակ ունենալով քննարկել անոնց մասնակցութեան եւ աջակցութեան կարելիութիւնը Հայաստանի արտադրութիւններու արտածման վերաբերեալ արդիւնաբերական քաղաքականութեան ռազմավարութեան որդեգրման եւ գործադրութեան աշխատանքներուն:
Տ. Դաւթեան մասնակիցներուն ներկայացուցած [...]

ԵՐԵՒԱՆ.– Յունուար 31ին մահացած է հանրածանօթ աղբիւրագէտ, գրականագէտ, վաստակաւոր լրագրող, հասարակական-քաղաքական գործիչ,  Հայաստանի դեմոկրատական կուսակցութեան հիմնադիր անդամ Գրիգոր Գոյումջեան: Սփիւռքահայ մամուլի պատմութեան գիտակ Գ. Գոյումջեան 90ական թուականներէն աշխատած է Երեւանի Պետական համալսարանի ժուռնալիսթիքայի բաժանմունքին մէջ:
Փետրուար 1ին Հայաստանի Ազգային գրադարանին մէջ տեղի ունեցած է յիշատակի հաւաք:

ԳԻՒՄՐԻ, «Երկիր».- Գիւմրիի մանկավարժական ուսումնարանի մանկավարժութեան բաժանմունքի տնօրէն, Մարմարաշէն գիւղի բնակիչ Արտաշէս Մկոյեանը ազատ արձակուած է: Հայաստանի ոստիկանութեան հասարակութեան հետ կապերու վարչութեան փոխանցած տեղեկութիւններուն համաձայն, զայն ազատ արձակած են՝ բանտարկութիւնը տունէն չհեռանալու պայմանով փոխարինելով։
Յիշեցնենք, որ իրաւապահները կը կասկածէին, թէ փիլիսոփայութեան դոկտորը ուսանողի հետ գործարքի մէջ մտնելով՝ քննութիւններն ու համապատասխան նիշերը տալու համար պահանջած եւ ստացած [...]

ԵՐԵՒԱՆ, «Երկիր».- Սեռական բռնութեան ճգնաժամային կեդրոնի խորհրդատու Սիրանոյշ Դաւթեան Յունուար 31ին յայտնեց, թէ ընտանիքներուն  մէջ բռնութիւններու ենթարկուող երեք կիներէն մէկը նաեւ սեռային բռնութեան կ՛ենթարկուի։
Անոր համաձայն, 2010ին կեդրոնի «թէժ գիծ»ի հեռաձայններուն 15 տոկոսը, իսկ 2011ի հեռաձայններուն 12 տոկոսը վերաբերած են սեռային բռնութիւններուն:
Սիրանոյշ Դաւթեանի համաձայն, Հայաստանի մէջ կիներուն նկատմամբ բռնութիւնները այն նիւթերէն է, որոնց վրայ բանադրանք կայ, [...]

ԵՐԵՒԱՆ, «Նիուզ».- Հայաստանի նախագահ Սերժ Սարգսեան Յունուար 31ին ընդունած է Եւրոպական միութեան Հարաւային Կովկասի եւ Վրաստանի ճգնաժամի հարցերով յատուկ ներկայացուցիչ Ֆիլիփ Լեֆորը, որուն հետ քննարկած է Հայաստան-ԵՄ յարաբերութիւններուն եւ համագործակցութեան զարգացման վերաբերող հարցեր:
Հանդիպման ընթացքին կողմերը անդրադարձած են նաեւ Լեռնային Ղարաբաղի հիմնախնդիրի կարգաւորման գործընթացի վերջին զարգացումներուն եւ տարածաշրջանային խնդիրներուն:
Ներկայացնելով ԵՄ դիրքորոշումը՝ Ֆիլիփ Լեֆոր ընդգծած է, որ [...]

ԵՐԵՒԱՆ, «Նիուզ».- Երեւանի Կեդրոն եւ Նորք-Մարաշ վարչական շրջաններու ընդհանուր իրաւասութեան դատարանի աշխատակազմի ղեկավար Արմէն Ասլանեան Յունուար 31ին կայացած հանդիպման մը ընթացքին յայտնեց, թէ Հայաստանի Ոստիկանութեան քրէական հետախուզութեան գլխաւոր վարչութեան նախկին պետ, զօրավար-հրամանատար Յովհաննէս Թամամեանի հարցով դատական նիստը նշանակուած է Փետրուար 17ին:
Յիշեցնենք, որ  դատարանը Յունուար 20ին քննած է ՀՔԾ քննիչին միջնորդութիւնը՝ Յովհաննէս Թամամեանի կալանքը երկու ամիսով [...]

ԵՐԵՒԱՆ, «Արմէնիանաու».- Ամփոփելով 2011ի ընթացքին Հայաստանի մէջ խօսքի ազատութեան եւ լրագրողներու ու զանգուածային լրատուամիջոցներու (ԶԼՄ) իրաւունքներու վիճակին մասին կոմիտէի տարեկան զեկուցումը, Խօսքի ազատութեան պաշտպանութեան կոմիտէի (ԽԱՊԿ) նախագահ Աշոտ Մելիքեան Յունուար 31ին լրագրողներու հետ հանդիպման ժամանակ յայտնեց, թէ 2011ին, 2010ի հետ բaաղդատելով՝ զգալիօրէն նուազած են ֆիզիքական բռնութիւնները ու տեղեկութիւններ ստանալու եւ տարածելու իրաւունքի խախտումները, բայց եւ [...]

