Գլխաւոր Լուրեր articles

Ըստ Կիրօ Մանոյեանի՝ Հայաստան Պէտք Է Գնահատէ Բանաձեւին Վաւերացումը

Մարտ 5ին կայացած ասուլիսի մը ընթացքին, ՀՅԴ Բիւրոյի Հայ Դատի եւ քաղաքական հարցերու գրասենեակի պատասխանատու Կիրօ Մանոյեան, խօսելով ԱՄՆ Քոնկրեսի Ներկայացուցիչներու տան Արտաքին յարաբերութիւններու յանձնաժողովի ընդունած Հայոց Ցեղասպանութեան վերաբերեալ թիւ 252 բանաձեւին մասին՝ յայտնած է.

Պաքուի Համաձայն՝ Իրան Կրնայ Արցախի Տագնապին Լուծում Բերել

Ուրբաթ, Մարտ 5ին, Ատրպէյճանի նախագահի միջազգային յարաբերութեանց հարցերու պատասխանատու Նովրուզ Մամատով յայտարարեց, թէ Իրան այն երկիրներէն է, որ Հայաստանի նեցուկ կանգնելով՝ կը նպաստէ անոր գոյատեւման, եւ այդ պատճառով կրնայ կարեւոր դերակատարութիւն ունենալ Լեռնային Ղարաբաղի տագնապը լուծելու աշխատանքներուն մէջ, եթէ կամենայ:

Արտաքին Յարաբերութեանց Յանձնախումբը Վաւերացուց Թիւ 252 Բանաձեւը

Հինգշաբթի, Մարտ 4ին, Միացեալ Նահանգներու Ներկայացուցիչներու տան Արտաքին յարաբերութեանց յանձնախումբին մէջ տեղի ունեցած Հայկական Ցեղասպանութեան ճանաչումը պահանջող թիւ 252 բանաձեւին քննարկումը տեւեց գրեթէ վեց ժամ. կարգ մը ընդհատումներէ եւ աւարտին տեղի ունեցած յոյժ հետաքրքրական եւ լարուած պահեր ստեղծած քուէարկութենէն ետք, բանաձեւը վաւերացուեցաւ 22ի դէմ 23 քուէներով:

Ցեղասպանութեան Բանաձեւը Վաւերացնելու Հայկական Միացեալ Կոչ

Հինգշաբթի, Մարտ 4ին, Ներկայացուցիչներու տան Արտաքին յարաբերութիւններու յանձնաժողովին կողմէ քննուած թիւ 252 բանաձեւին վաւերացնելու կոչ ընող նամակ մը յղուեցաւ նոյն յանձնաժողովին՝ քննարկման նախօրեակին: Նամակին տակ ստորագրած էին Միացեալ Նահանգներու տարածքին գործող հայկական գլխաւոր կազմակերպութեանց ու եկեղեցիներու ներկայացուցիչները:

Պաքու Յստակացում Կ՛ակնկալէ Հայաստանէն

Ուրբաթ, Մարտ 5ին, Փարիզի մէջ կայանալիք Ատրպէյճանի արտաքին գործոց նախարար Էլմար Մամետեարովի ու ԵԱՀԿի Մինսկի խմբակի համանախագահներուն միջեւ կայանալիք հանդիպումին մասին «Էյ.Փի.Էյ.» լրատու գործակալութեան հարցումներուն պատասխանելով՝ ատրպէյճանցի նախարարը յայտնեց, թէ յստակացում կ՛ակնկալէ մատրիտեան փոխուած սկզբունքներուն նկատմամբ Հայաստանի դիրքորոշման մասին, պնդելով, թէ Ատրպէյճան արդէն իսկ ընդունած է այդ սկզբունքները՝ որոշ բացառութիւններով:

Լիոնի Մէջ Ցոյց՝ Ջաւախքահայութեան Ի Նպաստ

Չորեքշաբթի, Մարտ 3ի յետմիջօրէին, Ֆրանսայի Լիոն քաղաքի բնակիչ տասնեակ հայեր, անտեսելով ցուրտ եւ անձրեւոտ եղանակը՝ հաւաքուեցան «Եուրոնիուզ» կայանի կեդրոնատեղիին դիմաց, իրենց բողոքը արտայայտելու համար վրացական իշխանութեան կողմէ ջաւախքահայութեան նկատմամբ իրականացող խտրական քաղաքականութեան դէմ:

Օպամա «1915ի Իրադարձութիւններ»ուն Նկատմամբ Դիրքը Չէ Փոխած

Սպիտակ տան Ազգային ապահովութեան խորհուրդի մամլոյ քարտուղար Մայքըլ Համըր, թրքական «Թէ.Ռէ.Թէ.» պատկերասփիւռի կայանին հետ Երեքշաբթի, Մարտ 2ին կայացած հարցազրոյցի մը ընթացքին յայտնած է, որ Միացեալ Նահանգներու իշխանութիւնները կը փափաքին, որ «իրողութիւնները արդարացիօրէն ընդունուին»։

Ամերիկայի Յոյները՝ Թիւ 252 Բանաձեւին ի Նպաստ

Ամերիկայի յունական հիմնարկը Չորեքշաբթի, Մարտ 3ին հրապարակուած հաղորդագրութեամբ մը իր ձայնը միացնելով Միացեալ Նահանգներու հայկական համայնքին, կոչ կ՛ընէ Միացեալ Նահանգներու Քոնկրեսին, որ վաւերացնէ Հայկական Ցեղասպանութեան ճանաչումը պահանջող բանաձեւը, որուն մէկ օրինակը՝ թիւ 252 բանաձեւը, այսօր, Հինգշաբթի, Մարտ 4ին պիտի քննարկուի Ներկայացուցիչներու տան Արտաքին յարաբերութեանց յանձնախումբին մէջ:

Արտաքին Գործոց Նախարարութիւնը Շեշտը Կը Դնէ Արձանագրութեանց Վրայ

Միացեալ Նահանգներու արտաքին գործոց նախարարութեան բանբեր Ֆիլիփ Քրաուլի Չորեքշաբթի, Մարտ 3ին յայտարարած է, որ Միացեալ Նահանգներ կարեւոր կը նկատէ Հայաստանի եւ Թուրքիոյ միջեւ յարաբերութիւններու բնականոնացման գործընթացը եւ կը շարունակէ աջակցիլ այդ երկիրներուն՝ ոչ թէ անցեալին նայելու, այլ յառաջ շարժելու հարցին մէջ։

Ամերիկեան ԸՆկերութիւնները Թուրքիան Չնեղացնելու Կոչ Կ՛ընեն Պըրմընի

Թրքական «Ճիհան» լրատու գործակալութիւնը կը հաղորդէ, որ ամերիկեան օդանաւերու արտադրութեան եւ ռազմական արդիւնաբերութեան գլխաւոր ընկերութիւններու ղեկավարները Հայկական Ցեղասպանութեան վերաբերեալ բանաձեւին առնչութեամբ միացեալ նամակով մը դիմած են Միացեալ Նահանգներու Քոնկրեսի Ներկայացուցիչներու տան Արտաքին յարաբերութեանց յանձնախումբի նախագահ Հաուըրտ Պըրմընի՝ անոր ուշադրութիւնը հրաւիրելով Միացեալ Նահանգներէն դէպի Թուրքիա արտածումներու ծաւալին վրայ։

Top