Գլխաւոր Լուրեր articles

Անգարա Հայկական Սփիւռքին Հետ Կապեր Հաստատելու Հրահանգ Կու Տայ

Թրքական լրատուամիջոցներ կը հաղորդեն, որ Թուրքիոյ արտաքին գործոց նախարար Ահմետ Տաւութօղլու Ուաշինկթընի մէջ Թուրքիոյ դեսպանատան կազմակերպած ընդունելութեան մը ընթացքին կտրուկ հրահանգներ տուած է Հիւսիսային Ամերիկայի երկիրներուն մէջ հաւատարմագրուած թուրք դեսպաններուն եւ գլխաւոր հիւպատոսներուն, որ ուղիղ երկխօսութեան սկսին հայկական Սփիւռքի ներկայացուցիչներու հետ։

Հայկական Ցեղասպանութեան Ոգեկոչման Շաբաթ Քալիֆորնիոյ Մէջ

Քալիֆորնիոյ նահանգապետ Առնոլտ Շուարցնեկըրի գրասենեակը կը տեղեկացնէ, թէ նահանգապետը յատուկ հռչակագիրով մը որոշած է Ապրիլ 19-26 օրերը յայտարարած է Հայկական Ցեղասպանութեան Ոգեկոչման շաբաթ:

Գերմանացի Հեղինակ Կրասը Պոլսոյ Մէջ Հայերէն Ներողուիթիւն Խնդրելու Կոչ Ըրաւ Թուրքիոյ

Նոպելեան գրականութեան մրցանակի արժանացած գերմանացի նշանաւոր հեղինակ Կիւնթեր Կրաս Պոլիս կը գտնուի՝ մասնակցելու համար Թուրքիոյ ու Եւրոպայի գրականութիւններու նուիրուած մշակութային ձեռնարկի մը։ Չորեքշաբթի, Ապրիլ 14ի գիշերը, այս առթիւ ընդունելութիւն մը կազմակերպուած էր Թարապիոյ գերմանական ամարանոցին մէջ։

Թէոդիկի «Յուշարձան Ապրիլի 11ի» Հատորը՝ Հայերէնով Եւ Թրքերէնով

Ռակըպ Զարաքոլուի «Պելկէ» հրատարակչատունը այս շաբաթ հրապարակ հանեց Թէոդիկի ամէնէն նշանաւոր աշխատասիրութիւններէն «Յուշարձան Ապրիլի 11ի» հատորը՝ հայերէն բնագիրին զուգահեռ թրքերէն թարգմանութեամբ։ Այս հատորը, որ նուիրուած է Ցեղասպանութեան զոհուած հայ մտաւորականներու կենսագրութիւններուն ու լուսանկարներուն, վերստին խմբագրուած է Տորա Սաքայեանի կողմէ եւ թարգմանուած է շարք մը թարգմանիչներու միջոցով։ Թէոդիկին այս հատորը առաջին անգամ հայերէնով հրատարակուած էր 1919ին։ Գիրքը անգտանելի գիրքերէն մէկը կը նկատուէր։

Պաքուն Դժգոհ Է Ուաշինկթընէն

Ատրպէյճանի նախագահի աշխատակազմի հասարակական-քաղաքական բաժնի ղեկավար Ալի Հասանով երէկ յայատարարած է, թէ «Պաշտօնական Պաքուն դժգոհ է ԱՄՆի՝ իբրեւ ԵԱՀԿ Մինսկի խումբի համանախագահող երկրի, դիրքորոշումէն»:

ԸՍՏ ԷԴՈՒԱՐԴ ՆԱԼԲԱՆԴԵԱՆԻ Ղարաբաղի Գծով Հայաստան Երբեք Զիջումի Չ՛երթար՝ Կարգաւորելու Համար Թուրքիոյ Հետ Իր Յարաբերութիւնները

Հայաստանի արտաքին գործոց նախարար Էդուարդ Նալբանդեան Ուաշինկթընի մէջ հայ լրագրողներու հետ ունեցած կարճ ասուլիսի մը ընթացքին ներկայացուցած է իր արժեւորումը նախագահ Սարգսեանի՝ ԱՄՆի ղեկավարութեան եւ Թուրքիոյ վարչապետին հետ ունեցած հանդիպումներուն մասին:

Էրտողան Օպամայի Հետ Հանդիպումէն Ետք Իսկ Կը Պնդէ Արցախի Նախապայմանը

Թուրքիոյ վարչապետ Ռեչեփ Թայիփ Էրտողանի ու Միացեալ Նահանգներու նախագահ Պարաք Օպամայի միջեւ հանդիպումը տեղի ունեցաւ Երեքշաբթի, Ապրիլ 13ին, եւ տեւեց մօտաւորապէս 45 վայրկեան։ Թրքական աղբիւրներու համաձայն, այս տեսակցութիւնը անցաւ շատ մտերմիկ ու տաքուկ մթնոլորտի մէջ։

Սարգսեան Կը Հանդիպի Քլինթընին

Հիւլէական ապահովութեան միջազգային գերաստիճանի ծիրին մէջ, Հայաստանի նախագահ Սերժ Սարգսեան Երեքշաբթի, Ապրիլ 13ին հանդիպում ունեցած է Միացեալ Նահանգներու արտաքին գործոց նախարար Հիլըրի Քլինթընի հետ։ Անոնք քննարկած են Հայաստանի եւ Թուրքիոյ յարաբերութիւններու կարգաւորման հեռանկարները։ Միացեալ Նահանգներու արտաքին գործոց նախարարը վերահաստատած է նախագահ Պարաք Օպամայի յորդորը՝ շարունակելու Հայաստանի եւ Թուրքիոյ միջեւ յարաբերութիւններու կարգաւորման գործընթացը, առանց նախապայմաններու։

Ալիեւ Հայաստանի Վրայ Յաւելեալ Ճնշում Կ՛ուզէ

Չորեքշաբթի, Ապրիլ 14ին, Ատրպէյճանի կառավարութեան նիստին տուած ելոյթին ընթացքին, նախագահ Ալիեւ յայտարարեց, թէ Պաքու հաստատ կը մնայ Լեռնային Ղարաբաղի տագնապը միջազգային օրէնքներով լուծելու կեցուածքին վրայ՝ միաժամանակ քննադատելով բանակցութիւնները ձգձգելու փորձերը:

43րդ Ընտրատարածքի Երկու Հայ Թեկնածուները Պարտուեցան

Հայ Դատի Քաղաքական գործի յանձնախումբի անդամներուն մտավախութեան հիմնաւորուած ըլլալը տխուր կերպով փաստուեցաւ Երեքշաբթի օրուան ընտրութիւններուն, երբ 43րդ ընտրատարածքին մէջ հայազգի նախկին ընտրեալ Փօլ Գրիգորեանի թափուր տեղը մէկ այլ հայ գործիչով մը փոխարինելու փորձը ձախողեցաւ: Երկու հայ թեկնածուները միասնաբար հաւաքած էին աւելի շատ քուէ, քան վերաքուէարկութեան ներկայանալու իրաւունք շահող դեմոկրատ եւ հանրապետական ոչ-հայ թեկնածուները:

Top