ԵՐԵՒԱՆ.– Հայաստանի երիտասարդական հիմնադրամի եւ Երեւանի պետական բժշկական համալսարանի (ԵՊԲՀ) ուսանողական խորհուրդին նախաձեռնութեամբ կը համալրուին ԵՊԲՀ թիւ 1 համալսարանական դարմանատան ութ վիրահատարանները:
Այս մէկը պիտի նպաստէ, որ «Վիրաբուժութիւն» նիւթի գործնական դասերը իրականացուին պատշաճ ձեւով: Հայաստանի երիտասարդական հիմնադրամին աջակցութեամբ վիրահատարաններուն մէջ կը տեղադրուին տեսախցիկներ, որոնք  ուսանողներուն եւ դասախօսներուն կարելիութիւն կու տան հետեւելու վիրահատութեան ընթացքին:  Վիրահատարաններու վերակազմաւորման շնորհիւ [...]

ԵՐԵՒԱՆ, «Երկիր».– ՀՅԴ ներկայացուցիչ Բագրատ Եսայեանի համաձայն, Հայաստանի մէջ կաշառակերութիւնը յաղթահարելու համար նախ պէտք է քաղաքական կամք ունենալ, ապա օրէնսդրական փոփոխութիւններ կատարել, եւ երրորդ՝ հասարակութիւնը պէտք է աշխոյժ ներգրաւուածութիւն ունենայ այդ գործընթացին:
«Առնուազն երկրորդի եւ երրորդի առումով որոշ քայլեր, կարծես, արւում են, բայց վստահեցնում եմ, որ դրանք մեծ մասամբ ձեւական են: Եւ առաջին, ամենակարեւոր կոմպոնենտը (բաղադրիչը [...]

ԵՐԵՒԱՆ, «Այսօր».- Հայաստանի աշխատանքի եւ հասարակական հարցերու նախարար Արթուր Գրիգորեան Յունուար 31ին ներկայացուց 2012ի նախարարութեան հիմնախնդիրները, որոնք են՝ կենսաթոշակային համակարգին մէջ գործող ենթակառուցուածքներու ներդրում, հասարակական ծառայութիւններու տրամադրման համակարգին մէջ իրաւական, ճարտարագիտական, տնտեսական հիմքերու ստեղծում եւ Հայաստանի մէջ երեխաներու իրաւունքներու պաշտպանութեան ազգային ծրագիրի մշակում:
Նախարարը նշեց, որ կենսաթոշակային նոր համակարգին մէջ թոշակառուներու բոլոր տուեալները արձանագրելէ ետք որոշում [...]

ԵՐԵՒԱՆ, «Արմէնփրէս».-  Արցախի նախագահ Բակօ Սահակեան Յունուար 31ին աշխատանքային խորհրդակցութիւն ունեցած է հանրապետութեան ուժային կառոյցներու ղեկավարներուն հետ: Քննարկուած են 2011ին կառոյցներուն տարած աշխատանքները եւ 2012ի ծրագիրները:
Նախագահը յստակ յանձնարարականներ տուած է համապատասխան ոլորտներուն մէջ աշխատանքներու պատշաճ իրականացման ուղղութեամբ:

ԵՐԵՒԱՆ, «Նովոսթի-Արմէնիա».- Հայ նկարիչ, Կինեսի մրցանիշներու գիրքին մէջ տեղ գրաւած Էդուարդ Տէր Ղազարեանի բացառիկ մանրանկարները Յունուար 30ին  ներկայացուած են դպրոցականներուն նուիրուած միօրեայ ցուցահանդէսին ընթացքին: Աշխատանքներու շարքին կարելի է նշել «85 աշխատող փիղեր մարդու մազի մէջ»ը, «Տէյվիտ Քափըրֆիլտը զուգափայտի վրայ»ն, «Չարլի Չափլին»ը, «Քարէ ծաղիկներ»ը:
Հեղինակին համաձայն, ցուցահանդէսին ներկայացուած աշխատանքները կատարուած են յատկապէս մարդու մազի վրայ եւ ասեղի [...]

ԵՐԵՒԱՆ,- Վարչապետ Տիգրան Սարգսեանի նախագահութեամբ Յունուար 30ին կառավարութեան կեդրոնին մէջ տեղի ունեցած է խորհրդակցութիւն՝ Հայաստանի եւ Եւրոպական Միութեան միջեւ համապարփակ ազատ առեւտուրի համաձայնագիրի (DCFTA) առնչութեամբ բանակցութիւններու սկսիլը ապահովելու նպատակով՝ համապատասխան պարտաւորութիւններ կատարելու վերաբերեալ։ «Այս խորհրդակցութեան նպատակն է քննարկել Եւրոմիութեան նկատմամբ մեր ստանձնած պարտաւորութիւնների կատարման ընթացքը: Մենք նաեւ նախապատրաստում ենք Հանրապետութեան նախագահի այցելութիւնը Պրիւքսէլ, որի ժամանակ [...]

ԵՐԵՒԱՆ, «Արմէնիանաու».- Վրաստանի տարածքին գտնուող պատմական յուշարձանները միշտ ալ ոչնչացման վտանգին դէմ յանդիման կը գտնուին, նշեց յուշարձանագէտ Սամուէլ Կարապետեան 30 Յունուարին կայացած մամլոյ ասուլիսին ընթացքին։ Ան համոզում յայտնեց այն մասին, որ միայն Հայաստանի իշխանութիւններուն պահանջատիրութիւնը կրնայ նպաստել, որ Վրաստանի իշխանութիւնները կատարեն իրենց խոստումները ու վերանորոգեն յուշարձանները։
Թիֆլիսի Ս. Նշան եկեղեցւոյ մէջ Յունուար 9ին պատահած հրդեհը մարելուն [...]

ԵՐԵՒԱՆ, «Արմէնփրէս».- «Կարին» աւանդական երգ ու պարի խումբը Փետրուար 2ին «Արամ Խաչատրեան» սրահին մէջ հանդէս պիտի գայ նոր համերգով, որ պիտի կրէ «Դարձ յարմատս» (Վերադարձ դէպի արմատներ) խորագիրը: Համերգին ընթացքին պիտի ներկայացուին վերջին տարիներուն ընթացքին խումբին կատարած ուսումնասիրութիւններուն արդիւնքները:
Խումբի գեղարուեստական ղեկավար Գագիկ Գինոսեան նշեց, որ ուսումնասիրութիւնները իրականացուած են Հայաստանի մէջ Միացեալ Նահանգներու դեսպաններու մշակութային արժէքներու [...]

ԵՐԵՒԱՆ, «Առաւօտ».- Հայաստանի Հանրապետական կուսակցութեան պատգամաւոր Արտակ Զաքարեան չուզեց յստակօրէն պատասխանել այն հարցումին, որ կը վերաբերի Հայաստանի նախագահ Սերժ Սարգսեանի եղբօրը՝ Սաշիկ Սարգսեանի, ընտրութիւններուն մասնակցութեան։ Մամուլին մէջ շրջան կ՛ընեն լուրեր այն մասին, թէ նախագահը չ՛ուզեր եւ թոյլ պիտի չտայ, որ եղբայրը նման քայլ առնէ։  Զաքարեանի համաձայն, մամուլը երբեմն կը գրէ այնպիսի բաներ, զորս պէտք չէ [...]

ԵՐԵՒԱՆ, «Նիուզ».- Տաւուշի մարզի Ակնաղբիւր համայնքի գիւղապետ Կարէն Դօլմազեան նշեց, որ  Երկուշաբթի օր սպաննուած զինուորը՝ Փայլակ Շահնազարեան, ընտանիքի միակ որդին է: Ան նաեւ նշեց, որ նոյն զօրամասի զինուորական ծառայող Խաչատուր Սարգսեան ակռայի մածուկ լեցուցած է քնացած Շահնազարեանի դէմքին, եւ վերջինս  արթննալով հայհոյած է անոր։ Սարգսեան կրակած է Փայլակ Շահնազարեանի վրայ եւ սպաննած զայն:
Ըստ տարածուած տեղեկութիւններուն, [...]

ԵՐԵՒԱՆ, «Երկիր».– Երեւանի Կոմիտասի անուան պանթէոնի յուշապատին մէջ Փետրուար 2ին պիտի ամփոփուի արեւմտահայ վաղամեռիկ բանաստեղծ Պետրոս Դուրեանի մասունքը: Արարողութեան համար Պոլսոյ Սկիւտարի հայոց գերեզմանատունէն՝ բանաստեղծի շիրիմէն հող բերուած է: Դուրեանի մասունքը հողին պիտի միախառնուի եւ սափորով ամփոփուի յուշապատին մէջ՝ հոգեհանգստեան յատուկ արարողութեամբ:
Նշենք, որ Հայաստանի մշակոյթի նախարարութեան, Երեւանի քաղաքապետարանի, Հայաստանի արտաքին գործոց նախարարութեան, Հայաստանի գրողներու միութեան, [...]

ԵՐԵՒԱՆ, «Նիուզ».- Հայ Ազգային Կոնգրեսի կեդրոնական գրասենեակի համակարգող Լեւոն Զուրաբեան Յունուար 30ին կայացած մամլոյ ասուլիսի մը ընթացքին յայտարարեց, թէ  վերջին շաբաթներուն շատ լուրջ եւ բուռն քննարկումներ տեղի ունեցած են յառաջիկայ ընտրութիւններուն ՀԱԿի ռազմավարութեան վերաբերեալ: «Քննարկումները բուռն էին, կային տարբեր մօտեցումներ, բայց Կոնգրեսն ապացուցեց, որ որքան էլ տարակարծութիւններ լինեն, մենք գալիս ենք կոնսենսուսի (համաձայնութեան–Խմբ.): 18 կուսակցութիւններն [...]

ԵՐԵՒԱՆ, «Թերթ».- Արեան քաղցկեղով հիւանդ եւ այս պահուն բուժում ստացող 27 երեխաներէն իւրաքանչիւրը պիտի ստանայ 2000 ԱՄՆ տոլար: Գումարը երեխաներուն պիտի տրամադրէ «Տաշիր» բարեգործական հիմնադրամը՝ «Օգնեմ» հիմնադրամի միջոցով:
«Օգնեմ» հիմնադրամի հոգաբարձուներու խորհուրդի նախագահ, երգահան Էդգար Կեանճումեանի խօսքերով, գումարը պէտք է ծախսուի երեխաներուն անհրաժեշտ դեղորայքի ձեռքբերման եւ հետազօտութեան համար:
27 երեխաներուն մէջ ընդգրկուած են նորածիններէն մինչեւ 17 տարեկաններ:

ԵՐԵՒԱՆ, «Թերթ».-  Ուսանողէն 150 հազար դրամ կաշառք պահանջելու եւ զայն ստանալու պահուն՝ Յունուար 29ին, ոստիկանութեան կազմակերպուած յանցագործութեան դէմ պայքարի գլխաւոր՝ 6րդ վարչութեան աշխատակիցները ձերբակալած են Գիւմրիի Միքայէլ Նալպանտեանի անուան մանկավարժական համալսարանի մանկավարժական բաժանմունքի դեկան Արտաշէս Մկոյեանը:
Կատարուած հետաքննութեան իբրեւ արդիւնք պարզուած է, որ Արտաշէս Մկոյեան 150,000 դրամ կաշառքը առած է ուսանողէն, առանց քննութիւններուն մասնակցելու՝ անոր դրական [...]

ԵՐԵՒԱՆ, «Նիուզ».- Մահացած է Երեւանի պատանի հանդիսատեսի պետական թատրոնի հնագոյն դերասաններէն մէկը՝ Հանրապետութեան վաստակաւոր արուեստագէտ Ռազմիկ Ամիրգուլեան:
Այս մասին Հայաստանի թատերական գործիչներու միութեան տարածած հաղորդագրութեան մէջ կը նշուի, թէ տոհմիկ երեւանցի Ռազմիկ Ամիրգուլեան ծնած էր 1929ին, եւ իր թատրոնէն մեծ էր ընդամէնը եօթը ամիս: 1958էն, դեռ ուսանող, Ռազմիկ Ամիրգուլեան կ՛անդամագրուի պատանի հանդիսատեսի թատրոնի ստեղծագործական անձնակազմին, որուն [...]

ԵՐԵՒԱՆ, «Նիուզ».- Հայաստանի մէջ Բրիտանիոյ դեսպան Քեթրին Լիչ Յունուար 30ին կայացած մամլոյ ասուլիսի մը ընթացքին յայտնեց, թէ նախորդ դեսպանը այնքան լաւ աշխատած է, որ այժմ նշանակուած են երկու հոգի։
Յիշեցնենք, որ Հայաստանի մէջ իր դիւանագիտական առաքելութեան աւարտին Բրիտանիոյ դեսպան Չարլզ Լոնտստէյլ խոստովանած է, որ իր քառամեայ գործունէութեան կարեւորագոյն ձեռքբերումը իր ամուսնութիւնն էր:
Չարլզ Լոնտստէյլի յաջորդներն են Ճոնաթան [...]

ԿՈՏԱՅՔ, «Երկիր».- Հայաստանի ոստիկանութեան Կոտայքի մարզի քննչական բաժանմունք իբրեւ վկայ հրաւիրուած Աբովեան քաղաքի բնակիչ Արմէն Արսէնեան քննիչ Սօս Սեդրակեանի հետ կայացած ամբողջ զրոյցը արձանագրած է. քննիչը բացայայտած է վկային կատարածը եւ նուաստացուցած ու վիրաւորած է քաղաքացին, նոյնիսկ քրէադատավարական կարգ մը սկզբունքներ խախտելով։
Քաղաքացին իր իրաւունքներու խախտման բողոքով դիմած է Մարդու իրաւունքներու պաշտպանի գրասենեակ, որ ծառայողական քննութիւն [...]

ԵՐԵՒԱՆ, «Նովոսթի-Արմէնիա».- Հայաստանի արտաքին գործոց նախարար Էդուարդ Նալբանդեան Յունուար 30ին ընդունեց ԵԱՀԿ երեւանեան գրասենեակի նորանշանակ ղեկավար Անտրէ Սորոգինը։ Ողջունելով հիւրը, նախարարը շնորհաւորեց զայն պատասխանատու պաշտօնը ստանձնելուն համար եւ յոյս յայտնեց, որ դեսպան Սորոգինի գլխաւորութեամբ ԵԱՀԿ գրասենեակը պիտի շարունակէ իր ծրագիրներուն իրականացումը։
Նախարար Նալբանդեան գոհունակութիւն յայտնեց ԵԱՀԿ երեւանեան գրասենեակին տասնամեայ արդիւնաւէտ գործունէութեան առնչութեամբ եւ վստահեցուց, որ նախարարութիւնը [...]

ԵՐԵՒԱՆ, «Փանորամա».- Հայաստանի բնապահպանութեան նախարար Արամ Յարութիւնեան Յունուար 30ի նշեց, թէ Սեւանայ լիճի բնապահպանական համակարգի վերականգնումը նախարարութեան հիմնական ծրագիրներէն մէկն է։ «2012ին նախատեսւում է 125.4 միլիոն դրամ պիւտժէտային ֆինանսաւորման շրջանակում շուրջ 200 հա անտառածածկ տարածքների մաքրման աշխատանքներ իրականացնել՝ լճի ջրի մակարդակի բարձրացման հետեւանքով ջրածածկման ենթակայ տարածքներում», ըսաւ նախարարը։
Բացի այդ, 60 միլիոն դրամ պիտի յատկացուի Սեւանայ [...]

ԵՐԵՒԱՆ, «Այսօր».- Հայաստանի բնապահպանութեան նախարար Արամ Յարութիւնեան Յունուար 30ին յայտարարեց, որ Նուբարաշէնի թունաւոր նիւթերու գերեզմանոցը այս տարի պիտի վերանայ՝ կա՛մ ոչնչացուելով, կա՛մ տեղափոխուելով երրորդ երկիր:

ԵՐԵՒԱՆ, «Թերթ».- «Սայաթ-Նովա» աշուղական երգչախումբի գեղարուեստական ղեկավար Թովմաս Պօղոսեան, Երկուշաբթի, 30 Յունուարին, մամլոյ ասուլիսին եկած էր միջնադարի յայտնի նկարիչ, տաղերգու, երգիչ եւ աշուղ Նաղարշ Յովնաթանի դիմանկարով, որովհետեւ առիթը վերջինին ծննդեան 350 ամեակին նուիրուած ձեռնարկներուն կը վերաբերէր։ Ասուլիսին ընթացքին յատուկ կերպով անդրադարձ կատարուեցաւ վաղը կայանալիք աշուղական խումբին համերգին՝ նոյն առիթին նուիրուած։
Թովմաս Պօղոսեան նշեց. «Մեզի հասած է [...]

ԵՐԵՒԱՆ,– Հայաստանի Զինուած ուժերու 20ամեակին առիթով զինուած ուժերու «Ք.» զօրամասի զինուորական ծառայող, քսանապետ Ռուբիկ Միքայէլեան Յոaւնուար 28ին արձանագրած է արտակորման (sit up) նոր ցուցանիշ՝ շրջանցելով նախորդ տարուան Սեպտեմբեր 21ին կատարած նոյն վարժութեան սեփական ցուցանիշը: Ան 4 ժամ 35 վայրկեան կատարած է 7550 արտակորում (անցեալ տարի կատարած էր 6500)։ Մրցանիշը ճշդած է Կինեսի մրցանիշներու հայաստանեան գրասենեակի [...]

ՊԵՐԼԻՆ, «Փանորամա».- Ֆրանսայի Ծերակոյտին կողմէ ցեղասպանութիւնը քրէականացնող բանաձեւին ընդունումէն ետք Գերմանիոյ պարբերականները սկսան այս նիւթին մասին տեղեկատուութիւն եւ վերլուծումներ կատարել։ Գերմանիոյ օրէնսդիրներուն արձագանգը նոյնպէս չուշացաւ, աւելին. ֆրանսական Ծերակոյտին կողմէ ցեղասպանութիւնը քրէականացնող բանաձեւին քննարկման նախօրեակին, Գերմանիոյ իշխող Քրիստոնեայ-դեմոկրատական կուսակցութեան պատգամաւոր Էրիքա Շդայնպախ տարածած էր յայտարարութիւն մը, որուն մէջ յատկապէս կը նշուի, թէ 24 Ապրիլ 1915ին, երիտթրքական [...]

ԵՐԵՒԱՆ, «Թերթ».- Արցախեան պատերազմի վաւերագիրները անհանգստացած են, որ այսօր գաղափարական զինուորի կերպարը չկայ, իսկ քարոզչութիւնը կ՛իրականացուի ցուցադրութեամբ, ինչ որ անթոյլատրելի է:
«Արաբօ» ջոկատի ազատամարտիկ, վաւերագիր Ռուբէն Յովհաննիսեան Յունուար 27ին, հայկական բանակի 20ամեակին առիթով լրագրողներու հետ ունեցած հանդիպումին ընթացքին յիշեց, թէ ինչպէս հազիւ պատերազմի վտանգին մասին լուրը առած, կամաւոր անդամագրուեցաւ եւ ստացաւ ոչ միայն զէնք, այլ նաեւ [...]

ՍՏԵՓԱՆԱԿԵՐՏ.– Միջազգային կարմիր խաչի կոմիտէի ներկայացուցիչները, ըստ Ատրպեճանական «ԱՊԱ» գործակալութեան,  Յունուար 26ին այցելած են Լեռնային Ղարաբաղ ինքնակամ գերի յանձնուած ատրպէյճանցի զինուորականին:
Յիշեցնենք, որ Յունուար 23ին, ղարաբաղեան-ատրպեճանական սահմանի հիւսիսարեւելեան հատուածին մէջ (Վերին Չայլուի ուղղութեամբ) Ղարաբաղի պաշտպանութեան բանակի դիրքապահ ուժերուն ինքզինք յանձնած է ատրպեճանական բանակի զինուորական ծառայող, քսանապետ Մամետպակրլու Թալըպօղլի Ախունտզատէն:
Նշենք, որ Ատրպէյճանի գերիներու, պատանդներու եւ անյայտ կորածներու [...]

ԵՐԵՒԱՆ.– Միայն հայաստանեայց եկեղեցւոյ յատուկ Մեծ պահքէն երեք շաբաթ առաջ կը նշուի Առաջաւորաց պահքը, որ սկսաւ Յունուար 30ին։ Անիկա կը պահանջէ խիստ պահեցողութիւն: Հին ատեն այդ պահքին թուլատրուած էր միայն աղ ու հաց ուտել, արգիլուած էր նոյնիսկ Ս. պատարագ մատուցել: Առաջաւորաց Պահքի խորհուրդը մարդկային հինգ զգայարանները հեթանոսական ապականութենէն սրբելն է: Հին ատեն սովորութիւն էր մկրտութենէն [...]

ԵՐԵՒԱՆ, «Երկիր».- Ընտրութիւններուն առնչուող կարգ մը մանրամասնութիւններ ճշդելու եւ պարզաբանումներ կատարելու նպատակով Յունուար 26ի երեկոյեան հանդիպում կայացաւ կառավարութեան մաս կազմող երեք ուժերու ղեկավարներուն միջեւ: Հանդիպման ճամբով Հանրապետականը կը փափաքէր յստակացնել ընտրութիւններուն ժամանակ Օրինաց Երկիր կուսակցութեան հետ աշխատելու մեքենականութիւնը, իսկ Բարգաւաճ Հայաստան կուսակցութեան եւ Հայաստանի Հանրապետական կուսակցութեան պարագային՝ Գագիկ Ծառուկեան համաձայն չէ այն տարբերակին եւ ձայներու [...]

ԵՐԵՒԱՆ, «Արմէնփրէս».- Հայաստանի վարչապետ Տիգրան Սարգսեան Յունուար 27ին  ընդունած է տարածաշրջանային այցելութեամբ Հայաստան ժամանած Միացեալ Նահանգներու պետական քարտուղարի օգնականի տեղակալ Էրիք Ռուպինը: «Մեր համագործակցութիւնը ձեր նախորդ պաշտօնակցի հետ բաւականին արդիւնաւէտ էր, ունէինք անկեղծ եւ բարեկամական երկխօսութիւն: Համոզուած եմ, որ այդ բարի դրացիական յարաբերութիւնները կը շարունակուեն նաեւ յառաջիկայում», ըսած է Տիգրան Սարգսեան: Զրուցակիցները քննարկած են հայ-ամերիկեան [...]

ՍՏԵՓԱՆԱԿԵՐՏ, «Ազատութիւն».- Լեռնային Ղարաբաղի մէջ «Շարժում 88» կուսակցութեան նախագահ Էդուարդ Աղաբեկեանի փոխանցած տեղեկութիւններուն համաձայն, Լեռնային Ղարաբաղի մէջ ընդդիմութիւն կը ձեւաւորուի՝ ի դէմս նոյն կուսակցութեան:
«Ականջալուր լինելով հանրութեան բազում շերտերի բողոքներին, դժգոհութիւններին, որոշել ենք քաղաքականութիւն գալով փորձել համախմբել մեր նման մտածողներին, թէկուզ եւ արտախորհրդարանական քաղաքական ուժի, բնական է, արդէն որպէս ընդդիմութեան»,  ըսաւ Աղաբեկեան։
Ըստ կուսակցութեան նախագահին, 2004ին ընդդիմադիր [...]

ԵՐԵՒԱՆ.- Հայաստանի  Սփիւռքի նախարար Հրանոյշ Յակոբեան հայոց բանակի օրուան առիթով հրապարակած է շնորհաւորական խօսք, որուն մէջ անդրադարձած է Արցախեան ազատագրական պայքարին սփիւռքահայերու մասնակցութեան:
Իր խօսքին մէջ նախարար Յակոբեան ըսած է. «Կ՛ուզեմ իմ շնորհակալական խօսքս ուղղել Սփիւռքէն եկած եւ հայկական բանակին մէջ մարտնչած տղաներուն, որոնք կրցան ձգել իրենց տաքուկ անկիւնը, որոնք իրենց խաղաղ կեանքը փոխարինեցին խրամատներով, որոնք [...]

ԵՐԵՒԱՆ.– Հայաստանի կառավարութեան Յունուար 26ի նիստին որոշուեցաւ գարնան եւ աշնան ընթացքին Հայաստանի մէջ այլեւս չանցնիլ ամառնային եւ ձմեռնային ժամանակացոյցի:
Հայաստանի տնտեսութեան նախարար Տիգրան Դաւթեանի ներկայացուցած նշեալ առաջարկը կը հիմնաւորուէր այն փաստով, որ Հայաստան իր աշխարհագրական դիրքով կը գտնուի GMT + 3 ժամային գօտիին վրայ, եւ ժամերը առաջ եւ ետ տալը կը խախտէ այդ գօտին:
Հաշուի առնելով, որ [...]

ԵՐԵՒԱՆ.– Փետրուարին «Արմէնիա-Մարիո»չ հիւրանոցը իր ճաշարաններուն մէջ  մատուցուած իւրաքանչիւր ճաշէն եւ ընթրիքէն գոյացած գումարէն 500 դրամ պիտի յատկացնէ «ՍՕՍ գիւղերու երիտասարդութիւն» կազմակերպութեան։ Ծրագիրը, որ կը մտնէ «Մարիոթ ինթըրնեշընըլ»ի Եւրոպայի «Դուք կ՛ուտէք, մենք կու տանք» ծրագիրին մէջ, նպատակ ունի խթանել գործազրկութեան դէմ պայքարը:
«Հնարաւորութիւններու աշխարհ» նախաձեռնութեամբ՝ «Մարիո»չ միջազգային հիւրանոցային ցանցի Եւրոպա տարածաշրջանի հիւրանոցները կ՛օժանդակեն երիտասարդ տարիքի խոցելի [...]

ԵՐԵՒԱՆ, «Մեդիամաքս».- Հայ Ազգային Կոնգրեսի առաջնորդ, նախկին նախագահ Լեւոն Տէր Պետրոսեան Յունուար 26ին Երեւանի մէջ հանդիպած է Միացեալ Նահանգներու պետական քարտուղարի փոխտեղակալ Էրիք Ռուպինի հետ։ Անոնք քննարկած են հայ-թրքական հաշտեցման գործընթացին ներկայ վիճակն ու ղարաբաղեան հակամարտութեան կարգաւորման ընթացքը:
«Այնուհետեւ անդրադարձ է եղել Հայաստանի ներքաղաքական իրավիճակին, մասնաւորապէս՝ ընտրութիւնների օրինականութեան եւ թափանցիկութեան ապահովման հնարաւորութիւններին: Կարեւորուել է միջազգային մեծաթիւ  [...]

ԵՐԵՒԱՆ, «Թերթ».-  «Ժողովուրդ» թերթը հրապարակած էր լուր մը, ուր կը նշուի, թէ նախագահ Սերժ Սարգսեանի եղբայրը՝ Լեւոն Սարգսեան, մասնակից եղած է Հայաստանի մէջ իր սնանկութիւնը յայտարարած սփիւռքահայ Էդմոնդ Խուդեանին այս վիճակին մէջ յայտնուելուն: Ըստ Հայաստանի փաստաբաններու պալատի փոխնախագահ Նիքոլա Պաղտասարեանի, այս գործառնութեան մասնակցած են նաեւ Վլատիսլաւ Մանկասարեանն ու Էտիկ Եսայեանը՝ խաբեբայութեամբ իւրացնելով ամերիկահայ գործարար Էդմոնդ [...]

ԵՐԵՒԱՆ, «Արմէնփրէս».- Հայաստանի մէջ բնակող հրեաները Յունուար 27ին Երեւանի մէջ գտնուող Հրեաներու ցեղասպանութեան զոհերու յուշահամալիրին մօտ նշած են Ողջակիզումի զոհերու յիշատակի միջազգային օրը: Հայաստանի մէջ հրէական համայնքի ղեկավար Ռիմա Վարժապետեանի հետ նոյն օրը կայացած զրոյցին ընթացքին վերջինս նշեց, թէ յուշարձանի մօտ ծաղիկներ կը զետեղեն եւ մոմեր կը վառեն՝ յարգելով անմեղ զոհերու յիշատակը: Վարժապետեանի համաձայն, հրէական [...]

ԵՐԵՒԱՆ, «Երկիր».- 1991-1993ին «Երկիր» օրաթերթի գլխաւոր խմբագիրի պաշտօնը վարած Աղուան Վարդանեանի համաձայն, բանաստեղծ, Արցախեան պատերազմի մասնակից Արմէն Դաւթեանի «Նախանձեցէք նրանց, ովքեր կրում են հայրենիքն իրենց կրծքի վրայ որպէս քրքուած փամփշտակալ, որպէս մեռած ընկերների եւ  անմեռ դրօշների առաջ պատուի առնող ինքնաձիգ» խօսքերը կը բնութագրեն Արցախեան պատերազմի ոգին, հայ զինուորին կերպարը, այդ ժամանակուան մթնոլորտը:
Ա. Վարդանեանի համաձայն, Արցախեան [...]

ԵՐԵՒԱՆ, «Թերթ».-  Յովհաննէս Թումանեանի տունը հաւանաբար ձեռք կը ձգէ Բարգաւաճ Հայաստան կուսակցութեան նախագահ, գործարար Գագիկ Ծառուկեան: Այս մասին «Թեր»չը տեղեկացած է հաւաստի աղբիւրներէ:
Անցեալ Հինգշաբթի օր, խորհրդակցութիւն մը տեղի ունեցած էր վարչապետ Տիգրան Սարգսեանի մօտ, որուն ընթացքին հայ մեծանուն գրողի ծոռնուհի Իրմա Սաֆրազբեկեան տեղեկացուցած էր, որ իր մեծ հօր Թիֆլիսի մէջ գտնուող տունը արդէն գնորդ ունի: [...]

ԵՐԵՒԱՆ, «Նիուզ».- Հայաստանի վարչապետ Տիգրան Սարգսեան Յունուար 26ի կառավարութեան նիստին, Հայաստանի ուժանիւթի եւ բնական պաշարներու նախարար Արմէն Մովսիսեանը յանձնարարեց հանդիպիլ Ժառանգութիւն խմբակցութեան պատգամաւորներուն հետ՝ անոնց հետ քննարկելու Քաջարան գիւղին խնդիրը: Նշենք, որ «Ժառանգութիւն»ը նշեալ հարցով նամակ յղած էր կառավարութեան։
Կառավարութեան նիստէն ետք Ժառանգութիւն խմբակցութեան անդամ Անահիտ Բախշեան լրագրողներուն յայտնեց, թէ զարմացած է վարչապետի այդ յանձնարարականով:
Յիշեցնենք, որ  [...]

ԵՐԵՒԱՆ,– «Հայաստան» համահայկական հիմնադրամը ֆրանսահայ համայնքին նիւթական ներդրումով Լեռնային Ղարաբաղի Մարտունիի շրջանի Սօս գիւղին մէջ պիտի կառուցէ մանկապարտէզ, որուն նիւթապէս պիտի աջակցի նաեւ Լեռնային Ղարաբաղի կառավարութիւնը:
Նորակառոյց մանկապարտէզը իր յարկին տակ պիտի ընդունի շուրջ 50 երեխայ:
Երկյարկանի մանկապարտէզի առաջին յարկին վրայ կը նախատեսուի կառուցել  հանդերձարան, ննջարաններ, լուացարան, խոհանոց, իսկ երկրորդ յարկին՝ խաղասենեակներ, հանդիսութեան դահլիճ եւ մարմնամարզութեան սրահ: [...]

ԵՐԵՒԱՆ, «Նիուզ».- Հայաստանի կրթութեան եւ գիտութեան նախարար Արմէն Աշոտեան Յունուար 26ին ընդունած է Հայաստանի մէջ Չինաստանի դեսպան Թիան Չան Չունը, որուն հետ զրոյցին ընթացքին նշած է, թէ կրթութեան ոլորտին մէջ երկու երկիրներուն համագործակցութիւնը կը զիջի անոնց միջեւ արդէն իսկ ձեւաւորուած տնտեսական եւ  քաղաքական յարաբերութիւններու մակարդակին: «Մեր կրթական համակարգին համար գրաւիչ է ինչպէս Չինաստանի զարգացման այսօրուայ [...]

Կիրակի, Դեկտեմբեր 18, 2011 թուականը պիտի մնայ փառաւոր էջ մը Քրեսենթա հովիտի Հայց. Առաքելական եկեղեցւոյ յուշամատեանին մէջ: Եկեղեցւոյս դաստիարակչական յանձնախումբը գեղեցիկ գաղափարը յղացած էր 2011ի իր դասախօսական շարքի վերջին ձեռնարկը նուիրելու իրաքահայ գաղութին, ու յատուկ պատուոգիրերով պարգեւատրելու իրաքահայ Ազգային կեդրոնական վարչութեան նախկին անդամները, որոնք բնակութիւն հաստատած են Միացեալ Նահանգներու մէջ, ինչպէս նաեւ հանգուցեալ անդամները, որոնց [...]

ԵՐԵՒԱՆ, «Այսօր».- «Արբես» Առողջութեան կեդրոնին մէջ Յունուար 26ին «Օրանժ» հիմնադրամը եւ «Արաբկիր» Միացեալ մանկական բարեգործական հիմնադրամը ամփոփեցին նախորդ տարուան ընթացքին իրականացուած բարեգործական ծրագիրին արդիւնքները, որուն նպատակն էր աջակցութիւն ցուցաբերել օթիզմէ տառապող երեխաներուն ու  անոնց ծնողներուն:
Ծրագիրին համաձայն, հիմնադրամը իրականացուց օթիզմի կանուխ յայտնաբերման եւ միջամտութեան, ինչպէս նաեւ ախտորոշման նոր մեթոտի ներկայացման ու ներդրման (CHAT) փորձի նպատակով դասընթացքներ՝ [...]

ԵՐԵՒԱՆ, «Նիուզ».- Հայաստանի արտաքին գործոց նախարարի տեղակալ Աշոտ Յովակիմեան Յունուար 25ին ընդունած է Հարաւային Կովկասի մէջ հակամարտութիւններու հարցերով ԵԱՀԿ նախագահի (Իրլանտա) յատուկ ներկայացուցիչ, դեսպան Փետրէյք Մերֆին, որ տարածաշրջանային ճանաչողական այցելութեամբ Երեւան կը գտնուէր:
Կողմերը քննարկած են Յատուկ ներկայացուցիչի գործունէութեան նախատեսուող ընթացքը, Լեռնային Ղարաբաղի հիմնախնդիրի կարգաւորման բանակցային գործընթացին առնչուող վերջին զարգացումները, մասնաւորաբար՝ վստահութեան ամրապնդման միտուած քայլերու իրականացման, [...]

ԵՐԵՒԱՆ, «Արմէնիանաու».- Հայ գրականութեամբ խանդավառուողները Յունուար 25ին ներկայացուցին իրենց գրական կայքէջի՝ «Գրանիշ»ի նոր տարբերակը, որ մեծ ճանաչում ունի գրողներու եւ  պարզապէս գրականութեամբ հետաքրքրուողներուն համար։
2011ին ստեղծուած «Գրանիշ» գրական հանդէսը արդէն լոյս ընծայած է երկու թիւ, իւրաքանչիւրը՝ շուրջ 500 տպաքանակով: Առաջինը կը կրէ «Լեզուանի» անուանումը, քանի որ այնտեղ ներառուած են ինչպէս արդի հայերէնով ստեղծագործող, այնպէս ալ այնպիսի [...]

ԵՐԵՒԱՆ, «Թեր»չ.- Թեղուտի հանքավայրի շահագործման պատճառով արդէն վնասուած են շարք մը պատմամշակութային յուշարձաններ։
Այս գծով ահազանգ հնչեցուց Թեղուտի հնագիտական արշաւախումբի ղեկավար, պատմական գիտութիւններու թեկնածու Սուրէն Հոպոսեան եւ Թռչկան քաղաքացիական նախաձեռնութեան խումբի անդամ, բնապահպան Ապրես Զոհրապեան:
Անոնց համաձայն, վնասուած պատմամշակութային յուշարձաններէն է Դուքանաձորի տարածքին յայտնաբերուած միջնադարեան ձուլարանը, որմէ պահպանուած է շատ քիչ բան. Սուրէն Հոպոսեան նշեց, որ պահպանուած [...]

ԵՐԵՒԱՆ, «Թեր»չ.- Թեղուտի հանքավայրի շահագործման պատճառով արդէն վնասուած են շարք մը պատմամշակութային յուշարձաններ։
Այս գծով ահազանգ հնչեցուց Թեղուտի հնագիտական արշաւախումբի ղեկավար, պատմական գիտութիւններու թեկնածու Սուրէն Հոպոսեան եւ Թռչկան քաղաքացիական նախաձեռնութեան խումբի անդամ, բնապահպան Ապրես Զոհրապեան:
Անոնց համաձայն, վնասուած պատմամշակութային յուշարձաններէն է Դուքանաձորի տարածքին յայտնաբերուած միջնադարեան ձուլարանը, որմէ պահպանուած է շատ քիչ բան. Սուրէն Հոպոսեան նշեց, որ պահպանուած [...]

ԵՐԵՒԱՆ, «Արմէնփրէս».- Երեւանի քաղաքապետարանի զբօսաշրջութեան զարգացման ծրագիրներու բաժանմունքի պատասխանատուները Յունուար 26ին յայտնեցին, թէ 21 Սեպտեմբեր 2011էն մինչեւ այս տարուան Յունուար 15, «Երեւան Սիթի Թուր» զբօսաշրջային պտոյտներէն օգտուած է աւելի քան 4700 այցելու, իսկ Նոր տարուան ձեռնարկներէն օգտուած է աւելի քան 1400 մասնակից:
Տարածաշրջանին մէջ իր բնոյթով եզակի եղող «Երեւան Սիթի Թուր» օգտագործողները առաջին հերթին զբօսաշրջիկներն են, [...]